THESSALONIKATE II 2
2
Lalpa hung kiitna diing thu a ngaihdan dihloute
1Hizongleh unaute, i Lalpa uh Jesu Khrist hungna diing leh, a kawma i va kikhopna diing thu ah, ka hung ngen uhi, 2Lalpa ni chu ahung tung zouta chihna hagau in aha, thu in aha, huleh kei u’a kipana lehkhathot in aha a na lungtang uh suhliing a umpah a, ahihlouhleh buai lou diingin. 3Koima’n bangmahin hung heem sih heh; ajiahchu puuhsaanna tah ahung tun masat a, sualna mipa, mangthai tapa ngei ahung kilat phot louhleh hu ni chu hung tung lou diing ahi; 4Ama’n chu Pathian chih a um zousiah leh, a kibia zousiah dou a, a tungva um tum in a kisuloupi diing a; Pathian biahinn a tou in, Pathian in a kibawl diing hi. 5Na kawmva ka um laiin hi thute ka hung hilhta chih he nawn lou na hi viai mah? 6Huleh tuin amah chu amah huntah a ahung kilat diing, bangin ahiai daal chih na he uhi. 7Ajiahchu bohsiatna thuguuh in a tong panta hi; a daaltu lampi apat laahmang ahih masiah in a daal zing diing hi. 8Laahmang ahih chiangin migiloupa chu ahung kilang diing a, Lalpa Jesu’n amah chu a kam huin a kaangtum diing a, ahung kilaahna vaah in a sumang diing hi. 9Hu amahpa hungna chu Setan natoh dungjui a silbawltheihnate, chiamchihnate, silmah zuautheite, 10Huleh mangthaite diingin dihtatlouhna heemna zousiah toh ahi diing hi; hutdama a um theihna diing va thutah ngaihnatna a pom louh jiahun. 11Huleh hikhu jiahin zuauthu a gintaatna diingun Pathian in dihlouhna natoh haattah a kawmvah a sawl diing hi; 12Thutah gingta lou a, dihtatlouhna kipaahpih zawte a bawnva siamlouh tansaha a um theihna diingun.
Hasotna leh thuhilhna
13Hizongleh unau, Lalpa deihtahte, Hagau suhsiangthouna leh thutah gintaatna jala hutdama um diing a, a tuung a kipat Pathian in nanguh ahung teel jiahin keiuh chu na tung thu vah Pathian kawmah kipaahthu soi zing diing mawng ka hi uhi. 14Huchibang diingin ama’n i Lalpa uh Jesu Khrist loupina tang diingin ka tanchinpha un nanguh ahung kou hi. 15Hujiahin unaute, ding kip unla, thusoi in hiin, ka lehkhathotun hileh, thugousiah nanguh hung kihilhte chu tukip un. 16Tuin i Lalpa uh Jesu Khrist ngei leh, Pathian, i Pa uh ngei, eite hung lungsiat a, hehpihna jala kumtuang hamuanna leh kinepna hoih hung pepa’n, 17Na lungtang uh suhamuang in, thusoi leh natoh hoih chintengah hung sukipta hen.
Currently Selected:
THESSALONIKATE II 2: SIMTBSI
Highlight
Share
Compare
Copy
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.
THESSALONIKATE II 2
2
Lalpa hung kiitna diing thu a ngaihdan dihloute
1Hizongleh unaute, i Lalpa uh Jesu Khrist hungna diing leh, a kawma i va kikhopna diing thu ah, ka hung ngen uhi, 2Lalpa ni chu ahung tung zouta chihna hagau in aha, thu in aha, huleh kei u’a kipana lehkhathot in aha a na lungtang uh suhliing a umpah a, ahihlouhleh buai lou diingin. 3Koima’n bangmahin hung heem sih heh; ajiahchu puuhsaanna tah ahung tun masat a, sualna mipa, mangthai tapa ngei ahung kilat phot louhleh hu ni chu hung tung lou diing ahi; 4Ama’n chu Pathian chih a um zousiah leh, a kibia zousiah dou a, a tungva um tum in a kisuloupi diing a; Pathian biahinn a tou in, Pathian in a kibawl diing hi. 5Na kawmva ka um laiin hi thute ka hung hilhta chih he nawn lou na hi viai mah? 6Huleh tuin amah chu amah huntah a ahung kilat diing, bangin ahiai daal chih na he uhi. 7Ajiahchu bohsiatna thuguuh in a tong panta hi; a daaltu lampi apat laahmang ahih masiah in a daal zing diing hi. 8Laahmang ahih chiangin migiloupa chu ahung kilang diing a, Lalpa Jesu’n amah chu a kam huin a kaangtum diing a, ahung kilaahna vaah in a sumang diing hi. 9Hu amahpa hungna chu Setan natoh dungjui a silbawltheihnate, chiamchihnate, silmah zuautheite, 10Huleh mangthaite diingin dihtatlouhna heemna zousiah toh ahi diing hi; hutdama a um theihna diing va thutah ngaihnatna a pom louh jiahun. 11Huleh hikhu jiahin zuauthu a gintaatna diingun Pathian in dihlouhna natoh haattah a kawmvah a sawl diing hi; 12Thutah gingta lou a, dihtatlouhna kipaahpih zawte a bawnva siamlouh tansaha a um theihna diingun.
Hasotna leh thuhilhna
13Hizongleh unau, Lalpa deihtahte, Hagau suhsiangthouna leh thutah gintaatna jala hutdama um diing a, a tuung a kipat Pathian in nanguh ahung teel jiahin keiuh chu na tung thu vah Pathian kawmah kipaahthu soi zing diing mawng ka hi uhi. 14Huchibang diingin ama’n i Lalpa uh Jesu Khrist loupina tang diingin ka tanchinpha un nanguh ahung kou hi. 15Hujiahin unaute, ding kip unla, thusoi in hiin, ka lehkhathotun hileh, thugousiah nanguh hung kihilhte chu tukip un. 16Tuin i Lalpa uh Jesu Khrist ngei leh, Pathian, i Pa uh ngei, eite hung lungsiat a, hehpihna jala kumtuang hamuanna leh kinepna hoih hung pepa’n, 17Na lungtang uh suhamuang in, thusoi leh natoh hoih chintengah hung sukipta hen.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.