SILBAWLTE 11
11
Peter in a silbawl a guupna
1Huleh Judia gam a sawllehte leh unau umte’n Jentelte in zong Pathian thu a pomta uh chih, a jata va. 2Huleh Peter chu Jerusalem khua a tuntouh tahin, zehtante’n a kawmah, 3Zehtanloute inn ah na luut a, a kawmvah na ne vial a, chi'n a kalh va. 4Hizongleh Peter in sil umdan a bul akipatin kijom jelin a kawmvah a hilhchian a, hichia chi'n, 5Joppa khua ah haamteiin ka um a; huleh, jelin ka um a, manglam bangin, bangaha bawm, puan liantah bang, a ning li a khih a, vaan akipat a kikhaikhia ka mu a; ka kawm ngeiah ahung tung hi; 6Huchu ka en tinten a, ka ngaihtuah a, huleh lei a gamsa keeng li neite, gamsate, ganhingte boh vaahte leh tunga leeng vate ka mu a. 7Huleh, aw in, Peter, thou inla; that inla ne in, hung chi'n ka ja a. 8Hizongleh ke'n, Lalpa, hilou e, ajiahchu sianglou leh niin mawngmawng bangmah ka kam ah a luut ngei sih, ka chi a. 9Hizongleh vaan akipanin aw in, Pathian in a suhsiangsa nang siang lou chi sin, ahung chi kiit a. 10Huleh huchibang ngenin thumvei ahung um a, huin a bawnin vaan ah khaitouh in a um kiitta hi. 11Huleh ngai un, mi thum Caesarea apat a ka kawma ahung sawl uh ka umna inn ah ana tung uh a. 12Huleh Hagau in ginglel lou leh kuamah khentuam nei loua, amahuh jui diingin ahung sawl a. Hi unau guupte’n zong ahung jui va, hu mi inn ah ka luut uhi; 13Huleh ama’n ka kawmvah, a inn a angel ding a muhdan leh, angel in a kawma, Joppa khua ah mi sawl inla, Simon Peter a chih uh chu va kousah in; 14Ama’n thu ahung hilh diing a, hu thuin nang leh na innkuanpihte huhing in na um diing uh, a chihdan zong ahung hilh hi. 15Huleh thu ka soi pat leh, Hagau Siangthou i tunga ahung tun chiil lai mahbangin, a tungvah ahung tungta hi. 16Huin Lalpa thu, John in tui in mi a baptis veu a; hizongleh, nangun chu Hagau Siangthou in baptisma na hung tang diing uh, a chih chu ka hung hedoh kiitta hi. 17Huchi'n eiuh Lalpa Jesu Khrist gingtate kawma, Pathian in silpiah ahung piah bang a kawmva a piah ve nungin, kei bang giap hi Pathian nial gual ka hiaimah? a chi a. 18Hu thu chu a jah tahun a sipta va, Huchi ahihleh, Pathian in Jentelte zong hing diingin a kisiih uh phal ahita ve, chi'n Pathian a phatta uhi.
Antiok khua a Jentel kouhtuam
19Huleh Stephen jiaha a bawlsiat uh, a taithaangte chu Phoenicia gamte, Cyprus gamte, Antiok khuate tanphain a zin va, Judate kawm chauh ah lou chu kuamah kawmah thu a soi sih uh. 20Hizongleh a lahva khenkhat chu Cyprus gam leh Cyrene khua a mite ahi va, hu mite’n Antiok khua a tunun Grikte zong a houpih va, Lalpa Jesu Tanchinpha a hilhta uhi. 21Huleh Lalpa khut in amahuh a panpih a, huleh, mi tamtah in a gingta va, Lalpa lam ahung ngatta uhi. 22Huin a tanchin thu uh Jerusalem khua a kouhtuam umte bil ah a luutta a; huleh, Antiok khua tung diingin Barnaba a sawlkhia va. 23Huleh amah a va tuna Pathian khotuah zia a va muh in a kipaah mahmah a, phatuam ngaitaha Lalpa chu tu zing diingin a bawnun a hasotta hi. 24Ajiahchu amah chu mi hoihtah ahi a, Hagau Siangthou leh ginna a dim ahi a, huleh, mi tamtah Lalpa kawmah a telbehta uhi. 25Huin Barnaba chu Saul hawl diingin Tarsa khua ah a chiah a, 26Huleh amah a muh in Antiok khua ah ahung pui a. Huleh, hichi ahung hi a, kumkhat kouhtuamte kikhopna ah a tel uh a, mi tampi thu a hilh uhi. Huleh, Antiok khua ah, nungjuite chu Khristian a kichi masapen uhi.
Antiok khua a kouhtuamte’n Jerusalem a panpihna a thot
27Huleh hulaiin zawlnei kuate aha Jerusalem khua apatin Antiok khua ah ahung va. 28Huleh a lahva mi khat, a min Agaba chu a ding a, khovel zousiah ah kial loupitah tung ding ahi chih, Hagau hilhin a hesah a, hu kial chu Klaudia Kaisar lal laiin ahung tung hi. 29Huin nungjuite’n a ngaapdan chiat un, Judia gam a unau umte kawmah panpihna thot a tum uh; 30Huchu a bawlta ngei va, Barnaba leh Saul khut ah, upate kawmah a thotta uhi.
Currently Selected:
SILBAWLTE 11: SIMTBSI
Highlight
Share
Compare
Copy
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.
SILBAWLTE 11
11
Peter in a silbawl a guupna
1Huleh Judia gam a sawllehte leh unau umte’n Jentelte in zong Pathian thu a pomta uh chih, a jata va. 2Huleh Peter chu Jerusalem khua a tuntouh tahin, zehtante’n a kawmah, 3Zehtanloute inn ah na luut a, a kawmvah na ne vial a, chi'n a kalh va. 4Hizongleh Peter in sil umdan a bul akipatin kijom jelin a kawmvah a hilhchian a, hichia chi'n, 5Joppa khua ah haamteiin ka um a; huleh, jelin ka um a, manglam bangin, bangaha bawm, puan liantah bang, a ning li a khih a, vaan akipat a kikhaikhia ka mu a; ka kawm ngeiah ahung tung hi; 6Huchu ka en tinten a, ka ngaihtuah a, huleh lei a gamsa keeng li neite, gamsate, ganhingte boh vaahte leh tunga leeng vate ka mu a. 7Huleh, aw in, Peter, thou inla; that inla ne in, hung chi'n ka ja a. 8Hizongleh ke'n, Lalpa, hilou e, ajiahchu sianglou leh niin mawngmawng bangmah ka kam ah a luut ngei sih, ka chi a. 9Hizongleh vaan akipanin aw in, Pathian in a suhsiangsa nang siang lou chi sin, ahung chi kiit a. 10Huleh huchibang ngenin thumvei ahung um a, huin a bawnin vaan ah khaitouh in a um kiitta hi. 11Huleh ngai un, mi thum Caesarea apat a ka kawma ahung sawl uh ka umna inn ah ana tung uh a. 12Huleh Hagau in ginglel lou leh kuamah khentuam nei loua, amahuh jui diingin ahung sawl a. Hi unau guupte’n zong ahung jui va, hu mi inn ah ka luut uhi; 13Huleh ama’n ka kawmvah, a inn a angel ding a muhdan leh, angel in a kawma, Joppa khua ah mi sawl inla, Simon Peter a chih uh chu va kousah in; 14Ama’n thu ahung hilh diing a, hu thuin nang leh na innkuanpihte huhing in na um diing uh, a chihdan zong ahung hilh hi. 15Huleh thu ka soi pat leh, Hagau Siangthou i tunga ahung tun chiil lai mahbangin, a tungvah ahung tungta hi. 16Huin Lalpa thu, John in tui in mi a baptis veu a; hizongleh, nangun chu Hagau Siangthou in baptisma na hung tang diing uh, a chih chu ka hung hedoh kiitta hi. 17Huchi'n eiuh Lalpa Jesu Khrist gingtate kawma, Pathian in silpiah ahung piah bang a kawmva a piah ve nungin, kei bang giap hi Pathian nial gual ka hiaimah? a chi a. 18Hu thu chu a jah tahun a sipta va, Huchi ahihleh, Pathian in Jentelte zong hing diingin a kisiih uh phal ahita ve, chi'n Pathian a phatta uhi.
Antiok khua a Jentel kouhtuam
19Huleh Stephen jiaha a bawlsiat uh, a taithaangte chu Phoenicia gamte, Cyprus gamte, Antiok khuate tanphain a zin va, Judate kawm chauh ah lou chu kuamah kawmah thu a soi sih uh. 20Hizongleh a lahva khenkhat chu Cyprus gam leh Cyrene khua a mite ahi va, hu mite’n Antiok khua a tunun Grikte zong a houpih va, Lalpa Jesu Tanchinpha a hilhta uhi. 21Huleh Lalpa khut in amahuh a panpih a, huleh, mi tamtah in a gingta va, Lalpa lam ahung ngatta uhi. 22Huin a tanchin thu uh Jerusalem khua a kouhtuam umte bil ah a luutta a; huleh, Antiok khua tung diingin Barnaba a sawlkhia va. 23Huleh amah a va tuna Pathian khotuah zia a va muh in a kipaah mahmah a, phatuam ngaitaha Lalpa chu tu zing diingin a bawnun a hasotta hi. 24Ajiahchu amah chu mi hoihtah ahi a, Hagau Siangthou leh ginna a dim ahi a, huleh, mi tamtah Lalpa kawmah a telbehta uhi. 25Huin Barnaba chu Saul hawl diingin Tarsa khua ah a chiah a, 26Huleh amah a muh in Antiok khua ah ahung pui a. Huleh, hichi ahung hi a, kumkhat kouhtuamte kikhopna ah a tel uh a, mi tampi thu a hilh uhi. Huleh, Antiok khua ah, nungjuite chu Khristian a kichi masapen uhi.
Antiok khua a kouhtuamte’n Jerusalem a panpihna a thot
27Huleh hulaiin zawlnei kuate aha Jerusalem khua apatin Antiok khua ah ahung va. 28Huleh a lahva mi khat, a min Agaba chu a ding a, khovel zousiah ah kial loupitah tung ding ahi chih, Hagau hilhin a hesah a, hu kial chu Klaudia Kaisar lal laiin ahung tung hi. 29Huin nungjuite’n a ngaapdan chiat un, Judia gam a unau umte kawmah panpihna thot a tum uh; 30Huchu a bawlta ngei va, Barnaba leh Saul khut ah, upate kawmah a thotta uhi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.