ꞌLuuka 20
20
Makaaꞌthĩt cĩ Yeesu
(Tigiil Maatteeo 21:23-27; Maarko 11:27-33)
1Kõr umwa, baa alliman Yeesu eet halaangatõõ cĩ ꞌCieeth cĩ Nyekuci nẽ irrioon nyeemuut ꞌcĩ abũnnaa, baa au makayyiooha cĩg paadĩrꞌnyaannu hĩ ꞌlimmanniook cĩg nyattaalak hĩ nyakangaaꞌnya cĩg eetuk hĩ ĩnõõnnõ, 2nẽ ijinit ĩĩttĩk, “Duhaaheet dako jurrung, makaaꞌthĩt tĩhathini ꞌcĩ adticanĩĩ nii thooꞌthiok iccig ko? Nganĩ baa ꞌcĩ aaꞌnyi nganiit makaaꞌthĩt icci ho?”
3Ẽdẽcĩ Yeesu ĩhõõggõ anneek, “Ĩꞌnya nõõ hijinuung naa buúk ngagiita, uduktaahaangu dako, 4aku baa makaaꞌthĩt baa aggamẽẽkĩ Yõaannẽ eet baattithimo hẽẽtahujjieen hode hĩ eeta?”
5Arumuth hinnia nõõ nẽẽg thõõth ẽmmẽn aĩ, “Má hĩĩttĩk, ‘Aku hẽẽtahujjieen,’ ajinneet hatĩ anneekeet, ‘Nẽ baa hõllõngaa elemmu ĩnõõnnõ inni?’ 6Nẽ tarĩ má hĩĩttĩk, ‘Aku hĩ eeta,’ atturreet hatĩ eeta cieeg vẽlẽk biyyiẽẽnĩ, hĩnĩngĩtĩ elemit nẽẽg ngaatĩ ĩĩnnĩ Yõaannẽ põrõvẽtaac.”
7Nĩngĩtĩ annẽẽkĩ, “Erekeet ꞌgõõl ꞌcĩ baa ammũdaanĩ Yõaannẽ makaaꞌthĩt.”
8Ma ho, ẽdẽc Yeesu ĩhõõggõ ĩĩnnĩk, “Aitiõõ thĩ ꞌthẽk naa buúk hõllõngaa haduhaakuung ꞌgõõl ꞌcĩ hammũdaanĩ makaaꞌthĩt ꞌcĩ hadĩmanĩĩ hẽlẽggĩ iccig ko.”
Bekiook cĩg manu
(Tigiil Maatteeo 21:33-46; Maarko 12:1-12)
9Nĩngĩtĩ aduhaakĩ Yeesu eet thõõth ꞌcĩ awantoothĩk annẽẽkĩ, “Baa atiboolan ẽẽtĩ umwaa hẽẽn cĩg viinoaak#20:9 Hẽẽt cĩ viinoo: Baa tiir hẽẽt cĩ viinoo hĩ eet cĩg Ĩꞌthĩraẽlĩ gẽrrẽẽt, hĩnĩngĩtĩ bura cĩgĩnnĩg ꞌcĩg ẽmmẽdĩ, baa gõõng attur eeta cĩg ꞌJudeei bura hammacũyyiaaĩ mẽrtĩ. Nẽ baa ĩthakꞌtheek Nyekuci eet cĩg Ĩꞌthĩraẽlĩ hẽẽt cĩ viino ꞌcĩ baa atiboolan nẽẽnĩ, nẽẽthĩ hinnia, baa hõllõngaa õddõngta hẽẽn ꞌcĩg abbiiri ũdũt. Ĩnõõ baa agaõõꞌthĩ ꞌlimmanniooha cĩg nyattaalak hĩ paadĩrꞌnya ꞌcĩg obbitig ngaatĩ õthõõthĩ Yeesu ĩhõõggõ. Tigiil ꞌBuuk cĩ Tegellwaanu 80:8-16; Iꞌthaia 5:1-7; ꞌJeremia 2:21. nẽ ũtũngẽẽhĩ bekiook ũgĩ hebehit nẽ ũũk looccaa umwaanĩ ĩĩcĩ õkõ aayyianĩ ĩꞌthõng. 10Ma baa ĩĩ korriook cĩg janiittak, ikia ĩꞌthõ nẽẽ dticciannioohit umwa cĩnnĩ, hũũk hũmmũdoothĩk bekiook, hũũk haꞌnyaha viino cĩnnĩ. Õõ hinnia uuk bekiooha dticciannioohit tĩho nẽ itiggiaacõ hõbõdõõthĩ athĩnĩĩ ꞌtẽl. 11Ma ho, ikia ĩꞌthõ nẽẽ dticciannioohit umwa tarĩ, õõ tarĩ õmmõg tĩho buúk hĩdĩmanit ꞌbuth nẽ itiggiayyieek mõrõ athĩnĩĩ ꞌtẽl. 12Ma tarĩ ho, ĩꞌthõ baattĩ manu dticciannioohit umwa tarĩ. Õõ hinnia uuk tĩho buúk hĩccĩnĩt ngatũbĩ nẽ udhukteek tẽrẽtẽraa cĩ manu.
13“Nĩngĩtĩ ammuhi baattĩ manu aĩnnĩ, ‘Hogooni occa hutuno hõlõ? Ĩꞌnya da aattĩ hĩꞌthõ loholeec caannĩ dẽẽdẽ ꞌcĩ hammĩnani, horoong hatĩ õõ iꞌngolli ĩnõõnnõ.’
14“Ma baa adtuuha bekiooha ngeertĩ baattĩ manu ho, urumuthit thõõth ĩĩtõ, ‘Ngeerĩnĩ thĩ aattĩ dẽẽdẽ niccieeni, huruhit ĩnõõnnõ, hátĩ hirigithit mana hĩĩ cĩnaac ũdũt.’ 15Nĩngĩtĩ õõĩ ĩnõõnnõ tẽrẽtẽraa cĩ mana cĩ viinoo nẽ uruhit hadaak.
“Ma ammuku niig, occa õkõ adahĩ baattĩ manu bekiook iccig ne? 16Occa õkõ aruk ĩhõõggõ vẽlẽk nẽ aaꞌnyĩk mana eet ꞌcĩg ꞌrĩĩng hootti.”
Ma baa athĩhĩ eeta thõõth icci ho, othoothito ĩĩtõ, “Aitiõõ hatĩ thõõth ciee hõllõngaa aku haau hoti.”
17Nĩngĩtĩ akannĩ Yeesu eet hẽbẽrĩ ĩꞌthõng nẽ ijin ĩĩnnĩk, “Aduha ꞌBuuhi cĩ Nyekuci ne baa eheeddi aĩ,
“ ‘Ĩĩ bẽẽ baa abũrĩ teheꞌnyiooha
bẽẽ ꞌcĩ tiiri gẽrrẽẽt’?#Tigiil ꞌBuuk cĩ Tegellwaanu 118:22
18Ẽẽtĩ ꞌcĩ hatĩ ĩttany looc biyyiaa tĩho, aduuli hatĩ huduhoothĩk hĩĩ ꞌthĩĩ. Nẽẽthĩ, ẽẽtĩ ꞌcĩ hatĩ arriban bẽẽ tĩho, õrõrrõõcanni hatĩ hĩĩ ꞌthĩĩ.”
19Nĩngĩtĩ adiim adhuhẽẽkĩ ꞌlimmanniooha cĩg nyattaalak hĩ makayyiook cĩg paadĩrꞌnyaannu Yeesu baabuuth nĩĩcĩ noho, hĩnĩngĩtĩ baa aga nẽẽg ngaatĩ ĩĩnnĩ ĩhõõggõ ꞌcĩg awanteek Yeesu thõõth icci ho. Nẽẽthĩ, baa itieelli nẽẽg eeta.
Dũman cĩ occoro
(Tigiil Maatteeo 22:15-22; Maarko 12:13-17)
20Ma ho, iita akatti ꞌlimmanniooha cĩg nyattaalak hĩ makayyiook cĩg paadĩrꞌnyaannu Yeesu hẽbẽrĩ nẽ itikta eet ꞌcĩg ĩĩn ꞌrootti hotogollioothĩk Yeesu hĩ eeta ꞌcĩg abũnnaa. Baa ẽdẽt nẽẽg Yeesu hatĩ aduha thõõth ꞌcĩ occa aaꞌnyĩk ĩhõõggõ haggamit ĩnõõnnõ nẽ ootti hĩ ꞌgaalac cobbi ꞌcĩ aꞌnyak makaaꞌthĩt hĩ ꞌtirrian ꞌcĩ ẽcẽbĩ eeta. 21Nĩngĩtĩ ajini eeta ꞌcĩg ĩĩn ꞌrootti ho Yeesu annẽẽkĩ, “ꞌLimmannioohit, hagayyia naag ngaatĩ õthõõthĩ nii nẽ illimanuu thõõth ꞌcĩ ĩĩn dĩdĩ nẽ hõllõngaa aallahi thooꞌthiok cĩg eetuk, allimani ꞌthẽk thõõth cĩ Nyekuci ꞌgõõlaa ꞌcĩ ĩĩnnĩ dĩdĩ. 22Duhaaheet dako, aũlan occa ꞌthẽk ngaatĩ hadũmaneeka naag habu cobbi cĩ ꞌRooma occoro?”
23Baa aga Yeesu ngaatĩ attĩmanĩ nẽẽg ĩnõõnnõ thõng, nĩngĩtĩ annẽẽkĩ ĩhõõggõ, 24“Aanytaangu da ꞌdinaar umwa hĩcĩnõ, ꞌcĩ nganĩ muum ꞌcĩ aaĩ ꞌdinaaraa cĩ ho? Nẽ ĩĩ cĩg nganĩ ꞌthaara cieeg eheedothoothĩk ꞌdinaaraa cĩ ho?”
25Ẽdẽcĩ nẽẽg aĩ, “Cĩ habu cobbi cĩ ꞌRooma.” Nĩngĩtĩ aduhaakĩ nẽẽ ĩhõõggõ annẽẽkĩ, “Aanytĩk habu cobbi cĩ ꞌRooma ꞌgii cĩnnĩ nẽ aanytĩhu Nyekuc ꞌgii cĩ Nyekuci.”
26Nĩngĩtĩ aꞌnyamanĩ ĩhõõggõ ngaatĩ occa ẽdẽtĩ Yeesu, hatĩ aduha thõõth ꞌcĩ abathĩ lothippita. Ma ho, ĩjjaaktõ kim, hĩnĩngĩtĩ anyamũũtana thõõth ꞌcĩ occa aduhaak nẽẽg Yeesu.
Rũgẽt urutaa cĩ daahĩthõõ
(Tigiil Maatteeo 22:23-33; Maarko 12:18-27)
27Baa au Thadutheei#20:27 Thadutheei: Ĩĩn Thadutheei eet cĩg ꞌJudeei ꞌcĩg aꞌthũũnnĩ nyattal cĩ Mũũꞌtha diooni nẽ hõllõngaa aꞌnyak lemiinit ꞌcĩ aĩ, arũgna hatĩ eeta ꞌcĩg adaahito daahĩtha. Baa hõllõngaa ẽlẽmĩ nẽẽg loriẽẽt hĩ aajĩlẽẽt. Tigiil ꞌBuuk cĩ Dtiicanĩ cĩg ꞌThooyyiahu 23:8. ũgẽẽgĩ ꞌcĩg aĩ, aitiõõ ẽẽtĩ ꞌcĩ adaak hõllõngaa arũgna tarĩ hĩ Yeesu nẽ ijinit ĩĩttĩk, 28“ꞌLimmannioohit, baa eheedĩkeet ngagĩĩt Mũũꞌtha nyattal icci aĩ, má adaahĩ ẽẽtĩ ũũnnĩk ngaa hiꞌthihi lõhõlĩ, aku ꞌgotonnia nẽ õlõm ngaatĩbõyyĩ nicci, hátĩ hittiraak lõhõlĩ ꞌcĩg hatĩ ĩĩn cĩg ꞌgõtõnĩ ꞌcĩ adaak ko.#Tigiil ꞌBuuk cĩ Ditoronomi 25:5-6 29Baa aattĩg eeta tũkĩramma ꞌcĩg ĩĩn ꞌgõtõn. Ikia ũꞌthũwanõõ ꞌcĩ oou nẽ adaak nga hittira loholeec. 30Nĩngĩtĩ aku õlõmmĩ ꞌgotonnia ꞌcĩ anũẽẽkĩ ngagõtõnõõnĩ nẽ ikia adaak nẽẽ buúk nga hittira loholeec hĩ ngaa nicci. 31Ma ho, ikia õlõm ꞌgotonnia ꞌcĩ ĩĩn iyyio buúk ngaa nicci. Nẽ ꞌgõõla hõdẽẽthõng, iita adaahito ꞌgõtõnĩ ꞌcĩg ĩĩn tũkĩramma ho vẽlẽk nga hittirria lõhõlĩ ũdũt. 32Nẽ ma uruta, ikia adaak ngaa nicciee buúk. 33Ma ꞌyioko hatĩ kõr ꞌcĩ arũgnaanĩ eeta daahĩtha, ĩĩn hatĩ ngaa ciee ꞌcĩ nganĩ, hĩcĩ olomit ꞌgõtõnĩ ꞌcĩg ĩĩn tũkĩramma vẽlẽk ho?”
34Ẽdẽcĩ Yeesu anneek, “Attihi eeta loota nĩnga diooni. 35Aitiõõ eeta ꞌcĩg hatĩ arũgna daahĩtha hõllõngaa attihi, 36nẽ iittiõõ hatĩ nẽẽg hõllõngaa adaahĩ, hĩnĩngĩtĩ aauto hĩ aajĩlẽẽta. Ĩĩtõ hatĩ nẽẽg lõhõlĩ cĩg Nyekuci, hĩnĩngĩtĩ ĩĩtõ nẽẽg lõhõlĩ ꞌcĩg ũrũgta daahĩtha. 37Nẽẽthĩ, dtẽẽllẽnĩĩ baag atũũthẽnĩ tumutha, baa ẽtẽrꞌtha Mũũꞌtha ngaatĩ arũgnaanĩ eeta daahĩtha, hĩnĩngĩtĩ baa avvĩ nẽẽ Makayyioohit anneek, ‘Nyekuc cĩ Abũrahamĩ hĩ Nyekuc cĩ Iꞌthaako hĩ Nyekuc cĩ Yakobo.’#Tigiil ꞌBuuk cĩ Luugithõõ 3:6 38Hõllõngaa ĩĩn nẽẽ Nyekuc cĩ daakiahu, ĩĩn Nyekuc cĩ eet cĩg arũgĩ, hĩnĩngĩtĩ hĩ ĩnõõnnõ, arũgĩ eeta vẽlẽk.”
39Nĩngĩtĩ ẽdẽcĩ ꞌlimmanniooha ũgẽẽgĩ cĩg nyattaalak annẽẽkĩ, “Uduha thõõth dĩdĩ ꞌlimmannioohit.” 40Nẽ iittiõõ ẽẽtĩ ꞌcĩ nga ajin ĩnõõnnõ tarĩ tõõ.
Ĩĩn Krĩstõ Ngeertĩ nganĩ?
(Tigiil Maatteeo 22:41-46; Maarko 12:35-37)
41Ma ho, ijin Yeesu ĩhõõggõ ĩĩnnĩk, “Inni hĩĩtõ eeta ĩĩn Krĩstõ Ngeertĩ Daavide ho? 42Aduha Daavide ꞌBuuhaa cĩ Tegellwaanu aĩ,
“Aduhaak Makayyioohiti Makayyioohit caannĩ#20:42 Makayyioohit caannĩ: Avvĩ Makayyioohiti Nyekuci Yeesu anneek, Makayyioohit caannĩ. anneek,
‘ꞌCioloongan ngaati attiaa caannĩ ĩcobbi
43ĩꞌthõng haggam mĩrõk cugunnig.’ ”#Tigiil ꞌBuuk cĩ Tegellwaanu 110:1
44“Ma avvĩ Daavide ĩnõõnnõ anneek, ‘Makayyioohit,’ nẽ tarĩ ikia ĩĩ nẽẽ ngeertĩ Daavide hutuno?”#20:44 Nẽ tarĩ, ikia ĩĩ nẽẽ ngeertĩ Daavide hutuno: Ĩĩn Yeesu ngeertĩ Daavide hĩnĩngĩtĩ baa arrittiaa nẽẽ ĩĩn eet ꞌcĩ holli õõ nẽ baa maaꞌnyĩ maacõnĩ ꞌcĩ baa haĩ Daavide. Baa nga hittirria nẽẽ hĩĩ eet ꞌcĩ holli õõ, baa arũmĩ nẽẽ hĩ Nyekuc hẽẽtahujjieen nẽ ĩĩ Ngeertĩ Nyekuci. Baa ẽhẽnyta nẽẽ hẽlẽggĩ vẽlẽk, nẽẽthĩ hoti ho, ikia ĩĩ nẽẽ Makayyioohit cĩ Daavide. Tigiil ꞌBuuk cĩ Yõaannẽ 1:1-18.
Yeesu hĩ ꞌlimmanniook cĩg nyattal cĩ Mũũꞌtha
(Tigiil Maatteeo 23:1-36; Maarko 12:38-40; ꞌLuuka 11:37-54)
45Ma baa ꞌthẽk nga athĩknĩ eeta vẽlẽk, irrioonĩk Yeesu nuyyiook ĩĩnnĩk, 46“Niiga, agaac lõggõõ aagõõng allimaneek eet nyattal nĩnga jurrung. Amĩna nẽẽg ngaatĩ irrianĩ ceremwaanĩĩ ꞌcĩg õkõmĩ kak nẽ idiimito hĩꞌthaacõ eeta ngaatĩ tũũõ hĩ ngaatĩ õõ iccioloonganĩ dtaabĩtĩĩ ꞌcĩg oou ꞌCieethinii cĩg Laiittak hĩ ngaatĩ adahĩ eeta karramẽẽta. 47Ĩĩn nẽẽg eet ꞌcĩg arratana ngaatĩbõyyĩꞌnya ꞌcieethi nẽ ara agurreek laiinit ĩꞌthõng, hĩnĩngĩtĩ adiim ẽtẽrꞌtha eleeti. Uuki hatĩ eeta ꞌcĩg aattĩg noho gẽrrẽẽt ũdũt.”
Currently Selected:
ꞌLuuka 20: did
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
ꞌLuuka 20
20
Makaaꞌthĩt cĩ Yeesu
(Tigiil Maatteeo 21:23-27; Maarko 11:27-33)
1Kõr umwa, baa alliman Yeesu eet halaangatõõ cĩ ꞌCieeth cĩ Nyekuci nẽ irrioon nyeemuut ꞌcĩ abũnnaa, baa au makayyiooha cĩg paadĩrꞌnyaannu hĩ ꞌlimmanniook cĩg nyattaalak hĩ nyakangaaꞌnya cĩg eetuk hĩ ĩnõõnnõ, 2nẽ ijinit ĩĩttĩk, “Duhaaheet dako jurrung, makaaꞌthĩt tĩhathini ꞌcĩ adticanĩĩ nii thooꞌthiok iccig ko? Nganĩ baa ꞌcĩ aaꞌnyi nganiit makaaꞌthĩt icci ho?”
3Ẽdẽcĩ Yeesu ĩhõõggõ anneek, “Ĩꞌnya nõõ hijinuung naa buúk ngagiita, uduktaahaangu dako, 4aku baa makaaꞌthĩt baa aggamẽẽkĩ Yõaannẽ eet baattithimo hẽẽtahujjieen hode hĩ eeta?”
5Arumuth hinnia nõõ nẽẽg thõõth ẽmmẽn aĩ, “Má hĩĩttĩk, ‘Aku hẽẽtahujjieen,’ ajinneet hatĩ anneekeet, ‘Nẽ baa hõllõngaa elemmu ĩnõõnnõ inni?’ 6Nẽ tarĩ má hĩĩttĩk, ‘Aku hĩ eeta,’ atturreet hatĩ eeta cieeg vẽlẽk biyyiẽẽnĩ, hĩnĩngĩtĩ elemit nẽẽg ngaatĩ ĩĩnnĩ Yõaannẽ põrõvẽtaac.”
7Nĩngĩtĩ annẽẽkĩ, “Erekeet ꞌgõõl ꞌcĩ baa ammũdaanĩ Yõaannẽ makaaꞌthĩt.”
8Ma ho, ẽdẽc Yeesu ĩhõõggõ ĩĩnnĩk, “Aitiõõ thĩ ꞌthẽk naa buúk hõllõngaa haduhaakuung ꞌgõõl ꞌcĩ hammũdaanĩ makaaꞌthĩt ꞌcĩ hadĩmanĩĩ hẽlẽggĩ iccig ko.”
Bekiook cĩg manu
(Tigiil Maatteeo 21:33-46; Maarko 12:1-12)
9Nĩngĩtĩ aduhaakĩ Yeesu eet thõõth ꞌcĩ awantoothĩk annẽẽkĩ, “Baa atiboolan ẽẽtĩ umwaa hẽẽn cĩg viinoaak#20:9 Hẽẽt cĩ viinoo: Baa tiir hẽẽt cĩ viinoo hĩ eet cĩg Ĩꞌthĩraẽlĩ gẽrrẽẽt, hĩnĩngĩtĩ bura cĩgĩnnĩg ꞌcĩg ẽmmẽdĩ, baa gõõng attur eeta cĩg ꞌJudeei bura hammacũyyiaaĩ mẽrtĩ. Nẽ baa ĩthakꞌtheek Nyekuci eet cĩg Ĩꞌthĩraẽlĩ hẽẽt cĩ viino ꞌcĩ baa atiboolan nẽẽnĩ, nẽẽthĩ hinnia, baa hõllõngaa õddõngta hẽẽn ꞌcĩg abbiiri ũdũt. Ĩnõõ baa agaõõꞌthĩ ꞌlimmanniooha cĩg nyattaalak hĩ paadĩrꞌnya ꞌcĩg obbitig ngaatĩ õthõõthĩ Yeesu ĩhõõggõ. Tigiil ꞌBuuk cĩ Tegellwaanu 80:8-16; Iꞌthaia 5:1-7; ꞌJeremia 2:21. nẽ ũtũngẽẽhĩ bekiook ũgĩ hebehit nẽ ũũk looccaa umwaanĩ ĩĩcĩ õkõ aayyianĩ ĩꞌthõng. 10Ma baa ĩĩ korriook cĩg janiittak, ikia ĩꞌthõ nẽẽ dticciannioohit umwa cĩnnĩ, hũũk hũmmũdoothĩk bekiook, hũũk haꞌnyaha viino cĩnnĩ. Õõ hinnia uuk bekiooha dticciannioohit tĩho nẽ itiggiaacõ hõbõdõõthĩ athĩnĩĩ ꞌtẽl. 11Ma ho, ikia ĩꞌthõ nẽẽ dticciannioohit umwa tarĩ, õõ tarĩ õmmõg tĩho buúk hĩdĩmanit ꞌbuth nẽ itiggiayyieek mõrõ athĩnĩĩ ꞌtẽl. 12Ma tarĩ ho, ĩꞌthõ baattĩ manu dticciannioohit umwa tarĩ. Õõ hinnia uuk tĩho buúk hĩccĩnĩt ngatũbĩ nẽ udhukteek tẽrẽtẽraa cĩ manu.
13“Nĩngĩtĩ ammuhi baattĩ manu aĩnnĩ, ‘Hogooni occa hutuno hõlõ? Ĩꞌnya da aattĩ hĩꞌthõ loholeec caannĩ dẽẽdẽ ꞌcĩ hammĩnani, horoong hatĩ õõ iꞌngolli ĩnõõnnõ.’
14“Ma baa adtuuha bekiooha ngeertĩ baattĩ manu ho, urumuthit thõõth ĩĩtõ, ‘Ngeerĩnĩ thĩ aattĩ dẽẽdẽ niccieeni, huruhit ĩnõõnnõ, hátĩ hirigithit mana hĩĩ cĩnaac ũdũt.’ 15Nĩngĩtĩ õõĩ ĩnõõnnõ tẽrẽtẽraa cĩ mana cĩ viinoo nẽ uruhit hadaak.
“Ma ammuku niig, occa õkõ adahĩ baattĩ manu bekiook iccig ne? 16Occa õkõ aruk ĩhõõggõ vẽlẽk nẽ aaꞌnyĩk mana eet ꞌcĩg ꞌrĩĩng hootti.”
Ma baa athĩhĩ eeta thõõth icci ho, othoothito ĩĩtõ, “Aitiõõ hatĩ thõõth ciee hõllõngaa aku haau hoti.”
17Nĩngĩtĩ akannĩ Yeesu eet hẽbẽrĩ ĩꞌthõng nẽ ijin ĩĩnnĩk, “Aduha ꞌBuuhi cĩ Nyekuci ne baa eheeddi aĩ,
“ ‘Ĩĩ bẽẽ baa abũrĩ teheꞌnyiooha
bẽẽ ꞌcĩ tiiri gẽrrẽẽt’?#Tigiil ꞌBuuk cĩ Tegellwaanu 118:22
18Ẽẽtĩ ꞌcĩ hatĩ ĩttany looc biyyiaa tĩho, aduuli hatĩ huduhoothĩk hĩĩ ꞌthĩĩ. Nẽẽthĩ, ẽẽtĩ ꞌcĩ hatĩ arriban bẽẽ tĩho, õrõrrõõcanni hatĩ hĩĩ ꞌthĩĩ.”
19Nĩngĩtĩ adiim adhuhẽẽkĩ ꞌlimmanniooha cĩg nyattaalak hĩ makayyiook cĩg paadĩrꞌnyaannu Yeesu baabuuth nĩĩcĩ noho, hĩnĩngĩtĩ baa aga nẽẽg ngaatĩ ĩĩnnĩ ĩhõõggõ ꞌcĩg awanteek Yeesu thõõth icci ho. Nẽẽthĩ, baa itieelli nẽẽg eeta.
Dũman cĩ occoro
(Tigiil Maatteeo 22:15-22; Maarko 12:13-17)
20Ma ho, iita akatti ꞌlimmanniooha cĩg nyattaalak hĩ makayyiook cĩg paadĩrꞌnyaannu Yeesu hẽbẽrĩ nẽ itikta eet ꞌcĩg ĩĩn ꞌrootti hotogollioothĩk Yeesu hĩ eeta ꞌcĩg abũnnaa. Baa ẽdẽt nẽẽg Yeesu hatĩ aduha thõõth ꞌcĩ occa aaꞌnyĩk ĩhõõggõ haggamit ĩnõõnnõ nẽ ootti hĩ ꞌgaalac cobbi ꞌcĩ aꞌnyak makaaꞌthĩt hĩ ꞌtirrian ꞌcĩ ẽcẽbĩ eeta. 21Nĩngĩtĩ ajini eeta ꞌcĩg ĩĩn ꞌrootti ho Yeesu annẽẽkĩ, “ꞌLimmannioohit, hagayyia naag ngaatĩ õthõõthĩ nii nẽ illimanuu thõõth ꞌcĩ ĩĩn dĩdĩ nẽ hõllõngaa aallahi thooꞌthiok cĩg eetuk, allimani ꞌthẽk thõõth cĩ Nyekuci ꞌgõõlaa ꞌcĩ ĩĩnnĩ dĩdĩ. 22Duhaaheet dako, aũlan occa ꞌthẽk ngaatĩ hadũmaneeka naag habu cobbi cĩ ꞌRooma occoro?”
23Baa aga Yeesu ngaatĩ attĩmanĩ nẽẽg ĩnõõnnõ thõng, nĩngĩtĩ annẽẽkĩ ĩhõõggõ, 24“Aanytaangu da ꞌdinaar umwa hĩcĩnõ, ꞌcĩ nganĩ muum ꞌcĩ aaĩ ꞌdinaaraa cĩ ho? Nẽ ĩĩ cĩg nganĩ ꞌthaara cieeg eheedothoothĩk ꞌdinaaraa cĩ ho?”
25Ẽdẽcĩ nẽẽg aĩ, “Cĩ habu cobbi cĩ ꞌRooma.” Nĩngĩtĩ aduhaakĩ nẽẽ ĩhõõggõ annẽẽkĩ, “Aanytĩk habu cobbi cĩ ꞌRooma ꞌgii cĩnnĩ nẽ aanytĩhu Nyekuc ꞌgii cĩ Nyekuci.”
26Nĩngĩtĩ aꞌnyamanĩ ĩhõõggõ ngaatĩ occa ẽdẽtĩ Yeesu, hatĩ aduha thõõth ꞌcĩ abathĩ lothippita. Ma ho, ĩjjaaktõ kim, hĩnĩngĩtĩ anyamũũtana thõõth ꞌcĩ occa aduhaak nẽẽg Yeesu.
Rũgẽt urutaa cĩ daahĩthõõ
(Tigiil Maatteeo 22:23-33; Maarko 12:18-27)
27Baa au Thadutheei#20:27 Thadutheei: Ĩĩn Thadutheei eet cĩg ꞌJudeei ꞌcĩg aꞌthũũnnĩ nyattal cĩ Mũũꞌtha diooni nẽ hõllõngaa aꞌnyak lemiinit ꞌcĩ aĩ, arũgna hatĩ eeta ꞌcĩg adaahito daahĩtha. Baa hõllõngaa ẽlẽmĩ nẽẽg loriẽẽt hĩ aajĩlẽẽt. Tigiil ꞌBuuk cĩ Dtiicanĩ cĩg ꞌThooyyiahu 23:8. ũgẽẽgĩ ꞌcĩg aĩ, aitiõõ ẽẽtĩ ꞌcĩ adaak hõllõngaa arũgna tarĩ hĩ Yeesu nẽ ijinit ĩĩttĩk, 28“ꞌLimmannioohit, baa eheedĩkeet ngagĩĩt Mũũꞌtha nyattal icci aĩ, má adaahĩ ẽẽtĩ ũũnnĩk ngaa hiꞌthihi lõhõlĩ, aku ꞌgotonnia nẽ õlõm ngaatĩbõyyĩ nicci, hátĩ hittiraak lõhõlĩ ꞌcĩg hatĩ ĩĩn cĩg ꞌgõtõnĩ ꞌcĩ adaak ko.#Tigiil ꞌBuuk cĩ Ditoronomi 25:5-6 29Baa aattĩg eeta tũkĩramma ꞌcĩg ĩĩn ꞌgõtõn. Ikia ũꞌthũwanõõ ꞌcĩ oou nẽ adaak nga hittira loholeec. 30Nĩngĩtĩ aku õlõmmĩ ꞌgotonnia ꞌcĩ anũẽẽkĩ ngagõtõnõõnĩ nẽ ikia adaak nẽẽ buúk nga hittira loholeec hĩ ngaa nicci. 31Ma ho, ikia õlõm ꞌgotonnia ꞌcĩ ĩĩn iyyio buúk ngaa nicci. Nẽ ꞌgõõla hõdẽẽthõng, iita adaahito ꞌgõtõnĩ ꞌcĩg ĩĩn tũkĩramma ho vẽlẽk nga hittirria lõhõlĩ ũdũt. 32Nẽ ma uruta, ikia adaak ngaa nicciee buúk. 33Ma ꞌyioko hatĩ kõr ꞌcĩ arũgnaanĩ eeta daahĩtha, ĩĩn hatĩ ngaa ciee ꞌcĩ nganĩ, hĩcĩ olomit ꞌgõtõnĩ ꞌcĩg ĩĩn tũkĩramma vẽlẽk ho?”
34Ẽdẽcĩ Yeesu anneek, “Attihi eeta loota nĩnga diooni. 35Aitiõõ eeta ꞌcĩg hatĩ arũgna daahĩtha hõllõngaa attihi, 36nẽ iittiõõ hatĩ nẽẽg hõllõngaa adaahĩ, hĩnĩngĩtĩ aauto hĩ aajĩlẽẽta. Ĩĩtõ hatĩ nẽẽg lõhõlĩ cĩg Nyekuci, hĩnĩngĩtĩ ĩĩtõ nẽẽg lõhõlĩ ꞌcĩg ũrũgta daahĩtha. 37Nẽẽthĩ, dtẽẽllẽnĩĩ baag atũũthẽnĩ tumutha, baa ẽtẽrꞌtha Mũũꞌtha ngaatĩ arũgnaanĩ eeta daahĩtha, hĩnĩngĩtĩ baa avvĩ nẽẽ Makayyioohit anneek, ‘Nyekuc cĩ Abũrahamĩ hĩ Nyekuc cĩ Iꞌthaako hĩ Nyekuc cĩ Yakobo.’#Tigiil ꞌBuuk cĩ Luugithõõ 3:6 38Hõllõngaa ĩĩn nẽẽ Nyekuc cĩ daakiahu, ĩĩn Nyekuc cĩ eet cĩg arũgĩ, hĩnĩngĩtĩ hĩ ĩnõõnnõ, arũgĩ eeta vẽlẽk.”
39Nĩngĩtĩ ẽdẽcĩ ꞌlimmanniooha ũgẽẽgĩ cĩg nyattaalak annẽẽkĩ, “Uduha thõõth dĩdĩ ꞌlimmannioohit.” 40Nẽ iittiõõ ẽẽtĩ ꞌcĩ nga ajin ĩnõõnnõ tarĩ tõõ.
Ĩĩn Krĩstõ Ngeertĩ nganĩ?
(Tigiil Maatteeo 22:41-46; Maarko 12:35-37)
41Ma ho, ijin Yeesu ĩhõõggõ ĩĩnnĩk, “Inni hĩĩtõ eeta ĩĩn Krĩstõ Ngeertĩ Daavide ho? 42Aduha Daavide ꞌBuuhaa cĩ Tegellwaanu aĩ,
“Aduhaak Makayyioohiti Makayyioohit caannĩ#20:42 Makayyioohit caannĩ: Avvĩ Makayyioohiti Nyekuci Yeesu anneek, Makayyioohit caannĩ. anneek,
‘ꞌCioloongan ngaati attiaa caannĩ ĩcobbi
43ĩꞌthõng haggam mĩrõk cugunnig.’ ”#Tigiil ꞌBuuk cĩ Tegellwaanu 110:1
44“Ma avvĩ Daavide ĩnõõnnõ anneek, ‘Makayyioohit,’ nẽ tarĩ ikia ĩĩ nẽẽ ngeertĩ Daavide hutuno?”#20:44 Nẽ tarĩ, ikia ĩĩ nẽẽ ngeertĩ Daavide hutuno: Ĩĩn Yeesu ngeertĩ Daavide hĩnĩngĩtĩ baa arrittiaa nẽẽ ĩĩn eet ꞌcĩ holli õõ nẽ baa maaꞌnyĩ maacõnĩ ꞌcĩ baa haĩ Daavide. Baa nga hittirria nẽẽ hĩĩ eet ꞌcĩ holli õõ, baa arũmĩ nẽẽ hĩ Nyekuc hẽẽtahujjieen nẽ ĩĩ Ngeertĩ Nyekuci. Baa ẽhẽnyta nẽẽ hẽlẽggĩ vẽlẽk, nẽẽthĩ hoti ho, ikia ĩĩ nẽẽ Makayyioohit cĩ Daavide. Tigiil ꞌBuuk cĩ Yõaannẽ 1:1-18.
Yeesu hĩ ꞌlimmanniook cĩg nyattal cĩ Mũũꞌtha
(Tigiil Maatteeo 23:1-36; Maarko 12:38-40; ꞌLuuka 11:37-54)
45Ma baa ꞌthẽk nga athĩknĩ eeta vẽlẽk, irrioonĩk Yeesu nuyyiook ĩĩnnĩk, 46“Niiga, agaac lõggõõ aagõõng allimaneek eet nyattal nĩnga jurrung. Amĩna nẽẽg ngaatĩ irrianĩ ceremwaanĩĩ ꞌcĩg õkõmĩ kak nẽ idiimito hĩꞌthaacõ eeta ngaatĩ tũũõ hĩ ngaatĩ õõ iccioloonganĩ dtaabĩtĩĩ ꞌcĩg oou ꞌCieethinii cĩg Laiittak hĩ ngaatĩ adahĩ eeta karramẽẽta. 47Ĩĩn nẽẽg eet ꞌcĩg arratana ngaatĩbõyyĩꞌnya ꞌcieethi nẽ ara agurreek laiinit ĩꞌthõng, hĩnĩngĩtĩ adiim ẽtẽrꞌtha eleeti. Uuki hatĩ eeta ꞌcĩg aattĩg noho gẽrrẽẽt ũdũt.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.