LUK 13
13
Oxine lono Ide moaye Thialo
1Tipa mtsa timi khami ighieno Jisu vilo, “Galilmi khami no Alhou mllakeu aghashi ake lono Pilat no ghiqhive keu hu” ipi. 2Jisu no panongu khochile pi: “Galilmi tipaqoye titoi ghiqhiveke ghenguno panonguye Galilmi kutami kumtsu nguno axine kuthouke pi nonguye kumsu ani kesha? 3Moe! Ino nongu vilo pini, nonguno nongu xine lono xaideghivemo napi aye, panongu toi nongu kumtsu thi nani. 4Imaye Silom lo pano chighi tache aliwono panongu shou ilaiqiku kelono thivekeqo huye? Nonguno kumsukeuye panonguye Jerusalem lo kutami xuakeqo nguno alhoksau kepi hino amchie ipi ani kesha? 5Moe! Ino nongu vilo pini, nonguno nongu xine lono xadeghivemo aye panongu toi nongu kumtsu thi nani.”
Alothi pithi kumo Khughuthibo
6Tishieno, panongu vilo Jisu no hipau holetsa pi: “Timi lakhino axathililo khughuthibo lakhi pighia. Pano khughuthi pithi aghini malaye juwu kemu lakhimu ithumla. 7Ikehu pano pawu axathili kumlau vilo pi, ‘Julepi, ampe kuthu kutolo niye hile ighi acheni, khughuthibo hipaulo alothi pithi ani mala ju acheni eno niye lakhimu ithumlavae. Hi yeqhivelo! Kushiye hipau pelo ayeghi vekha apeni kya?’ 8Ikemu axathili kumlauno pi, ‘Hipau mipe likhimu qhipuaghilo, akijeu, ino hipau homxa chhuleno aghuma sujuni. 9Eno hino toku athi pithi aye ti alova, ti kumo aye tileno nono hi yeqhive penie!’ ”
Apineni Jisu no Aghutsu Kughukomi Totimi Shipivi
10Apine tsala lakhilo Jisu ye Sinagog lo kutsua. 11Tile totimi lakhi khuu lolo tughakusa lakhi akehuno ampe chighi tache li pelo su achepe. Liye ikokoi puzu khilemu mzuchoi puthugho mlae. 12Kughou Jisu no li ithulu keno pano li vilo pa lau ighilo pi, “Totimio, akusu lono okuqhophevae!” 13Pano pa-u pesu li shou be kemtsa li ghutsuye muzuchoive eno lino Alhou akishe tsu. 14Sinagog lo sakipheuye Jisu no apinenino shipivi kehu axu ideve; ikehu paye timiqo vilo pithu: “Atsala tsugho lono akumla mla itha kepue, ike tipaqo tsala lono ighino shipivi lukhalo, ikemu apineni tsala loye tishi kevilo!” #Ipe 20.9-10; Zaki 5.13-14 15Ampeu no pa khochile ghi pi: “Nongu kuhakughaqo! Nongu gholo khuno apineni lonomu pa mishi momu gadaha aki lono kuqho sasu wo azu piye chemo kya? 16Itehi hile Abraham tikughukomi lakhi khuu Satan no ampe chighi tache tshupe puaghike apineni tsala lo li tshupe puakeu lono kuqhophevemo nani kesha?” 17Pano hi khochilekeu huno pa ghumi kumtsu pano likhi pano zukujo auvepe, eno timi kumtsu pano akumzapu khije shi keno tipaulo alokivi shie.
Aghanethi Holetsa
(Mt 13.31-32; Mk 4.30-32)
18Jisu no pi: “Alhou yehkipe pesu kiu kimighi tsuni kya? Niye kiu pesu hi kimighi tsunia? 19Hiye aghanethi lakhi mihie, khikhi timino ikhipe pa lulo vesu. Abo ipeghi eno asubo shive eno aghauqono hipau lokaqolo apusu pesue.”
Kholaqhi Holetsa
(Mt 13.33)
20Itaghi Jisu no iniju: “Niye Alhou yehkipe pesu kiu sasu kimghini kya? 21Hiye kholaqhi kimihie, totimino epe ashoghi lakhilo asho kukubolo xukutshu cheni, ti kumtsu mlaghubeive moke kutolo.”
Mughughuyikeu Hukikha
(Mt 7.13-14,21-23)
22Jisu no apinelo taun veche kelo kutsughi Jerusalem kudau izuwuche. 23Khamino pa vilo iniju, “Ampeu, timi aghulo likhi xalu nani kesha?” Jisu no panongu khochile pi: 24“Nono toluke thaqhu mughughuyikeu hukikha vechesu ilonikeu shilo, kughengu ino nongu vilo pini, timi kutomono ilonike pukaputsa nani ikemu tishimla nani.”
25“Aki mpiu huno ithu puzu ahukikha khave nani, tile nonguno khalau puthughono ahukikha khukhu puzu, ‘Akijeu, ighenguno ahukikha khaqhilo’ pini keno pano nongu khochile nani, ‘Nonguye khilano cheni keno niye mthae!’ 26Tile nonguno khochile nani, ‘Ninguye osasu kuchu kusho shiche kehu, noye niphughilo kutsu che kehu!’ 27Pano itaghi pi nani, ‘Nonguye khilano cheni keno niye mthae. Ilauno chevelo, nongu alhoksa kumlami kumtsu!’ #Leshe 6.8 28Kughou nonguno Abraham, Isak, Jakob eno tungkupmi kumtsu Alhou yehkipe lo aghikeu ithulu puzu nonguye khalau aghive aye, nonguye kiutoi akuqa eno ahu tsughububuikeu anani kelae! #Mt 22.13,25-30 29Kipelau ngo kulolau eno ahu-u ngo apeuno timi ighino Alhou yehkipe kuchu kusholo ngo nani. #Mt 8.11-12 30Tithiuye itehi khunoqo athiu ani keno atughu shive nani eno itehi khunoqono atughu shiani keno athiu shive nani.” #Mt 19.30; 20.16; Mk 10.31
Jisu no Jerusalem Kimiye
(Mt 23.37-39)
31Tipau suchelo Farisimi khami Jisu lau ighieno pi, “Noye hileno wuvelo eno khilela wuvelo, kughengu Herod no opithive nishi anie.” 32Jisu no panongu khochile pi: “Wuno sher vilo pilo, ‘Ino ishi thoghiu tughakusa haphe ani, shikipivi kumla shi ani eno akuthuniye ikumla to nani.’ 33Tishimu ishi thoghiu eno aghiniuye ishelo cheche mayesa. Kughengu tungkupu lakhiye Jerusalem lo nguno a-a kutau lono thive penikeu achipi kumoe.”
34“O Jerusalem, Jerusalem! Alhou no olau tungkupmi puwukeu pithive, aghinikishimi olau puwu kemi atu pe veqhive! Awuquno achisibo qholo ati vakutsuke toi niye ghuthu kutomo i-u pe owu timiqo vapeni shi cheke ikemu nonguno ipelo tishi pemoe! 35Julo, nongu kibo kumtsu phevae. Ino nongu vilo pini, nonguno, ‘Ampeu je lono ighikeu Alhou no pa kumghatsu peni,’ ipi pimoke kutolo nonguye ni ithulumo nani.” #Leshe 118.26; Jere 22.5
Currently Selected:
LUK 13: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
LUK 13
13
Oxine lono Ide moaye Thialo
1Tipa mtsa timi khami ighieno Jisu vilo, “Galilmi khami no Alhou mllakeu aghashi ake lono Pilat no ghiqhive keu hu” ipi. 2Jisu no panongu khochile pi: “Galilmi tipaqoye titoi ghiqhiveke ghenguno panonguye Galilmi kutami kumtsu nguno axine kuthouke pi nonguye kumsu ani kesha? 3Moe! Ino nongu vilo pini, nonguno nongu xine lono xaideghivemo napi aye, panongu toi nongu kumtsu thi nani. 4Imaye Silom lo pano chighi tache aliwono panongu shou ilaiqiku kelono thivekeqo huye? Nonguno kumsukeuye panonguye Jerusalem lo kutami xuakeqo nguno alhoksau kepi hino amchie ipi ani kesha? 5Moe! Ino nongu vilo pini, nonguno nongu xine lono xadeghivemo aye panongu toi nongu kumtsu thi nani.”
Alothi pithi kumo Khughuthibo
6Tishieno, panongu vilo Jisu no hipau holetsa pi: “Timi lakhino axathililo khughuthibo lakhi pighia. Pano khughuthi pithi aghini malaye juwu kemu lakhimu ithumla. 7Ikehu pano pawu axathili kumlau vilo pi, ‘Julepi, ampe kuthu kutolo niye hile ighi acheni, khughuthibo hipaulo alothi pithi ani mala ju acheni eno niye lakhimu ithumlavae. Hi yeqhivelo! Kushiye hipau pelo ayeghi vekha apeni kya?’ 8Ikemu axathili kumlauno pi, ‘Hipau mipe likhimu qhipuaghilo, akijeu, ino hipau homxa chhuleno aghuma sujuni. 9Eno hino toku athi pithi aye ti alova, ti kumo aye tileno nono hi yeqhive penie!’ ”
Apineni Jisu no Aghutsu Kughukomi Totimi Shipivi
10Apine tsala lakhilo Jisu ye Sinagog lo kutsua. 11Tile totimi lakhi khuu lolo tughakusa lakhi akehuno ampe chighi tache li pelo su achepe. Liye ikokoi puzu khilemu mzuchoi puthugho mlae. 12Kughou Jisu no li ithulu keno pano li vilo pa lau ighilo pi, “Totimio, akusu lono okuqhophevae!” 13Pano pa-u pesu li shou be kemtsa li ghutsuye muzuchoive eno lino Alhou akishe tsu. 14Sinagog lo sakipheuye Jisu no apinenino shipivi kehu axu ideve; ikehu paye timiqo vilo pithu: “Atsala tsugho lono akumla mla itha kepue, ike tipaqo tsala lono ighino shipivi lukhalo, ikemu apineni tsala loye tishi kevilo!” #Ipe 20.9-10; Zaki 5.13-14 15Ampeu no pa khochile ghi pi: “Nongu kuhakughaqo! Nongu gholo khuno apineni lonomu pa mishi momu gadaha aki lono kuqho sasu wo azu piye chemo kya? 16Itehi hile Abraham tikughukomi lakhi khuu Satan no ampe chighi tache tshupe puaghike apineni tsala lo li tshupe puakeu lono kuqhophevemo nani kesha?” 17Pano hi khochilekeu huno pa ghumi kumtsu pano likhi pano zukujo auvepe, eno timi kumtsu pano akumzapu khije shi keno tipaulo alokivi shie.
Aghanethi Holetsa
(Mt 13.31-32; Mk 4.30-32)
18Jisu no pi: “Alhou yehkipe pesu kiu kimighi tsuni kya? Niye kiu pesu hi kimighi tsunia? 19Hiye aghanethi lakhi mihie, khikhi timino ikhipe pa lulo vesu. Abo ipeghi eno asubo shive eno aghauqono hipau lokaqolo apusu pesue.”
Kholaqhi Holetsa
(Mt 13.33)
20Itaghi Jisu no iniju: “Niye Alhou yehkipe pesu kiu sasu kimghini kya? 21Hiye kholaqhi kimihie, totimino epe ashoghi lakhilo asho kukubolo xukutshu cheni, ti kumtsu mlaghubeive moke kutolo.”
Mughughuyikeu Hukikha
(Mt 7.13-14,21-23)
22Jisu no apinelo taun veche kelo kutsughi Jerusalem kudau izuwuche. 23Khamino pa vilo iniju, “Ampeu, timi aghulo likhi xalu nani kesha?” Jisu no panongu khochile pi: 24“Nono toluke thaqhu mughughuyikeu hukikha vechesu ilonikeu shilo, kughengu ino nongu vilo pini, timi kutomono ilonike pukaputsa nani ikemu tishimla nani.”
25“Aki mpiu huno ithu puzu ahukikha khave nani, tile nonguno khalau puthughono ahukikha khukhu puzu, ‘Akijeu, ighenguno ahukikha khaqhilo’ pini keno pano nongu khochile nani, ‘Nonguye khilano cheni keno niye mthae!’ 26Tile nonguno khochile nani, ‘Ninguye osasu kuchu kusho shiche kehu, noye niphughilo kutsu che kehu!’ 27Pano itaghi pi nani, ‘Nonguye khilano cheni keno niye mthae. Ilauno chevelo, nongu alhoksa kumlami kumtsu!’ #Leshe 6.8 28Kughou nonguno Abraham, Isak, Jakob eno tungkupmi kumtsu Alhou yehkipe lo aghikeu ithulu puzu nonguye khalau aghive aye, nonguye kiutoi akuqa eno ahu tsughububuikeu anani kelae! #Mt 22.13,25-30 29Kipelau ngo kulolau eno ahu-u ngo apeuno timi ighino Alhou yehkipe kuchu kusholo ngo nani. #Mt 8.11-12 30Tithiuye itehi khunoqo athiu ani keno atughu shive nani eno itehi khunoqono atughu shiani keno athiu shive nani.” #Mt 19.30; 20.16; Mk 10.31
Jisu no Jerusalem Kimiye
(Mt 23.37-39)
31Tipau suchelo Farisimi khami Jisu lau ighieno pi, “Noye hileno wuvelo eno khilela wuvelo, kughengu Herod no opithive nishi anie.” 32Jisu no panongu khochile pi: “Wuno sher vilo pilo, ‘Ino ishi thoghiu tughakusa haphe ani, shikipivi kumla shi ani eno akuthuniye ikumla to nani.’ 33Tishimu ishi thoghiu eno aghiniuye ishelo cheche mayesa. Kughengu tungkupu lakhiye Jerusalem lo nguno a-a kutau lono thive penikeu achipi kumoe.”
34“O Jerusalem, Jerusalem! Alhou no olau tungkupmi puwukeu pithive, aghinikishimi olau puwu kemi atu pe veqhive! Awuquno achisibo qholo ati vakutsuke toi niye ghuthu kutomo i-u pe owu timiqo vapeni shi cheke ikemu nonguno ipelo tishi pemoe! 35Julo, nongu kibo kumtsu phevae. Ino nongu vilo pini, nonguno, ‘Ampeu je lono ighikeu Alhou no pa kumghatsu peni,’ ipi pimoke kutolo nonguye ni ithulumo nani.” #Leshe 118.26; Jere 22.5
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.