Karikani B'aai 23
23
Maten Nei Taara, ao kabooakin te ruanimate iroun Aberaam
1Ao e maiu Nei Taara ni karokoa 127 ana ririki. 2Ao e mate i Kiriatareba i Eberon n te aba are Kanaan, ao e tangi man nanokawaki Aberaam ni matena.
3E katuka rab'atan buuna n te tabo are e wene iai, ao e nakoia taian Itaite, ao e taku nakoia, 4“Bon te iruwa ngai i buakomi, taiaoka ni kaboa te aba teuana nako iu, b'a N na tauna iai rab'atan buu.”
5Ao a taku nako ina, 6“Nao, Ko na ongora i roura. Ti nooriko b'a bon te tia kairiri ngkoe ae ko korakora, ma ngaia are, ko na tauna rab'atan buum n te ruanimate ae te kabanea n tamaroa mai buakon ara ruanimate. Ti bane ni kukurei n anganiko ara ruanimate b'a ko aonga ni kona n tauna rab'atan buum iai.”
7Ao e bobaraaki Aberaam i mataia 8ao e taku, “Ngkana e koaua b'a kam kukurei b'a N na kona n tauna rab'atan buu, ao taiaoka ma kam na butiia Ebiron are tarin Toara 9b'a e na kabooa nako iu ana B'anga ni matang are i Makebera, are e mena i mataniwiin ana tawaana. Taiaoka ni butiia b'a e na kabooa nako iu ni bon boona, b'a N na kab'aka i matami boona ni kabane, b'a e aonga n reke b'a au tabo n taunimate.”
10Ao e bon tekateka ikekei Ebiron i rarikiia kaain Eta ake a kabowi ni mataroan te kaawa; ao e kaeka ana taeka Aberaam i mataia kaain te kabowi akekei ni kabane ao e taku, 11“Ko na ongora i rou, I anganiko te katawanang ni kabane ma te b'anga ni matang ane iai. I bon taetae i mataia kaain abau aikai ni kabane, N na bon anganiko, b'a ko aonga n tauna iai rab'atan buum.”
12Ao e bobaraaki Aberaam i mataia Itaite 13ao e taku nakon Ebiron ni kanenea b'anaana ni kaongongoia aomata akekei ni kabane, “N na butiiko, ao taiaoka n ongora. N na kabooa te katawanang ni kabane, ao ko na kariaia kab'akaan boona, b'a N na tauna buu iai ikekei.”
14Ao e taku Ebiron, 15“Nao, boon te aba anne bon ti abubua te m'akoro n tirewa. Akea bonganan boona ma an tauna naba rab'atan buum iai.” 16Ao e kariaia Aberaam, ao e anga i mataia aomata akekei te m'aiti are e a tia n taekinna Ebiron i mataia kaain Eta naba akekei are abubua te m'akoro n tirewa n aron te baaire are e b'ainaki irouia taani bitineti.
17Ao anne ngkanne aron te b'anga ni matang are ana b'ai Ebiron are e mena i Makebera are i mainikun Mamre ngke a riki b'a ai ana b'ai Aberaam. E reke naba i rouna te katawanang, ma te b'anga ni matang are i nanona, ma kaai ni kabane ake i nanon te katawanang ni karokoa tokin raoi tiana. 18E bane n ataaki irouia kaain Eta ni kabane ake a mena n te kabowi arei b'a ai ana b'ai Aberaam.
19Ao Aberaam, e a tauna buuna are Nei Taara n te b'anga ni matang are n te aba are Kanaan. 20Ma ngaia are, te katawanang are a b'ainna ngkoa kaain Eta ma te b'anga ni matang are iai, e a riki ngkai b'a ai ana tabo n taunimate Aberaam.
Currently Selected:
Karikani B'aai 23: KNVB
Highlight
Share
Copy
Want to have your highlights saved across all your devices? Sign up or sign in
Karikani B'aai 23
23
Maten Nei Taara, ao kabooakin te ruanimate iroun Aberaam
1Ao e maiu Nei Taara ni karokoa 127 ana ririki. 2Ao e mate i Kiriatareba i Eberon n te aba are Kanaan, ao e tangi man nanokawaki Aberaam ni matena.
3E katuka rab'atan buuna n te tabo are e wene iai, ao e nakoia taian Itaite, ao e taku nakoia, 4“Bon te iruwa ngai i buakomi, taiaoka ni kaboa te aba teuana nako iu, b'a N na tauna iai rab'atan buu.”
5Ao a taku nako ina, 6“Nao, Ko na ongora i roura. Ti nooriko b'a bon te tia kairiri ngkoe ae ko korakora, ma ngaia are, ko na tauna rab'atan buum n te ruanimate ae te kabanea n tamaroa mai buakon ara ruanimate. Ti bane ni kukurei n anganiko ara ruanimate b'a ko aonga ni kona n tauna rab'atan buum iai.”
7Ao e bobaraaki Aberaam i mataia 8ao e taku, “Ngkana e koaua b'a kam kukurei b'a N na kona n tauna rab'atan buu, ao taiaoka ma kam na butiia Ebiron are tarin Toara 9b'a e na kabooa nako iu ana B'anga ni matang are i Makebera, are e mena i mataniwiin ana tawaana. Taiaoka ni butiia b'a e na kabooa nako iu ni bon boona, b'a N na kab'aka i matami boona ni kabane, b'a e aonga n reke b'a au tabo n taunimate.”
10Ao e bon tekateka ikekei Ebiron i rarikiia kaain Eta ake a kabowi ni mataroan te kaawa; ao e kaeka ana taeka Aberaam i mataia kaain te kabowi akekei ni kabane ao e taku, 11“Ko na ongora i rou, I anganiko te katawanang ni kabane ma te b'anga ni matang ane iai. I bon taetae i mataia kaain abau aikai ni kabane, N na bon anganiko, b'a ko aonga n tauna iai rab'atan buum.”
12Ao e bobaraaki Aberaam i mataia Itaite 13ao e taku nakon Ebiron ni kanenea b'anaana ni kaongongoia aomata akekei ni kabane, “N na butiiko, ao taiaoka n ongora. N na kabooa te katawanang ni kabane, ao ko na kariaia kab'akaan boona, b'a N na tauna buu iai ikekei.”
14Ao e taku Ebiron, 15“Nao, boon te aba anne bon ti abubua te m'akoro n tirewa. Akea bonganan boona ma an tauna naba rab'atan buum iai.” 16Ao e kariaia Aberaam, ao e anga i mataia aomata akekei te m'aiti are e a tia n taekinna Ebiron i mataia kaain Eta naba akekei are abubua te m'akoro n tirewa n aron te baaire are e b'ainaki irouia taani bitineti.
17Ao anne ngkanne aron te b'anga ni matang are ana b'ai Ebiron are e mena i Makebera are i mainikun Mamre ngke a riki b'a ai ana b'ai Aberaam. E reke naba i rouna te katawanang, ma te b'anga ni matang are i nanona, ma kaai ni kabane ake i nanon te katawanang ni karokoa tokin raoi tiana. 18E bane n ataaki irouia kaain Eta ni kabane ake a mena n te kabowi arei b'a ai ana b'ai Aberaam.
19Ao Aberaam, e a tauna buuna are Nei Taara n te b'anga ni matang are n te aba are Kanaan. 20Ma ngaia are, te katawanang are a b'ainna ngkoa kaain Eta ma te b'anga ni matang are iai, e a riki ngkai b'a ai ana tabo n taunimate Aberaam.
Currently Selected:
:
Highlight
Share
Copy
Want to have your highlights saved across all your devices? Sign up or sign in