Karikani B'aai 30
30
1Ma bon akea natin Nei Rakera ma Iakob'a ae riki, ao Rakera e nanobwiia tarina, ao e taku nakon Iakob'a, “N na waekoa ni mate ngkana ko aki kakarekea natiu.”
2Ao e un Iakob'a iroun Nei Rakera ao e taku, “I aki kona ni karaoa ana m'akuri te Atua b'a boni Ngaia ae aki anganiko te aki kakariki.”
3Ao e taku neierei, “Ao aio au toro te aine ae Birea, ko na wene ma ngaia b'a e aonga ni kariki i buku. Ao e na reke ngkanne natiu mai rouna.” 4Ao e anga ana toro te aine nakon buuna, ao e wene teuarei ma te toro te aine arei. 5Ao e a bikoukou Nei Birea, ao e bungiia te nati te mm'aane. 6Ao e taku Nei Rakera, “E a tia ni baairea raoi taekau te Atua. E a tia n ongo au tataro, ao E anganai natiu te mm'aane.” Ma ngaia are, e aranna b'a Taan. #30.6 Taan: N Ebera nanona motikitaeka. 7Ao e a manga bikoukou riki Nei Birea iroun Iakob'a, ao e a manga bungiia naba te mm'aane. 8Ao e taku Nei Rakera, “I a tia n un ma tariu n te un ae korakora, ao I tokanikai.” Ma ngaia are, e aranna b'a Nabetari.#30.8 Nabetari: N Ebera nanona korakai, ke kabootoa.
9Ao ngke e a ataia Nei Reea b'a e a toki kanoana, ao e a manga anga ana toro te aine are Nei Tireba nakon Iakob'a b'a buuna. 10Ao e a bungia riki te mm'aane Nei Tireba. 11Ao e taku Nei Reea, “I a tia n tekeraoi.” Ma ngaia are, e aranna b'a Kaata. #30.11 Kaata: N Ebera nanona tekeraoi. 12Ao e a bungia riki natin Iakob'a te mm'aane Nei Tireba, 13ao e taku Nei Reea, “Ai kukurei ra ngai! Ae a nang aranai ngkai aine b'a Kukurei.” Ma ngaia are, e aranna b'a Atera. #30.13 Atera: N te taetae n Ebera nanona kukurei. 14Ao e nakon te tawaana Reuben n tain taian te uita, ao e kunei taian manrureke. Ao e taku Nei Rakera nakon Nei Reea, “Taiaoka, anganai tabeua ana manrureke #30.14 manrureke: Te aroka ae iai ueena ae kanga te aboro ma taekana b'a e kareerekea te kakaniein. natim.” 15Ao e taku Nei Reea, “E tuai man toki nanom? Ko a tia ni uota nako buu, ao ngkai ko nangi manga anaa ana manrureke natiu?”
Ao e taku Nei Rakera, “Ngkana ko anganai ana manrureke natim, ao ko na matu ma Iakob'a nakon te tairiki.”
16Ao ngke a oki Iakob'a man te tawaana ngke e a b'akataai, ao e a nako Nei Reea ni kawaria, ao e taku nakoina, “Ko na matu ma ngai nakon te tairiki, b'a I a tia ni kabooko n ana manrureke natiu.” Ma ngaia are, e a wene ma neierei ngke e a tairiki.
17E kaeka ana tataro Nei Reea te Atua, ao e a bikoukou, ao e a bungiia te nati te mm'aane ae te kaniman. 18Ao e taku Nei Reea, “E a tia n anganai kaniwangau te Atua, i bukina ngke I a tia n anga buu nakon au toro.” Ma ngaia are, e arana natina te mm'aane arei b'a Itaakara. #30.18 Itaakara: N Ebera nanona te kaniwanga. 19Ao e a manga bikoukou naba Nei Reea, ao e bungiia ana kaonoman n nati mm'aane ma Iakob'a. 20Ao e taku, “E a tia n anganai te Atua te b'ai n tangira ae tamaroa. Ao ngkai e na m'annanoai buu b'a I a tia ni karekeia natina mm'aane aika onoman.” Ma ngaia are, e arana natina arei b'a Teburun. #30.20 Teburun: N Ebera nanona anga ao nebonebo. 21Ao rimwi riki, ao e bungiia te nati te aine, ao e aranna b'a Nei Rina.
22Ao E uringa Nei Rakera te Atua, ao E kaeka ana tataro, ao E a manga karaoia b'a e na kakariki. 23Ao e bikoukou, ao e bungiia te nati te mm'aane. Ao e taku, “E a tia ni uotaanako kamamaaeau te Atua, b'a E anganai natiu te mm'aane. 24E bia manga anganai riki natiu te mm'aane te UEA;” ao e arana natina arei b'a Ioteb'a. #30.24 Ioteb'a: N Ebera nanona uotia nako ao manga karekea.
Ana kabo rabakau Iakob'a ma Raab'an
25Ao i mwiin bungiakin Ioteb'a, ao e taku Iakob'a nakon Raab'an, “Ko nang kainaomataai, b'a I aonga n okira mwengau.#30.25 kainaomataai... okira mwengau E a tia ni kukurei Iakob'a ni m'akuri 14 te ririki i bukiia natin Raab'an aine ake uoman, b'a 7 te ririki i bukin temanna. Noora 29.18. 26Ko na anganai buu ma natiu aika I a tia ni karekei ni m'akuriu iroum b'a N nang nako. Ko bon ataa aron au m'akuri korakora iroum.”
27Ao e taku Raab'an, “N na tuangko te b'ai teuana: I a tia n ataia ngkai b'a I kakab'aiaki iroun te UEA i bukim. 28Tuangai m'aitin boom ae ko tangiria b'a N na anganiko.”
29Ao e taku Iakob'a, “Ko bon ataa aron m'akuriu iroum, ma aron rikiraken am nanai ni man n au tararua. 30Bon ti tabeua ngkoa i m'aain rokou, ao E a tia te UEA ni kakab'aiai b'aai ni kabane ake I a tia ni karaoi. Ao ngkai e a roko te tai are I a bon riai ni karikirakea arou iai i bon irou.”
31Ao e taku Raab'an, “Tera boom ae ko tangiria?”
Ao e taku Iakob'a, “I aki tangiria ni kabooaki ma N na reitanako au m'akuri ni kaawakin am nanai ni man ngkana ko kariaia au iango aei: 32Ti kaniwangau ae I tangiria mairoum, bon ti taian tiibu te teei ni kabane ake a roro buraeia, ao taian kooti te teei naba ni kabane ake a wantanta ni kirimatamata kuniia. #30.32 wantanta ni kirimatamata: Ngkoa a bon ti mainaina tiibu, ao kooti a roroo ke a buraaun n roo, ao a kangaanga n reke aika a kirimainaina. 33Ao n te tai teuana, ko na manga tuoia, ao ngkana ko kunea te kooti ae e aki kirimatamata ni wantanta, ke te tiibu ae e aki roro buraena i buakoia au maan aika kawakawa, ao ko na ataia ngkanne b'a I iraeia am maan aika kawakawa.”
34Ao e taku Raab'an, “I kariaia, ti na karaoa ane ko iangoia anne.” 35Ao e kaokoroi taiani kooti Raab'an ake a wantanta ni kiriroroo, ma taian aine ni kabane ake kirimatamata ma ni kiriroroo, ke ake iai taian mainaina i aoia; ao e kanakoi naba taian tiibu roro ni kabane. Ao e katuka natina te mm'aane b'a e na tararuaia, 36ao e nako ni kitana Iakob'a ma te nanai ni man ni kararoa n te raroa ae tenibong te nakonako iai. Ao e tiku Iakob'a ni kawakinia ana nanai ni man naba Raab'an ni kabane.
37Ao e anai m'aangan taian aroka ake te babera ma te aramon, ao te bureen aika menaai, ao e kaakaari kuniia teutana ni kaota are e mainaina i aana, n te aro are a kakawaaki taraaia. 38Ao e katikui taiani m'aanga aikai n aia aubunga ni mooi maan, b'a a aonga n noonoria maan ngkana a tabe ni mooi ao a bikoukou. #30.38 a aonga n noonoria: Taekana b'a a na katotoongaki irouia natiia maan baike a noori i nanon aia tai ni mooi ao a tib'a bikoukou. 39Ma ngaia are, ngkana a bung taiani man i matan taiani m'anga aikai, ao a bungi natiia aika a kakawaaki, ni kirimatamata ma ni kiriroroo buraeia.
40Ao e kakaokoroia tiibu aine Iakob'a mai buakoia tiibu ma kooti ake n ana nanai Raab'an. Ao ngkana a nang bung tiibu aine aikai, ao e kabungiia ni kaaitarai ana man Raab'an ake a kakawaaki ma n kiriroroo, ma ngaia are, a bungiia natiia aika wantanta ma ni kiriroroo naba. Ao e a rikirake m'aitin ana nanai n te aro anne. Ao e kaokoroi ma ana man Raab'an. 41Ao ngkana a iein maan aika maiuraoi rab'ataia, ao e katikui m'aangan kaai akekei Iakob'a i matan aia aubunga ni mooi, b'a aonga ni bung i buakon m'aangan kaai akekei. 42Ma ngkana a iein maan aika nimamate rab'ataia, ao e aki katikui m'aangan kaai akekei i mataia. Ma ngaia are, a bane n reke i roun Raab'an maan aika kawakawa aika nimamate rab'ataia, ao a bane n reke iroun Iakob'a maan aika kawakawa aika marurung rab'ataia. 43Ao e a rangi ni kaub'ai Iakob'a n te aro anne. A rangi ni m'aiti ana nanai ni man ma ana toro, ana kamero, ao ana aati.
Currently Selected:
Karikani B'aai 30: KNVB
Highlight
Share
Copy
Want to have your highlights saved across all your devices? Sign up or sign in
Karikani B'aai 30
30
1Ma bon akea natin Nei Rakera ma Iakob'a ae riki, ao Rakera e nanobwiia tarina, ao e taku nakon Iakob'a, “N na waekoa ni mate ngkana ko aki kakarekea natiu.”
2Ao e un Iakob'a iroun Nei Rakera ao e taku, “I aki kona ni karaoa ana m'akuri te Atua b'a boni Ngaia ae aki anganiko te aki kakariki.”
3Ao e taku neierei, “Ao aio au toro te aine ae Birea, ko na wene ma ngaia b'a e aonga ni kariki i buku. Ao e na reke ngkanne natiu mai rouna.” 4Ao e anga ana toro te aine nakon buuna, ao e wene teuarei ma te toro te aine arei. 5Ao e a bikoukou Nei Birea, ao e bungiia te nati te mm'aane. 6Ao e taku Nei Rakera, “E a tia ni baairea raoi taekau te Atua. E a tia n ongo au tataro, ao E anganai natiu te mm'aane.” Ma ngaia are, e aranna b'a Taan. #30.6 Taan: N Ebera nanona motikitaeka. 7Ao e a manga bikoukou riki Nei Birea iroun Iakob'a, ao e a manga bungiia naba te mm'aane. 8Ao e taku Nei Rakera, “I a tia n un ma tariu n te un ae korakora, ao I tokanikai.” Ma ngaia are, e aranna b'a Nabetari.#30.8 Nabetari: N Ebera nanona korakai, ke kabootoa.
9Ao ngke e a ataia Nei Reea b'a e a toki kanoana, ao e a manga anga ana toro te aine are Nei Tireba nakon Iakob'a b'a buuna. 10Ao e a bungia riki te mm'aane Nei Tireba. 11Ao e taku Nei Reea, “I a tia n tekeraoi.” Ma ngaia are, e aranna b'a Kaata. #30.11 Kaata: N Ebera nanona tekeraoi. 12Ao e a bungia riki natin Iakob'a te mm'aane Nei Tireba, 13ao e taku Nei Reea, “Ai kukurei ra ngai! Ae a nang aranai ngkai aine b'a Kukurei.” Ma ngaia are, e aranna b'a Atera. #30.13 Atera: N te taetae n Ebera nanona kukurei. 14Ao e nakon te tawaana Reuben n tain taian te uita, ao e kunei taian manrureke. Ao e taku Nei Rakera nakon Nei Reea, “Taiaoka, anganai tabeua ana manrureke #30.14 manrureke: Te aroka ae iai ueena ae kanga te aboro ma taekana b'a e kareerekea te kakaniein. natim.” 15Ao e taku Nei Reea, “E tuai man toki nanom? Ko a tia ni uota nako buu, ao ngkai ko nangi manga anaa ana manrureke natiu?”
Ao e taku Nei Rakera, “Ngkana ko anganai ana manrureke natim, ao ko na matu ma Iakob'a nakon te tairiki.”
16Ao ngke a oki Iakob'a man te tawaana ngke e a b'akataai, ao e a nako Nei Reea ni kawaria, ao e taku nakoina, “Ko na matu ma ngai nakon te tairiki, b'a I a tia ni kabooko n ana manrureke natiu.” Ma ngaia are, e a wene ma neierei ngke e a tairiki.
17E kaeka ana tataro Nei Reea te Atua, ao e a bikoukou, ao e a bungiia te nati te mm'aane ae te kaniman. 18Ao e taku Nei Reea, “E a tia n anganai kaniwangau te Atua, i bukina ngke I a tia n anga buu nakon au toro.” Ma ngaia are, e arana natina te mm'aane arei b'a Itaakara. #30.18 Itaakara: N Ebera nanona te kaniwanga. 19Ao e a manga bikoukou naba Nei Reea, ao e bungiia ana kaonoman n nati mm'aane ma Iakob'a. 20Ao e taku, “E a tia n anganai te Atua te b'ai n tangira ae tamaroa. Ao ngkai e na m'annanoai buu b'a I a tia ni karekeia natina mm'aane aika onoman.” Ma ngaia are, e arana natina arei b'a Teburun. #30.20 Teburun: N Ebera nanona anga ao nebonebo. 21Ao rimwi riki, ao e bungiia te nati te aine, ao e aranna b'a Nei Rina.
22Ao E uringa Nei Rakera te Atua, ao E kaeka ana tataro, ao E a manga karaoia b'a e na kakariki. 23Ao e bikoukou, ao e bungiia te nati te mm'aane. Ao e taku, “E a tia ni uotaanako kamamaaeau te Atua, b'a E anganai natiu te mm'aane. 24E bia manga anganai riki natiu te mm'aane te UEA;” ao e arana natina arei b'a Ioteb'a. #30.24 Ioteb'a: N Ebera nanona uotia nako ao manga karekea.
Ana kabo rabakau Iakob'a ma Raab'an
25Ao i mwiin bungiakin Ioteb'a, ao e taku Iakob'a nakon Raab'an, “Ko nang kainaomataai, b'a I aonga n okira mwengau.#30.25 kainaomataai... okira mwengau E a tia ni kukurei Iakob'a ni m'akuri 14 te ririki i bukiia natin Raab'an aine ake uoman, b'a 7 te ririki i bukin temanna. Noora 29.18. 26Ko na anganai buu ma natiu aika I a tia ni karekei ni m'akuriu iroum b'a N nang nako. Ko bon ataa aron au m'akuri korakora iroum.”
27Ao e taku Raab'an, “N na tuangko te b'ai teuana: I a tia n ataia ngkai b'a I kakab'aiaki iroun te UEA i bukim. 28Tuangai m'aitin boom ae ko tangiria b'a N na anganiko.”
29Ao e taku Iakob'a, “Ko bon ataa aron m'akuriu iroum, ma aron rikiraken am nanai ni man n au tararua. 30Bon ti tabeua ngkoa i m'aain rokou, ao E a tia te UEA ni kakab'aiai b'aai ni kabane ake I a tia ni karaoi. Ao ngkai e a roko te tai are I a bon riai ni karikirakea arou iai i bon irou.”
31Ao e taku Raab'an, “Tera boom ae ko tangiria?”
Ao e taku Iakob'a, “I aki tangiria ni kabooaki ma N na reitanako au m'akuri ni kaawakin am nanai ni man ngkana ko kariaia au iango aei: 32Ti kaniwangau ae I tangiria mairoum, bon ti taian tiibu te teei ni kabane ake a roro buraeia, ao taian kooti te teei naba ni kabane ake a wantanta ni kirimatamata kuniia. #30.32 wantanta ni kirimatamata: Ngkoa a bon ti mainaina tiibu, ao kooti a roroo ke a buraaun n roo, ao a kangaanga n reke aika a kirimainaina. 33Ao n te tai teuana, ko na manga tuoia, ao ngkana ko kunea te kooti ae e aki kirimatamata ni wantanta, ke te tiibu ae e aki roro buraena i buakoia au maan aika kawakawa, ao ko na ataia ngkanne b'a I iraeia am maan aika kawakawa.”
34Ao e taku Raab'an, “I kariaia, ti na karaoa ane ko iangoia anne.” 35Ao e kaokoroi taiani kooti Raab'an ake a wantanta ni kiriroroo, ma taian aine ni kabane ake kirimatamata ma ni kiriroroo, ke ake iai taian mainaina i aoia; ao e kanakoi naba taian tiibu roro ni kabane. Ao e katuka natina te mm'aane b'a e na tararuaia, 36ao e nako ni kitana Iakob'a ma te nanai ni man ni kararoa n te raroa ae tenibong te nakonako iai. Ao e tiku Iakob'a ni kawakinia ana nanai ni man naba Raab'an ni kabane.
37Ao e anai m'aangan taian aroka ake te babera ma te aramon, ao te bureen aika menaai, ao e kaakaari kuniia teutana ni kaota are e mainaina i aana, n te aro are a kakawaaki taraaia. 38Ao e katikui taiani m'aanga aikai n aia aubunga ni mooi maan, b'a a aonga n noonoria maan ngkana a tabe ni mooi ao a bikoukou. #30.38 a aonga n noonoria: Taekana b'a a na katotoongaki irouia natiia maan baike a noori i nanon aia tai ni mooi ao a tib'a bikoukou. 39Ma ngaia are, ngkana a bung taiani man i matan taiani m'anga aikai, ao a bungi natiia aika a kakawaaki, ni kirimatamata ma ni kiriroroo buraeia.
40Ao e kakaokoroia tiibu aine Iakob'a mai buakoia tiibu ma kooti ake n ana nanai Raab'an. Ao ngkana a nang bung tiibu aine aikai, ao e kabungiia ni kaaitarai ana man Raab'an ake a kakawaaki ma n kiriroroo, ma ngaia are, a bungiia natiia aika wantanta ma ni kiriroroo naba. Ao e a rikirake m'aitin ana nanai n te aro anne. Ao e kaokoroi ma ana man Raab'an. 41Ao ngkana a iein maan aika maiuraoi rab'ataia, ao e katikui m'aangan kaai akekei Iakob'a i matan aia aubunga ni mooi, b'a aonga ni bung i buakon m'aangan kaai akekei. 42Ma ngkana a iein maan aika nimamate rab'ataia, ao e aki katikui m'aangan kaai akekei i mataia. Ma ngaia are, a bane n reke i roun Raab'an maan aika kawakawa aika nimamate rab'ataia, ao a bane n reke iroun Iakob'a maan aika kawakawa aika marurung rab'ataia. 43Ao e a rangi ni kaub'ai Iakob'a n te aro anne. A rangi ni m'aiti ana nanai ni man ma ana toro, ana kamero, ao ana aati.
Currently Selected:
:
Highlight
Share
Copy
Want to have your highlights saved across all your devices? Sign up or sign in