MARKIN 2
2
Isuan Asia Madual Thei
(Mt 9.1-8; Lk 5.17-26)
1Hatuka ni hozetmo suale, Kapernaum khuana aluta ina a om atina anthang. 2Hantin han, makot kola a omna rang ngal mun abui tenpeia, mi atam a hong anchun ha a kom u na chong aril. 3Hatuka azeng khat mi manlin ei razon a kom ahong ruai u. 4Hatuka mi ei tam sika a kom hong ruai thei u lai maka, ei omna in chung aset u na, ha vaienga azeng ei razon u na len le a masum u. 5Hantin han Isuan ei iam u na chu amu na azeng kom han, “Ka nai nei siatna ngai andual zei,” ati pe.
6Hatuka Lekhanziakpu ngai senkhat hava han ansut, 7“Hiva mi hin imo hintin chong ei ril hi, Pathian ei ero ke hile! Mi angkhat dak Pathian rong nok anten tumo siatna andual thei,” tia a malunga a mandon u na.
8Hatuka Isuan, a malung u na hantin han ei lei mandon u ariat lena a kom u na, “Hava chong ha ichangamo na malung u na nei lei mandon u? 9Azeng kom han, ‘Nei siatna ngai andual zei,’ ati le; ‘Na zamun la tan kal choi ro,’ ti hi hova mo ati bei ual? 10Ei zozot ni rase, ramuala Miring Sapan siatna andual theina anei tina nei riat thei na ranga azeng koma, 11anthuia na zamun la tan na ina se ro,” ei ti pe.
12Hantin han ama chu anthuia, a zamun chu alak lena a lom u na mit muna ase na, havan tin han a lom u na achang ei mandong u, “Hintin reng hi la mu mak me,” ti na Pathian a manpak u.
Levi Akui
(Mt 9.9-13; Lk 5.27-32)
13Hatuka asuak reta tindil kola han asena, hatuka mi tampa dora ha a kom ase u na a lei manchu. 14Hatuka kal choi chunga Levi Alphai a naipasal ha lei choina muna ansut a muna a kom, “Na hong zi ro ati na.” Hatuka anthuia azi len.
15Hatuka hintin hin ei ni Isua ha Levi ina han bu a neka, lei ansuang ngai mi salui atampa Isua le a zolai ngai a nek puia, ala tam u sa ama ha azi tir u na. 16Hatuka Pharisi ngai bila Lekhanziakpu ngai han, Isuan mi salui ngai le lei ansuang ngai bu nek pui amu u na, a zolai ngai kom han, “Ichangmo lei ansuang ngai le mi salui ngai bila ei nek ei sak pui,” ati u.
17Hatuka Isuan hava ha alei riata a kom u na han, “Adam ngaiin daktor nang mak, rivoi ase ngai keng anang. Mi dik tak ngai san ranga a hong ni makung, mi dik lui ngai anratan ranga hong ka ni,” ati.
Angoi ruia Ankelna
(Mt 9.14-17; Lk 5.33-39)
18Hatuka Johon a zolai ngai le Pharisi ngaiin bu angoi u na, hava han Isua koma han mi ahonga, “Ichangmo Johon a zolai ngai le Pharisi ngai a ruaisin bu angoi u na, na zolai ngai le ei ngoi u nok,” ati u.
19Isuan a kom u na, “Mui aruai ngai bila a pasal rang ha a om sung pei chu mui aruai ngai bu ei ngoi thei mo? A ruathar rang ha akom u na a om sung chu ngoi thei no ni. 20Tenchu a ruathar rang ha akom u ata ei la ruai nikhua la hong tung inti, hava nikhua han chu la ngoi unti.
21“Tenchu puan marua ha puan athar le diba tho ngai mak. Tho sela ei anchina diba tharin amarua ei maset hava mana neka achet anveng riam. 22Hatuka tuten me vun bel maruana uain athar thal ngai mak, anthal sela uain han me vun bel ngai ha puak inti, uain le me vun bel ha set inti uain thar chu me vun bel thara ke ei anthal,” ati.
Pongansa ni ruia Ankelna
(Mt 12.1-8; Lk 6.1-5)
23Hatuka Isuan pongansa nikhua han bu muna asena, hava han a zolai ngaiin ei se tir u na buvui akhiak u na. #Dan 23.25 24Hatuka Pharisi ngaiin a kom, “Enta hontinmo pongansania atho nok rua anthiang lui ei tho u,” ati u na.
25Hatuka aman akom u na, “David le a lom ngai avon ancham lai ansam u han, ei tho u ha pore u mak che mo? #1 Sam 21.1-6 26Hantin han Abiathar chaizung lian khit ani lai, Pathian ina tuten chaizung ngai rong nok chu sa ngai mak hava vaipol andar ha ei saka, a lom ngai kom ei pek rui ha,” ati. #Lev 24.9
27Hatuka ama denin a kom u han, “Pongansani hi miring ranga ansin, Miring hi pongansani ranga ansin nimak. 28Hantin han Miring Sapa hi pongansani chung lamam Puma keng,” ati.
Currently Selected:
MARKIN 2: RANGBSI
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
MARKIN 2
2
Isuan Asia Madual Thei
(Mt 9.1-8; Lk 5.17-26)
1Hatuka ni hozetmo suale, Kapernaum khuana aluta ina a om atina anthang. 2Hantin han, makot kola a omna rang ngal mun abui tenpeia, mi atam a hong anchun ha a kom u na chong aril. 3Hatuka azeng khat mi manlin ei razon a kom ahong ruai u. 4Hatuka mi ei tam sika a kom hong ruai thei u lai maka, ei omna in chung aset u na, ha vaienga azeng ei razon u na len le a masum u. 5Hantin han Isuan ei iam u na chu amu na azeng kom han, “Ka nai nei siatna ngai andual zei,” ati pe.
6Hatuka Lekhanziakpu ngai senkhat hava han ansut, 7“Hiva mi hin imo hintin chong ei ril hi, Pathian ei ero ke hile! Mi angkhat dak Pathian rong nok anten tumo siatna andual thei,” tia a malunga a mandon u na.
8Hatuka Isuan, a malung u na hantin han ei lei mandon u ariat lena a kom u na, “Hava chong ha ichangamo na malung u na nei lei mandon u? 9Azeng kom han, ‘Nei siatna ngai andual zei,’ ati le; ‘Na zamun la tan kal choi ro,’ ti hi hova mo ati bei ual? 10Ei zozot ni rase, ramuala Miring Sapan siatna andual theina anei tina nei riat thei na ranga azeng koma, 11anthuia na zamun la tan na ina se ro,” ei ti pe.
12Hantin han ama chu anthuia, a zamun chu alak lena a lom u na mit muna ase na, havan tin han a lom u na achang ei mandong u, “Hintin reng hi la mu mak me,” ti na Pathian a manpak u.
Levi Akui
(Mt 9.9-13; Lk 5.27-32)
13Hatuka asuak reta tindil kola han asena, hatuka mi tampa dora ha a kom ase u na a lei manchu. 14Hatuka kal choi chunga Levi Alphai a naipasal ha lei choina muna ansut a muna a kom, “Na hong zi ro ati na.” Hatuka anthuia azi len.
15Hatuka hintin hin ei ni Isua ha Levi ina han bu a neka, lei ansuang ngai mi salui atampa Isua le a zolai ngai a nek puia, ala tam u sa ama ha azi tir u na. 16Hatuka Pharisi ngai bila Lekhanziakpu ngai han, Isuan mi salui ngai le lei ansuang ngai bu nek pui amu u na, a zolai ngai kom han, “Ichangmo lei ansuang ngai le mi salui ngai bila ei nek ei sak pui,” ati u.
17Hatuka Isuan hava ha alei riata a kom u na han, “Adam ngaiin daktor nang mak, rivoi ase ngai keng anang. Mi dik tak ngai san ranga a hong ni makung, mi dik lui ngai anratan ranga hong ka ni,” ati.
Angoi ruia Ankelna
(Mt 9.14-17; Lk 5.33-39)
18Hatuka Johon a zolai ngai le Pharisi ngaiin bu angoi u na, hava han Isua koma han mi ahonga, “Ichangmo Johon a zolai ngai le Pharisi ngai a ruaisin bu angoi u na, na zolai ngai le ei ngoi u nok,” ati u.
19Isuan a kom u na, “Mui aruai ngai bila a pasal rang ha a om sung pei chu mui aruai ngai bu ei ngoi thei mo? A ruathar rang ha akom u na a om sung chu ngoi thei no ni. 20Tenchu a ruathar rang ha akom u ata ei la ruai nikhua la hong tung inti, hava nikhua han chu la ngoi unti.
21“Tenchu puan marua ha puan athar le diba tho ngai mak. Tho sela ei anchina diba tharin amarua ei maset hava mana neka achet anveng riam. 22Hatuka tuten me vun bel maruana uain athar thal ngai mak, anthal sela uain han me vun bel ngai ha puak inti, uain le me vun bel ha set inti uain thar chu me vun bel thara ke ei anthal,” ati.
Pongansa ni ruia Ankelna
(Mt 12.1-8; Lk 6.1-5)
23Hatuka Isuan pongansa nikhua han bu muna asena, hava han a zolai ngaiin ei se tir u na buvui akhiak u na. #Dan 23.25 24Hatuka Pharisi ngaiin a kom, “Enta hontinmo pongansania atho nok rua anthiang lui ei tho u,” ati u na.
25Hatuka aman akom u na, “David le a lom ngai avon ancham lai ansam u han, ei tho u ha pore u mak che mo? #1 Sam 21.1-6 26Hantin han Abiathar chaizung lian khit ani lai, Pathian ina tuten chaizung ngai rong nok chu sa ngai mak hava vaipol andar ha ei saka, a lom ngai kom ei pek rui ha,” ati. #Lev 24.9
27Hatuka ama denin a kom u han, “Pongansani hi miring ranga ansin, Miring hi pongansani ranga ansin nimak. 28Hantin han Miring Sapa hi pongansani chung lamam Puma keng,” ati.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.