MARKIN 8
8
Isuan Asang Manli Mannek
(Mt 15.32-39)
1Hava hun ngai han mi tam sabak a om ret u na a sak rang ite ei nei u nok lai han ama han a zolai ngai akom a paia. 2“Mipui ngai hi nin thum pei ka kom a om u zei a sak rua ite ei nei u nok. 3Bu nek luia a in u na ka makhir u ten lampui a anvuai tham unti senkhat vang chu ei hong u na ala la sa,” ati.
4Hatuka a zolai ngaiin, “Hi philchara tumo hovana vaipol le mo nei man khop thei rang?” atina ama ha a masang u na.
5Hatuka aman, “Vaipol tap hotukmo na nei u?” tina hangai ha a rakela hatuka hangai han, “Tap sari,” ati u na.
6Hatuka mipui ngai ha phila ansut ranga chong a peka hanke vaipol tap sari ha alaka raisan chong ril suana a khiaka a maton u na ei sak u na ranga a zolai ngai kom a pek hatuka mipui matona asiak u na. 7Hanuk chu nga sin atom tem a nei u, hatuka aman bor a pek pe na a maton u na ei sak u na rang a pek. 8Hantin han asak u na a khop kiar u na ei sak sua u nok anniang akiak a kui kok sari a man bit u. 9Hangai ha asang manli pei ani u hatuka aman hangai ha aman chin. 10Hatuka aman a zolai ngai kom rakuanga ava chuang lena Dalmanutha rama ava tung.
Boidong Sin Zong U
(Mt 12.38-42; 16.1-4)
11Hatuka Pharisi ngai a honga suak u na ama ei man sin u na ranga a koma anvan ata riattheina andangna anroka ama ha ankhal pui u. #Mt 12.38; Lk 11.16 12Hatuka aman phukpui a laka, “Ichangmo atun taka mi ngaiin andangna ei a rok u atataka kei na ril u ni zei atun taka khuk ngai kom hin andangna reng anpe no ni,” ati. #Mt 12.39; Lk 11.29
13Hatuka hangai ha amaka rakuanga a chuang reta varal tiang ase.
Pharisi le Herod Chol
(Mt 16.5-12)
14A zolai ngaiin vaipol a choi a mangil u na rakuanga angkhat dak baka chu vaipol nei u lai mak. 15Hatuka aman a kom u na, “Pharisi ngai chol le Herod a chol ata anrung u ro,” ati tit a. #Lk 12.1
16Hatuka amanin chu, “Vaipol um nei nei nok,” atia ankhal u na.
17Hatuka Isuan hava ha a lei riata hangai ha ei ril akom u na, “Ichangamo vaipol nei don u nok sika nei an don u? Atun um na malung u na nei la riat u nok mo? A tho chang ngal nei la riat u nok mo? Na malung u ei lan khir tit mo? 18Mit na nei u na mu u mak che mo? Kuar na nei u na re u mak che mo? Na malung u na ngal chui u mak mo? #Jer 5.21; Ez 12.2; Mk 4.12 19Mi asang ranga bila vaipol tap ranga ka sem lai han adi anoi ha kok itukmo anniang,” atia. Hatuka amanin akoma, “Somleianni,” ati u na.
20“Hatuka asang manli bila sari ka khiak lai han adi anoi kok itukmo anniang nei riat u?” ati. Hatuka amanin a kom han, “Kok sari,” ati u na.
21Hatuka aman a kom u na, “Atun um nei la riat bang u nok mo?” ati.
Isuan Bethsaidana Acho Mandam
22Hatuka Bethsaida khuana ava suak u na a kom mitacho angkhat a hong ruai u na aman ei ton ranga a mathem u na. 23Hatuka mitacho kut ha a sura kho tualpanga a ruai a a mit a machil pena a chunga a kut a dap suana, “Na mu mo thei zei,” atia rakela.
24Hanke achopa ha chung tiang atanga, “Mi ka mu thingkung anga kal achoi.” atia.
25Hanke aman a mit chunga a kut adap ret hanke andinphita ei la mu, hatuka ei la dam anthiang vanga aloma ei mu. 26Hatuka aman ama ha a ina aman se na ei ti pe, “Hiva khuana lut ret no ro.” ati pe.
Pitorin Isua Rui Aril
(Mt 16.13-20; Lk 9.18-21)
27Hava suale Isua le a zolai ngai anphet u na Kaisari Philipi biala khotina ase u, hatuka lampuia a zolai ngai a rakela, “Koi hi tumo ka ni min imo a na ti?” atia. 28Amanin ama rang ati u, “Johon Baptispu a na ti a oma, hohonmo chu nang hi Eliza, hohonmo chu deari bila angkhat,” ati u. #Mk 6.14-15; Lk 9.7-8
29Aman hangai ha a rakela, “Nangnin le imo na na ti u? Koi hi tumo ka ni?” Pitorin a masanga, “Nang hi Krista na ni.” ati. #Jn 6.68-69
30Hanke aman a rui ha, “Tute manthei u ta ni,” atia khar tita.
Isuan Eitiar le Eithi rang Aril
(Mt 16.21-28; Lk 9.22-27)
31Hanke, “Miring Sapa han antak tin tuar inti ulian ngai, chaizung ngai, Lekhanziakpu ngaiin ama pengsom unti that unti. Hatuka nin thum suale anthuiret inti,” atia a manchu na. 32Hiva chong hi anthiang vanga arila hava han Pitorin ama rang a kom a tuanga chunngo tho na. 33Tenchu anhoi a ama a zolai ngai tiang a ena Pitor ha chunngo a thona ei ti pe, “Ka kom ata ankhai ro, Soitan asik chu Pathian ata hava ha ni mak tenchu miring ata ke nei mandon.” atia a ngo.
34Hatuka ama a zolai ngai bila mi doram a paia ei ti, “Ka nuk azi zot tak chu ei antak rang poisak lui a athei a a Kros raputa na zi rase. #Mt 10.38; Lk 14.27 35Min ei damna annar tak chu machan inti ten koi le thangahui sika ei damna anchan tak chu zok inti. #Mt 10.39; Lk 17.33; Jn 12.25 36Hanle min ramual pumpui amana ei damna a machanin imo ei lokna rang? 37Hanle min anuk rathula imo ei pek thei. 38Asik chu atun taka uiare ngai mi salui ngai koi le ka chong anzakpui chu Miring Sapan ama ha anzakpui inti, vanpalai anthiang ngai bila a Pa lianna le ahong tik.”
Currently Selected:
MARKIN 8: RANGBSI
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.
MARKIN 8
8
Isuan Asang Manli Mannek
(Mt 15.32-39)
1Hava hun ngai han mi tam sabak a om ret u na a sak rang ite ei nei u nok lai han ama han a zolai ngai akom a paia. 2“Mipui ngai hi nin thum pei ka kom a om u zei a sak rua ite ei nei u nok. 3Bu nek luia a in u na ka makhir u ten lampui a anvuai tham unti senkhat vang chu ei hong u na ala la sa,” ati.
4Hatuka a zolai ngaiin, “Hi philchara tumo hovana vaipol le mo nei man khop thei rang?” atina ama ha a masang u na.
5Hatuka aman, “Vaipol tap hotukmo na nei u?” tina hangai ha a rakela hatuka hangai han, “Tap sari,” ati u na.
6Hatuka mipui ngai ha phila ansut ranga chong a peka hanke vaipol tap sari ha alaka raisan chong ril suana a khiaka a maton u na ei sak u na ranga a zolai ngai kom a pek hatuka mipui matona asiak u na. 7Hanuk chu nga sin atom tem a nei u, hatuka aman bor a pek pe na a maton u na ei sak u na rang a pek. 8Hantin han asak u na a khop kiar u na ei sak sua u nok anniang akiak a kui kok sari a man bit u. 9Hangai ha asang manli pei ani u hatuka aman hangai ha aman chin. 10Hatuka aman a zolai ngai kom rakuanga ava chuang lena Dalmanutha rama ava tung.
Boidong Sin Zong U
(Mt 12.38-42; 16.1-4)
11Hatuka Pharisi ngai a honga suak u na ama ei man sin u na ranga a koma anvan ata riattheina andangna anroka ama ha ankhal pui u. #Mt 12.38; Lk 11.16 12Hatuka aman phukpui a laka, “Ichangmo atun taka mi ngaiin andangna ei a rok u atataka kei na ril u ni zei atun taka khuk ngai kom hin andangna reng anpe no ni,” ati. #Mt 12.39; Lk 11.29
13Hatuka hangai ha amaka rakuanga a chuang reta varal tiang ase.
Pharisi le Herod Chol
(Mt 16.5-12)
14A zolai ngaiin vaipol a choi a mangil u na rakuanga angkhat dak baka chu vaipol nei u lai mak. 15Hatuka aman a kom u na, “Pharisi ngai chol le Herod a chol ata anrung u ro,” ati tit a. #Lk 12.1
16Hatuka amanin chu, “Vaipol um nei nei nok,” atia ankhal u na.
17Hatuka Isuan hava ha a lei riata hangai ha ei ril akom u na, “Ichangamo vaipol nei don u nok sika nei an don u? Atun um na malung u na nei la riat u nok mo? A tho chang ngal nei la riat u nok mo? Na malung u ei lan khir tit mo? 18Mit na nei u na mu u mak che mo? Kuar na nei u na re u mak che mo? Na malung u na ngal chui u mak mo? #Jer 5.21; Ez 12.2; Mk 4.12 19Mi asang ranga bila vaipol tap ranga ka sem lai han adi anoi ha kok itukmo anniang,” atia. Hatuka amanin akoma, “Somleianni,” ati u na.
20“Hatuka asang manli bila sari ka khiak lai han adi anoi kok itukmo anniang nei riat u?” ati. Hatuka amanin a kom han, “Kok sari,” ati u na.
21Hatuka aman a kom u na, “Atun um nei la riat bang u nok mo?” ati.
Isuan Bethsaidana Acho Mandam
22Hatuka Bethsaida khuana ava suak u na a kom mitacho angkhat a hong ruai u na aman ei ton ranga a mathem u na. 23Hatuka mitacho kut ha a sura kho tualpanga a ruai a a mit a machil pena a chunga a kut a dap suana, “Na mu mo thei zei,” atia rakela.
24Hanke achopa ha chung tiang atanga, “Mi ka mu thingkung anga kal achoi.” atia.
25Hanke aman a mit chunga a kut adap ret hanke andinphita ei la mu, hatuka ei la dam anthiang vanga aloma ei mu. 26Hatuka aman ama ha a ina aman se na ei ti pe, “Hiva khuana lut ret no ro.” ati pe.
Pitorin Isua Rui Aril
(Mt 16.13-20; Lk 9.18-21)
27Hava suale Isua le a zolai ngai anphet u na Kaisari Philipi biala khotina ase u, hatuka lampuia a zolai ngai a rakela, “Koi hi tumo ka ni min imo a na ti?” atia. 28Amanin ama rang ati u, “Johon Baptispu a na ti a oma, hohonmo chu nang hi Eliza, hohonmo chu deari bila angkhat,” ati u. #Mk 6.14-15; Lk 9.7-8
29Aman hangai ha a rakela, “Nangnin le imo na na ti u? Koi hi tumo ka ni?” Pitorin a masanga, “Nang hi Krista na ni.” ati. #Jn 6.68-69
30Hanke aman a rui ha, “Tute manthei u ta ni,” atia khar tita.
Isuan Eitiar le Eithi rang Aril
(Mt 16.21-28; Lk 9.22-27)
31Hanke, “Miring Sapa han antak tin tuar inti ulian ngai, chaizung ngai, Lekhanziakpu ngaiin ama pengsom unti that unti. Hatuka nin thum suale anthuiret inti,” atia a manchu na. 32Hiva chong hi anthiang vanga arila hava han Pitorin ama rang a kom a tuanga chunngo tho na. 33Tenchu anhoi a ama a zolai ngai tiang a ena Pitor ha chunngo a thona ei ti pe, “Ka kom ata ankhai ro, Soitan asik chu Pathian ata hava ha ni mak tenchu miring ata ke nei mandon.” atia a ngo.
34Hatuka ama a zolai ngai bila mi doram a paia ei ti, “Ka nuk azi zot tak chu ei antak rang poisak lui a athei a a Kros raputa na zi rase. #Mt 10.38; Lk 14.27 35Min ei damna annar tak chu machan inti ten koi le thangahui sika ei damna anchan tak chu zok inti. #Mt 10.39; Lk 17.33; Jn 12.25 36Hanle min ramual pumpui amana ei damna a machanin imo ei lokna rang? 37Hanle min anuk rathula imo ei pek thei. 38Asik chu atun taka uiare ngai mi salui ngai koi le ka chong anzakpui chu Miring Sapan ama ha anzakpui inti, vanpalai anthiang ngai bila a Pa lianna le ahong tik.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Ranglong NT with PSA - Dankit Athar Le SAM
Copyright © 2017 by The Bible Society of India
Used by permission. All rights reserved worldwide.