LUKE 9
9
Aroi Somleinihta Amthlah
(Met 10:5–15; Mak 6:7–13)
1 #
Met 10:1,5,7–11,14; Mak 6:7–12; Luk 10:4–11 Aknu achunna Jisu in aroi somleinihta aongche, khousaar naamteta cheknatu mahche natna satna naamteta mathratnatu tuui ankuunga amlanei, 2Cheva anmahta Ringpu kurung huunnata anraannatu mahche akna aksaeita mathratnatu amthlah ei. 3#Luk 10:4–11Che ankuunga asonei, “Rapkheitla nansehnatu sungrolh slakho, thong slakho, tol slakho baobeh slakho, jakhatkho phurhnohve, inluut innih phurnohve. 4Che nannih in nanluutna innkhanna tlungve, che mah khannata inthruhkho inthruhnohve. 5#Noon 13:51Che tunangkhat in nannihta nanisoongnoh eile, khuuboom khannata nannih in nanthruh laia nannih nanchunga sakhi aveinatu nankehna uphulta mathiimma mahve.” 6Cheva anmah in khuu khuua seh a Akthra Trong anraan mahche akna amithratei.
Herot in Anhalna
(Met 14:1–12; Mak 6:14–29)
7 #
Met 14:1–2; 16:14; Mak 6:14–16; 8:28; Luk 9:19 Chunna Herot ramngaak in aksuukthlou naamte i atheih in khalmo inhalsa, alamva arouin John ta akthi ankaar nata kiringsa ta anson, 8arouin Elaijah ta indangsa, che aktlei in ringraan amlui ankaar nata ringsa ta anson. 9#Luk 23:8Herot in ason, “Keiin John akang kitanpei, chuta keiin amah relna oinangtrong ktheih mii i tusame?” Churel Jisu ta amuhnatu ajon.
Mii Akpul Rangata Amsaak
(Met 14:13–21; Mak 6:30–44; Jon 6:1–14)
10 #
Mak 6:30–31; Luk 10:17; Jon 1:44 Chunna raangroi in anlenglai anmah in antloh ankhal thlouta Jisu kuung atongpei. Cheva Jisu in anmahta phurh a Bethsaida antih khuuboom khat a ajea anthleipei. 11#Met 14:13–21; Mak 6:32–44; Jon 6:1–14; Mak 8:4–10Chunna miitam in mahchuta anromma amah aknu anjuihpei; che Jisu in anmahta thratea lousoonga Ringram huunna relna trong mahche natna thra akdi anmahta amthrat ei. 12Pek kini atlaktum somleinih in Jisu kuunga thlenga anson, “Miitam ei i mahvel inna kooi a am khuu khuu leh khuuboomma ansaak an iin antuuknatu mahche anriknatu mathlah eirosa; alamva inih in mii amnohna achikna a amsame.” 13Chuta Jisu in ankuunga asonei, “Nannih in anmah kuunga saakphu malaneive.” Anmah in anson, “Inih in seh a mii naamte turel ansaakphu leinoh maleva, ikuunga tol atum ranga leh nga innihnata ralla amnohsa.” 14Alamva anmahva kupa akpul rangavak ei. Jisu in aroikuunga asonei, “Anmahta mii sopnga sopnga loom veia mabok eive.” 15Che nga tloh a anmah naamteta amibokpei. 16#Luk 22:19; 24:30–31; Noon 2:42; 20:11; 27:35Mahchunna Jisu in tol atum ranga leh nga innihta louva ringram intouva a anche doi malanna mahchuta khoia miitam ankuunga ansemnatu aroita amlanei. 17Che anmah naamtein saa a anvon invahsei. Che anlei akirkaar luktoong somleinih anchunpei.
Jisu Relna Pitar in Amdang
(Met 16:13–19; Mak 8:27–29)
18 #
Met 16:13–20; Mak 8:27–30; Jon 1:49; 11:27; 6:66–69 #
Luk 3:21; 5:16; 6:12; 9:28; 11:1 Ipek nga tloh a suuksa mah chuvah Jisu in akroua angenlaia aroi in amahsoh inruuijouei; che anmahta aruiei “Keita mii in tume kantih angme?” 19#Met 14:1,2; Mak 6:14,15; 9:11–13; Luk 9:9Che anmah in amisang, “Aklup John, chuta arouin Elaijah, che aktlei in ringraan amlui ankaarna inkhatta ringsa ta nansonei.” 20#Jon 6:68,69Che Jisu in asonei, “Chuta nannih inva keita tume nantih angme?” Che Pitar in amsang, “Ringpu vaa Khrista khache.”
Jisu in Klah knang Aphahsam che Athihsamrel Trong
(Met 16:20–28; Mak 8:30—9:1)
21Chuta mah i tukhat kuungakho antongnoh natu tranga asonei, 22#Met 16:21; Mak 8:31; Luk 9:43–45; 18:31–34; 17:5“Miivaa Asa kupa in klah knang khalmo aphahtu tla, anparuul ei in, akthloi thiimpu mahche ringjih lulok eiin amahta indah a anthattu, che nithum tihpia amah in ringtu.”
23 #
Met 10:38; 16:24–28; Mak 8:34—9:1; Luk 14:27 Mahche Jisu in mii naamteta ansonei, “Tukhat in kiknu keijuihtang tihle, atak akrouin janohsoh akni aknileh thingkharhta loua kiknu keijuihso. 24#Met 10:38–39; Luk 14:27; 17:33; Jon 12:25Alamva tukhat in amah achaanta ankaljale maangtu, che tukhat in kei turella amah ali maangle, amah in inkal aphahtu. 25Alamva mii inkhat in tukleiram apumte aphahche ataktal maang nohle tum veile amahtu achuungna jangamsame? 26#Met 10:33; Luk 12:9; 1 Jon 2:28Alamva tunangkhat in keirella mahche keitrong rella injak phahle, miivaa Asa kupa in Apa leh Akseeng ringroivaa paarthra a athlenglai injak aphahtu. 27#Luk 22:18; Met 10:23; 1 Thes 4:15–18; Jon 21:22Chuta keiin nankuunga taktak a kisonchou, onna angirmii arouva Ringram huunna anmuhnohmiil kthita matemnoh usei.”
Jisu Ameel Amthlei
(Met 17:1–8; Mak 9:2–8)
28 #
Met 17:1–8; Mak 9:2–8; Luk 8:51; 3:21; 5:16; 6:12; 9:18; 11:1; 2 Pit 1:17–18 Ipek mahtrong ita asonche nijan nirit aknua Jisu in ataksoh inruui Pitar, John mahche Jems ta phurh a ngennatu muulla kalsei. 29Che amah in angensuunga, Jisu vaa ameel amthleipei apuunreikho inngousa intlekho intlesa. 30#Noon 1:9–11Che anve, mii innih in Jisu soh trongei, anmahchuva Moses leh Elaijah ei, 31Anmah in paarthrata mamuh a Jerusalem mapung amiphahnatu Jisu in asehnasam rella trongei. 32#Jon 1:14Pek Pitar leh amahsoh anruuipiva an ihmua mitchusei, anmah in inthranga an anlai Jisu vaa paarthra che amahsoh ngirjou mii innihta anmuhpei. 33#Luk 5:5; 8:24,45; 9:49; 17:13Chunna anmah in Jisu kuungnata anthreklaia Pitar in Jisu ta ason, “Inih in onna iam thra; chunna thlaam inthum tlohrei, nangturel inkhat, Moses turel inkhat mahche Elaijah turel inkhat tlohrei” — amah in jangta asonme romnoh. 34Che amah in trongi asonsuunga, sumphai thlenga anmahta akhalpei; anmah in sumphai kaar a anluut in intrisei. 35#Met 3:17; Mak 1:11; Luk 3:22; Jon 12:28–30Che sumphainata hou inkhat thlenga ason, “Mah i keiin kichar Kisa kupasa; amah in ason rungaive.” 36#Met 17:9; Mak 9:9–10Che mahouchu atrongche, Jisu akrouta am anktuuk ningsa. Mahchunna anmah in rimta amsei, che mahlai anmuhkha tukhat kuungkho sonnoh ei.
Thranoh Li in Anruuipi Kupasa Khatta Jisu in Amthrat
(Met 17:14–18; Mak 9:14–27)
37 #
Met 17:14–18; Mak 9:14–27 Che akhuvar a, anmah in muulnata antrumlai, mii tamsoh intuuksa. 38Che anve, miitam ankaar nata kupakhat in ongsa, “Lulok, kisa kupata anrota amthruun, alamva amah i keitu veia khalekru kpok kisa kupaning; 39anro, li inkhat in amahta suura asih, cheva amah in kak hanga ongsa; abaoa amchilkho inthruh a akchut, che khalmo masok a akuungnata mah indah a inthruhsa. 40Amahta aminomnatu nang niroita kisonei chuta manom cheknoh ei.” 41Jisu in amsang, “Ah, malotnoh mahche inhe ringnatluun, keiin nannihsoh jikcha sot a amjouva kdou uchoume? Nisa kupakha onna thlenro.” 42Amah in athlenglai, khousaar in amahta chutchit a amlah. Chuta Jisu in akseengnoh lita asaalche, kupasa khata amthratpei, che apakuunga naota amlanpei. 43#Met 17:22–23; Mak 9:30–32; Luk 9:22; 18:31–34; 17:25Anmah naamtein Ringpu vaa achek amneh thlou khanna salungkhousei.
Jisu in Athihsam Rella Veikhatla Asontrong
(Met 17:22–23; Mak 9:30–32)
Chunna Jisu in atlohthlou anaam khanna mii naamtein anhalsuunga aroita asonei, 44“Mahtrongi namikuura thunve; alamva miivaa Asa kupata miikut a amilansampei.” 45Chuta mah asonni anmah in romnohsei, che anmah in ohchuta anlohtheihnoh natu mahche khiial antlaknoh natu anrilta amthup; cheva mairella anmah in akuunga akrui trihsei.
Tunang in Akliinrem Vei ume?
(Met 18:1–5; Mak 9:33–37)
46 #
Met 18:1–5; Mak 9:33–37; Luk 22:24 Anmah akaar a tuin ralla akliinrem umeta trong inkharhkhirsei. 47Chuta Jisu in anmah anrilla trong inkharh a amidonchuta aromma andihnao inkhatta akuunga kaia asihche, 48#Met 10:40; Luk 10:16; Jon 13:20asonei, “Tunangkhat in keiminga amah andihnao ita louchoule keita nanloh ang, che tunangkhat in keita keilou choule keita kamthlah amahta nanlohpei; alamva nannih nankaar a andihrem amah in akliinremtu.”
Tunangkhat in Nannihta Nanian dahnohleh Nanmiisa
(Mak 9:38–40)
49 #
Mak 9:38–40; Luk 5:5; 8:24,45; 9:33; 11:23; 17:13 John in amsang, “Akpu, mii khat in nangminga khousaar amnomta kanmuh a kankhaam, alamva amahvah inihsoh inruuijou miinoh.” 50Chuta Jisu in ankuunga asonei, “Amahta khaamnohve; alamva nannihta nanijetnoh miikha nannih nanmiisa.”
Samaria Khuuna Mii in Jisu ta Lou Indah ei
51 #
Mak 10:1; Luk 17:11; Jon 4:40–42 Chunna Jisu ta anroulohnatu laikha anai in, atak in Jerusalem phah a asehnatu aril amngirhpei. 52#Met 10:5; Jon 4:4Mahche Jisu in amah amaa a mii aloumathlah natu atirh ei, Jisu turella thlouraang antlohnatu atirhmii khanna Samaria khuukhat a luutsei; 53chuta mah khanna mii in amahta loulounohsei, alamva atak in Jerusalm phah a asehnatu aril amngirhpei cheva anmah in Jisu ta loulounohsei. 54#Mak 3:17Amah aroi Jems leh John in mahchuta anmuh in anson, “Akpu, marvaan tingna mei mathlah a anmah in ankaangkhem naturel kansonnatu kanimtlohja cheme?” 55Chuta anmahta inheia asaalei. 56Cheva anmah in khuu inkhat a sehsei.
Jisu Aknu Akjuihja Mii
(Met 8:19–22)
57 #
Met 8:19–22
Chunna anmah in lamma nga ansehlai, mii khat in akuunga ason, “Nangin niseh nilonna naamtea niknu kijuih uche.” 58Mahchunna Jisu in akuunga ason, “Uiiramuiivaa ankhur am, che marvaanna vakho anbu am; chuta miivaa Asa kupava akang asihna munkho amnoh.” 59Mahche aktlei in khat kuunga ason, “Kei kiknu keijuihro.” Chuta amah in ason, “Akpu, keiin matsah a kipata akphuum kisehnatu keijamanro.” 60Chuta amah in akuunga ason, “Akthi in antak anroua anphuumnatu akthita mah eiro; chuta nangva seh a Ringpu kurung huunnata raanro.” 61#Phil 3:13Mahche aktleikhat in ason, “Akpu, keiin niknu kijuih uche; chuta keiinna ak am eita matsah a saammaan tangei.” 62Jisu in akuunga ason, “Tunangkhat in akut a langkol amtuhche aknung inheia ak an mii in Ringpu kurung huunna turella amahvah matik chanoh mii.”
Currently Selected:
LUKE 9: TARAOBSI
Highlight
Share
Copy
Want to have your highlights saved across all your devices? Sign up or sign in
Tarao New Testament - Akthar Trongirhna
Copyright © 2017 by The Bible Society of India
Used by permission. All rights reserved worldwide.
LUKE 9
9
Aroi Somleinihta Amthlah
(Met 10:5–15; Mak 6:7–13)
1 #
Met 10:1,5,7–11,14; Mak 6:7–12; Luk 10:4–11 Aknu achunna Jisu in aroi somleinihta aongche, khousaar naamteta cheknatu mahche natna satna naamteta mathratnatu tuui ankuunga amlanei, 2Cheva anmahta Ringpu kurung huunnata anraannatu mahche akna aksaeita mathratnatu amthlah ei. 3#Luk 10:4–11Che ankuunga asonei, “Rapkheitla nansehnatu sungrolh slakho, thong slakho, tol slakho baobeh slakho, jakhatkho phurhnohve, inluut innih phurnohve. 4Che nannih in nanluutna innkhanna tlungve, che mah khannata inthruhkho inthruhnohve. 5#Noon 13:51Che tunangkhat in nannihta nanisoongnoh eile, khuuboom khannata nannih in nanthruh laia nannih nanchunga sakhi aveinatu nankehna uphulta mathiimma mahve.” 6Cheva anmah in khuu khuua seh a Akthra Trong anraan mahche akna amithratei.
Herot in Anhalna
(Met 14:1–12; Mak 6:14–29)
7 #
Met 14:1–2; 16:14; Mak 6:14–16; 8:28; Luk 9:19 Chunna Herot ramngaak in aksuukthlou naamte i atheih in khalmo inhalsa, alamva arouin John ta akthi ankaar nata kiringsa ta anson, 8arouin Elaijah ta indangsa, che aktlei in ringraan amlui ankaar nata ringsa ta anson. 9#Luk 23:8Herot in ason, “Keiin John akang kitanpei, chuta keiin amah relna oinangtrong ktheih mii i tusame?” Churel Jisu ta amuhnatu ajon.
Mii Akpul Rangata Amsaak
(Met 14:13–21; Mak 6:30–44; Jon 6:1–14)
10 #
Mak 6:30–31; Luk 10:17; Jon 1:44 Chunna raangroi in anlenglai anmah in antloh ankhal thlouta Jisu kuung atongpei. Cheva Jisu in anmahta phurh a Bethsaida antih khuuboom khat a ajea anthleipei. 11#Met 14:13–21; Mak 6:32–44; Jon 6:1–14; Mak 8:4–10Chunna miitam in mahchuta anromma amah aknu anjuihpei; che Jisu in anmahta thratea lousoonga Ringram huunna relna trong mahche natna thra akdi anmahta amthrat ei. 12Pek kini atlaktum somleinih in Jisu kuunga thlenga anson, “Miitam ei i mahvel inna kooi a am khuu khuu leh khuuboomma ansaak an iin antuuknatu mahche anriknatu mathlah eirosa; alamva inih in mii amnohna achikna a amsame.” 13Chuta Jisu in ankuunga asonei, “Nannih in anmah kuunga saakphu malaneive.” Anmah in anson, “Inih in seh a mii naamte turel ansaakphu leinoh maleva, ikuunga tol atum ranga leh nga innihnata ralla amnohsa.” 14Alamva anmahva kupa akpul rangavak ei. Jisu in aroikuunga asonei, “Anmahta mii sopnga sopnga loom veia mabok eive.” 15Che nga tloh a anmah naamteta amibokpei. 16#Luk 22:19; 24:30–31; Noon 2:42; 20:11; 27:35Mahchunna Jisu in tol atum ranga leh nga innihta louva ringram intouva a anche doi malanna mahchuta khoia miitam ankuunga ansemnatu aroita amlanei. 17Che anmah naamtein saa a anvon invahsei. Che anlei akirkaar luktoong somleinih anchunpei.
Jisu Relna Pitar in Amdang
(Met 16:13–19; Mak 8:27–29)
18 #
Met 16:13–20; Mak 8:27–30; Jon 1:49; 11:27; 6:66–69 #
Luk 3:21; 5:16; 6:12; 9:28; 11:1 Ipek nga tloh a suuksa mah chuvah Jisu in akroua angenlaia aroi in amahsoh inruuijouei; che anmahta aruiei “Keita mii in tume kantih angme?” 19#Met 14:1,2; Mak 6:14,15; 9:11–13; Luk 9:9Che anmah in amisang, “Aklup John, chuta arouin Elaijah, che aktlei in ringraan amlui ankaarna inkhatta ringsa ta nansonei.” 20#Jon 6:68,69Che Jisu in asonei, “Chuta nannih inva keita tume nantih angme?” Che Pitar in amsang, “Ringpu vaa Khrista khache.”
Jisu in Klah knang Aphahsam che Athihsamrel Trong
(Met 16:20–28; Mak 8:30—9:1)
21Chuta mah i tukhat kuungakho antongnoh natu tranga asonei, 22#Met 16:21; Mak 8:31; Luk 9:43–45; 18:31–34; 17:5“Miivaa Asa kupa in klah knang khalmo aphahtu tla, anparuul ei in, akthloi thiimpu mahche ringjih lulok eiin amahta indah a anthattu, che nithum tihpia amah in ringtu.”
23 #
Met 10:38; 16:24–28; Mak 8:34—9:1; Luk 14:27 Mahche Jisu in mii naamteta ansonei, “Tukhat in kiknu keijuihtang tihle, atak akrouin janohsoh akni aknileh thingkharhta loua kiknu keijuihso. 24#Met 10:38–39; Luk 14:27; 17:33; Jon 12:25Alamva tukhat in amah achaanta ankaljale maangtu, che tukhat in kei turella amah ali maangle, amah in inkal aphahtu. 25Alamva mii inkhat in tukleiram apumte aphahche ataktal maang nohle tum veile amahtu achuungna jangamsame? 26#Met 10:33; Luk 12:9; 1 Jon 2:28Alamva tunangkhat in keirella mahche keitrong rella injak phahle, miivaa Asa kupa in Apa leh Akseeng ringroivaa paarthra a athlenglai injak aphahtu. 27#Luk 22:18; Met 10:23; 1 Thes 4:15–18; Jon 21:22Chuta keiin nankuunga taktak a kisonchou, onna angirmii arouva Ringram huunna anmuhnohmiil kthita matemnoh usei.”
Jisu Ameel Amthlei
(Met 17:1–8; Mak 9:2–8)
28 #
Met 17:1–8; Mak 9:2–8; Luk 8:51; 3:21; 5:16; 6:12; 9:18; 11:1; 2 Pit 1:17–18 Ipek mahtrong ita asonche nijan nirit aknua Jisu in ataksoh inruui Pitar, John mahche Jems ta phurh a ngennatu muulla kalsei. 29Che amah in angensuunga, Jisu vaa ameel amthleipei apuunreikho inngousa intlekho intlesa. 30#Noon 1:9–11Che anve, mii innih in Jisu soh trongei, anmahchuva Moses leh Elaijah ei, 31Anmah in paarthrata mamuh a Jerusalem mapung amiphahnatu Jisu in asehnasam rella trongei. 32#Jon 1:14Pek Pitar leh amahsoh anruuipiva an ihmua mitchusei, anmah in inthranga an anlai Jisu vaa paarthra che amahsoh ngirjou mii innihta anmuhpei. 33#Luk 5:5; 8:24,45; 9:49; 17:13Chunna anmah in Jisu kuungnata anthreklaia Pitar in Jisu ta ason, “Inih in onna iam thra; chunna thlaam inthum tlohrei, nangturel inkhat, Moses turel inkhat mahche Elaijah turel inkhat tlohrei” — amah in jangta asonme romnoh. 34Che amah in trongi asonsuunga, sumphai thlenga anmahta akhalpei; anmah in sumphai kaar a anluut in intrisei. 35#Met 3:17; Mak 1:11; Luk 3:22; Jon 12:28–30Che sumphainata hou inkhat thlenga ason, “Mah i keiin kichar Kisa kupasa; amah in ason rungaive.” 36#Met 17:9; Mak 9:9–10Che mahouchu atrongche, Jisu akrouta am anktuuk ningsa. Mahchunna anmah in rimta amsei, che mahlai anmuhkha tukhat kuungkho sonnoh ei.
Thranoh Li in Anruuipi Kupasa Khatta Jisu in Amthrat
(Met 17:14–18; Mak 9:14–27)
37 #
Met 17:14–18; Mak 9:14–27 Che akhuvar a, anmah in muulnata antrumlai, mii tamsoh intuuksa. 38Che anve, miitam ankaar nata kupakhat in ongsa, “Lulok, kisa kupata anrota amthruun, alamva amah i keitu veia khalekru kpok kisa kupaning; 39anro, li inkhat in amahta suura asih, cheva amah in kak hanga ongsa; abaoa amchilkho inthruh a akchut, che khalmo masok a akuungnata mah indah a inthruhsa. 40Amahta aminomnatu nang niroita kisonei chuta manom cheknoh ei.” 41Jisu in amsang, “Ah, malotnoh mahche inhe ringnatluun, keiin nannihsoh jikcha sot a amjouva kdou uchoume? Nisa kupakha onna thlenro.” 42Amah in athlenglai, khousaar in amahta chutchit a amlah. Chuta Jisu in akseengnoh lita asaalche, kupasa khata amthratpei, che apakuunga naota amlanpei. 43#Met 17:22–23; Mak 9:30–32; Luk 9:22; 18:31–34; 17:25Anmah naamtein Ringpu vaa achek amneh thlou khanna salungkhousei.
Jisu in Athihsam Rella Veikhatla Asontrong
(Met 17:22–23; Mak 9:30–32)
Chunna Jisu in atlohthlou anaam khanna mii naamtein anhalsuunga aroita asonei, 44“Mahtrongi namikuura thunve; alamva miivaa Asa kupata miikut a amilansampei.” 45Chuta mah asonni anmah in romnohsei, che anmah in ohchuta anlohtheihnoh natu mahche khiial antlaknoh natu anrilta amthup; cheva mairella anmah in akuunga akrui trihsei.
Tunang in Akliinrem Vei ume?
(Met 18:1–5; Mak 9:33–37)
46 #
Met 18:1–5; Mak 9:33–37; Luk 22:24 Anmah akaar a tuin ralla akliinrem umeta trong inkharhkhirsei. 47Chuta Jisu in anmah anrilla trong inkharh a amidonchuta aromma andihnao inkhatta akuunga kaia asihche, 48#Met 10:40; Luk 10:16; Jon 13:20asonei, “Tunangkhat in keiminga amah andihnao ita louchoule keita nanloh ang, che tunangkhat in keita keilou choule keita kamthlah amahta nanlohpei; alamva nannih nankaar a andihrem amah in akliinremtu.”
Tunangkhat in Nannihta Nanian dahnohleh Nanmiisa
(Mak 9:38–40)
49 #
Mak 9:38–40; Luk 5:5; 8:24,45; 9:33; 11:23; 17:13 John in amsang, “Akpu, mii khat in nangminga khousaar amnomta kanmuh a kankhaam, alamva amahvah inihsoh inruuijou miinoh.” 50Chuta Jisu in ankuunga asonei, “Amahta khaamnohve; alamva nannihta nanijetnoh miikha nannih nanmiisa.”
Samaria Khuuna Mii in Jisu ta Lou Indah ei
51 #
Mak 10:1; Luk 17:11; Jon 4:40–42 Chunna Jisu ta anroulohnatu laikha anai in, atak in Jerusalem phah a asehnatu aril amngirhpei. 52#Met 10:5; Jon 4:4Mahche Jisu in amah amaa a mii aloumathlah natu atirh ei, Jisu turella thlouraang antlohnatu atirhmii khanna Samaria khuukhat a luutsei; 53chuta mah khanna mii in amahta loulounohsei, alamva atak in Jerusalm phah a asehnatu aril amngirhpei cheva anmah in Jisu ta loulounohsei. 54#Mak 3:17Amah aroi Jems leh John in mahchuta anmuh in anson, “Akpu, marvaan tingna mei mathlah a anmah in ankaangkhem naturel kansonnatu kanimtlohja cheme?” 55Chuta anmahta inheia asaalei. 56Cheva anmah in khuu inkhat a sehsei.
Jisu Aknu Akjuihja Mii
(Met 8:19–22)
57 #
Met 8:19–22
Chunna anmah in lamma nga ansehlai, mii khat in akuunga ason, “Nangin niseh nilonna naamtea niknu kijuih uche.” 58Mahchunna Jisu in akuunga ason, “Uiiramuiivaa ankhur am, che marvaanna vakho anbu am; chuta miivaa Asa kupava akang asihna munkho amnoh.” 59Mahche aktlei in khat kuunga ason, “Kei kiknu keijuihro.” Chuta amah in ason, “Akpu, keiin matsah a kipata akphuum kisehnatu keijamanro.” 60Chuta amah in akuunga ason, “Akthi in antak anroua anphuumnatu akthita mah eiro; chuta nangva seh a Ringpu kurung huunnata raanro.” 61#Phil 3:13Mahche aktleikhat in ason, “Akpu, keiin niknu kijuih uche; chuta keiinna ak am eita matsah a saammaan tangei.” 62Jisu in akuunga ason, “Tunangkhat in akut a langkol amtuhche aknung inheia ak an mii in Ringpu kurung huunna turella amahvah matik chanoh mii.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Tarao New Testament - Akthar Trongirhna
Copyright © 2017 by The Bible Society of India
Used by permission. All rights reserved worldwide.