Karikani B'aai 13
13
Maenakon Aberam ma Roota
1Ao e otinako mai Aikubita Aberam ma buuna, ma ana b'ai ni kabane, ao Roota, ao a nako nakon m'akoron Kanaan are i maiaki. 2Ao bon te aomata ae rangi ni kaub'ai Aberam n te tiibu, ma te kooti, ma te kao, ao ai uana naba ma te tirewa ma te koora. 3Ao e kiitana ikekei, ao e m'ananga man te tabo teuana nakon te tabo teuana nakon te tabo ae Betaera. Ao e a manga roko n te tabo are i marenan Betaera ma Ai, are e bon katea naba ngkoa ana auti n rianna iai mai m'aaina, 4ao e katea naba iai te baonikarea. Ao e taromauria te UEA iai.
5Ao bon iai naba ana nanai n tiibu ma ana nanai ni kooti ma ana nanai ni kao Roota, ao ai uana naba ma ana utu, ao ana toro. 6Ma ngaia are, e a aki tau te tawaana n uteute i bukiia ni kauoman ngkai a bootaki ni maeka, b'a a rangi ni m'aiti aia nanai ni man. 7Ma ngaia are, e riki te kauntaeka i marenaia ana taan kawakin maan aika kawakawa Aberam ma ana taan kawakini maan aika kawakawa Roota. (A boni maekana naba te aba aei kaain Kanaan ma kaain Beriti n te tai aei.) 8Ao e taku Aberam nakon Roota, “A aki riai ni kauntaeka am aomata ma au aomata ngkai boni koraki ni kaan ngaira. 9Ma ngaia are, ti riai ni maaenako. Ko na rinea m'akoron te aba ane ko tangiria. Ko nakon teuana, ao Ngai I nakon are teuana.” 10Ao e taratara nako Roota, ao e noora te aba are ni m'aruan Ioretan nako Tooa b'a e m'aiti te ran iai kaanga ai aron nnen arokan te UEA. 11Ma ngaia are, e rinea m'aruan Ioretan Roota, ao e a m'ananga ni waerake. Ao ai aei ngkanne aron maenakoia mm'aane aikai. 12E tiku Aberam n te aba are Kanaan, ao e maeka Roota i rarikin kaawa aika buubura ake n te m'arua, ao e katea ana maeka i rarikin Tootom, 13are te kaawa are a buakaka kaaina, are a bubure nakon te UEA.
M'anangan Aberam nako Eberon
14Ao ngke e a tia n nako Roota, ao E taku te UEA nakon Aberam, “Ko na taratarai raoi taabo nako man te tabo ane ko mena iai. 15N nang anganiko ma kanoam aaba ni kabane ane ko nooria, ao a na riki b'a am b'ai n aki toki. 16N na anganiko kanoam aika rangi ni m'aiti ae akea temanna ae kona ni wareki m'aitiia; e kona riki ni warekaki bubun aon te aba nakon warekaia. 17Ma ngaia are, ko na nako ngkai, ao ko na taraa aon te aba ni kabutaa i bukina b'a N nang anganiko ni kabane.” 18Ma ngaia are, e kam'aea ana auti n rianna Aberam, ao e manga maeka i rarikin Oke ake atoatongaki, ake ana Oke Mamre i Eberon, ao e katea te baonikarea ikekei i bukin te UEA.
Currently Selected:
Karikani B'aai 13: KNVB
Highlight
Share
Copy
Want to have your highlights saved across all your devices? Sign up or sign in
Karikani B'aai 13
13
Maenakon Aberam ma Roota
1Ao e otinako mai Aikubita Aberam ma buuna, ma ana b'ai ni kabane, ao Roota, ao a nako nakon m'akoron Kanaan are i maiaki. 2Ao bon te aomata ae rangi ni kaub'ai Aberam n te tiibu, ma te kooti, ma te kao, ao ai uana naba ma te tirewa ma te koora. 3Ao e kiitana ikekei, ao e m'ananga man te tabo teuana nakon te tabo teuana nakon te tabo ae Betaera. Ao e a manga roko n te tabo are i marenan Betaera ma Ai, are e bon katea naba ngkoa ana auti n rianna iai mai m'aaina, 4ao e katea naba iai te baonikarea. Ao e taromauria te UEA iai.
5Ao bon iai naba ana nanai n tiibu ma ana nanai ni kooti ma ana nanai ni kao Roota, ao ai uana naba ma ana utu, ao ana toro. 6Ma ngaia are, e a aki tau te tawaana n uteute i bukiia ni kauoman ngkai a bootaki ni maeka, b'a a rangi ni m'aiti aia nanai ni man. 7Ma ngaia are, e riki te kauntaeka i marenaia ana taan kawakin maan aika kawakawa Aberam ma ana taan kawakini maan aika kawakawa Roota. (A boni maekana naba te aba aei kaain Kanaan ma kaain Beriti n te tai aei.) 8Ao e taku Aberam nakon Roota, “A aki riai ni kauntaeka am aomata ma au aomata ngkai boni koraki ni kaan ngaira. 9Ma ngaia are, ti riai ni maaenako. Ko na rinea m'akoron te aba ane ko tangiria. Ko nakon teuana, ao Ngai I nakon are teuana.” 10Ao e taratara nako Roota, ao e noora te aba are ni m'aruan Ioretan nako Tooa b'a e m'aiti te ran iai kaanga ai aron nnen arokan te UEA. 11Ma ngaia are, e rinea m'aruan Ioretan Roota, ao e a m'ananga ni waerake. Ao ai aei ngkanne aron maenakoia mm'aane aikai. 12E tiku Aberam n te aba are Kanaan, ao e maeka Roota i rarikin kaawa aika buubura ake n te m'arua, ao e katea ana maeka i rarikin Tootom, 13are te kaawa are a buakaka kaaina, are a bubure nakon te UEA.
M'anangan Aberam nako Eberon
14Ao ngke e a tia n nako Roota, ao E taku te UEA nakon Aberam, “Ko na taratarai raoi taabo nako man te tabo ane ko mena iai. 15N nang anganiko ma kanoam aaba ni kabane ane ko nooria, ao a na riki b'a am b'ai n aki toki. 16N na anganiko kanoam aika rangi ni m'aiti ae akea temanna ae kona ni wareki m'aitiia; e kona riki ni warekaki bubun aon te aba nakon warekaia. 17Ma ngaia are, ko na nako ngkai, ao ko na taraa aon te aba ni kabutaa i bukina b'a N nang anganiko ni kabane.” 18Ma ngaia are, e kam'aea ana auti n rianna Aberam, ao e manga maeka i rarikin Oke ake atoatongaki, ake ana Oke Mamre i Eberon, ao e katea te baonikarea ikekei i bukin te UEA.
Currently Selected:
:
Highlight
Share
Copy
Want to have your highlights saved across all your devices? Sign up or sign in