Karikani B'aai 27
27
Kakab'aiakin Iakob'a iroun Itaaka
1Ao e a rangi ni kara Itaaka, ao e a matakii, ao e kawaekoa natina are te karimoa are Etau, ao e taku nakoina, “Natiu!”
Ao e kaeka natina, “Aio Ngai!”
2Ao e taku Itaaka, “Ko bon noorai ngkai b'a I a rangi ni kara, ao e a kaan mateu. 3I butiko b'a ko na anaa ngkai am kainikatebe ma am kanoa, ao naako karekea kanau te man. 4Kuukana teutana kanau are mamaten nanou, ao uotia mai nako iu. Ao ngkana I tia n am'arake iai, ao N na anganiko au kabanea ni kakab'aia i m'aain mateu.”
5Ao ngke e tabe n taetae Itaaka nakon Etau, ao e kakauongo neiere Nei Rebeka. Ma ngaia are, ngke e nako ni kaeman Etau, 6ao e taku nakon Iakob'a, “I a tib'a tia n ongora n ana taeka tamam nakon Etau, E taku, 7‘Uota mai te man, ao kuukanna b'a kanau, ao ngkana I tia n am'arake iai, ao N na kakab'aiako i matan te UEA i m'aain mateu.’ 8Ma ngaia are ngkai, ko na karaoa ae N na tuangko natiu. 9Naako nakon te nanai ni man, ao uoti mai uoman taian kooti aika ataei aika marikarika, b'a I aonga ni kuukani ma ni karaoa mai iai te am'arake are rangi ni b'ab'arua tamam. 10Ao ko na uotia nakoina b'a e na am'arake iai, ao ane na anganiko ana taeka ni kakab'aia i m'aain matena.”
11Ma e taku Iakob'a nakon tinana, “Ma kai e buraerae rab'atan Etau, ao ngai I katimaran. 12E na mena ngkoa b'a e riingai tamau, ao e a ataia ae i kekeweia, ao e a manga oneaki mwiin te kakab'aia nakon te maraia nako iu.”
13Ao e taku neiere tinana, “Ke a b'akarai taian kamaraia ake a na nako im; natiu ko na karaoa ae N na tuangko, ao naako anaa te kooti nako iu.” 14Ma ngaia are, e nako n anai ma ni uoti nako ina, ao e a kuukana te aekaki n am'arake are e b'ab'aruia tamana are Itaaka. 15Ao e anaa kunnikain Etau ake a rangi n tamaroa are e kakawakinna n te auti, ao e karinna i aon Iakob'a. 16Ao e kanim'a kunin te kooti i aon angana, ao i aon naba roroana n taabo ake a katimaran. 17Ao e a angan Iakob'a te am'arake are kangkang arei, n ikotaki naba ma te kariki are a tia ni kam'aia.
18Ao e a nako Iakob'a nakon tamana, ao e taku, “Tamau!”
Ao e kaeka tamana, “Aio! Ao natiu ra aio?”
19Ao e taku Iakob'a, “Bon natim ngai are te karimoa, are Etau; I a tia ni karaoa te b'ai are ko taku. I a butiiko ma ko na karauko n tekateka b'a ko nang kana te iriko maiu aika I uoti aikai, b'a ko aonga ni kona n anganai am kakab'aia.”
20Ao e taku Itaaka, “Natiu!” e aera ngkai ko a manga rangi ni baiti ni karekea?”
Ao e taku Iakob'a, “B'a E buokai te UEA ae Atuam ni kakaea.”
21Ao e taku Itaaka nakon Iakob'a, “Taiaoka ma nako mai nako rarikiu n te aro ae I kona n riingko iai. Bon Etau ngkoe n te kakoaua?” 22Ao e nako Iakob'a ni kaaniia tamana, ao e riingnga, ao e taku, “Ti te bo b'anaam ma b'anaan Iakob'a, ma baim bon aekakin bain Etau.” 23E bon aki roko n te kinaa Iakob'a, i bukina ngke a buraerae baina kaanga Etau. Ao e nang tauraoi n anganna ana kakab'aia, 24ao e a manga titirakinna riki, “Bon Etau raoi ngkoe?”
Ao e taku, “Eng!”
25Ao e taku Itaaka, “Uoti mai tabeua te iriko maiu. Ngkana I tia ni kanna, ao I a anganiko au kakab'aia.” Ao e a uoti taian am'arake Iakob'a nako ina, n ikotaki naba ma nimana te wain. 26Ao i mwiina, e a taku tamana nako ina, “Nako mai nako rarikiu natiu, ao kaboria ma ngai.” 27Ao ngke e roko ni kerake b'a e na kaboria ma ngaia, ao Itaaka, e aroka boin ana kunnikai, ma ngaia are, e a anganna ana kakab'aia. Ao e taku, “Ti te bo boin natiu te mm'aane ma boiararan te aba ae E a tia ni kakab'aiaa te UEA. 28Ke E anganiko te Atua aoin karawa, ma ni uamaria abam. Ke E anganiko taian uanikai aika uangingi, ao wain aika moan te bati. 29Ke a riki botannaomata nako b'a am toro, ao ke a bobaraaki aomata i matam. Ko na tautaeka i aoia am koraki ni kabane, ao ke a bobaraaki i matam kanoan tinam ni kabane. Ao ke a kamaraiaaki koraki ake a kamaraiako, ao koraki ake a kakab'aiako, a na kakab'aiaki.” 30Ao e a bane ana kakab'aia Itaaka. Ao ngke e a bon tib'a nako Iakob'a, ao e a oki Etau ni kaeman. 31E a manga kuukana naba kanan tamana ae kangkang, ao e uotia nakon tamana, ao e taku, “Taiaoka tamau, ma tekateka raoi b'a ko nang am'arake n te iriko maiu aei, b'a ko aonga ni kona ni kakab'aiaai.”
32Ao e taku Itaaka, “Antai ngkoe?”
Ao e taku Etau, “Natim are te karimoa are Etau.”
33Ao e ruru ma n nako nanon Itaaka, ao e taku, “Ao ai antai ae tiringa te man, ao e uotia nako iu ae I am'arake iai i m'aain rokom? Ao I a tia naba ni kabanea au taetae ni kakab'aia nakoina, ao e aki kona ni manga anaaki mai rouna.”
34Ao ngke e ongo aei Etau, ao e tang n takaarua ma te rawaawata, ao e taku, “Ko na anganai naba te kakab'aia tamau.”
35Ao e taku Itaaka, “E roko tarim, ao e keweai. E a tia n anaa kakab'aiaam.”
36Ao e taku Etau, “Aio ana kauoua n tai n rawetokaai, maroaka, ae bon aranaki iai b'a Iakob'a. #27.36 Iakob'a: N Ebera nanona kam'aam'ane. E anaa tib'angau ni karimoa, ao ngkai e a manga anaa kakab'aiakiu. Bon akea riki nikiran am kakab'aia ae ko katikua i buku?” 37Ao e taku Itaaka, “I a tia ni karikia b'a te toka i aom, ao I karikiia naba ana koraki ni kabane b'a ana toro. I anganna taian uaanikai aika uangingi, ao taian wain. Natiu, bon akea ae I kona ni karaoia i bukim.”
38Ao e a manga bubutiia naba tamana Etau, ao e taku, “E koaua b'a bon ti teuana am kakab'aia tamau, kakab'aiaai naba tamau.” Ao e a tang.
39Ao e a taku Itaaka nako ina,
“Akea te aoi mai karawa i bukim,
Akea te tawaana ae mari nakoim
40Ko na maiu man am kabaang,
Ao ko na riki b'a ana toro tarim.
Ma ngkana ko kan inaomata mai rouna
ao ko kona ni b'aranako mai aan ana kairiiri.”
41Ao e rangi n riba Iakob'a i bukina ngke e a tia n anganaki te kakab'aia iroun tamana. Ao e taku i nanona, “E a bon kan roko te tai are tanginiwenea iai tamau, ao ngkana e a mate, ao I a tiringa naba Iakob'a.” 42Ma ngke e ongo ana babaaire Etau Nei Rebeka, ao e wetea Iakob'a, ao e taku, “Nooria, e a tia ni baaireia tarim are Etau b'a e na katokaa marakin nanona n tiringko. 43Ma ngaia are, natiu, ko na karaoa ae N na tuangko. Ko na nakon m'aneu ae Raab'an i Aran 44ao tiiku ikekei tabeua te tai, ni karokoa ae toki unin tarim 45ao e a m'aninga am m'akuri ake ko a tia ni karaoi nako ina. Ao N na kanakoa temanna b'a e na kaokiko, b'a e aki koaua ngkana a nang bua natiu ni kauoman n te bong ae ti te bongina.”
Kanakoan Iakob'a iroun Itaaka nakon Raab'an
46Ao e taku Nei Rebeka, “Ti a rangi n aoraki irouia buun Etau aika i abatera. Ao ngkana e a manga iein Iakob'a ma temanna ainen Eta, ao I a boni mate naba.”
Currently Selected:
Karikani B'aai 27: KNVB
Highlight
Share
Copy
Want to have your highlights saved across all your devices? Sign up or sign in
Karikani B'aai 27
27
Kakab'aiakin Iakob'a iroun Itaaka
1Ao e a rangi ni kara Itaaka, ao e a matakii, ao e kawaekoa natina are te karimoa are Etau, ao e taku nakoina, “Natiu!”
Ao e kaeka natina, “Aio Ngai!”
2Ao e taku Itaaka, “Ko bon noorai ngkai b'a I a rangi ni kara, ao e a kaan mateu. 3I butiko b'a ko na anaa ngkai am kainikatebe ma am kanoa, ao naako karekea kanau te man. 4Kuukana teutana kanau are mamaten nanou, ao uotia mai nako iu. Ao ngkana I tia n am'arake iai, ao N na anganiko au kabanea ni kakab'aia i m'aain mateu.”
5Ao ngke e tabe n taetae Itaaka nakon Etau, ao e kakauongo neiere Nei Rebeka. Ma ngaia are, ngke e nako ni kaeman Etau, 6ao e taku nakon Iakob'a, “I a tib'a tia n ongora n ana taeka tamam nakon Etau, E taku, 7‘Uota mai te man, ao kuukanna b'a kanau, ao ngkana I tia n am'arake iai, ao N na kakab'aiako i matan te UEA i m'aain mateu.’ 8Ma ngaia are ngkai, ko na karaoa ae N na tuangko natiu. 9Naako nakon te nanai ni man, ao uoti mai uoman taian kooti aika ataei aika marikarika, b'a I aonga ni kuukani ma ni karaoa mai iai te am'arake are rangi ni b'ab'arua tamam. 10Ao ko na uotia nakoina b'a e na am'arake iai, ao ane na anganiko ana taeka ni kakab'aia i m'aain matena.”
11Ma e taku Iakob'a nakon tinana, “Ma kai e buraerae rab'atan Etau, ao ngai I katimaran. 12E na mena ngkoa b'a e riingai tamau, ao e a ataia ae i kekeweia, ao e a manga oneaki mwiin te kakab'aia nakon te maraia nako iu.”
13Ao e taku neiere tinana, “Ke a b'akarai taian kamaraia ake a na nako im; natiu ko na karaoa ae N na tuangko, ao naako anaa te kooti nako iu.” 14Ma ngaia are, e nako n anai ma ni uoti nako ina, ao e a kuukana te aekaki n am'arake are e b'ab'aruia tamana are Itaaka. 15Ao e anaa kunnikain Etau ake a rangi n tamaroa are e kakawakinna n te auti, ao e karinna i aon Iakob'a. 16Ao e kanim'a kunin te kooti i aon angana, ao i aon naba roroana n taabo ake a katimaran. 17Ao e a angan Iakob'a te am'arake are kangkang arei, n ikotaki naba ma te kariki are a tia ni kam'aia.
18Ao e a nako Iakob'a nakon tamana, ao e taku, “Tamau!”
Ao e kaeka tamana, “Aio! Ao natiu ra aio?”
19Ao e taku Iakob'a, “Bon natim ngai are te karimoa, are Etau; I a tia ni karaoa te b'ai are ko taku. I a butiiko ma ko na karauko n tekateka b'a ko nang kana te iriko maiu aika I uoti aikai, b'a ko aonga ni kona n anganai am kakab'aia.”
20Ao e taku Itaaka, “Natiu!” e aera ngkai ko a manga rangi ni baiti ni karekea?”
Ao e taku Iakob'a, “B'a E buokai te UEA ae Atuam ni kakaea.”
21Ao e taku Itaaka nakon Iakob'a, “Taiaoka ma nako mai nako rarikiu n te aro ae I kona n riingko iai. Bon Etau ngkoe n te kakoaua?” 22Ao e nako Iakob'a ni kaaniia tamana, ao e riingnga, ao e taku, “Ti te bo b'anaam ma b'anaan Iakob'a, ma baim bon aekakin bain Etau.” 23E bon aki roko n te kinaa Iakob'a, i bukina ngke a buraerae baina kaanga Etau. Ao e nang tauraoi n anganna ana kakab'aia, 24ao e a manga titirakinna riki, “Bon Etau raoi ngkoe?”
Ao e taku, “Eng!”
25Ao e taku Itaaka, “Uoti mai tabeua te iriko maiu. Ngkana I tia ni kanna, ao I a anganiko au kakab'aia.” Ao e a uoti taian am'arake Iakob'a nako ina, n ikotaki naba ma nimana te wain. 26Ao i mwiina, e a taku tamana nako ina, “Nako mai nako rarikiu natiu, ao kaboria ma ngai.” 27Ao ngke e roko ni kerake b'a e na kaboria ma ngaia, ao Itaaka, e aroka boin ana kunnikai, ma ngaia are, e a anganna ana kakab'aia. Ao e taku, “Ti te bo boin natiu te mm'aane ma boiararan te aba ae E a tia ni kakab'aiaa te UEA. 28Ke E anganiko te Atua aoin karawa, ma ni uamaria abam. Ke E anganiko taian uanikai aika uangingi, ao wain aika moan te bati. 29Ke a riki botannaomata nako b'a am toro, ao ke a bobaraaki aomata i matam. Ko na tautaeka i aoia am koraki ni kabane, ao ke a bobaraaki i matam kanoan tinam ni kabane. Ao ke a kamaraiaaki koraki ake a kamaraiako, ao koraki ake a kakab'aiako, a na kakab'aiaki.” 30Ao e a bane ana kakab'aia Itaaka. Ao ngke e a bon tib'a nako Iakob'a, ao e a oki Etau ni kaeman. 31E a manga kuukana naba kanan tamana ae kangkang, ao e uotia nakon tamana, ao e taku, “Taiaoka tamau, ma tekateka raoi b'a ko nang am'arake n te iriko maiu aei, b'a ko aonga ni kona ni kakab'aiaai.”
32Ao e taku Itaaka, “Antai ngkoe?”
Ao e taku Etau, “Natim are te karimoa are Etau.”
33Ao e ruru ma n nako nanon Itaaka, ao e taku, “Ao ai antai ae tiringa te man, ao e uotia nako iu ae I am'arake iai i m'aain rokom? Ao I a tia naba ni kabanea au taetae ni kakab'aia nakoina, ao e aki kona ni manga anaaki mai rouna.”
34Ao ngke e ongo aei Etau, ao e tang n takaarua ma te rawaawata, ao e taku, “Ko na anganai naba te kakab'aia tamau.”
35Ao e taku Itaaka, “E roko tarim, ao e keweai. E a tia n anaa kakab'aiaam.”
36Ao e taku Etau, “Aio ana kauoua n tai n rawetokaai, maroaka, ae bon aranaki iai b'a Iakob'a. #27.36 Iakob'a: N Ebera nanona kam'aam'ane. E anaa tib'angau ni karimoa, ao ngkai e a manga anaa kakab'aiakiu. Bon akea riki nikiran am kakab'aia ae ko katikua i buku?” 37Ao e taku Itaaka, “I a tia ni karikia b'a te toka i aom, ao I karikiia naba ana koraki ni kabane b'a ana toro. I anganna taian uaanikai aika uangingi, ao taian wain. Natiu, bon akea ae I kona ni karaoia i bukim.”
38Ao e a manga bubutiia naba tamana Etau, ao e taku, “E koaua b'a bon ti teuana am kakab'aia tamau, kakab'aiaai naba tamau.” Ao e a tang.
39Ao e a taku Itaaka nako ina,
“Akea te aoi mai karawa i bukim,
Akea te tawaana ae mari nakoim
40Ko na maiu man am kabaang,
Ao ko na riki b'a ana toro tarim.
Ma ngkana ko kan inaomata mai rouna
ao ko kona ni b'aranako mai aan ana kairiiri.”
41Ao e rangi n riba Iakob'a i bukina ngke e a tia n anganaki te kakab'aia iroun tamana. Ao e taku i nanona, “E a bon kan roko te tai are tanginiwenea iai tamau, ao ngkana e a mate, ao I a tiringa naba Iakob'a.” 42Ma ngke e ongo ana babaaire Etau Nei Rebeka, ao e wetea Iakob'a, ao e taku, “Nooria, e a tia ni baaireia tarim are Etau b'a e na katokaa marakin nanona n tiringko. 43Ma ngaia are, natiu, ko na karaoa ae N na tuangko. Ko na nakon m'aneu ae Raab'an i Aran 44ao tiiku ikekei tabeua te tai, ni karokoa ae toki unin tarim 45ao e a m'aninga am m'akuri ake ko a tia ni karaoi nako ina. Ao N na kanakoa temanna b'a e na kaokiko, b'a e aki koaua ngkana a nang bua natiu ni kauoman n te bong ae ti te bongina.”
Kanakoan Iakob'a iroun Itaaka nakon Raab'an
46Ao e taku Nei Rebeka, “Ti a rangi n aoraki irouia buun Etau aika i abatera. Ao ngkana e a manga iein Iakob'a ma temanna ainen Eta, ao I a boni mate naba.”
Currently Selected:
:
Highlight
Share
Copy
Want to have your highlights saved across all your devices? Sign up or sign in