SILBAWLTE 21
21
Paul Mileta apat Tura ah
1Huleh hichi ahung hi a, amahuh toh ka kikhen zohun, kuang in ka chiah va, zangjelin Koos ka tungva, huleh, a jing in Rode ka tungva, hu apatin Patara khua ka tung uhi; 2Huleh, Phoenicia gam a kai diing kuang khat ka mu va, ka tuang va, ka chiah jel uhi. 3Huleh Cyprus gam ka muhun veilampang ah ka peel va, Syria gam lamah ka chiah jel va, huleh Tura khua ah ka kinga uh; hu mun a kuang van suahkhiah diing ahihjiahin. 4Huleh nungjuite ka hawldoh va, huah ni sagih ka taam uhi; amahun Hagau hilh in Paul kawmah Jerusalem khua a, a chiah louh diing ahi, chih a soi uh. 5Huleh hu ni zaat ka um zohun, ka kipandoh va, ka chiahna diing uh ka zuanta va; huleh, amahun a bawnun, a jite a tate utoh khogei dongin ahung ha va; huin tui khang lian geiah ka khupdin va, ka haamtei uhi. 6Huleh mangpha ka kihaah zohun, keiuh kuang ah ka tuang va, amahuh inn lamah a kiih kiitta uhi. 7Huleh Tura khua apat kuang a chiah in Ptolemai khua ka tung va, unaute chibai ka buuh va, a kawmvah nikhat ka um uhi.
Paul, Caesarea ah
8Huleh a jingni in keiuh Paul lawite teng ka kipandoh va, Caesarea ka tungva; sagihte laha khat, sawlleh Philip innah ka luut va; amah toh ka um uhi (Sil. 6:5). 9Huleh hu mipa’n tanu li a nei a, nungaah siangthou ahi va, Pathian thu a soi jel uhi. 10Huleh huah ni tampi ka taam laiun, Judia gam a kipan a min Agaba kichi zawlnei khat a hungsuh a. 11Huleh amah ka kawmvah ahung a, Paul kawnggaah a la a, a khutte leh a keengte a kikaan a, huleh, Hi kawnggaah neitu hi Jerusalem khua a Judate’n hichi bangin a kaan diing va, Jentelte khutah a pekhe sawn diing uhi, Hagau Siangthou in a chi hi, a chi a. 12Huleh hi thu ka jah tahun, keiuh leh hu muna umte’n Paul chu Jerusalem khua a chiah lou diingin ka hou uh. 13Huin Paul in, Bang diinga na kah va, ka lung na siatsah uh ahiai? ajiahchu Jerusalem khua a kaan chauh hi louin, Lalpa Jesu min diingin sih zong ka ngaap ahi, chi'n a dawng hi. 14Huleh houh zoh gual ahih louh tahin ka tawp va, Lalpa thuthu hiheh, ka chita uhi.
Paul Jerusalem ah
15Huleh hu nite nungin ka van uh ka siam va, Jerusalem ah ka chiahtouta uhi. 16Caesarea apatin nungjui kuate aha in ahung jui va, amahun a min Mnason, Cyprus a nungjui masa khat tunna a ka neih diingpa uh ahung pui uhi. 17Huleh Jerusalem ka hung tun tahun, unaute in kipaahtahin ahung na saang uhi.
Paul in Juda Khristiante lep a tupna
18Huleh a jingni in, Paul chu kei u’toh Jakob kawmah a luut a; huah kouhtuam upate zousiah a um uhi. 19Huleh Paul in amahuh chibai a buuh zohin, a natohna zanga Pathian in Jentelte laha sil a bawlsah zousiah chu a baan in a soi hi. 20Huleh amahun hu thu a jah un, Lalpa a paahtawi va; huin Paul kawmah, Unaupa, Judate lahah gingtute saang tamtah na mu a; huleh a bawnun daan tungah phatuam a ngai uhi. 21Huleh nang, Jentelte laha Juda umhaw zousiah kawma a tate uh zehtan louh diing leh, daan banga um louh diing, chi'n, Mosi paihkhiahna diing na thu hilh jel chih mi kama kipanin na thu a he uhi. 22Bangchi hita diing ahiai le? mipi ahung paikhawm ngei diing uhi; Na hung tung chih lah ja ngei diing ahi va. 23Hujiahin na kawma ka soi bangun bawl in; Kichiamna nei pasal li ka nei va; 24Hu mite pui inla, amahuh toh kisusiang inla, a sam uh a meetna diing uh sum tuaah in; huchi'n mi zousiah in, mi kama na thu a jah teng uh bangmahlou ahi chih a he diing va, nang chu daan juiin kijentahin na um zaw chih a he diing uhi. 25Jentelte laha gingtute tungtaang thu zaw, milim biahna sil neeh lamah, sa sisan neeh lamah, sa heehlup neeh lamah, kingaih lam banga kipanin, a kihepkhiah uh chih louhngal sildang a tang sih uhi, chih ka soi va, ka gialta uhi, a chi va. 26Huin Paul in a jingni in mite chu a puia, a kawmvah a kisiangsah a, Pathian biahinn ah a luut a, kisiansahna ni bei hun diing leh, amahuh chiat a diinga a sillat hun diing uh siampu kawmah ava hilh hi.
Jerusalem buaina leh Paul a mat uh
27Huleh ni sagih a chin diing kuan tahin, Asia gam a Judate in Pathian biahinn a Paul a muh tahun, mipi zousiah a chiilsia va, amah a man va, 28A kikou va, Israel mite, hung panpih un: hi mipa ahi, gam china mi zousiah kawma, Juda mite, daante, huleh, hi mun soisia chu; hu lou zong Pathian biahinn ah Grikte a luutpih a, hi inn siangthou a hihbuah zouta hi, a chi va. 29(Ajiahchu hu ma in khopi ah Ephesa khawmi Trophima, a kawmah a mu va, Paul in amah chu Pathian biahinn ah ahung pui tahin a gingta uhi) 30Huin, khopi zousiah a phuta souhsouh va, mihaw chu a taikhawm va; Paul chu a man va, Pathian biahinn a kipan a kaidoh va; kotkhaahte a khaahpah ngal uhi. 31Huleh amah thah a tup laitahun, Jerusalem khua a mi zousiah a buai uh chih thu, sepaih houtu lianpen kawm a tung a. 32Ama’n sepaihte leh sepaih zahoutute a puipah ngal a, a kawmvah a taisuh a; huin, amahun houtu lianpen leh sepaihte a muh tahun, Paul a vuaah uh chu a tawpta uhi. 33Huin houtu lianpenin ahung naih a, Paul a tu a, khainiang nih a khih diing thu a pia a; huleh, kua hi aha, bang hihsia aha, chih a dong hi. 34Huleh mipi lahah a khen thukhat in a kikou va, a khen thudang in a kikou uhi; huleh, buai jiahin a dan a he sih a, kulh a puiluut thu a pia hi. 35Huleh Paul kalbi a tun laiin, mipi'n a hoh nasat jiahun sepaihte’n amah a domkaang uhi. 36Mipi zousiah in, Sumangthai un, chi a kikou in a jui lutlut ngal va. 37Huleh, Paul chu kulh a, a puiluut diing kuan un, ama’n sepaih houtu lianpen kawmah, Na kawmah thu themkhat ka soi thei diai? a chi a; huleh, ama’n, Grik haam na he maw? 38Tuma a mite buaina bawla mithatte saangli gamdai a puikhetu, Aiguptami hilou na hi maw? a chi a. 39Hizongleh Paul in, Judami, Silisia gam a Tarsa khua a mi ka hi, kho namei a um hilou ka hi; hung lungsiat inla, mi zousiah kawmah thu hung soisah in, a chi a. 40Huleh, lem a sah tahin, Paul chu kalbi ah a ding a, mipi lam a khut in a jap a. Huleh, a sipduam tahun, a kawmvah Hebrai haam in thu a soi hi.
Currently Selected:
SILBAWLTE 21: SIMTBSI
Highlight
Share
Compare
Copy
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.
SILBAWLTE 21
21
Paul Mileta apat Tura ah
1Huleh hichi ahung hi a, amahuh toh ka kikhen zohun, kuang in ka chiah va, zangjelin Koos ka tungva, huleh, a jing in Rode ka tungva, hu apatin Patara khua ka tung uhi; 2Huleh, Phoenicia gam a kai diing kuang khat ka mu va, ka tuang va, ka chiah jel uhi. 3Huleh Cyprus gam ka muhun veilampang ah ka peel va, Syria gam lamah ka chiah jel va, huleh Tura khua ah ka kinga uh; hu mun a kuang van suahkhiah diing ahihjiahin. 4Huleh nungjuite ka hawldoh va, huah ni sagih ka taam uhi; amahun Hagau hilh in Paul kawmah Jerusalem khua a, a chiah louh diing ahi, chih a soi uh. 5Huleh hu ni zaat ka um zohun, ka kipandoh va, ka chiahna diing uh ka zuanta va; huleh, amahun a bawnun, a jite a tate utoh khogei dongin ahung ha va; huin tui khang lian geiah ka khupdin va, ka haamtei uhi. 6Huleh mangpha ka kihaah zohun, keiuh kuang ah ka tuang va, amahuh inn lamah a kiih kiitta uhi. 7Huleh Tura khua apat kuang a chiah in Ptolemai khua ka tung va, unaute chibai ka buuh va, a kawmvah nikhat ka um uhi.
Paul, Caesarea ah
8Huleh a jingni in keiuh Paul lawite teng ka kipandoh va, Caesarea ka tungva; sagihte laha khat, sawlleh Philip innah ka luut va; amah toh ka um uhi (Sil. 6:5). 9Huleh hu mipa’n tanu li a nei a, nungaah siangthou ahi va, Pathian thu a soi jel uhi. 10Huleh huah ni tampi ka taam laiun, Judia gam a kipan a min Agaba kichi zawlnei khat a hungsuh a. 11Huleh amah ka kawmvah ahung a, Paul kawnggaah a la a, a khutte leh a keengte a kikaan a, huleh, Hi kawnggaah neitu hi Jerusalem khua a Judate’n hichi bangin a kaan diing va, Jentelte khutah a pekhe sawn diing uhi, Hagau Siangthou in a chi hi, a chi a. 12Huleh hi thu ka jah tahun, keiuh leh hu muna umte’n Paul chu Jerusalem khua a chiah lou diingin ka hou uh. 13Huin Paul in, Bang diinga na kah va, ka lung na siatsah uh ahiai? ajiahchu Jerusalem khua a kaan chauh hi louin, Lalpa Jesu min diingin sih zong ka ngaap ahi, chi'n a dawng hi. 14Huleh houh zoh gual ahih louh tahin ka tawp va, Lalpa thuthu hiheh, ka chita uhi.
Paul Jerusalem ah
15Huleh hu nite nungin ka van uh ka siam va, Jerusalem ah ka chiahtouta uhi. 16Caesarea apatin nungjui kuate aha in ahung jui va, amahun a min Mnason, Cyprus a nungjui masa khat tunna a ka neih diingpa uh ahung pui uhi. 17Huleh Jerusalem ka hung tun tahun, unaute in kipaahtahin ahung na saang uhi.
Paul in Juda Khristiante lep a tupna
18Huleh a jingni in, Paul chu kei u’toh Jakob kawmah a luut a; huah kouhtuam upate zousiah a um uhi. 19Huleh Paul in amahuh chibai a buuh zohin, a natohna zanga Pathian in Jentelte laha sil a bawlsah zousiah chu a baan in a soi hi. 20Huleh amahun hu thu a jah un, Lalpa a paahtawi va; huin Paul kawmah, Unaupa, Judate lahah gingtute saang tamtah na mu a; huleh a bawnun daan tungah phatuam a ngai uhi. 21Huleh nang, Jentelte laha Juda umhaw zousiah kawma a tate uh zehtan louh diing leh, daan banga um louh diing, chi'n, Mosi paihkhiahna diing na thu hilh jel chih mi kama kipanin na thu a he uhi. 22Bangchi hita diing ahiai le? mipi ahung paikhawm ngei diing uhi; Na hung tung chih lah ja ngei diing ahi va. 23Hujiahin na kawma ka soi bangun bawl in; Kichiamna nei pasal li ka nei va; 24Hu mite pui inla, amahuh toh kisusiang inla, a sam uh a meetna diing uh sum tuaah in; huchi'n mi zousiah in, mi kama na thu a jah teng uh bangmahlou ahi chih a he diing va, nang chu daan juiin kijentahin na um zaw chih a he diing uhi. 25Jentelte laha gingtute tungtaang thu zaw, milim biahna sil neeh lamah, sa sisan neeh lamah, sa heehlup neeh lamah, kingaih lam banga kipanin, a kihepkhiah uh chih louhngal sildang a tang sih uhi, chih ka soi va, ka gialta uhi, a chi va. 26Huin Paul in a jingni in mite chu a puia, a kawmvah a kisiangsah a, Pathian biahinn ah a luut a, kisiansahna ni bei hun diing leh, amahuh chiat a diinga a sillat hun diing uh siampu kawmah ava hilh hi.
Jerusalem buaina leh Paul a mat uh
27Huleh ni sagih a chin diing kuan tahin, Asia gam a Judate in Pathian biahinn a Paul a muh tahun, mipi zousiah a chiilsia va, amah a man va, 28A kikou va, Israel mite, hung panpih un: hi mipa ahi, gam china mi zousiah kawma, Juda mite, daante, huleh, hi mun soisia chu; hu lou zong Pathian biahinn ah Grikte a luutpih a, hi inn siangthou a hihbuah zouta hi, a chi va. 29(Ajiahchu hu ma in khopi ah Ephesa khawmi Trophima, a kawmah a mu va, Paul in amah chu Pathian biahinn ah ahung pui tahin a gingta uhi) 30Huin, khopi zousiah a phuta souhsouh va, mihaw chu a taikhawm va; Paul chu a man va, Pathian biahinn a kipan a kaidoh va; kotkhaahte a khaahpah ngal uhi. 31Huleh amah thah a tup laitahun, Jerusalem khua a mi zousiah a buai uh chih thu, sepaih houtu lianpen kawm a tung a. 32Ama’n sepaihte leh sepaih zahoutute a puipah ngal a, a kawmvah a taisuh a; huin, amahun houtu lianpen leh sepaihte a muh tahun, Paul a vuaah uh chu a tawpta uhi. 33Huin houtu lianpenin ahung naih a, Paul a tu a, khainiang nih a khih diing thu a pia a; huleh, kua hi aha, bang hihsia aha, chih a dong hi. 34Huleh mipi lahah a khen thukhat in a kikou va, a khen thudang in a kikou uhi; huleh, buai jiahin a dan a he sih a, kulh a puiluut thu a pia hi. 35Huleh Paul kalbi a tun laiin, mipi'n a hoh nasat jiahun sepaihte’n amah a domkaang uhi. 36Mipi zousiah in, Sumangthai un, chi a kikou in a jui lutlut ngal va. 37Huleh, Paul chu kulh a, a puiluut diing kuan un, ama’n sepaih houtu lianpen kawmah, Na kawmah thu themkhat ka soi thei diai? a chi a; huleh, ama’n, Grik haam na he maw? 38Tuma a mite buaina bawla mithatte saangli gamdai a puikhetu, Aiguptami hilou na hi maw? a chi a. 39Hizongleh Paul in, Judami, Silisia gam a Tarsa khua a mi ka hi, kho namei a um hilou ka hi; hung lungsiat inla, mi zousiah kawmah thu hung soisah in, a chi a. 40Huleh, lem a sah tahin, Paul chu kalbi ah a ding a, mipi lam a khut in a jap a. Huleh, a sipduam tahun, a kawmvah Hebrai haam in thu a soi hi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.