LUK 8
8
Tenunyu dan Me Le Jisu Zenkehü
1Tsüselo jon thonsari kemvu ka Jisu le Sunggigü keda jolokegwa zo sen-o rünyi nyida nyue lo nyishwe nyue me sentyüo ntsü sen-o liki hiki gun. 2Tsükatsü tseryü kenyhunche dan-e lo nduka tenunyu tero gwakemvu no semen zen-o hotse-o gwakelonyu dan me-e azen gun; lo tenunyu tsüdan tsü le Magdalin Maria tsekethyü a-ge tero gwakemvu tsenyü le chwikela gi, lo Herod gogi, 3Chuza nu Joana, lo Susana, lo anyugun kanyü sen-o nnu pe anyugun tsü kehü kechanyu kechon ki-e hü.
Ntsi Kegwün Lope Jokejvü Zokeshü
(Mt 13:1-9; Mk 4:1-9)
4Lo temi danda nme le rünyi aphu ka ryüo kequenlo ntsin a-le jokejvü zo-o anyugun senthyü:
5“Ntsi kegwünnyu nme le a-tsi gwünshü titseo tsüryü. A-le ntsi gwünshü ntsin peha le tson nyu chetsü la, tson-o meno me pha pe kedüla, lo tegü no jüntyü la. 6Lo peha le tsoshethun ge chetsüla; tson-o tsüchwiryü ntsin rügu la, kechamvule nnyon le rüpvüri kethyü genyu. 7Lo dan me le tsehü pvü nyu chetsüla, tson-o tsehü zen kentsin yhun soryüo tsehü le gon lo ntsin anyugun zeshvu la. 8Ai kechanyu dan we kazü kegwa nyu chetsülo-o yhu soryüo a-sha tsi nshalo.”
Lo Jisu le jozo tetso-o, “Temi lihigüe a-nyetin le bin-o nyülo kenyü nyu tsünyu no nyülo chi!” tsonla.
Jokejvü Ka Thakezo
(Mt 13:10-17; Mk 4:10-12)
9Tsüselo senthyükelonyu ju le jokejvü tsüle a-kon le nyu yo tsekethyü ketso. 10Tsontsin a-le anyugun ka, “Hagun we no Sunggigü keda jo kentsun dan shalo lotse shü laso; ai kechanyu ka we jokejvü sen-o zo hünyo; kechamvule tsüdan no nri-e hyulo ho, lo nyü bin-e shalo mvula nrün genyu.
Jisu Le Ntsi Kegwün Jokejvü gü Zokekho Keshü
(Mt 13:18-23; Mk 4:13-20)
11“Lo jokejvü kon le hile: shyetsin tsü le Sunggigü jo gü. 12Lo tson nyu chyetsü kela nyu dan tsüle jo gü nyülo ntsin satan le ryüo anyugun no tenyenlo-o kenilo mvu nrün genyu anyugun nyun ki jo gü se sentin la kehünyu le. 13Lo tsoshethun ge tsükelanyu dan le, jo gü shalo ntsin anyugun sherhün sa-o zenlo; ai anyugun men ndio gwüngwa nme ka nti tenyen bin-o kesemen nme le keryü nyü ranila kehünyu le. 14Lo tsehü dan nyu tsükelanyu le, yhunsoryüo, ntso ntsenyü ka sen kehü kera lo a-kenya lo a-kenyü yhüdyü kethyü dan no a-ta kemhenlao a-sha nshalo mvula kehü nyu le. 15Lo kazü kegwa nyu tsükelo ntsi; dan tsü we jo tsü shalo-o joketsin lo a-nyun njüo tsü sen tsekho gü tilo-o a-shese lamvuo a-sha nshalo kehünyu le.
Mah Nben pe Kebu Kela
(Mk 4:21-25)
16“Lo temi nme-e mah nben pe thano rün pe bin la hümvu, nmvue khipe no hensin ki shüla hümvu; ai kanyu keyünyu no tha hyulo nrün genyu pe mah kenben bin ge shü njü hünyo.
17“Kechamvule pe me tesha mvule tseo thame kekebu ndi; nmvue gingvü chwiryüo me teshashü mvule tseo tesütebu kebin nme-e kendi genyu.
18“Hagun le nyü petsü salo titse kethyü hagun yhen thyü bin lo chi; kechamvule temi lihigüe kebin gü khipe a-tsü sinshü ti; lo temi lihigüe kendi gü we, a-le bin le tse rüchün kehü a-ben nyu kebin tsüe khisen ni tinla nrün genyu.”
Jisu A-jvü Lo A-sikezen nyu Ju
(Mt 12:46-50; Mk 3:31-35)
19Tsüselo Jisu a-jvü lo a-sikezen nyu dan le a-ki ryü, tsükatsü temi chonri kethyü genyu anyugun le a-ki ryülo shvula. 20Ai mele a-ka, “Njvü lo n sikezen nyu dan le n zen kehyu shü nyüo ryüo kamhun ki bin nle,” tsonshü.
21Tsontsin a-le anyugun ka, “Temi lihigüe Sunggigü jo sha-o thyü lo zen kehü nyu, hidan hile ajvü lo asikezen nyu dan le,” tsonla.
Jisu Le Tsangkenbu Khinkela
(Mt 8:23-27; Mk 4:35-41)
22Lo khenyüme a-le senthyükelonyu dan sin tse run nme nyu yülo ntsin a-le anyugun ka, “Ngun züpere lukipon chwila tile je!” Tson-o anyugun le run jen-o tsonchü shü. 23Ai anyugun le gun kezhü ka, Jisu le nngüo zhü tinla; lo tsükatsü zi nyu tsang nbu pe ketetsin thyü ryü la; tson-o zü le yüryüo anyugun run sülo gü zhü kela hyulo-o anyugun le nshvu sa lola. 24Tsüselo anyugun le a-ki gü a-kesun-o, “Npugü, Npugü, n gun le sigü zhü laso!”
Tsüselo a-le sogü tsangkenbu terhi lo zükeda tsü kesü shü ntsin; tsü le ketetsin thyüsin mvulao nyen tsela. 25Tsüselo a-le anyugun ka, “Hagun ketenyen le dikipon tinla ola?”
Tsügenyu anyugun le nshvu lo anyugun dunthyüo khinyunyu ka, “Tsangkenbu lo züda kae tha zoshülo tsüdan-e a-jo zen kehü hile temi nyu tsekethyü nyu layo!” tsonso.
Jisu Le Terogwakemvu Le Zenkehünyu Nme Thyüngwa Keshü
(Mt 8:29-34; Mk 5:1-20)
26Tsüselo anyugun le Galil mhundyü kipon Gerasin nyu kazü nyu gunlo, lo a-le kesinki chwiryülo ntsin rünyi tsünyu tero gwakemvu no nchün ndyü zen kehünyu nme le chwiryüo a-zen ketenolo. 27Lo temi tsügü tsü le a-phi a-nya senmvu lo sika nyu a-me kanyu bin mvu kela le jon thon sala. 28Tsükatsü a-le Jisu hyushü ntsin nra sen-o a-mhundyü ka nkhün tsügü zhü tinla, lo a-le nra a-yhenthyüo, “Ketetsotsin gü Sunggigü Nyugü Jisu, ngun kengüo nyu thyü mvuloshvu la? Ale nka hibin nle, a nthyü nnyü nya lo!” 29Kechamvule a-le temi tsügü ge nshün kemvu kapu tsüno chwila lotse zobin kela genyu. Kapu tsügü tsü le himhundyü kinyu a-semen zen hü, lo meno a-khwe bin hü, lo tegiron lo phakekhen pe a-pha khenpvü bin hü ai a-kephin tsü bosebore lao tero gwakemvu gü no a-hü zen-o tehen ki tsüla la tse kehü genyu.
30Tsükatsü Jisu le a-ketso-o, “Nzan le segü la?”
Tsüselo a-le, “Azan le ‘Legion,’ le!” kechamvule tero gwakemvu kechon le yügü a-ge binlo kela genyu. 31Lo anyugun le a-no anyugun nipe kentsuntsin ki shüla nyalo tseo a-ka hi sola.
32Lo tsükatsü tebo dan me le kazüthun phaka tha hotyü bin laryü; tero gwakemvu dan le Jisu no anyugun hüshülo anyugun no tebo dan ka yükelo zoshü lotseo a-ka hi sola. 33Lo a-le anyugun no tsünyu güla lotse zoshü. Tsüselo tero gwakemvu tsüdan le temi tsügü ge chwiryüo tebo dan ka yüla. Lo tebo dan tsüle tinkehü sen-o tsokhin seka yüo zi nyu chetsü gü anyugun nrheshvu küla.
34Tsüselo anyugun kekhwenyu dan le tsü hyu shüo gü rünyi nyu lo low nyu kebin nyu kae zokü shü. 35Tsügenyu anyugun le nyu thyüo tsühontse yo tsekethyü nri titse gun ; tson-o anyugun le Jisu ki keryü ka a-ge tero gwakemvu hükela gü le ntsenlo-o a-phi ben-o Jisu phaka kebin hyulo, tson-o anyugun le nshvu sala. 36Lo tha tsüdan kehyu dan le temi tero gwakemvu gü no a-semen zen hüo thyü ngwa keshü rüla pe anyugun ka zoshü. 37Lo Gerasin kho lukipon hikipon kebin dan le aphu tse Jisu no anyugun nken tinla lotse sola; kechamvule anyugun le nshvurilo kela genyu. Tsüselo a-le yügü run nme ka binlo-o tinla. 38Lo a-ge tero gwakemvu le chwikelagü le, a-no a-zen hü lotseo Jisu ka hiso.
39Ai Jisu le a-ni-o, “Nle n n-pvü nka ki gü Sunggigü le nshwi njün pe ditsüki thyüshü yo tsü rüla pe me ka zoshü lo.” Lo a-ko gü Jisu le a-ge tha keda ditsüki thyüshü yo, tsü zope me tesha küshü.
Jaira Nyugü Kesunni kelo, Lo Tenunyu Nme Thyü Kesherhün Keshü.
(Mt 8:28-34; Mk 5:1-20)
40Tsüselo Jisu le nigun ryüzhü ntsin temi danda le anyugun sherhün sa tse ryüo a-zenlo; kechamvule temi tsüdan le a-le keryü khwe kehü genyu. 41Tsükatsü a-zan le Jaira tsekethyü nme ko ryü, lo temi tsü gü tsüle sinagog kanyu kedanyu nme; a-le nkhü tsügü Jisu phaka zhülo-o Jisu no a-kaki gunlo tse hiso. 42Kechamvule temi tsügü tsü le a-nyu le tenunyu chentseryü kenyhunche nyu nme nti bin laryü tsügi le sila nrün hontselo kela genyu.
Lo Jisu le gü kezhü ka temi le a-ta mimi tse ryü la. 43Tsükatsü chen tseryü kenyhun tezi tsuntin kela tenunyu nme le hü. 44A-le a-hon kebin aphu nke pe dawa keshanyu tsüe gwa loho kela nme le Jisu sikipon ryüo a-phishwe kesü shü ntsin, tezi tsunmvu whütsela. 45Tsügenyu Jisu le, “Akesü keshü gü tsü le segü la?” tson-o ketso shü.
Tsüselo me le a-kesü mvu letse küla ntsin, Pitor lo a-zen kehünyu dan le, “Npugü, temi le nta mimi tse kehü le la?” tson zoshü.
46Ai Jisu le zoshü, “Temi nme le akesü shü laso; kechamvule age kekvu le chwikela ale shabin kela genyu.” 47Ai tenunyu tsügi le kebu keloi kemvu so tson-o nshvu ndün tse ryü-o, a-le a-mhundyü nyu chetsülo njüo a-le nyu genyu Jisu kesüshü yo, lo a-le gwa whütselo kela rüla pe temi aphu mhundyü ka zoshü. 48Tsüselo Jisu le tenunyu tsügi ka, “Anyugi, nketenyen le nthyü kesherhün shüla sele nye; ndyübenlo-o gunla chi!” tsonshü.
49A-le jo tsü zo ketseka sinagog ka nyu kedagü ka temi nme le ryüo, “Nyugü tsüle si laso, tsügenyu nle senkethyü gü no nka ki gun kenjünthyü nya chi!” tson zoshü.
50Ai Jisu le jo tsü shashüo a-ka zonishü, “Nle nshvu nya chi, tenyen binlo, tsonlo yatselo a-no gwa loti,” tsonshü.
51Tsüselo Jisu le gü ka tilo ntsin a-le Pitor lo Johan lo Jakob lo nyu tsügi a-pvü a-jvü dan nyeki temi kechanyu nme-e no a-sithen-o kanyu ki yü mvula.
52Tsükatsü temi selo dan le tsügi chechü bin. Lo Jisu le, “Hagun chü nya chi; kechamvule a-le sila mvu, ai zhü bin nyo.”
53Tsüselo anyugun le a-le sila seletse kethyü sha kebin genyu a-shwinyü sola. 54Ai a-le a-ben sülo njüo, “Lünyu, nle soryülo re!” tson-o a-koshü. 55Tsontsin a-kapu le niryülo-o a-le whütse solo; tsüka Jisu le me no tha khisen ryüo lünyu tsügi no tyülo lotse zoshü. 56Lo tsühontseo a-pvü lo a-jvü au no au dunthyü sala. Ai a-le anyugun no tha higü hi pe temi nme-e ka zo nya lo tsela.
Currently Selected:
LUK 8: REGSBSI
Highlight
Share
Copy
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.
LUK 8
8
Tenunyu dan Me Le Jisu Zenkehü
1Tsüselo jon thonsari kemvu ka Jisu le Sunggigü keda jolokegwa zo sen-o rünyi nyida nyue lo nyishwe nyue me sentyüo ntsü sen-o liki hiki gun. 2Tsükatsü tseryü kenyhunche dan-e lo nduka tenunyu tero gwakemvu no semen zen-o hotse-o gwakelonyu dan me-e azen gun; lo tenunyu tsüdan tsü le Magdalin Maria tsekethyü a-ge tero gwakemvu tsenyü le chwikela gi, lo Herod gogi, 3Chuza nu Joana, lo Susana, lo anyugun kanyü sen-o nnu pe anyugun tsü kehü kechanyu kechon ki-e hü.
Ntsi Kegwün Lope Jokejvü Zokeshü
(Mt 13:1-9; Mk 4:1-9)
4Lo temi danda nme le rünyi aphu ka ryüo kequenlo ntsin a-le jokejvü zo-o anyugun senthyü:
5“Ntsi kegwünnyu nme le a-tsi gwünshü titseo tsüryü. A-le ntsi gwünshü ntsin peha le tson nyu chetsü la, tson-o meno me pha pe kedüla, lo tegü no jüntyü la. 6Lo peha le tsoshethun ge chetsüla; tson-o tsüchwiryü ntsin rügu la, kechamvule nnyon le rüpvüri kethyü genyu. 7Lo dan me le tsehü pvü nyu chetsüla, tson-o tsehü zen kentsin yhun soryüo tsehü le gon lo ntsin anyugun zeshvu la. 8Ai kechanyu dan we kazü kegwa nyu chetsülo-o yhu soryüo a-sha tsi nshalo.”
Lo Jisu le jozo tetso-o, “Temi lihigüe a-nyetin le bin-o nyülo kenyü nyu tsünyu no nyülo chi!” tsonla.
Jokejvü Ka Thakezo
(Mt 13:10-17; Mk 4:10-12)
9Tsüselo senthyükelonyu ju le jokejvü tsüle a-kon le nyu yo tsekethyü ketso. 10Tsontsin a-le anyugun ka, “Hagun we no Sunggigü keda jo kentsun dan shalo lotse shü laso; ai kechanyu ka we jokejvü sen-o zo hünyo; kechamvule tsüdan no nri-e hyulo ho, lo nyü bin-e shalo mvula nrün genyu.
Jisu Le Ntsi Kegwün Jokejvü gü Zokekho Keshü
(Mt 13:18-23; Mk 4:13-20)
11“Lo jokejvü kon le hile: shyetsin tsü le Sunggigü jo gü. 12Lo tson nyu chyetsü kela nyu dan tsüle jo gü nyülo ntsin satan le ryüo anyugun no tenyenlo-o kenilo mvu nrün genyu anyugun nyun ki jo gü se sentin la kehünyu le. 13Lo tsoshethun ge tsükelanyu dan le, jo gü shalo ntsin anyugun sherhün sa-o zenlo; ai anyugun men ndio gwüngwa nme ka nti tenyen bin-o kesemen nme le keryü nyü ranila kehünyu le. 14Lo tsehü dan nyu tsükelanyu le, yhunsoryüo, ntso ntsenyü ka sen kehü kera lo a-kenya lo a-kenyü yhüdyü kethyü dan no a-ta kemhenlao a-sha nshalo mvula kehü nyu le. 15Lo kazü kegwa nyu tsükelo ntsi; dan tsü we jo tsü shalo-o joketsin lo a-nyun njüo tsü sen tsekho gü tilo-o a-shese lamvuo a-sha nshalo kehünyu le.
Mah Nben pe Kebu Kela
(Mk 4:21-25)
16“Lo temi nme-e mah nben pe thano rün pe bin la hümvu, nmvue khipe no hensin ki shüla hümvu; ai kanyu keyünyu no tha hyulo nrün genyu pe mah kenben bin ge shü njü hünyo.
17“Kechamvule pe me tesha mvule tseo thame kekebu ndi; nmvue gingvü chwiryüo me teshashü mvule tseo tesütebu kebin nme-e kendi genyu.
18“Hagun le nyü petsü salo titse kethyü hagun yhen thyü bin lo chi; kechamvule temi lihigüe kebin gü khipe a-tsü sinshü ti; lo temi lihigüe kendi gü we, a-le bin le tse rüchün kehü a-ben nyu kebin tsüe khisen ni tinla nrün genyu.”
Jisu A-jvü Lo A-sikezen nyu Ju
(Mt 12:46-50; Mk 3:31-35)
19Tsüselo Jisu a-jvü lo a-sikezen nyu dan le a-ki ryü, tsükatsü temi chonri kethyü genyu anyugun le a-ki ryülo shvula. 20Ai mele a-ka, “Njvü lo n sikezen nyu dan le n zen kehyu shü nyüo ryüo kamhun ki bin nle,” tsonshü.
21Tsontsin a-le anyugun ka, “Temi lihigüe Sunggigü jo sha-o thyü lo zen kehü nyu, hidan hile ajvü lo asikezen nyu dan le,” tsonla.
Jisu Le Tsangkenbu Khinkela
(Mt 8:23-27; Mk 4:35-41)
22Lo khenyüme a-le senthyükelonyu dan sin tse run nme nyu yülo ntsin a-le anyugun ka, “Ngun züpere lukipon chwila tile je!” Tson-o anyugun le run jen-o tsonchü shü. 23Ai anyugun le gun kezhü ka, Jisu le nngüo zhü tinla; lo tsükatsü zi nyu tsang nbu pe ketetsin thyü ryü la; tson-o zü le yüryüo anyugun run sülo gü zhü kela hyulo-o anyugun le nshvu sa lola. 24Tsüselo anyugun le a-ki gü a-kesun-o, “Npugü, Npugü, n gun le sigü zhü laso!”
Tsüselo a-le sogü tsangkenbu terhi lo zükeda tsü kesü shü ntsin; tsü le ketetsin thyüsin mvulao nyen tsela. 25Tsüselo a-le anyugun ka, “Hagun ketenyen le dikipon tinla ola?”
Tsügenyu anyugun le nshvu lo anyugun dunthyüo khinyunyu ka, “Tsangkenbu lo züda kae tha zoshülo tsüdan-e a-jo zen kehü hile temi nyu tsekethyü nyu layo!” tsonso.
Jisu Le Terogwakemvu Le Zenkehünyu Nme Thyüngwa Keshü
(Mt 8:29-34; Mk 5:1-20)
26Tsüselo anyugun le Galil mhundyü kipon Gerasin nyu kazü nyu gunlo, lo a-le kesinki chwiryülo ntsin rünyi tsünyu tero gwakemvu no nchün ndyü zen kehünyu nme le chwiryüo a-zen ketenolo. 27Lo temi tsügü tsü le a-phi a-nya senmvu lo sika nyu a-me kanyu bin mvu kela le jon thon sala. 28Tsükatsü a-le Jisu hyushü ntsin nra sen-o a-mhundyü ka nkhün tsügü zhü tinla, lo a-le nra a-yhenthyüo, “Ketetsotsin gü Sunggigü Nyugü Jisu, ngun kengüo nyu thyü mvuloshvu la? Ale nka hibin nle, a nthyü nnyü nya lo!” 29Kechamvule a-le temi tsügü ge nshün kemvu kapu tsüno chwila lotse zobin kela genyu. Kapu tsügü tsü le himhundyü kinyu a-semen zen hü, lo meno a-khwe bin hü, lo tegiron lo phakekhen pe a-pha khenpvü bin hü ai a-kephin tsü bosebore lao tero gwakemvu gü no a-hü zen-o tehen ki tsüla la tse kehü genyu.
30Tsükatsü Jisu le a-ketso-o, “Nzan le segü la?”
Tsüselo a-le, “Azan le ‘Legion,’ le!” kechamvule tero gwakemvu kechon le yügü a-ge binlo kela genyu. 31Lo anyugun le a-no anyugun nipe kentsuntsin ki shüla nyalo tseo a-ka hi sola.
32Lo tsükatsü tebo dan me le kazüthun phaka tha hotyü bin laryü; tero gwakemvu dan le Jisu no anyugun hüshülo anyugun no tebo dan ka yükelo zoshü lotseo a-ka hi sola. 33Lo a-le anyugun no tsünyu güla lotse zoshü. Tsüselo tero gwakemvu tsüdan le temi tsügü ge chwiryüo tebo dan ka yüla. Lo tebo dan tsüle tinkehü sen-o tsokhin seka yüo zi nyu chetsü gü anyugun nrheshvu küla.
34Tsüselo anyugun kekhwenyu dan le tsü hyu shüo gü rünyi nyu lo low nyu kebin nyu kae zokü shü. 35Tsügenyu anyugun le nyu thyüo tsühontse yo tsekethyü nri titse gun ; tson-o anyugun le Jisu ki keryü ka a-ge tero gwakemvu hükela gü le ntsenlo-o a-phi ben-o Jisu phaka kebin hyulo, tson-o anyugun le nshvu sala. 36Lo tha tsüdan kehyu dan le temi tero gwakemvu gü no a-semen zen hüo thyü ngwa keshü rüla pe anyugun ka zoshü. 37Lo Gerasin kho lukipon hikipon kebin dan le aphu tse Jisu no anyugun nken tinla lotse sola; kechamvule anyugun le nshvurilo kela genyu. Tsüselo a-le yügü run nme ka binlo-o tinla. 38Lo a-ge tero gwakemvu le chwikelagü le, a-no a-zen hü lotseo Jisu ka hiso.
39Ai Jisu le a-ni-o, “Nle n n-pvü nka ki gü Sunggigü le nshwi njün pe ditsüki thyüshü yo tsü rüla pe me ka zoshü lo.” Lo a-ko gü Jisu le a-ge tha keda ditsüki thyüshü yo, tsü zope me tesha küshü.
Jaira Nyugü Kesunni kelo, Lo Tenunyu Nme Thyü Kesherhün Keshü.
(Mt 8:28-34; Mk 5:1-20)
40Tsüselo Jisu le nigun ryüzhü ntsin temi danda le anyugun sherhün sa tse ryüo a-zenlo; kechamvule temi tsüdan le a-le keryü khwe kehü genyu. 41Tsükatsü a-zan le Jaira tsekethyü nme ko ryü, lo temi tsü gü tsüle sinagog kanyu kedanyu nme; a-le nkhü tsügü Jisu phaka zhülo-o Jisu no a-kaki gunlo tse hiso. 42Kechamvule temi tsügü tsü le a-nyu le tenunyu chentseryü kenyhunche nyu nme nti bin laryü tsügi le sila nrün hontselo kela genyu.
Lo Jisu le gü kezhü ka temi le a-ta mimi tse ryü la. 43Tsükatsü chen tseryü kenyhun tezi tsuntin kela tenunyu nme le hü. 44A-le a-hon kebin aphu nke pe dawa keshanyu tsüe gwa loho kela nme le Jisu sikipon ryüo a-phishwe kesü shü ntsin, tezi tsunmvu whütsela. 45Tsügenyu Jisu le, “Akesü keshü gü tsü le segü la?” tson-o ketso shü.
Tsüselo me le a-kesü mvu letse küla ntsin, Pitor lo a-zen kehünyu dan le, “Npugü, temi le nta mimi tse kehü le la?” tson zoshü.
46Ai Jisu le zoshü, “Temi nme le akesü shü laso; kechamvule age kekvu le chwikela ale shabin kela genyu.” 47Ai tenunyu tsügi le kebu keloi kemvu so tson-o nshvu ndün tse ryü-o, a-le a-mhundyü nyu chetsülo njüo a-le nyu genyu Jisu kesüshü yo, lo a-le gwa whütselo kela rüla pe temi aphu mhundyü ka zoshü. 48Tsüselo Jisu le tenunyu tsügi ka, “Anyugi, nketenyen le nthyü kesherhün shüla sele nye; ndyübenlo-o gunla chi!” tsonshü.
49A-le jo tsü zo ketseka sinagog ka nyu kedagü ka temi nme le ryüo, “Nyugü tsüle si laso, tsügenyu nle senkethyü gü no nka ki gun kenjünthyü nya chi!” tson zoshü.
50Ai Jisu le jo tsü shashüo a-ka zonishü, “Nle nshvu nya chi, tenyen binlo, tsonlo yatselo a-no gwa loti,” tsonshü.
51Tsüselo Jisu le gü ka tilo ntsin a-le Pitor lo Johan lo Jakob lo nyu tsügi a-pvü a-jvü dan nyeki temi kechanyu nme-e no a-sithen-o kanyu ki yü mvula.
52Tsükatsü temi selo dan le tsügi chechü bin. Lo Jisu le, “Hagun chü nya chi; kechamvule a-le sila mvu, ai zhü bin nyo.”
53Tsüselo anyugun le a-le sila seletse kethyü sha kebin genyu a-shwinyü sola. 54Ai a-le a-ben sülo njüo, “Lünyu, nle soryülo re!” tson-o a-koshü. 55Tsontsin a-kapu le niryülo-o a-le whütse solo; tsüka Jisu le me no tha khisen ryüo lünyu tsügi no tyülo lotse zoshü. 56Lo tsühontseo a-pvü lo a-jvü au no au dunthyü sala. Ai a-le anyugun no tha higü hi pe temi nme-e ka zo nya lo tsela.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rengma Naga (S) CL Bible - KENSHÜN LESÜ Naga (S) CL Bible
Copyright © 1995 by The Bible Society of India
Used by permission. All rights reserved worldwide.