MARK 8
8
Timi 4000 Lojikeu
(Mt 15.32-39)
1Ado kushuwa kumolo, itaghi timi aqokitikhi lakhi kumqolu. Timi qoye kiumu chukepu kuhave kehu Jisu no pa khopemi kuno panoqo vilo ishipi, 2“Timi hipaqo shou imloighiqhiyivae, kughengu panonguye igholo atsala kuthu ngova eno itehiye kiumu chukepu kuhava. 3Ino panongu pelo akhuava shi pano kilo puwoaye, panongu ye alalo lhove nani, kughengu panoqo gholo khamiye ala kushuwa lono ighikemike.” 4Pa khopemino pa khochile pa iniju, “Timino ngochemokeu-a hileye khuuno timi hijejehi sala achuqu lukumkha aghini kya?” 5Jisu no ishi iniju, “Nonguye asho khije ani kya?” Panonguno pi “Ashopa tsuni ani.”
6Timi aqokitikhi vilo ayeghi shou iqa lopi ahza tsu.Tishieno pano asho tsuni ikhilu puzu, Alhou shikimthitsuno tipaqo supho eno timiqo kijetsu lopi pesu pa khopemiqo tsu, ike akhopemino tihutoi shi. 7Panonguye akha kititi ghi hami ae. Jisu no tighi pesu Alhou shikimthi, eno pa khopemi pelo tighi timiqo lau kijetsupe. 8Timi kumtsuno chupuzu aghaqilue, tilehi timi 4000 kutolo ae. 9Akhopemi qono munomugho chukhakumo kichekutsuju kelo ashoghi tsuni chhitoi kichelue. 10Jisu no timiqo kughuxa puwove, eno mtazu pa khopemi sasu ashukalo iku puzu Dalmanutha yeghi kudau wuve.
Farisimi no Amchipu Khu
(Mt 16.1-4)
11Farisimi khami ighieno Jisu sasu kutsalathu. Panonguno Jisu kitimeve niye pa vilo atsutsu kudauno amchipu lakhi piyelopi khu. #Mt 12.38; Lk 11.16 12Jisu no amlo ghujulo tuthu kishe toi pa tuthu sheno pi,”Kushiye hipa tiqhelimi qoye amchipu phucheni kya? Kuchouno ino nongu vilo pini, hipa tiqhelimi lau amchipu tsumo nani”. Tishino paye panoqo launo cheve eno ashukalo ilono azughi kathasu tuxau ikuve. #Mt 12.39; Lk 11.29 13Tishieno paye panoqo launo cheve eno ashukalo ilo puzu azughi kathasu tuxau ikuve.
Herod ngo Farisimi kholaqhi
(Mt 16.5-12)
14Akhopemiqoye asho lukumkha shi pe nikeuye kumsumave eno panonguye asho lakhi likhi pesu ashukalo iku. 15Ikehu panongu pelo kutokupuyi peniye pano ishi pi, “Jukutoluvelo, Farisimi ngo Herod kholaqhi lono kutokupuyi lulo!” #Lk 12.1 16Akhopemiqo dolono kuptsa ghi pi, “Ninguno asho peighimo kehu pianie.” 17Panonguno kiu piakeno Jisu no ithiveno ishi iniju: “Nonguno asho peighimokeu ghenguno kushiye kutsala ani kya? Nonguye itaghi mtha aphi momu vethamla kesha? Nongu mlo mukamughayive akesha? 18Nonguye anhethi puani puzu ithumla kesha? eno akini puani puzu chimla kesha? Nonguye kumsumla kesha? #Jere 5.21; Ezek 12.2; Mk 4.11 19Ino timi 5000 ghenguno ashopa pungu suphokelo, nonguye munomugho ashoghi khije kichekutsulu kya?” Panonguno pi, “Ashoghi chighikini.” 20“Eno 4000 ghenguno asho tsuni suphokeloye nonguye munomugho ashoghi khije kichekutsulu kya?” ipi Jisu no iniju. Tile panonguno ishi khochile: “Ashoghi tsuni.” 21Ikelo Jisu no panoqo vilo iniju, “Tishiaye nonguye vethamla aphi kesha?”
Anhethi Kighichemi Shipivi
22Jisu no pa khopemi sasu Bethsaida lo ighi. Tile timi khamino anhethi kighichemi Jisu lau saghi eno timi tipau jutsulo pi pa qhuyiniju. 23Jisu no anhethi kighicheu a-u lono sunhepeno sasu aphu kubalalo wuve. Jisu no timi tipau nhethilo musupuku eno a-u pesu pa nhethi butsu puzu pa vilo iniju, “Noye kiukiumu ithulu anima?” 24Timi huno pa gi peqhe ithu jupuzu ishi pi, “Niye timiqo ithulu ani, ikemu panonguye asubono ala checheketoi ani.” 25Jisu no itaghi pa-u pesu timi tipau nhethilo butsu. Ike timi huno pa nhethi pilepe jukelo pa nhethino thwokha kumtsu mtsuqheyi ithuluve. 26Tishieno Jisu no timi tipauye pa kilo puwove eno ishi pi, “Aphulo ideilo kevilo.”
Pitor no Jisu ghili Piphetsu
(Mt 16.13-20; Lk 9.18-21)
27Jisu ngo pa khopemiye chesu Kaisaria Filipi qhalo aphu akeqolo wuve. Alalo chekelo panoqo vilo ishi iniju, “Timi qoye niye khuuepi cheni kya?” 28Panonguno ishi pa khochile “Khamino noye Johan Baptist ke ipi cheni, eno kutami khamino noye Elija kepi cheni, itaghi khamino noye tungkupmi gholo lakhiepi cheni.” #Mk 6.14-15; Lk 9.7-8 29Tile pano panoqo vilo iniju, “Imaye, nonguye niye khuu kepi cheni kya?” Pitor no ishi khochile, “Noye Mesiya ke.” #Jn 6.68-69 30Ikelo Jisu no panoqo vilo ishi pinikeu lakhave, “Khuu vilomu niye khuu keno pi kevilo.”
Jisu no Ime thinikeu Ghili
(Mt 16.21-28; Lk 9.22-27)
31Tileno Jisu no pa khopemi vilo akukutsu tsukeuno “Timi Nu ye aghime kitikhi shimasa, eno Judami kichimi achinetomi eno Ayezah kukutsumi qono pa ikhilumo nani eno pa pithive nani ikemu atsala kuthu thiuye pa xuputhuve nani” ipi. 32Pano kiumu kusumono hipau pi. Ikehu Pitor no pa sawu puzu pahakhakeu tsa pi. 33Ikemu Jisu no tsughu ighieno pa khopemiqo jupuzu Pitor lomi pi, “Ilauno chevelo, Satan! Kughengu noye Alhou launo ighikeu kukumsu kumsumo puzu timi kukumsu kumsu ani.”
34Tithiu Jisu no pa khopemi gholono timi aqokitikhi ku, eno panongu vilo pi, “Timi khuno igholo ighini keno pa likhi pa ghili kumsumave puzu paw kros xapuno ipape masae. #Mt 10.38; Lk 14.27 35Kughengu timi khuno pa kuxu pukhani keno puhave nani, ikemu timi khuno ighenguno eno alokivipu-tsa ghenguno pa kuxu puwove nikeno ti xalu nani. #Mt 10.39; Lk 17.33; Jn 12.25 36Timi lakhino ayeghi kuchopu pe pawu shiluve pinamu pa kuxu puhave kepu shive aye kiu ala shiluni kya? 37Kughengu timi khumu pa kuxu kuchou thelilo kiumu tsu mlae. 38Tishiaye, timi khuno Alhou phimokeu eno kusakugha tiqheli hipaulo paye ilaumike ipinikeu eno itsa pinikeulo kiumu shitsumove aye, ni Timi Nu ghi kughou papu jukuvu lono akimthe kungumi sasu ighikelo timi tipau ghenguno kiumu shitsumove nani.”
Currently Selected:
MARK 8: SUMIBSI
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
MARK 8
8
Timi 4000 Lojikeu
(Mt 15.32-39)
1Ado kushuwa kumolo, itaghi timi aqokitikhi lakhi kumqolu. Timi qoye kiumu chukepu kuhave kehu Jisu no pa khopemi kuno panoqo vilo ishipi, 2“Timi hipaqo shou imloighiqhiyivae, kughengu panonguye igholo atsala kuthu ngova eno itehiye kiumu chukepu kuhava. 3Ino panongu pelo akhuava shi pano kilo puwoaye, panongu ye alalo lhove nani, kughengu panoqo gholo khamiye ala kushuwa lono ighikemike.” 4Pa khopemino pa khochile pa iniju, “Timino ngochemokeu-a hileye khuuno timi hijejehi sala achuqu lukumkha aghini kya?” 5Jisu no ishi iniju, “Nonguye asho khije ani kya?” Panonguno pi “Ashopa tsuni ani.”
6Timi aqokitikhi vilo ayeghi shou iqa lopi ahza tsu.Tishieno pano asho tsuni ikhilu puzu, Alhou shikimthitsuno tipaqo supho eno timiqo kijetsu lopi pesu pa khopemiqo tsu, ike akhopemino tihutoi shi. 7Panonguye akha kititi ghi hami ae. Jisu no tighi pesu Alhou shikimthi, eno pa khopemi pelo tighi timiqo lau kijetsupe. 8Timi kumtsuno chupuzu aghaqilue, tilehi timi 4000 kutolo ae. 9Akhopemi qono munomugho chukhakumo kichekutsuju kelo ashoghi tsuni chhitoi kichelue. 10Jisu no timiqo kughuxa puwove, eno mtazu pa khopemi sasu ashukalo iku puzu Dalmanutha yeghi kudau wuve.
Farisimi no Amchipu Khu
(Mt 16.1-4)
11Farisimi khami ighieno Jisu sasu kutsalathu. Panonguno Jisu kitimeve niye pa vilo atsutsu kudauno amchipu lakhi piyelopi khu. #Mt 12.38; Lk 11.16 12Jisu no amlo ghujulo tuthu kishe toi pa tuthu sheno pi,”Kushiye hipa tiqhelimi qoye amchipu phucheni kya? Kuchouno ino nongu vilo pini, hipa tiqhelimi lau amchipu tsumo nani”. Tishino paye panoqo launo cheve eno ashukalo ilono azughi kathasu tuxau ikuve. #Mt 12.39; Lk 11.29 13Tishieno paye panoqo launo cheve eno ashukalo ilo puzu azughi kathasu tuxau ikuve.
Herod ngo Farisimi kholaqhi
(Mt 16.5-12)
14Akhopemiqoye asho lukumkha shi pe nikeuye kumsumave eno panonguye asho lakhi likhi pesu ashukalo iku. 15Ikehu panongu pelo kutokupuyi peniye pano ishi pi, “Jukutoluvelo, Farisimi ngo Herod kholaqhi lono kutokupuyi lulo!” #Lk 12.1 16Akhopemiqo dolono kuptsa ghi pi, “Ninguno asho peighimo kehu pianie.” 17Panonguno kiu piakeno Jisu no ithiveno ishi iniju: “Nonguno asho peighimokeu ghenguno kushiye kutsala ani kya? Nonguye itaghi mtha aphi momu vethamla kesha? Nongu mlo mukamughayive akesha? 18Nonguye anhethi puani puzu ithumla kesha? eno akini puani puzu chimla kesha? Nonguye kumsumla kesha? #Jere 5.21; Ezek 12.2; Mk 4.11 19Ino timi 5000 ghenguno ashopa pungu suphokelo, nonguye munomugho ashoghi khije kichekutsulu kya?” Panonguno pi, “Ashoghi chighikini.” 20“Eno 4000 ghenguno asho tsuni suphokeloye nonguye munomugho ashoghi khije kichekutsulu kya?” ipi Jisu no iniju. Tile panonguno ishi khochile: “Ashoghi tsuni.” 21Ikelo Jisu no panoqo vilo iniju, “Tishiaye nonguye vethamla aphi kesha?”
Anhethi Kighichemi Shipivi
22Jisu no pa khopemi sasu Bethsaida lo ighi. Tile timi khamino anhethi kighichemi Jisu lau saghi eno timi tipau jutsulo pi pa qhuyiniju. 23Jisu no anhethi kighicheu a-u lono sunhepeno sasu aphu kubalalo wuve. Jisu no timi tipau nhethilo musupuku eno a-u pesu pa nhethi butsu puzu pa vilo iniju, “Noye kiukiumu ithulu anima?” 24Timi huno pa gi peqhe ithu jupuzu ishi pi, “Niye timiqo ithulu ani, ikemu panonguye asubono ala checheketoi ani.” 25Jisu no itaghi pa-u pesu timi tipau nhethilo butsu. Ike timi huno pa nhethi pilepe jukelo pa nhethino thwokha kumtsu mtsuqheyi ithuluve. 26Tishieno Jisu no timi tipauye pa kilo puwove eno ishi pi, “Aphulo ideilo kevilo.”
Pitor no Jisu ghili Piphetsu
(Mt 16.13-20; Lk 9.18-21)
27Jisu ngo pa khopemiye chesu Kaisaria Filipi qhalo aphu akeqolo wuve. Alalo chekelo panoqo vilo ishi iniju, “Timi qoye niye khuuepi cheni kya?” 28Panonguno ishi pa khochile “Khamino noye Johan Baptist ke ipi cheni, eno kutami khamino noye Elija kepi cheni, itaghi khamino noye tungkupmi gholo lakhiepi cheni.” #Mk 6.14-15; Lk 9.7-8 29Tile pano panoqo vilo iniju, “Imaye, nonguye niye khuu kepi cheni kya?” Pitor no ishi khochile, “Noye Mesiya ke.” #Jn 6.68-69 30Ikelo Jisu no panoqo vilo ishi pinikeu lakhave, “Khuu vilomu niye khuu keno pi kevilo.”
Jisu no Ime thinikeu Ghili
(Mt 16.21-28; Lk 9.22-27)
31Tileno Jisu no pa khopemi vilo akukutsu tsukeuno “Timi Nu ye aghime kitikhi shimasa, eno Judami kichimi achinetomi eno Ayezah kukutsumi qono pa ikhilumo nani eno pa pithive nani ikemu atsala kuthu thiuye pa xuputhuve nani” ipi. 32Pano kiumu kusumono hipau pi. Ikehu Pitor no pa sawu puzu pahakhakeu tsa pi. 33Ikemu Jisu no tsughu ighieno pa khopemiqo jupuzu Pitor lomi pi, “Ilauno chevelo, Satan! Kughengu noye Alhou launo ighikeu kukumsu kumsumo puzu timi kukumsu kumsu ani.”
34Tithiu Jisu no pa khopemi gholono timi aqokitikhi ku, eno panongu vilo pi, “Timi khuno igholo ighini keno pa likhi pa ghili kumsumave puzu paw kros xapuno ipape masae. #Mt 10.38; Lk 14.27 35Kughengu timi khuno pa kuxu pukhani keno puhave nani, ikemu timi khuno ighenguno eno alokivipu-tsa ghenguno pa kuxu puwove nikeno ti xalu nani. #Mt 10.39; Lk 17.33; Jn 12.25 36Timi lakhino ayeghi kuchopu pe pawu shiluve pinamu pa kuxu puhave kepu shive aye kiu ala shiluni kya? 37Kughengu timi khumu pa kuxu kuchou thelilo kiumu tsu mlae. 38Tishiaye, timi khuno Alhou phimokeu eno kusakugha tiqheli hipaulo paye ilaumike ipinikeu eno itsa pinikeulo kiumu shitsumove aye, ni Timi Nu ghi kughou papu jukuvu lono akimthe kungumi sasu ighikelo timi tipau ghenguno kiumu shitsumove nani.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.