SILBAWLTE 14
14
Paul leh Barnaba Ikonium ah
1Huleh, Ikonium khua ah hichi ahung hia, Judate kikhopna inn ah a luutkhawm va, thu a soi va, huchi'n, Judate leh Grikte tamtah in zong a gingtata uhi. 2Hizongleh, gingta lou Judate’n Jentelte a chiilsia va, unaute a mudahsahta uhi. 3Hujiahin, Lalpa ah haangsantaha thu soi in hu ah sawttah a um va, ama’n chu chiamtehnate leh sillamdangte a khut va bawlsah in, a hehpihthu a theisah jel hi. 4Hizongleh khopi sunga mipite chu a kilangkhen va; khenkhat in Judate a gum va, khenkhat in sawllehte a gum uhi. 5Huin, Jentelte leh Judate’n a houtute uh toh kithuaha sawllehte zumhuaitaha bawl leh suang a seh tum a sil a bawl tahun, 6Amahun hichu ana he va, Likaonia gam a Listra leh Derbe khua ah, huleh a kiimvel gam ah a taimang uh; 7Huleh hu ah chu tanchinpha a soita uhi.
Listra khua a zeng suhdam ahi
8Huleh Listra khua ah keeng zoi kua aha mi khat a tou a, a pian tuung apat keengbaai mawng ahi a, keeng in a pai ngei sih hi; 9Hu mi'n Paul thusoi a ngaikhia a; huleh Paul in a ensaal a, a damna diingin ginna a nei chih a he a, 10Aw ngaihtahin, Na keeng in dingtang in, a chi a. Huin, amah chu a kitawm a, a keeng in a paita hi. 11Huleh mipite’n Paul silbawl chu a muh tahun ngaihtaha kikou in, Likaonia haam in, Pathiante chu mihing banga i kawmva hungsuh ahi uh, a chi va. 12Huleh amahun Barnaba chu, Jupiter a chi va, Paul chu thusoipen ahih jiahin, Merkuria, a chi uhi. 13Huin khopi kot maaia um Jupiter siampupa’n chu bawngtalte leh paahvui kotpi bulah ahung tawi a, mipite toh amahuh geel biahna in thah a tumta hi. 14Hizongleh sawllehte, Barnaba leh Paul in hichu a heet tahun, a puan uh a botkeeh va, mipi lahah a tawmluut va, a kikou va, 15Pute, bang diinga hi silte bawl na hi viai? Keiuh zong nanguh toh thuaah kibang mihing ka hi uhi, huleh hi sil thulimloute na kiheisan va, vaan leh lei, tui khang lian huleh a sunga sil um zousiah bawlpa Pathian hing kawma na hung kihei theihna diingun tanchinpha ka hung tut uh ahi. 16Hu Pathian in chu nidang laiin nam chin amahuh lampi chiat a, a chiah uh ana phal a. 17Ahihvangin Amah heetsahna bawl louin ana umsah sih, huchi'n, silhoih a bawl jel a, vaan apatin guahtui leh gahpha bangkim ahung pia a, i lungtang (lungtangte) uh neeh diing leh kipaahna in a sudim zing hi, a chi va. 18Huleh hi thute soi in, mipite’n amahuh biahna diing a gan a goh diing uh a khap zou hamham uhi. 19Huleh Antiok leh Ikonium khua apat Judami kuate aha hu ah a hung va, mipite chu a heem zou va, huchi'n Paul chu suang in a sep va, si a, a gintaat jiahun khopi geilam ah a kaikhia uhi. 20Ahihvangin nungjuite a kiima a din laiun, ahung thou a, khopi sungah ahung luut kiitta a; huleh, a jingin Barnaba toh Derbe khua ah a chiahta uhi.
Antiok a a kiih uh
21Huleh amahun hu khopi a tanchinpha a soi va, mi tampi a hilh zohun, Listra leh, Ikonium leh, Antiok khua ah a kiih kiitta uhi. 22Gimna tampi thuaah in Pathian gam ah i luut diing mawng ahi, chi'n nungjuite lungsim a kipsah va, ginna a um zingzing diingin a hasot uhi. 23Huleh kouhtuam china upate a namdet va, an ngawl a, a haamtei zohun, amahuh chu a gintaat uh Lalpa kawmah a kemsahta uhi. 24Huleh Pisidia gam chu a tawnsuah va, Pamphilia gam a tungva. 25Huleh Perga khua a thu a soi zohun, Attalia khua ah a chiahsuh uhi; 26Huleh hu akipatin kuang in a chiah va, a natoh zohsa uh tong diing a unaute’n Pathian khotuahna kemsaha a pawtna uh Antiok khua chu ahung tungta uhi. 27Huleh ahung tunun, kouhtuamte chu a koukhawm va, Pathian in amahuh zang a sil a bawl zousiah leh Jentelte diing a ginna kotkhaah a honsahdante a hilh uhi. 28Huleh nungjuite toh sawttah a umkhawmta uhi.
Currently Selected:
SILBAWLTE 14: SIMTBSI
Highlight
Share
Compare
Copy
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.
SILBAWLTE 14
14
Paul leh Barnaba Ikonium ah
1Huleh, Ikonium khua ah hichi ahung hia, Judate kikhopna inn ah a luutkhawm va, thu a soi va, huchi'n, Judate leh Grikte tamtah in zong a gingtata uhi. 2Hizongleh, gingta lou Judate’n Jentelte a chiilsia va, unaute a mudahsahta uhi. 3Hujiahin, Lalpa ah haangsantaha thu soi in hu ah sawttah a um va, ama’n chu chiamtehnate leh sillamdangte a khut va bawlsah in, a hehpihthu a theisah jel hi. 4Hizongleh khopi sunga mipite chu a kilangkhen va; khenkhat in Judate a gum va, khenkhat in sawllehte a gum uhi. 5Huin, Jentelte leh Judate’n a houtute uh toh kithuaha sawllehte zumhuaitaha bawl leh suang a seh tum a sil a bawl tahun, 6Amahun hichu ana he va, Likaonia gam a Listra leh Derbe khua ah, huleh a kiimvel gam ah a taimang uh; 7Huleh hu ah chu tanchinpha a soita uhi.
Listra khua a zeng suhdam ahi
8Huleh Listra khua ah keeng zoi kua aha mi khat a tou a, a pian tuung apat keengbaai mawng ahi a, keeng in a pai ngei sih hi; 9Hu mi'n Paul thusoi a ngaikhia a; huleh Paul in a ensaal a, a damna diingin ginna a nei chih a he a, 10Aw ngaihtahin, Na keeng in dingtang in, a chi a. Huin, amah chu a kitawm a, a keeng in a paita hi. 11Huleh mipite’n Paul silbawl chu a muh tahun ngaihtaha kikou in, Likaonia haam in, Pathiante chu mihing banga i kawmva hungsuh ahi uh, a chi va. 12Huleh amahun Barnaba chu, Jupiter a chi va, Paul chu thusoipen ahih jiahin, Merkuria, a chi uhi. 13Huin khopi kot maaia um Jupiter siampupa’n chu bawngtalte leh paahvui kotpi bulah ahung tawi a, mipite toh amahuh geel biahna in thah a tumta hi. 14Hizongleh sawllehte, Barnaba leh Paul in hichu a heet tahun, a puan uh a botkeeh va, mipi lahah a tawmluut va, a kikou va, 15Pute, bang diinga hi silte bawl na hi viai? Keiuh zong nanguh toh thuaah kibang mihing ka hi uhi, huleh hi sil thulimloute na kiheisan va, vaan leh lei, tui khang lian huleh a sunga sil um zousiah bawlpa Pathian hing kawma na hung kihei theihna diingun tanchinpha ka hung tut uh ahi. 16Hu Pathian in chu nidang laiin nam chin amahuh lampi chiat a, a chiah uh ana phal a. 17Ahihvangin Amah heetsahna bawl louin ana umsah sih, huchi'n, silhoih a bawl jel a, vaan apatin guahtui leh gahpha bangkim ahung pia a, i lungtang (lungtangte) uh neeh diing leh kipaahna in a sudim zing hi, a chi va. 18Huleh hi thute soi in, mipite’n amahuh biahna diing a gan a goh diing uh a khap zou hamham uhi. 19Huleh Antiok leh Ikonium khua apat Judami kuate aha hu ah a hung va, mipite chu a heem zou va, huchi'n Paul chu suang in a sep va, si a, a gintaat jiahun khopi geilam ah a kaikhia uhi. 20Ahihvangin nungjuite a kiima a din laiun, ahung thou a, khopi sungah ahung luut kiitta a; huleh, a jingin Barnaba toh Derbe khua ah a chiahta uhi.
Antiok a a kiih uh
21Huleh amahun hu khopi a tanchinpha a soi va, mi tampi a hilh zohun, Listra leh, Ikonium leh, Antiok khua ah a kiih kiitta uhi. 22Gimna tampi thuaah in Pathian gam ah i luut diing mawng ahi, chi'n nungjuite lungsim a kipsah va, ginna a um zingzing diingin a hasot uhi. 23Huleh kouhtuam china upate a namdet va, an ngawl a, a haamtei zohun, amahuh chu a gintaat uh Lalpa kawmah a kemsahta uhi. 24Huleh Pisidia gam chu a tawnsuah va, Pamphilia gam a tungva. 25Huleh Perga khua a thu a soi zohun, Attalia khua ah a chiahsuh uhi; 26Huleh hu akipatin kuang in a chiah va, a natoh zohsa uh tong diing a unaute’n Pathian khotuahna kemsaha a pawtna uh Antiok khua chu ahung tungta uhi. 27Huleh ahung tunun, kouhtuamte chu a koukhawm va, Pathian in amahuh zang a sil a bawl zousiah leh Jentelte diing a ginna kotkhaah a honsahdante a hilh uhi. 28Huleh nungjuite toh sawttah a umkhawmta uhi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.