LUKIN 6
6
Sabat Ruia Ankelna
(Mt 12.1-8; Mk 2.23-28)
1Isua ha sabat nikhua bu bila kal a choia. A zolai ngaiin bu arut u na akheta asak u. #Dan 23.25 2Pharisi senkhatin ati u na, “Ichangmo hantin koini danin sabat nikhua ei tho nok rua nei tho u?”
3Isuan amasanga, “La en u mak che mo David le alom ngaiin ancham u na imo ei tho u? #1 Sam 21.1-6 4Pathian ina aluta, Pathian vaipol alaka u asak u hanuk alom ngai apek.Hava ha koini dan nimak chaizung rong keng asak thei.” #Lev 24.9
5Isuan hintin hin a khara: “Miring Sapa hi Sabat Puma,” ati na.
Mi Akut Athi
(Mt 12.9-14; Mk 3.1-6)
6Sabat khat reta Isua Sinagogue a asena mi a manchu. Mi khat akut changtiang athi a oma. 7Dan minchu ngai le Pharisi ngaiin achan aveng u na Isuan Sabat nikhua a mandam mo asia na tho ei ti u na rang. 8Tenchu Isuan a malung vong u ariata, “Anthui tan matona hong ro,” ati na. Hava mi ha anthuia anding. 9Hatuka Isuan amani kom ati pe na arakel u: “Imo koini na danin Sabat nikhuana nei tho rang ei phal? Mi san mo min siat mo? Mi andam mo mi athat mo?” 10Anhoi tuaia a en kiara, hava mi kom ati na, “Na kut hong son ro,” A son a, hatuka akut adam ret. 11Atakasi sabak u na anril u na imo Isua rang alot thei u.
Isuan Zolai Somleianni Athang
(Mt 10.1-4; Mk 3.13-19)
12Havalai tak han Isua muala ava kala bor azong ranga, zan khat pei Pathian kom bor azong ranga. 13Khua hong avar le a zolai ngai a pai somleianni athang hava ngai ha zolai atina aphua. 14Simon, aman Pitor atina ei phua ha, hanuk a naipa Andria, Jakob le Johon, Philip le Bartholomai. 15Mathai le Thoma, Jakob Alphai naipasal hanuk Simon min Zelot ei ti u ha. 16Juda Jakob a naipasal hatuka Juda Iskariot, Isua ansurpu.
Isuan Eimanchu le Eimandam
(Mt 4.23-25)
17Isua a zolai ngai le mual ata ahonga chuma, anzol nana andinga a zolai tampa le Tura khopui tanga mi tampa ahonga. 18Achong anngai le arikhua u ata adam ranga ahong u. Ratha sian ei sur ngai um ahong u na adam u. 19Mi doran aton rang atina atak chung ata ranak asuaka min damna man chachak.
Raisanna le Annguina
(Mt 5.1-12)
20Isuan a zolai ngai a ena ei ti: “Borsang atung ngai chu anriang ngai asik chu Pathian ram chu ata u!
21“Borsang atung ngai chu atuna ancham ngai; asik chu la khop unti! Borsang atung chu atuna achap ngai lanni u na ti!
22“Borsang atung ngai chu min ei mumak ei heng, asiat ei ril, asia na ni ei ti Miring Sapa sika. #1 Pit 4.14 23Havantin ani tik na rai man san ro lam ro. Asik chu anvana na rang ratpak atampa a om zei. Asik chu a chipui u ngai han hantin den deari ngai tak chung ei tho u. #2 Kr 36.16; Kts 7.52
24“Tenchu atuna nangni a nei ngai khomak atung ke na ni u.Asik chu a hui a hekna ngai na mansua u zei.
25“Akhop ngai chu khomak atung ke na ni u; lancham u na ti. Atuna anni ngai chu; la chap u na ti!
26“Min ana manpak ten khomak atung ke na ni u; havantin den han achipui u ngai deari rathol ngai chunga ei tho u.
Anadui Andit
(Mt 5.38-48; 7.12)
27“Ka he anngai ngai kei na ril u ani zei; anadui lungkham mu u ro, anan mumak ngai ranga asa tho u ro. 28Khomak anasam ngai bor pe u ro, anan sinsak ngai borzong pe u ro. 29Min na maikhang a ben ten atei tiang do ret ro; min na puan alum alak ten na kultai um pe ro. 30Ana zong ang pe ro, hatuka nei don min alak tik, zong ret no ro. 31Na ranga tho rase nei ti anga mi rang tho ro. #Mt 7.12
32“Anandit ngai rong na dit u ten, hontinmo borsang nei man u rang? Mi salui ngaiin um andit ngai chu adit u. 33Asa ana tho ngai tak chunga rong asa na thon, hontinmo borsang nei man u rang? Mi salui ngaiin um hava ha atho u! 34Ana thuan thei ngai rong apuk na pek u ten, hontinmo borsang nei man u rang? Mi saluin mi salui ngai kom um apuk apek u, aman ret ranga. 35He e! Na raldui adit u ro asa tho u ro; apuk pe u ro ite aman ret ranga an iam u no ro. Ratpak atampa man u na tia, Pathian Ansangkhit nai ni u na ti. Asik chu ama chu mi salui ngai ranga asa. 36Lungkham don u ro na Pa u lungkham don anga.
Mi Siat Aril
(Mt 7.1-5)
37“Mi siat ril u no ro, Pathianin um na siat ril u no ni, mi dem u no ro, Pathianin um na dem u no ni, mi madual u ro Pathianin um na madual unti. 38Mi rang pe u ro, Pathianin na pe unti, Nei pek u ang taka na pe unti.Anmai adik taka na ke tora hong luang inti. Asik chu nei maina den le maia na pe inti.”
39Isuan hiva ankhina aril pe: “Acho khatin acho maruai thei mak; a maruai ten anin u khura chul unti. #Mt 15.14 40Lekha anchu ngai anchupu ranga lian ngai mak, tenchu lekha anchu ngai dora ei anchu asua u le anchupu u anga ni inti. #Mt 10.24-25; Jn 13.16; 15.20
41“Na parual amit ranok na ena, nang na mita thing aluang en luia? 42Hontinmo na parual a mita ranok kel rong nei ti, nang na mita thing a luang mu luia? Nangni Pathian adui ngai! Na mit ranok kel bak u tanla mi mita ranok asadima muna kel thei u na ti.
Thingkung le Amara
(Mt 7.16-20; 12.33-35)
43“A kung asan mara sia manra ngai mak, hanuk thingkung saluiin a mara sa manra ngai mak. 44A mara ata thing ariat asa. Raling kar ata theipui kham mak che.Raling rang ata gerep ankham ngai mak. #Mt 12.33 45Mi san a malung sung ata asa rasuana. Mi saluiin a malung sung ata asia rasuana. A malunga om tak a murin ati. #Mt 12.34
Amo le Ahian In Sin
(Mt 7.24-27)
46“Ichangmo, ‘Puma, Puma,’ tia nei na pai u tenchu tho ro kei ti nei tho u nok? 47Mi ka koma honga ka he a rangaia atel ten: I ang mo ei ni na manmu u ka ti. 48Ama chu mi lung chunga in a sin chopui anthuka a khuara a phun ang ei ni. Ti a honga liana ha in ha ahong suka tenchu sing mansa maka, asik chu asadima ansin ei ni sik. 49Tenchu ka he riata tel lui chu chokhur abuia in a sin ang, ti honga liana ha in ahong suka anlaiseka achim, achalaka asiat,” ati.
Currently Selected:
LUKIN 6: RANGBSI
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
LUKIN 6
6
Sabat Ruia Ankelna
(Mt 12.1-8; Mk 2.23-28)
1Isua ha sabat nikhua bu bila kal a choia. A zolai ngaiin bu arut u na akheta asak u. #Dan 23.25 2Pharisi senkhatin ati u na, “Ichangmo hantin koini danin sabat nikhua ei tho nok rua nei tho u?”
3Isuan amasanga, “La en u mak che mo David le alom ngaiin ancham u na imo ei tho u? #1 Sam 21.1-6 4Pathian ina aluta, Pathian vaipol alaka u asak u hanuk alom ngai apek.Hava ha koini dan nimak chaizung rong keng asak thei.” #Lev 24.9
5Isuan hintin hin a khara: “Miring Sapa hi Sabat Puma,” ati na.
Mi Akut Athi
(Mt 12.9-14; Mk 3.1-6)
6Sabat khat reta Isua Sinagogue a asena mi a manchu. Mi khat akut changtiang athi a oma. 7Dan minchu ngai le Pharisi ngaiin achan aveng u na Isuan Sabat nikhua a mandam mo asia na tho ei ti u na rang. 8Tenchu Isuan a malung vong u ariata, “Anthui tan matona hong ro,” ati na. Hava mi ha anthuia anding. 9Hatuka Isuan amani kom ati pe na arakel u: “Imo koini na danin Sabat nikhuana nei tho rang ei phal? Mi san mo min siat mo? Mi andam mo mi athat mo?” 10Anhoi tuaia a en kiara, hava mi kom ati na, “Na kut hong son ro,” A son a, hatuka akut adam ret. 11Atakasi sabak u na anril u na imo Isua rang alot thei u.
Isuan Zolai Somleianni Athang
(Mt 10.1-4; Mk 3.13-19)
12Havalai tak han Isua muala ava kala bor azong ranga, zan khat pei Pathian kom bor azong ranga. 13Khua hong avar le a zolai ngai a pai somleianni athang hava ngai ha zolai atina aphua. 14Simon, aman Pitor atina ei phua ha, hanuk a naipa Andria, Jakob le Johon, Philip le Bartholomai. 15Mathai le Thoma, Jakob Alphai naipasal hanuk Simon min Zelot ei ti u ha. 16Juda Jakob a naipasal hatuka Juda Iskariot, Isua ansurpu.
Isuan Eimanchu le Eimandam
(Mt 4.23-25)
17Isua a zolai ngai le mual ata ahonga chuma, anzol nana andinga a zolai tampa le Tura khopui tanga mi tampa ahonga. 18Achong anngai le arikhua u ata adam ranga ahong u. Ratha sian ei sur ngai um ahong u na adam u. 19Mi doran aton rang atina atak chung ata ranak asuaka min damna man chachak.
Raisanna le Annguina
(Mt 5.1-12)
20Isuan a zolai ngai a ena ei ti: “Borsang atung ngai chu anriang ngai asik chu Pathian ram chu ata u!
21“Borsang atung ngai chu atuna ancham ngai; asik chu la khop unti! Borsang atung chu atuna achap ngai lanni u na ti!
22“Borsang atung ngai chu min ei mumak ei heng, asiat ei ril, asia na ni ei ti Miring Sapa sika. #1 Pit 4.14 23Havantin ani tik na rai man san ro lam ro. Asik chu anvana na rang ratpak atampa a om zei. Asik chu a chipui u ngai han hantin den deari ngai tak chung ei tho u. #2 Kr 36.16; Kts 7.52
24“Tenchu atuna nangni a nei ngai khomak atung ke na ni u.Asik chu a hui a hekna ngai na mansua u zei.
25“Akhop ngai chu khomak atung ke na ni u; lancham u na ti. Atuna anni ngai chu; la chap u na ti!
26“Min ana manpak ten khomak atung ke na ni u; havantin den han achipui u ngai deari rathol ngai chunga ei tho u.
Anadui Andit
(Mt 5.38-48; 7.12)
27“Ka he anngai ngai kei na ril u ani zei; anadui lungkham mu u ro, anan mumak ngai ranga asa tho u ro. 28Khomak anasam ngai bor pe u ro, anan sinsak ngai borzong pe u ro. 29Min na maikhang a ben ten atei tiang do ret ro; min na puan alum alak ten na kultai um pe ro. 30Ana zong ang pe ro, hatuka nei don min alak tik, zong ret no ro. 31Na ranga tho rase nei ti anga mi rang tho ro. #Mt 7.12
32“Anandit ngai rong na dit u ten, hontinmo borsang nei man u rang? Mi salui ngaiin um andit ngai chu adit u. 33Asa ana tho ngai tak chunga rong asa na thon, hontinmo borsang nei man u rang? Mi salui ngaiin um hava ha atho u! 34Ana thuan thei ngai rong apuk na pek u ten, hontinmo borsang nei man u rang? Mi saluin mi salui ngai kom um apuk apek u, aman ret ranga. 35He e! Na raldui adit u ro asa tho u ro; apuk pe u ro ite aman ret ranga an iam u no ro. Ratpak atampa man u na tia, Pathian Ansangkhit nai ni u na ti. Asik chu ama chu mi salui ngai ranga asa. 36Lungkham don u ro na Pa u lungkham don anga.
Mi Siat Aril
(Mt 7.1-5)
37“Mi siat ril u no ro, Pathianin um na siat ril u no ni, mi dem u no ro, Pathianin um na dem u no ni, mi madual u ro Pathianin um na madual unti. 38Mi rang pe u ro, Pathianin na pe unti, Nei pek u ang taka na pe unti.Anmai adik taka na ke tora hong luang inti. Asik chu nei maina den le maia na pe inti.”
39Isuan hiva ankhina aril pe: “Acho khatin acho maruai thei mak; a maruai ten anin u khura chul unti. #Mt 15.14 40Lekha anchu ngai anchupu ranga lian ngai mak, tenchu lekha anchu ngai dora ei anchu asua u le anchupu u anga ni inti. #Mt 10.24-25; Jn 13.16; 15.20
41“Na parual amit ranok na ena, nang na mita thing aluang en luia? 42Hontinmo na parual a mita ranok kel rong nei ti, nang na mita thing a luang mu luia? Nangni Pathian adui ngai! Na mit ranok kel bak u tanla mi mita ranok asadima muna kel thei u na ti.
Thingkung le Amara
(Mt 7.16-20; 12.33-35)
43“A kung asan mara sia manra ngai mak, hanuk thingkung saluiin a mara sa manra ngai mak. 44A mara ata thing ariat asa. Raling kar ata theipui kham mak che.Raling rang ata gerep ankham ngai mak. #Mt 12.33 45Mi san a malung sung ata asa rasuana. Mi saluiin a malung sung ata asia rasuana. A malunga om tak a murin ati. #Mt 12.34
Amo le Ahian In Sin
(Mt 7.24-27)
46“Ichangmo, ‘Puma, Puma,’ tia nei na pai u tenchu tho ro kei ti nei tho u nok? 47Mi ka koma honga ka he a rangaia atel ten: I ang mo ei ni na manmu u ka ti. 48Ama chu mi lung chunga in a sin chopui anthuka a khuara a phun ang ei ni. Ti a honga liana ha in ha ahong suka tenchu sing mansa maka, asik chu asadima ansin ei ni sik. 49Tenchu ka he riata tel lui chu chokhur abuia in a sin ang, ti honga liana ha in ahong suka anlaiseka achim, achalaka asiat,” ati.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.