LUKIN 9
9
Isuan Somleianni ngai Atir
(Mt 10.5-15; Mk 6.7-13)
1Isuan a zolai ngai a paia ranak le thotheina raluai anot theina rikhua andam theina ningneina a peka. 2Hanuk Pathian Ram rui ava rila mi andam thei ranga atir. 3Amani kom ati suana, “Hiva nei se u na hin ite choi u no ro; kalchoi sunrol, kutado marsa, nek rang, sum, hanuk kultai aliak ngal. #Lk 10.4-11; Kts 13.51 4Ana leia pham u tak ina om u ro khopui na mak maseng; 5Na lei pham u lui chu akhopui ma u ro, na ke rabang akhong u ro, nei man riatna ani u zei.”
6Hatuka khua arul tira ase u thangahui arila muntina mi a mandam u.
Herod Anpon
(Mt 14.1-12; Mk 6.14-29)
7Herod, Galili ram aruai han ariata achan anpon, asik chu Johon baptispu adam ret zei ei ti u. #Mt 16.14; Mk 8.28; Lk 9.19 8Senkhatin Eliza hong anlang ret zei ati na, ten senkhat retin tianlai a deari honga kir ret ke ati u na. 9Herod han, “Johon chu alu ka man tan hale; tenchu tumo hiva arui kei riat hi!” Hatuka Isua mu rang a put banga.
Isuan Asang Ranga mannek
(Mt 14.13-21; Mk 6.30-44; Jn 6.1-14)
10A zolai ngai ahonga kira Isua kom ei tho u dora ahong ril kiar u. A bila aruaia Bethsaida khopuia ase u. 11Mipuiin ariata ava zi u. A lei phama Pathian Ram rui arila ana ngai amandam.
12Ani lut rang vita a zolai ngai a honga, “Hiva mipui ngai hi man se ta ro, khuana phaia anek rang le a omna rang ei va manthei u na rang asik chu hiva mun hi philchar ram ke.”
13Tenchu Isuan, “Nangni lenin asak rang pe u ro ba,” ati na.
“Aloma nei don hi vaipol ranga, nga anni. Hiva mipui dora ranga asak rang va racho rase mo nei na ti?” ati u. 14Hava han pasal asang ranga ni inti. Isuan a zolai ngai rang, “Somranga somranga senga antanga mansut u ro,” ati pe.
15Hantin han atho sua u le, 16Isuan vaipol ranga nga anni alaka anvan tiang atanga Pathian kom raisanna a mantunga akhiaka asem ranga a manlon. 17Alom u na akhopa asak u, hatuka a zolai ngaiin achul anpei kok somleianni arut u.
Pitorin Isua rui Aril
(Mt 16.13-19; Mk 8.27-29)
18Nikhat chu Isua atheia borazong, a zolai ngai ahong u na alei rakel, “Mipuiin tumo koi ei na ti?” ati na.
19“Asenin nang hi Johon Baptispu na ni,” “Asenin nang hi Eliza, atei retin tianlaia deari honga kir ret,” ati u. #Mt 14.1-2; Mk 6.14-15; Lk 9.7-8
20Hanle, “Nangni le?” atia a rakel, “Tumo nei na ti u?” Pitorin amasanga, “Nang hi, Pathian Krista ke na ni,” ati na. #Jn 6.68-69
Isuan Antak le Eithi rang rui Aril
(Mt 16.20-28; Mk 8.30—9.1)
21Isuan tute ril u no ro ati na aril. 22“Miring Sapa hi ei teng rang atampa a om upa le chaizung le Lekhanziak ngaiin la heng unti, la that untia tenchu ninthum suale dam ret inti.”
23Hatuka Isuan, “Ka bila a hong zot tak aninga anngila anikhua Kros anputa na zi rase. #Mt 10.38; Lk 14.27 24Asik chu, dam rong ati tak chu machan inti, tenchu ka sika anchan tak chu man inti. #Mt 10.39; Lk 17.33; Jn 12.25 25Min ramual pumpui a ta manchang zit sela, tenchu aninga ei damna a machanin imo ei nemna? 26Koi le kei na manchu u ngai nan zak pui uten; Miring Sapa nin um nan zak pui unti, ei lianna le Pa ei lianna le vanpalai anthiang ngai le a hongtik. 27Kei ti ni zei, hiva hin senkhat a om Pathian Ram amu maseng thi no ni.”
Mel Anthulna
(Mt 17.1-8; Mk 9.2-8)
28Hava ngai ati sua ni sari suale, Isuan Pitor, Johon, Jakob aruaia mual khata bor azong ranga ase. #2 Pit 1.17-18 29Bor azong laitak amel ahong anthula apuan sil um ahonga var. 30Anlaiseka mi anni a bila ahonga oma amani ha Mosi le Eliza. 31Vanram lianna le hong anlanga Isua le chong, Pathian derdin ei tung rang Jerusalem a ati na. 32Pitor le alom ngai achan aleia in u tenchu anthui u na Isua lianna amu u na abila mi anni anding amu u. 33Ha mi ngaiin amak u le Pitorin ati na, “Puma, hivana nei om hi itukmo ei sa! Thambuk anthum sin inti angkhat nang na rang, angkhat Mosi rang, angkhat Eliza rang,” imo ei ti ha ei riat sadim nimak.
34A chong laitak han ansumin ahong makhuna aralim le; a zolai ngaiin achi u na ansumin ei hong makhu han. 35Ansum ata chong asuka, “Hiva hi ka nai, kei a thang ha ama he rangai u ro!” #Isa 42.1; Mt 3.17; 12.18; Mk 1.11; Lk 3.22
36Ha chong ei mong le Isua ha atheia a om. A zolai ngai hava ruia adairek u na tute ril u mak.
Pasal Sanai Rathasia Don Mandam
(Mt 17.14-18; Mk 9.14-27)
37Hanuk nikhua Isua le a zolai anthum mual ata achum u na mipuiin Isua lei antong pui. 38Mipui bil ata mi khat ankheka, “Puma! Kei na mathem, ka nai na en pe ta ka nai don selep! 39Anlaiseka ratha sian ei tho hatuka anmoia acher huan asuaka asinsak sabaka amak chachak. 40Na zolai ngai ka mathema andam ranga tenchu tho thei u mak.”
41Isuan a masanga, “O nangni iamna bui ngai, ei phua bui ngai! Ituk asot ngal mo na bil u na kei om rang? Ituk tena mo keina asa thei u rang?” Hatuka hava mi rang ati na, “Na naipasal hin hong tuang ro.”
42Hatuka a hong lai tak ratha sian ha naipang ha phila a makhiaka aman moi Isuan ratha sia ha angona ha naipang ha a mandam suale apa kom apek ret. 43Pathian thotheina lianpa mipuiin a muna aboi adong sabak u.
Isuan Eithi rang Rui Arilret
(Mt 17.22-23; Mk 9.30-32)
Mipui han Isua ei tho ngai rui ala ril bang u na, hatuka a zolai ngai kom ei ti, 44“Kei na ril u rang hi mangil u ta ni! Miring Sapa hi miring kuta anpe inti.” 45Tenchu a zolai ngaiin itinamo re u mak. Akom u na anthup ei ni sika rethei u mak, hatuka itinamo ankel rang achi u.
Tumo Aliankhit
(Mt 18.1-5; Mk 9.33-37)
46Ankhalna khat zolai ngai kara asuaka tumo amani bila aliankhit. #Lk 22.24 47Isuan imo ei mandon u ha ariat. Naipangte alaka akola a manding, 48hatuka ati pe, “Hiva naipang ka raminga apham tak chu koi anapham; hatuka koi anapham tak chu, ana hong anthuanpu pham ei ni. Asik chu nangni bila asinkhit tak aliankhit.” #Mt 10.40; Lk 10.16; Jn 13.20
Nang na Dui lui chu na Tianga
(Mk 9.38-40)
49Johon achonga, “Puma mikhat nei mu na raminga raluai anot, hatuka tho lai no ro nei ti asik chu koini na bila nimak.” 50“A khar ranga ti u no ro,” ati pena a zolai ngai dora rang um, “asik chu, na dui lui chu na tianga ke.”
Samari Khomin Isua Pom mak
51Isua, Vanrama ei anruai rang ahonga nai a ansina Jerusalem tiang a pan ranga. 52A maton tira palai atira, Samari kho khata ava luta hoongmo alei va zek ranga. 53Tenchu havana mipui ngaiin lei zot u mak, hava han anthiang phat Jerusalema rang ati na. 54Jakob le Johonin amu na, “Puma amanin siat ranga anvan ata moi masul mani mo?” ati u. #2 Rng 1.9-16
55Anhoia ango, 56Hatuka Isua le a zolai ngai khua ateia ase u.
Isua Nukazi Man
(Mt 8.19-22)
57Hantin han ase tir u lai tak mi khatin Isua rang, “Nei se na tak na zi ka ti,” ati na.
58Isuan, “Sial ngaiin kua adon va ngaiin rabu don tenchu Miring Sapan lu re na don mak,” ati.
59Hanuk mikhat kom ati reta, “Na zi ro.”
Tenchu, “Puma se baka ka pa va phum bak di rong,” ati.
60Isuan amasanga, “Athi chu athi ngaiin phum rase, nang chu se tan la, Pathian Ram rui va ril ro.” ati.
61Atei khatin ati reta, “Na zi ka ti Puma, tenchu se baka ka inko ngai va mathan bak di rong.” #1 Rng 19.20
62Isuan ama rang a masanga, “Phai anrit ranga machuma nuk anhoi chu Pathian Ram alua thei rang nimak.”
Currently Selected:
LUKIN 9: RANGBSI
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
LUKIN 9
9
Isuan Somleianni ngai Atir
(Mt 10.5-15; Mk 6.7-13)
1Isuan a zolai ngai a paia ranak le thotheina raluai anot theina rikhua andam theina ningneina a peka. 2Hanuk Pathian Ram rui ava rila mi andam thei ranga atir. 3Amani kom ati suana, “Hiva nei se u na hin ite choi u no ro; kalchoi sunrol, kutado marsa, nek rang, sum, hanuk kultai aliak ngal. #Lk 10.4-11; Kts 13.51 4Ana leia pham u tak ina om u ro khopui na mak maseng; 5Na lei pham u lui chu akhopui ma u ro, na ke rabang akhong u ro, nei man riatna ani u zei.”
6Hatuka khua arul tira ase u thangahui arila muntina mi a mandam u.
Herod Anpon
(Mt 14.1-12; Mk 6.14-29)
7Herod, Galili ram aruai han ariata achan anpon, asik chu Johon baptispu adam ret zei ei ti u. #Mt 16.14; Mk 8.28; Lk 9.19 8Senkhatin Eliza hong anlang ret zei ati na, ten senkhat retin tianlai a deari honga kir ret ke ati u na. 9Herod han, “Johon chu alu ka man tan hale; tenchu tumo hiva arui kei riat hi!” Hatuka Isua mu rang a put banga.
Isuan Asang Ranga mannek
(Mt 14.13-21; Mk 6.30-44; Jn 6.1-14)
10A zolai ngai ahonga kira Isua kom ei tho u dora ahong ril kiar u. A bila aruaia Bethsaida khopuia ase u. 11Mipuiin ariata ava zi u. A lei phama Pathian Ram rui arila ana ngai amandam.
12Ani lut rang vita a zolai ngai a honga, “Hiva mipui ngai hi man se ta ro, khuana phaia anek rang le a omna rang ei va manthei u na rang asik chu hiva mun hi philchar ram ke.”
13Tenchu Isuan, “Nangni lenin asak rang pe u ro ba,” ati na.
“Aloma nei don hi vaipol ranga, nga anni. Hiva mipui dora ranga asak rang va racho rase mo nei na ti?” ati u. 14Hava han pasal asang ranga ni inti. Isuan a zolai ngai rang, “Somranga somranga senga antanga mansut u ro,” ati pe.
15Hantin han atho sua u le, 16Isuan vaipol ranga nga anni alaka anvan tiang atanga Pathian kom raisanna a mantunga akhiaka asem ranga a manlon. 17Alom u na akhopa asak u, hatuka a zolai ngaiin achul anpei kok somleianni arut u.
Pitorin Isua rui Aril
(Mt 16.13-19; Mk 8.27-29)
18Nikhat chu Isua atheia borazong, a zolai ngai ahong u na alei rakel, “Mipuiin tumo koi ei na ti?” ati na.
19“Asenin nang hi Johon Baptispu na ni,” “Asenin nang hi Eliza, atei retin tianlaia deari honga kir ret,” ati u. #Mt 14.1-2; Mk 6.14-15; Lk 9.7-8
20Hanle, “Nangni le?” atia a rakel, “Tumo nei na ti u?” Pitorin amasanga, “Nang hi, Pathian Krista ke na ni,” ati na. #Jn 6.68-69
Isuan Antak le Eithi rang rui Aril
(Mt 16.20-28; Mk 8.30—9.1)
21Isuan tute ril u no ro ati na aril. 22“Miring Sapa hi ei teng rang atampa a om upa le chaizung le Lekhanziak ngaiin la heng unti, la that untia tenchu ninthum suale dam ret inti.”
23Hatuka Isuan, “Ka bila a hong zot tak aninga anngila anikhua Kros anputa na zi rase. #Mt 10.38; Lk 14.27 24Asik chu, dam rong ati tak chu machan inti, tenchu ka sika anchan tak chu man inti. #Mt 10.39; Lk 17.33; Jn 12.25 25Min ramual pumpui a ta manchang zit sela, tenchu aninga ei damna a machanin imo ei nemna? 26Koi le kei na manchu u ngai nan zak pui uten; Miring Sapa nin um nan zak pui unti, ei lianna le Pa ei lianna le vanpalai anthiang ngai le a hongtik. 27Kei ti ni zei, hiva hin senkhat a om Pathian Ram amu maseng thi no ni.”
Mel Anthulna
(Mt 17.1-8; Mk 9.2-8)
28Hava ngai ati sua ni sari suale, Isuan Pitor, Johon, Jakob aruaia mual khata bor azong ranga ase. #2 Pit 1.17-18 29Bor azong laitak amel ahong anthula apuan sil um ahonga var. 30Anlaiseka mi anni a bila ahonga oma amani ha Mosi le Eliza. 31Vanram lianna le hong anlanga Isua le chong, Pathian derdin ei tung rang Jerusalem a ati na. 32Pitor le alom ngai achan aleia in u tenchu anthui u na Isua lianna amu u na abila mi anni anding amu u. 33Ha mi ngaiin amak u le Pitorin ati na, “Puma, hivana nei om hi itukmo ei sa! Thambuk anthum sin inti angkhat nang na rang, angkhat Mosi rang, angkhat Eliza rang,” imo ei ti ha ei riat sadim nimak.
34A chong laitak han ansumin ahong makhuna aralim le; a zolai ngaiin achi u na ansumin ei hong makhu han. 35Ansum ata chong asuka, “Hiva hi ka nai, kei a thang ha ama he rangai u ro!” #Isa 42.1; Mt 3.17; 12.18; Mk 1.11; Lk 3.22
36Ha chong ei mong le Isua ha atheia a om. A zolai ngai hava ruia adairek u na tute ril u mak.
Pasal Sanai Rathasia Don Mandam
(Mt 17.14-18; Mk 9.14-27)
37Hanuk nikhua Isua le a zolai anthum mual ata achum u na mipuiin Isua lei antong pui. 38Mipui bil ata mi khat ankheka, “Puma! Kei na mathem, ka nai na en pe ta ka nai don selep! 39Anlaiseka ratha sian ei tho hatuka anmoia acher huan asuaka asinsak sabaka amak chachak. 40Na zolai ngai ka mathema andam ranga tenchu tho thei u mak.”
41Isuan a masanga, “O nangni iamna bui ngai, ei phua bui ngai! Ituk asot ngal mo na bil u na kei om rang? Ituk tena mo keina asa thei u rang?” Hatuka hava mi rang ati na, “Na naipasal hin hong tuang ro.”
42Hatuka a hong lai tak ratha sian ha naipang ha phila a makhiaka aman moi Isuan ratha sia ha angona ha naipang ha a mandam suale apa kom apek ret. 43Pathian thotheina lianpa mipuiin a muna aboi adong sabak u.
Isuan Eithi rang Rui Arilret
(Mt 17.22-23; Mk 9.30-32)
Mipui han Isua ei tho ngai rui ala ril bang u na, hatuka a zolai ngai kom ei ti, 44“Kei na ril u rang hi mangil u ta ni! Miring Sapa hi miring kuta anpe inti.” 45Tenchu a zolai ngaiin itinamo re u mak. Akom u na anthup ei ni sika rethei u mak, hatuka itinamo ankel rang achi u.
Tumo Aliankhit
(Mt 18.1-5; Mk 9.33-37)
46Ankhalna khat zolai ngai kara asuaka tumo amani bila aliankhit. #Lk 22.24 47Isuan imo ei mandon u ha ariat. Naipangte alaka akola a manding, 48hatuka ati pe, “Hiva naipang ka raminga apham tak chu koi anapham; hatuka koi anapham tak chu, ana hong anthuanpu pham ei ni. Asik chu nangni bila asinkhit tak aliankhit.” #Mt 10.40; Lk 10.16; Jn 13.20
Nang na Dui lui chu na Tianga
(Mk 9.38-40)
49Johon achonga, “Puma mikhat nei mu na raminga raluai anot, hatuka tho lai no ro nei ti asik chu koini na bila nimak.” 50“A khar ranga ti u no ro,” ati pena a zolai ngai dora rang um, “asik chu, na dui lui chu na tianga ke.”
Samari Khomin Isua Pom mak
51Isua, Vanrama ei anruai rang ahonga nai a ansina Jerusalem tiang a pan ranga. 52A maton tira palai atira, Samari kho khata ava luta hoongmo alei va zek ranga. 53Tenchu havana mipui ngaiin lei zot u mak, hava han anthiang phat Jerusalema rang ati na. 54Jakob le Johonin amu na, “Puma amanin siat ranga anvan ata moi masul mani mo?” ati u. #2 Rng 1.9-16
55Anhoia ango, 56Hatuka Isua le a zolai ngai khua ateia ase u.
Isua Nukazi Man
(Mt 8.19-22)
57Hantin han ase tir u lai tak mi khatin Isua rang, “Nei se na tak na zi ka ti,” ati na.
58Isuan, “Sial ngaiin kua adon va ngaiin rabu don tenchu Miring Sapan lu re na don mak,” ati.
59Hanuk mikhat kom ati reta, “Na zi ro.”
Tenchu, “Puma se baka ka pa va phum bak di rong,” ati.
60Isuan amasanga, “Athi chu athi ngaiin phum rase, nang chu se tan la, Pathian Ram rui va ril ro.” ati.
61Atei khatin ati reta, “Na zi ka ti Puma, tenchu se baka ka inko ngai va mathan bak di rong.” #1 Rng 19.20
62Isuan ama rang a masanga, “Phai anrit ranga machuma nuk anhoi chu Pathian Ram alua thei rang nimak.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.