Karikani B'aai 25
25
Kanoan Aberaam ake tabeman
1Ao Aberaam e a manga buuna te aine temanna, ae arana Nei Ketura. 2Ao e bungiia natin Aberaam neierei aika: Timran, Ioketian, Metan, Mirian, Itibaka, ao Tua. 3Ao natin Ioketian bon Tieba, ao Tetan, ao natin Tetan bon Aturim, Retutim, ao Reummim. 4Natin Mirian mm'aane bon Eb'a, Ebera, Anoka, Abita, ao Eretaa. Kanoan Nei Ketura aikai ni kabane.
5E katikui iroun Itaaka b'aai ni kabane Aberaam. 6Ma ngke e boni maiu, ao e anga naba taiani b'ai n tangira nakoia natina mm'aane ma buuna ni kewe ake tabeman. Ao e kanakoia natina mm'aane aikai nakon aaba ake i mainiku, ni kararoaia ma natina te mm'aane are Itaaka.
Maten Aberaam
7Ao e mate Aberaam ngke e a bon rangi ni kara, 8b'a ai 175 ana ririki ni maiu. 9Ao e taunaki irouia natina mm'aane ake Itaaka ma Itimaera n te b'anga ni matang are i Makebera, n te katawanang are i mainikun Mamre, are ana b'ai Ebiron are natin Toa te mm'aane are kaain Eta. 10Bon te katawanang ngkoa are e kabooa Aberaam mairouia kaain Eta; a kaai n taunaki Aberaam ma buuna are Nei Taara ikekei. 11Ao i mwiin maten Aberaam, ao te Atua, E kakab'aiaa Itaaka ngke e maeka i rarikin “Ana m'anib'a Teuae Maiu ae Noorai” ke “Beera-raai-roi”.
Kanoan Itimaera
(1 Rongo 1.28-31)
12Ao aikai kanoan Itimaera are natin Aberaam ma Nei Aka are ainen Aikubita are ana toro Nei Taara. 13A karinanaki raoi nakon aia ririki ni maiu: Neb'aiota, Keta, Atebeera, Mibetam, 14Mitima, Ruma, Mata 15Atata, Tema, Ietura, Nabiti, ao Ketem'a. 16Bon aia bakatibu baronga ake tengaun ma uoman ngaiia, ao a ingoanaki aia kaawa ma aia maeka n araia. 17Ao e mate Itimaera ngke 137 ana ririki ni maiu. 18A maeka kanoan Itimaera n te aba are i marenan Awira ma Tua, are i mainikun Aikubita, n te kawai are nako Aturia. A maeka ni kaokoro ma kanoan Aberaam ake tabeman.
Bungiakin Etau ma Iakob'a
19Aio rongorongon natin Aberaam te mm'aane are Itaaka. 20Ao ai abwi ana ririki ni maiu Itaaka ngke e mare ma Nei Rebeka, are natin Betuera te aine (Kaain Turia mai Batanaram), ao m'anen Raab'an. 21Ao e tataro Itaaka nakon te UEA i bukin Nei Rebeka, i bukina ngke e aki kakariki. Ao E kaeka ana tataro te UEA, ao e a bikoukou Nei Rebeka. 22Ao a nang riki natina aika bwebwee, ma i m'aain bungiakiia, ao a iniinimaki i nanon biroton tinaia. Ao e taku neierei, “E aera ngkai e riki aei nako iu?” Ao e nako n titirakina te UEA b'a tera. 23Ao E taku te UEA nako ina,
“Bon uoua te botannaomata ane i birotom;
Ko na bungiia uoua te botannaomata aika a kairiribai.
E na korakora riki temanna nakon are temanna,
E na m'akuri teuare te karimoa iroun teuare te karimwi.”
24Ao e a roko ana tai ni bung neierei, ao e bungiia natina mm'aane aika bwebwee. 25E uraura teuare te karimoa, ao ti te bo kunna ma te roobu ae buraerae, ma ngaia are, e aranaki b'a Etau. #25.25 Etau: N Ebera nanona buraerae. 26Ao e bungiaki are te kauoman, ao e taua bukin waen Etau ni kamatoa, ma ngaia are, e aranaki b'a Iakob'a.#25.26 Iakob'a: N Ebera nanona te bukiniwae. Ai onobwi ana ririki ni maiu Itaaka ngke a bungiaki natina aikai.
Kabonakoakin Tib'angan Etau ni karimoa
27Ao a tabe n rikirake ataei akekei, ao e rikirake Etau b'a te tia kaeman ae bane arona, te aomata ngaia ae tatangira riki te m'akuri i tinanikun te auti, ma teuare Iakob'a, bon te aomata ae e aki kakarongoa ngaia, ae e a bon tiitiku naba n te auti. 28Ao e tatangira riki Etau teuare Itaaka, i bukina ngke e kani kaakanii maan aika kawakawa ake konana, ma neiere Nei Rebeka, e tatangira riki Iakob'a.
29Ao n te tai teuana ngke e tabe ni kukana te tuubu ni biin Iakob'a, ao e okira te auti Etau man ana kaeman. Ao e a bon rangi ni baki, 30ao e taku nakon Iakob'a, “I a rangi ni baki ma anganai te tuubu ane uraura anne.” Aei moan reken te ara are Etom.#25.30 Etom: N Ebera nanona uraura.
31Ao e taku Iakob'a, “N na anganiko ngkana ko anganai tib'angam ni karimoa.”#25.31 tib'angam ni karimoa: Te karimoa ni mm'aane e na b'aina m'aitin riki te aba ao b'aai riki tabeua. Ai uana naba ma te nakoa ni kairiiri n te utu.
32Ao e taku Etau, “E raoiroi, nooria, ai tera bonganan tib'angau ni karimoa, ao I a kaani mate?”
33Ao e taku Iakob'a, “Ma ko na berita moa nako iu b'a ko na anganai tib'angam ni karimoa.”
Ao e berita Etau, ao e anga tib'angana ni karimoa nakon Iakob'a. 34Ao i mwiina, e a anga te kariki tabeua Iakob'a nako ina, ao teutana naba te tuubu. Ao e am'arake ma ni mooi, ao i mwiina, e teirake n nako. Ao anne aron Etau ni kabooa nako tib'angana ni karimoa.
Currently Selected:
Karikani B'aai 25: KNVB
Highlight
Share
Copy
Want to have your highlights saved across all your devices? Sign up or sign in
Karikani B'aai 25
25
Kanoan Aberaam ake tabeman
1Ao Aberaam e a manga buuna te aine temanna, ae arana Nei Ketura. 2Ao e bungiia natin Aberaam neierei aika: Timran, Ioketian, Metan, Mirian, Itibaka, ao Tua. 3Ao natin Ioketian bon Tieba, ao Tetan, ao natin Tetan bon Aturim, Retutim, ao Reummim. 4Natin Mirian mm'aane bon Eb'a, Ebera, Anoka, Abita, ao Eretaa. Kanoan Nei Ketura aikai ni kabane.
5E katikui iroun Itaaka b'aai ni kabane Aberaam. 6Ma ngke e boni maiu, ao e anga naba taiani b'ai n tangira nakoia natina mm'aane ma buuna ni kewe ake tabeman. Ao e kanakoia natina mm'aane aikai nakon aaba ake i mainiku, ni kararoaia ma natina te mm'aane are Itaaka.
Maten Aberaam
7Ao e mate Aberaam ngke e a bon rangi ni kara, 8b'a ai 175 ana ririki ni maiu. 9Ao e taunaki irouia natina mm'aane ake Itaaka ma Itimaera n te b'anga ni matang are i Makebera, n te katawanang are i mainikun Mamre, are ana b'ai Ebiron are natin Toa te mm'aane are kaain Eta. 10Bon te katawanang ngkoa are e kabooa Aberaam mairouia kaain Eta; a kaai n taunaki Aberaam ma buuna are Nei Taara ikekei. 11Ao i mwiin maten Aberaam, ao te Atua, E kakab'aiaa Itaaka ngke e maeka i rarikin “Ana m'anib'a Teuae Maiu ae Noorai” ke “Beera-raai-roi”.
Kanoan Itimaera
(1 Rongo 1.28-31)
12Ao aikai kanoan Itimaera are natin Aberaam ma Nei Aka are ainen Aikubita are ana toro Nei Taara. 13A karinanaki raoi nakon aia ririki ni maiu: Neb'aiota, Keta, Atebeera, Mibetam, 14Mitima, Ruma, Mata 15Atata, Tema, Ietura, Nabiti, ao Ketem'a. 16Bon aia bakatibu baronga ake tengaun ma uoman ngaiia, ao a ingoanaki aia kaawa ma aia maeka n araia. 17Ao e mate Itimaera ngke 137 ana ririki ni maiu. 18A maeka kanoan Itimaera n te aba are i marenan Awira ma Tua, are i mainikun Aikubita, n te kawai are nako Aturia. A maeka ni kaokoro ma kanoan Aberaam ake tabeman.
Bungiakin Etau ma Iakob'a
19Aio rongorongon natin Aberaam te mm'aane are Itaaka. 20Ao ai abwi ana ririki ni maiu Itaaka ngke e mare ma Nei Rebeka, are natin Betuera te aine (Kaain Turia mai Batanaram), ao m'anen Raab'an. 21Ao e tataro Itaaka nakon te UEA i bukin Nei Rebeka, i bukina ngke e aki kakariki. Ao E kaeka ana tataro te UEA, ao e a bikoukou Nei Rebeka. 22Ao a nang riki natina aika bwebwee, ma i m'aain bungiakiia, ao a iniinimaki i nanon biroton tinaia. Ao e taku neierei, “E aera ngkai e riki aei nako iu?” Ao e nako n titirakina te UEA b'a tera. 23Ao E taku te UEA nako ina,
“Bon uoua te botannaomata ane i birotom;
Ko na bungiia uoua te botannaomata aika a kairiribai.
E na korakora riki temanna nakon are temanna,
E na m'akuri teuare te karimoa iroun teuare te karimwi.”
24Ao e a roko ana tai ni bung neierei, ao e bungiia natina mm'aane aika bwebwee. 25E uraura teuare te karimoa, ao ti te bo kunna ma te roobu ae buraerae, ma ngaia are, e aranaki b'a Etau. #25.25 Etau: N Ebera nanona buraerae. 26Ao e bungiaki are te kauoman, ao e taua bukin waen Etau ni kamatoa, ma ngaia are, e aranaki b'a Iakob'a.#25.26 Iakob'a: N Ebera nanona te bukiniwae. Ai onobwi ana ririki ni maiu Itaaka ngke a bungiaki natina aikai.
Kabonakoakin Tib'angan Etau ni karimoa
27Ao a tabe n rikirake ataei akekei, ao e rikirake Etau b'a te tia kaeman ae bane arona, te aomata ngaia ae tatangira riki te m'akuri i tinanikun te auti, ma teuare Iakob'a, bon te aomata ae e aki kakarongoa ngaia, ae e a bon tiitiku naba n te auti. 28Ao e tatangira riki Etau teuare Itaaka, i bukina ngke e kani kaakanii maan aika kawakawa ake konana, ma neiere Nei Rebeka, e tatangira riki Iakob'a.
29Ao n te tai teuana ngke e tabe ni kukana te tuubu ni biin Iakob'a, ao e okira te auti Etau man ana kaeman. Ao e a bon rangi ni baki, 30ao e taku nakon Iakob'a, “I a rangi ni baki ma anganai te tuubu ane uraura anne.” Aei moan reken te ara are Etom.#25.30 Etom: N Ebera nanona uraura.
31Ao e taku Iakob'a, “N na anganiko ngkana ko anganai tib'angam ni karimoa.”#25.31 tib'angam ni karimoa: Te karimoa ni mm'aane e na b'aina m'aitin riki te aba ao b'aai riki tabeua. Ai uana naba ma te nakoa ni kairiiri n te utu.
32Ao e taku Etau, “E raoiroi, nooria, ai tera bonganan tib'angau ni karimoa, ao I a kaani mate?”
33Ao e taku Iakob'a, “Ma ko na berita moa nako iu b'a ko na anganai tib'angam ni karimoa.”
Ao e berita Etau, ao e anga tib'angana ni karimoa nakon Iakob'a. 34Ao i mwiina, e a anga te kariki tabeua Iakob'a nako ina, ao teutana naba te tuubu. Ao e am'arake ma ni mooi, ao i mwiina, e teirake n nako. Ao anne aron Etau ni kabooa nako tib'angana ni karimoa.
Currently Selected:
:
Highlight
Share
Copy
Want to have your highlights saved across all your devices? Sign up or sign in