TITA 3
3
1Amahuh chu vaihawmtute leh thuneitute kawma kituluut diingin, thukhentute thu mang diingin, sil hoih taphot bawl diing a kigingsa a um diingin, 2Mi koimah soise lou diingin, thupawt bawl lou diingin, nunnem a, mi zousiah kawma thunuailuutna ensah zaw diingin hilh pha in. 3Ajiahchu eite ngei zong malaiin mingolte, thumangloute, heema umte, utna leh nopna chituamtuam bawlte, gilou leh thangse zing a umte, kihdahhuaite, huleh khat leh khat kimudahte i na hi uhi. 4Hizongleh mihing tunga i Hundampa uh Pathian chitna leh lungsiatna ahung kilat nungin, 5Dihtatna natoh, eiuh bawlte jiah hilou in, pianthahna silna leh, Hagau Siangthou siamthah kiitna in, a khotuahna dungjuiin ahung hundamta hi; 6Hu Hagau Siangthou chu Jesu Khrist i Hundampa uh jalin i tungvah naahpitahin ahung leihbua hi. 7A hehpihna a siamtansah a um in kumtuang hinna kinepna dungjuiin gouluahtu diing a siamin i um ngei diing uhi. 8Pathian gingtasate’n sil hoih bawl zing diing ngaihtuah u’heh chih thu hi a ginum ahi, huleh hi thute chu khauhtaha na soi zing ka deih hi. Hite chu mihing diingin a hoih a, huleh a phatuam hi. 9Hizongleh thudoh ngolhuaite leh khang thu suutte leh, kinialnate leh, daanthua kikalhnate chu kiheimangsan in; ajiahchu hute hi sil phatuamlou leh bangmahlou ahi. 10Gindan dihlou nei mi chu khatvei nihvei na hilh nungin nual in. 11Huchibang mi chu a sia in, a sual a, amah leh amah siamlouh kitangsah ahi chih na he hi.
Kihaahna thute
12Artema aha, Tikika aha na kawma ka hung sawl chiangin Nikopoli khua ah ka kawmah hung teitei tum in; ajiahchu hu munah phalbi sung um ka tum hi. 13Zena, daanhetu leh, Apollo a khualzinna va bangmah a taahsap louhna diingun phatuamngaitahin hung pui in. 14Huleh eimah mite zong gahlou a, a um louhna diingun a poimohna a zat diing sil hoih bawl zing diingin kizilsah in. 15Ka kawma umte zousiah in nang chibai ahung buuh uhi. Ginna a ei hung lungsiatte chibai na buuh in. Na bawnva kawmah hehpihna um hen. Amen.
Currently Selected:
TITA 3: SIMTBSI
Highlight
Share
Compare
Copy
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.
TITA 3
3
1Amahuh chu vaihawmtute leh thuneitute kawma kituluut diingin, thukhentute thu mang diingin, sil hoih taphot bawl diing a kigingsa a um diingin, 2Mi koimah soise lou diingin, thupawt bawl lou diingin, nunnem a, mi zousiah kawma thunuailuutna ensah zaw diingin hilh pha in. 3Ajiahchu eite ngei zong malaiin mingolte, thumangloute, heema umte, utna leh nopna chituamtuam bawlte, gilou leh thangse zing a umte, kihdahhuaite, huleh khat leh khat kimudahte i na hi uhi. 4Hizongleh mihing tunga i Hundampa uh Pathian chitna leh lungsiatna ahung kilat nungin, 5Dihtatna natoh, eiuh bawlte jiah hilou in, pianthahna silna leh, Hagau Siangthou siamthah kiitna in, a khotuahna dungjuiin ahung hundamta hi; 6Hu Hagau Siangthou chu Jesu Khrist i Hundampa uh jalin i tungvah naahpitahin ahung leihbua hi. 7A hehpihna a siamtansah a um in kumtuang hinna kinepna dungjuiin gouluahtu diing a siamin i um ngei diing uhi. 8Pathian gingtasate’n sil hoih bawl zing diing ngaihtuah u’heh chih thu hi a ginum ahi, huleh hi thute chu khauhtaha na soi zing ka deih hi. Hite chu mihing diingin a hoih a, huleh a phatuam hi. 9Hizongleh thudoh ngolhuaite leh khang thu suutte leh, kinialnate leh, daanthua kikalhnate chu kiheimangsan in; ajiahchu hute hi sil phatuamlou leh bangmahlou ahi. 10Gindan dihlou nei mi chu khatvei nihvei na hilh nungin nual in. 11Huchibang mi chu a sia in, a sual a, amah leh amah siamlouh kitangsah ahi chih na he hi.
Kihaahna thute
12Artema aha, Tikika aha na kawma ka hung sawl chiangin Nikopoli khua ah ka kawmah hung teitei tum in; ajiahchu hu munah phalbi sung um ka tum hi. 13Zena, daanhetu leh, Apollo a khualzinna va bangmah a taahsap louhna diingun phatuamngaitahin hung pui in. 14Huleh eimah mite zong gahlou a, a um louhna diingun a poimohna a zat diing sil hoih bawl zing diingin kizilsah in. 15Ka kawma umte zousiah in nang chibai ahung buuh uhi. Ginna a ei hung lungsiatte chibai na buuh in. Na bawnva kawmah hehpihna um hen. Amen.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
Simte New Testament - Thuhun Thah
Copyright © 2016 by The Bible Society of India
Used by permission. All rights reserved worldwide.