Te Otinako 6
6
1Ao E taku te UEA ae te Atua nakon Moote:
Ko na noora te b'ai ae N na karaoia nakon te uea n te tai ae aki maan. E na kanakoia Au aomata i bukin korakoran m'aakau, ao e na manga bon kakioia nako mai abana.
2Arau bon te UEA.#6.2 Arau bon te UEA: noora te taeka are 3.14,15. 3Ma ngke I kaoti nako ia Aberaam, Itaaka, ao Iakob'a, ao I roko b'a te Atua ae moan te m'aaka ao I aki kamanenaa arau. 4I karaoa te boraraoi ao I berita nako ia b'a N na anganiia te aba are Kanaan, ike a maeka iai kaanga ianena.
5I a tia ngkai n noora aron rawawataia Iteraera irouia kaain Aikubita, ao N na karaoa nanon Au berita.
6Bon aei au rongorongo i bukin Iteraera: “Bon te UEA Ngai! Ao I katuaaea Aikubita ni m'aakau ae e korakora ao I kainaomatai ngkami man te tautoronaki. 7N na karikingkami b'a au aomata, ao N na riki b'a Atuami. Ao ane kam na ataia iai b'a boni Ngai ae I kamaiungkami mairouia kaain Aikubita. 8N na karokoi ngkami n te aba are I karaoa iai au berita ae e matoa nako ia Aberaam, Itaaka, ao Iakob'a, ao e na riki b'a ami b'ai. Bon te UEA Ngai.”
9Ao ngke e tuangiia Iteraera taekan te baei i bukiia, ao a rangi ni b'ara nanoia iai ao a rawa ni kakoaua.
10Ao i mwiina, e tuangaki Moote iroun te UEA 11b'a e na tuanga uean Aikubita b'a e na kanakoia Iteraera. 12Ao e kaeka Moote ni kaangai, “Bon tiaki te tia taetae ae rabakau ngai. Ngkana a aki ongo Iteraera irou, ao e nang kangaa riki n ongo uean Aikubita?” 13Ma E kanakoa Aaron ma Moote te UEA ma te rongorongo i bukiia Iteraera ao i bukin te uea; ao e bon tuanga naba Aaron ma Moote b'a a na kainaomataaki aomata mai Aikubita.
Te Kateiriki i bukin Aaron Ao Moote
14Aikai mm'aane aika atuun aia kaainga aia bakatibu:
Natin Reuben mm'aane, ae ana karimoa Iakob'a te mm'aane bon, Anoka, B'aru, Etiron, ao Karemi.
15Aikai natin Timeon aika onoman mm'aane, Iemuera, Iamin, Oata, Iakin, Toara, ao Tiaura, are natin ainen Kanaan te mm'aane.
16E maiu Rewi ni karokoa tebubua tenibwi ma itiua ana ririki ni maiu; ao natina mm'aane bon Kerition, Koata, ao Merari.
17Aikai natin Kerition mm'aane: Ribeni ao Timei.
18E maiu Koata ni karokoa tebubua ao tenibwi ana ririki ni maiu; ao natina mm'aane bon Amram, Itiia, Eberon, ao Utiera.
19Aikai natin Merai mm'aane; Mari, ao Muti. A bane n nako akanne man te baronga are Rewi.
20E maiu Amram i nanon tebubua tenibwi ma itiua ana ririki ni maiu. E iein ma m'anen tamana are Nei Iokebeta, ao uoman natina mm'aane, aika Aaron ao Moote.
21Natin Itiia mm'aane bon Kora, Nebeki, ao Tikeri.
22Natin Utiera mm'aane bon Mitaera, Eritaban, ao Titeri. 23E iein Aaron ma Nei Eriteba. Bon natin Amminataba te aine ao m'anen Nation; bon aman natiia mm'aane aika Nataba, Abiu, Ereata, ao Itama.
24Natin Kora mm'aane bon Atira, Erekana, ao Abiataba.
25E iein natin Aaron te mm'aane ma temanna natin Butiera te aine, ao natiia te mm'aane bon Bineati. E toki ikai araia koraki ake atuun taiani kaainga n te baronga are Rewi.
26Ao te UEA E tuanga Aaron ma Moote b'a a na kairiia utu ni kabane ao baronga n Iteraera ni kaotinakoia mai Aikubita, 27ma ngaia are, a tuanga uean Aikubita b'a e na kainaomataia Iteraera.
E Tuanga Aaron ma Moote Te UEA b'a a na Taetae nakon Te Uea
28E kaangai te UEA ngke e taetae ngkoa Moote n 29te aba are Aikubita, “Bon te UEA Ngai. Ko na tuanga uean Aikubita b'aai ni kabane ake I taekin nako im.”
30Ma e kaeka Moote ni kaangai, “Ko bon ataia b'a I rangi ni babanga n taetae, ao ane e na bon aki kan ongo te uea i rou.”
Currently Selected:
Te Otinako 6: KNVB
Highlight
Share
Copy
Want to have your highlights saved across all your devices? Sign up or sign in
Te Otinako 6
6
1Ao E taku te UEA ae te Atua nakon Moote:
Ko na noora te b'ai ae N na karaoia nakon te uea n te tai ae aki maan. E na kanakoia Au aomata i bukin korakoran m'aakau, ao e na manga bon kakioia nako mai abana.
2Arau bon te UEA.#6.2 Arau bon te UEA: noora te taeka are 3.14,15. 3Ma ngke I kaoti nako ia Aberaam, Itaaka, ao Iakob'a, ao I roko b'a te Atua ae moan te m'aaka ao I aki kamanenaa arau. 4I karaoa te boraraoi ao I berita nako ia b'a N na anganiia te aba are Kanaan, ike a maeka iai kaanga ianena.
5I a tia ngkai n noora aron rawawataia Iteraera irouia kaain Aikubita, ao N na karaoa nanon Au berita.
6Bon aei au rongorongo i bukin Iteraera: “Bon te UEA Ngai! Ao I katuaaea Aikubita ni m'aakau ae e korakora ao I kainaomatai ngkami man te tautoronaki. 7N na karikingkami b'a au aomata, ao N na riki b'a Atuami. Ao ane kam na ataia iai b'a boni Ngai ae I kamaiungkami mairouia kaain Aikubita. 8N na karokoi ngkami n te aba are I karaoa iai au berita ae e matoa nako ia Aberaam, Itaaka, ao Iakob'a, ao e na riki b'a ami b'ai. Bon te UEA Ngai.”
9Ao ngke e tuangiia Iteraera taekan te baei i bukiia, ao a rangi ni b'ara nanoia iai ao a rawa ni kakoaua.
10Ao i mwiina, e tuangaki Moote iroun te UEA 11b'a e na tuanga uean Aikubita b'a e na kanakoia Iteraera. 12Ao e kaeka Moote ni kaangai, “Bon tiaki te tia taetae ae rabakau ngai. Ngkana a aki ongo Iteraera irou, ao e nang kangaa riki n ongo uean Aikubita?” 13Ma E kanakoa Aaron ma Moote te UEA ma te rongorongo i bukiia Iteraera ao i bukin te uea; ao e bon tuanga naba Aaron ma Moote b'a a na kainaomataaki aomata mai Aikubita.
Te Kateiriki i bukin Aaron Ao Moote
14Aikai mm'aane aika atuun aia kaainga aia bakatibu:
Natin Reuben mm'aane, ae ana karimoa Iakob'a te mm'aane bon, Anoka, B'aru, Etiron, ao Karemi.
15Aikai natin Timeon aika onoman mm'aane, Iemuera, Iamin, Oata, Iakin, Toara, ao Tiaura, are natin ainen Kanaan te mm'aane.
16E maiu Rewi ni karokoa tebubua tenibwi ma itiua ana ririki ni maiu; ao natina mm'aane bon Kerition, Koata, ao Merari.
17Aikai natin Kerition mm'aane: Ribeni ao Timei.
18E maiu Koata ni karokoa tebubua ao tenibwi ana ririki ni maiu; ao natina mm'aane bon Amram, Itiia, Eberon, ao Utiera.
19Aikai natin Merai mm'aane; Mari, ao Muti. A bane n nako akanne man te baronga are Rewi.
20E maiu Amram i nanon tebubua tenibwi ma itiua ana ririki ni maiu. E iein ma m'anen tamana are Nei Iokebeta, ao uoman natina mm'aane, aika Aaron ao Moote.
21Natin Itiia mm'aane bon Kora, Nebeki, ao Tikeri.
22Natin Utiera mm'aane bon Mitaera, Eritaban, ao Titeri. 23E iein Aaron ma Nei Eriteba. Bon natin Amminataba te aine ao m'anen Nation; bon aman natiia mm'aane aika Nataba, Abiu, Ereata, ao Itama.
24Natin Kora mm'aane bon Atira, Erekana, ao Abiataba.
25E iein natin Aaron te mm'aane ma temanna natin Butiera te aine, ao natiia te mm'aane bon Bineati. E toki ikai araia koraki ake atuun taiani kaainga n te baronga are Rewi.
26Ao te UEA E tuanga Aaron ma Moote b'a a na kairiia utu ni kabane ao baronga n Iteraera ni kaotinakoia mai Aikubita, 27ma ngaia are, a tuanga uean Aikubita b'a e na kainaomataia Iteraera.
E Tuanga Aaron ma Moote Te UEA b'a a na Taetae nakon Te Uea
28E kaangai te UEA ngke e taetae ngkoa Moote n 29te aba are Aikubita, “Bon te UEA Ngai. Ko na tuanga uean Aikubita b'aai ni kabane ake I taekin nako im.”
30Ma e kaeka Moote ni kaangai, “Ko bon ataia b'a I rangi ni babanga n taetae, ao ane e na bon aki kan ongo te uea i rou.”
Currently Selected:
:
Highlight
Share
Copy
Want to have your highlights saved across all your devices? Sign up or sign in