LUKIN 2
2
Isua Anzir
(Mt 1.18-25)
1Hava lai han Kaisar Augustan han Romin ei vong dora raming anziak ranga ati na. 2Hiva raming anziak mankhit lai hin Kurini ha Suria ram a ruai. 3Mi doran a raming a manziak u na ei omna khopui a.
4Galili rama Nazaret khopui ata Joseph Betlehem khopui Juda ram a asena, reng David ei anzirna. Joseph ei sena asik chu ama ha David akhuka mi. 5Ei anbiakpui sua ei lak rang Mari le raming ankhal rang asena. Ama ha anrai. 6Hatuka Betlehema a om u lai tak a naiha puang. 7A nai mankhita pasal a mazira khual tungna na mun ei man u nok sika puan le atuama serat bu pekna na aman zal.
Berarung le Vanpalaingai
8Hava rama han berarung ngai a om u na rama a riak u chachaka bera ngai a rung ranga. 9Puma vanpalai avan langa, Puma lianna achung u na ava el. Achalaka achi u, 10tenchu vanpalaiin, “Achi u no ro! Thangahui ka hong choi, mitin ranga raisanna nin ti. 11Aviana nikhua hin David a khopuia na sandampu anzir zei Krista Isua! 12Hava ha va mu un na ti: naite puanle anthuam sa bukhenga a zal.”
13Anlaiseka vanpalai sipai rual vanpalai mana le Pathian anpakna la atho u:
14“Ansang khita Pathian anlal rase, Phila
anngoina leng rase ei zot ngai kom!”
15Vanpalai ngai anvana ase sua u berarung ngaiin ati u, “Tho Betlehema se u rei Puman ei na ril ngai va en u rei,” ati u na.
16Anrapa ase u na Mari, Joseph le naite sabukhenga zal ava mu u. 17Berarung ngaiin avamu u na vanpalaiin naite rui imo ei ti ei ril u. 18Berarung ngaiin ei ti ariat dora aboi adong u. 19Marin ariat kiara hava ngai ha, hatuka anthuk sabaka a mandon. 20Pathian anpak chunga berarung ngai akir ret u, ei mu u ei riat u ha vanpalaiin ei ti anga ani.
Isua Raming Anphua
21Ni sari suale a vun at hun ahonga tunga hava han Isua raming aphua u, anzir mana vanpalaiin ei ti anga. #Lev 12.3; Lk 1.31
Biakina Isua Aruai U
22A hun ahonga suak zeia Mari le Joseph anthiangna ranga anbol, Mosi danin ei ti anga. Hasik han Jerusalem a atuang u na Puma matona ava dar ranga. #Lev 12.6-8 23Puma dana ei anziak anga: “Naipasal mansa chu Puma kom ei andar rang.” #Ant 13.2,12 24Vasu rabo mo, pharvali rabo, ham adar len ranga ase u na Puma danin ei nang anga.
25Havalai tak han mikhat a raming Simeon Jerusalema a om Pathian anchi sabak mi Israel ei zokna rang anruang. Ratha Anthiang abila a om. 26Hatuka Pathian phun amu maseng thi no ni tia manriata. 27Rathan aruaia Simeon Biakina ase. Naipang Isua a nu a pan Biakina hong ruai u na danin ei nang anga a tho ranga. 28Simeonin apoma Pathian kom raisanna a mantung.
29“Atun lam chu Puma na chongtin anga,
Na suak phukdaia man se ta ro.
30Na sandamna ka mit le ka mu zei.
31Mi ngai matona nei mansuk;
32Jentail ngai koma nei zot anlang ranga ra-ang, #Isa 42.6; 49.6; 52.10
na mi Israel ngai lianna ranga.”
33Simeon a chong ngai ariata a nu le a pa anlai u. 34Simeonin bor a peka Mari kom ati, “Hiva nai hi Pathianin ei athang keng Israela mi tampa ansiat rang le andam rang. Pathian ata andangna mi tampan ei la dui rang, 35hanuk maruka ei mandon u manlang inti. A malung ana u ngai khendai angei anga na malung um la phor inti.”
36Deari nupang khat a om Hanna, Phanuel a nainupang Asher khuka, achan atar zeia, a ruathar le kum sari bak an om u na, 37atun kum som ariat manli ani zeia. Biakin mathan ngal maka asun azan Pathian a moka, angoia bor azong chachak. 38Havalai tak han ahonga Pathian a manpaka Isua rui Pathianin itikmo Jerusalem mazok ni atia anruang ngai kom arila.
Nazareta Akir
39Joseph le Marin Puma ei nang dan atho sua u na, a kho tiang Galili ram Nazareta akir ret u. #Mt 2.23 40Isua ansona, arata, hianna le abita Pathian borsang um adon.
Isua Biakina
41Kumtin Isua a nu le a pa Jerusalem ase u na Zokna Panta amang ranga. #Ant 12.1-27; Dan 16.1-8 42Isua kum somleianni ani han hava mana anga panta mang ase u na. 43Ha panta ansua le chu in tiang akir ret u na, Isua Jerusalema ei om ha a nu le a pan remak; 44ei iam u chu mipui bila a om ni inti ati na, sun khat kal achoi u na a rual a mal ngai bila a rok u. 45Mu u lai maka Jerusalem tiang a kir ret u na ava rok u. 46Nin thum changnana Biakin a ava tok u. Juda minchu ngai le ansuta achong u a rangai a ankel rua a rakel. 47Ei masang dan ariat ri chu aboi adong u. 48A inko ngaiin um amu u na aboi adong u na, a nun, “Ichangamo hintin nei na tho? Na pa le koi achan nan don nang ana mu rang,” ati na.
49A masanga, “Ichangamo koi nei na rok u rang? Re u mak che mo ka Pa ina ke kei om rang do?” 50Tenchu ei masang ha rethei u mak.
51Hankeng Isua abil u na Nazareta ase ret, a he u a tel. Hava ngai dora a nun a malunga akhum kiar. 52Isua taksa le hianna tiang ansona Pathian le mi mita ating. #1 Sam 2.26; Hnc 3.4
Currently Selected:
LUKIN 2: RANGBSI
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
LUKIN 2
2
Isua Anzir
(Mt 1.18-25)
1Hava lai han Kaisar Augustan han Romin ei vong dora raming anziak ranga ati na. 2Hiva raming anziak mankhit lai hin Kurini ha Suria ram a ruai. 3Mi doran a raming a manziak u na ei omna khopui a.
4Galili rama Nazaret khopui ata Joseph Betlehem khopui Juda ram a asena, reng David ei anzirna. Joseph ei sena asik chu ama ha David akhuka mi. 5Ei anbiakpui sua ei lak rang Mari le raming ankhal rang asena. Ama ha anrai. 6Hatuka Betlehema a om u lai tak a naiha puang. 7A nai mankhita pasal a mazira khual tungna na mun ei man u nok sika puan le atuama serat bu pekna na aman zal.
Berarung le Vanpalaingai
8Hava rama han berarung ngai a om u na rama a riak u chachaka bera ngai a rung ranga. 9Puma vanpalai avan langa, Puma lianna achung u na ava el. Achalaka achi u, 10tenchu vanpalaiin, “Achi u no ro! Thangahui ka hong choi, mitin ranga raisanna nin ti. 11Aviana nikhua hin David a khopuia na sandampu anzir zei Krista Isua! 12Hava ha va mu un na ti: naite puanle anthuam sa bukhenga a zal.”
13Anlaiseka vanpalai sipai rual vanpalai mana le Pathian anpakna la atho u:
14“Ansang khita Pathian anlal rase, Phila
anngoina leng rase ei zot ngai kom!”
15Vanpalai ngai anvana ase sua u berarung ngaiin ati u, “Tho Betlehema se u rei Puman ei na ril ngai va en u rei,” ati u na.
16Anrapa ase u na Mari, Joseph le naite sabukhenga zal ava mu u. 17Berarung ngaiin avamu u na vanpalaiin naite rui imo ei ti ei ril u. 18Berarung ngaiin ei ti ariat dora aboi adong u. 19Marin ariat kiara hava ngai ha, hatuka anthuk sabaka a mandon. 20Pathian anpak chunga berarung ngai akir ret u, ei mu u ei riat u ha vanpalaiin ei ti anga ani.
Isua Raming Anphua
21Ni sari suale a vun at hun ahonga tunga hava han Isua raming aphua u, anzir mana vanpalaiin ei ti anga. #Lev 12.3; Lk 1.31
Biakina Isua Aruai U
22A hun ahonga suak zeia Mari le Joseph anthiangna ranga anbol, Mosi danin ei ti anga. Hasik han Jerusalem a atuang u na Puma matona ava dar ranga. #Lev 12.6-8 23Puma dana ei anziak anga: “Naipasal mansa chu Puma kom ei andar rang.” #Ant 13.2,12 24Vasu rabo mo, pharvali rabo, ham adar len ranga ase u na Puma danin ei nang anga.
25Havalai tak han mikhat a raming Simeon Jerusalema a om Pathian anchi sabak mi Israel ei zokna rang anruang. Ratha Anthiang abila a om. 26Hatuka Pathian phun amu maseng thi no ni tia manriata. 27Rathan aruaia Simeon Biakina ase. Naipang Isua a nu a pan Biakina hong ruai u na danin ei nang anga a tho ranga. 28Simeonin apoma Pathian kom raisanna a mantung.
29“Atun lam chu Puma na chongtin anga,
Na suak phukdaia man se ta ro.
30Na sandamna ka mit le ka mu zei.
31Mi ngai matona nei mansuk;
32Jentail ngai koma nei zot anlang ranga ra-ang, #Isa 42.6; 49.6; 52.10
na mi Israel ngai lianna ranga.”
33Simeon a chong ngai ariata a nu le a pa anlai u. 34Simeonin bor a peka Mari kom ati, “Hiva nai hi Pathianin ei athang keng Israela mi tampa ansiat rang le andam rang. Pathian ata andangna mi tampan ei la dui rang, 35hanuk maruka ei mandon u manlang inti. A malung ana u ngai khendai angei anga na malung um la phor inti.”
36Deari nupang khat a om Hanna, Phanuel a nainupang Asher khuka, achan atar zeia, a ruathar le kum sari bak an om u na, 37atun kum som ariat manli ani zeia. Biakin mathan ngal maka asun azan Pathian a moka, angoia bor azong chachak. 38Havalai tak han ahonga Pathian a manpaka Isua rui Pathianin itikmo Jerusalem mazok ni atia anruang ngai kom arila.
Nazareta Akir
39Joseph le Marin Puma ei nang dan atho sua u na, a kho tiang Galili ram Nazareta akir ret u. #Mt 2.23 40Isua ansona, arata, hianna le abita Pathian borsang um adon.
Isua Biakina
41Kumtin Isua a nu le a pa Jerusalem ase u na Zokna Panta amang ranga. #Ant 12.1-27; Dan 16.1-8 42Isua kum somleianni ani han hava mana anga panta mang ase u na. 43Ha panta ansua le chu in tiang akir ret u na, Isua Jerusalema ei om ha a nu le a pan remak; 44ei iam u chu mipui bila a om ni inti ati na, sun khat kal achoi u na a rual a mal ngai bila a rok u. 45Mu u lai maka Jerusalem tiang a kir ret u na ava rok u. 46Nin thum changnana Biakin a ava tok u. Juda minchu ngai le ansuta achong u a rangai a ankel rua a rakel. 47Ei masang dan ariat ri chu aboi adong u. 48A inko ngaiin um amu u na aboi adong u na, a nun, “Ichangamo hintin nei na tho? Na pa le koi achan nan don nang ana mu rang,” ati na.
49A masanga, “Ichangamo koi nei na rok u rang? Re u mak che mo ka Pa ina ke kei om rang do?” 50Tenchu ei masang ha rethei u mak.
51Hankeng Isua abil u na Nazareta ase ret, a he u a tel. Hava ngai dora a nun a malunga akhum kiar. 52Isua taksa le hianna tiang ansona Pathian le mi mita ating. #1 Sam 2.26; Hnc 3.4
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.