Karikani B'aai 37
37
Ioteb'a ma tarina
1E teimatoa ni maeka Iakob'a n te aba are Kanaan, are te aba are e maeka iai ngkoa tamana, 2ao aio karakinan ana utu Iakob'a.
Ioteb'a, bon te ataei ni mm'aane ae tebwi ma itiua ana ririki, ao e kakawakiniia ana tiibu ma ana kooti tamana, ngaia ma tarina ake natin Nei Birea ma Nei Tireba #37.2 Nei Birea ma Nei Tireba: Noora 30.1-13 aika buu ni kewe iroun tamana. E tua aia bure tarina akekei nakon tamana.
3Ao e tangira riki Ioteb'a teuare Iakob'a nakoia natina mm'aane ake tabeman, i bukina ngke bon te nati ni kara. Ao e karaoa naba ana kunnikai ae m'arairai baina, ae bati matana. 4Ao ngke a nooria tarina akekei b'a e tangira riki Ioteb'a tamaia, ao a rangi ni riiribaa tariia n te aro are aki tataetae raoi nako ina.
5Ao e mii Ioteb'a n te tai teuana, ao ngke e tuangiia tarina, ao a manga rangi n riribaia riki. 6Ao e taku nakoia, “Kam na ongora miiu are I miia. 7Ti bane ni mena n te tawaana ni kabaebaei taian b'ab'ati n uita, ao e a ti teirake naba au b'ab'ati n uita n eti nako eta. Ao ami b'ab'ati, a katobibia au b'ab'ati, ao a bobaraaki nako ina.” 8Ao a taku tarina nako ina, “N am iango ngkai, ko nang uea i aora ma n tautaekaniira?” Ma ngaia are, a rangi n riribaia i bukin miina ma ana taeka i bukiia.
9Ao e a manga mii riki Ioteb'a, ao e a manga tuangiia naba tarina, ao e taku, “I a manga mii naba, ao I noora taai ma nam'akaina, ao itoi aika tebwi ma teuana aika bobaraaki nako iu.”
10Ao e tuanga naba tamana miina arei, ao e takuia tamana, ao e taku: “Tera te mii ae ai aron anne? A nang bobaraaki tamam, tinam, ao tarim nako im?” 11Ao a bakantang tarina i rouna, ma e tabetabe nanon tamana n te b'ai arei.
Kabonakoan Ioteb'a, ao uotakinakoana nako Aikubita
12Ao n te tai teuana ngke a tia n nako tarin Ioteb'a nako Tekem ni kam'arakei ana nanai n tiibu tamaia 13Ao e taku Iakob'a nakon Ioteb'a, “I tangiria b'a ko na nako Tekem n te tabo are a kaawakiniia maan iai tarim.”
Ao e taku Ioteb'a, “I tauraoi.”
14Ao e taku tamana nako ina, “Naako nooria tarim ma aia nanai ni man b'aa uara; ao ko a manga oki n tuangai.” Ma ngaia are, e kanakoa tamana man te M'arua are Eberon.
Ao e a roko Ioteb'a i Tekem 15ao e tabe ni m'am'ananga i nanon te aba arei, ao e nooraki iroun te mm'aane temanna, ao e titirakinna, “Tera ae ko a boni kakaea?”
16Ao e taku Ioteb'a, “I tabe ni kakaeia tariu aika kaawakina aia nanai ni man. Ko kona tuangai b'a a mena ia?”
17Ao e taku te mm'aane arei, “A tia n nako. I ongo b'a a taku b'a a na nako Totan.” Ao e nako Ioteb'a n rimwiia tarina ao e noriia i Totan. 18Ao a nooria ngke e mena i kiraroa, ao i m'aain rokona i rouia, ao a baairea kam'aneana ma tiringana. 19Ao a taku i marenaia, “E a roko te tia mii. 20Nako mai b'a ti nang tiringnga ngkai ao ni karenakoa rab'atana i nanon te m'anib'a teuana ae m'auteretere. Ao ti na taekinna b'a aongkoa e tiringaki i rouia maan ni kaakang. Ti na bakan noora ngkanne baike miina akekei.”
21Ao e ongo Reuben, ao e kataia ni kamaiua Ioteb'a, ao e taku, 22“Ti na aki tiringnga ma ti na karenakoa nako nanon te m'anib'a teuana n te rereua aei, ma tai kaikoakia.” E taekina aei b'a e iangoa kamaiuana mairouia ma ni kaokia nakon tamana. 23Ao ngke e roko Ioteb'a irouia tarina, ao a raeua ana kunnikai are a bati matana are m'arairai. 24Ao i mwiina, a anaia ni karenakoa nako nanon te m'anib'a are e m'auteretere nanona.
25Ao ngke a tabe n am'arake, ao a nooriia tibun Itimaera aika m'ananga mai Kireata nako Aikubita, aika onrake aia kamero n taian boiarara ma taiani kanim. 26Ao e taku Iuta nako ia tarina, “Tera ae ti na karekea n tiringakin tarira ma karabaan te m'akuri n tiritiri? 27Ti a kabooa nako nako ia tibun Itimaera. Ao ti na aki tiringnga b'a bon tarira, bon irikora ao raraara.” Ao a kariaia te iango arei tarina akekei. 28Ao ngke a manga m'ananga I-Miria i rarikiia, ao a katikaarake Ioteb'a mai nanon te m'anib'a ma ni kabooa nako n te bo ae uabwi te m'akoro n tirewa nakoia tibun Itimaera,#37.28 I-Miria… I-Itimaera: N te m'akoro 25.1,2,12 I-Miria ma Itimaera bon kanoan Aberaam, ao n te boki ae Taani Motikitaeka 8.22-24 aara aika uoua aikai a bon nanonaki aomata aika titebo. E kona ni iangoaki b'a “Itimaera” e nanonaki “taani iokinib'ai aika m'am'ananga,” ao “I-Miria” e a kona ni iangoaki b'a bon rikiaia koraki aikai ae a kaoti ma iai. ao a uotia nako tibun Itimaera nako Aikubita.
29Ao ngke e a oki Reuben nakon te m'anib'a, ao e nooria b'a akea Ioteb'a ikekei, ao e raeuai ana kunnikai i bukin rawawatan nanona. 30E kawariia tarina, ao e taku nakoia, “E aera ngkai akea Ioteb'a ikekei? Ao tera ae N nang karaoia ngkai?” 31Ao a tiringa te kooti, ao a kateboa kunnikain Ioteb'a i nanon raraana. 32Ao a uota kunnikaina nakon tamaia, ao a taku, “Ti kunea te b'ai aei. Tiaki ana kunnikai natim te mm'aane are Ioteb'a?”
33Ao e kinaa te kunnikai arei Iakob'a, ao e taku, “Eng, bon ana kunnikai. E a tia ni tiringaki i rouia maan ni kaakang. E a tia n raebitiaki Ioteb'a.”
34Ao e raeuai kunnikaina Iakob'a, ao e karin kunnikai aika a raeraeaki. Ao e tanginiwenei i bukin natina arei i nanon te tai ae maan. #37.34 kunnikai aika a raeraeaki: A karaoaki man buraen te kooti ke te kamero. A kona ni nneaki iai uaanikai aika a uangingi. A kunnikaiaki ti n tain te nanokawaki. 35Ao a bane n roko natina mm'aane ma natina aine ni karaua nanona, ma e rawa ni karauaki nanona, ao e taku, “N na nakon ruanimateu, N na mate ma n taunaki.” Ao e a manga reitanako naba tanginiweneina i bukin natina are Ioteb'a.
36I mwiin tabeua te tai ao a tia ni kabooa nako Ioteb'a tibun Itimaera i Aikubita nakon Botiba, are ana aobitia te uea temanna, are bon te mataniwi n ana bareti.
Currently Selected:
Karikani B'aai 37: KNVB
Highlight
Share
Copy
Want to have your highlights saved across all your devices? Sign up or sign in
Karikani B'aai 37
37
Ioteb'a ma tarina
1E teimatoa ni maeka Iakob'a n te aba are Kanaan, are te aba are e maeka iai ngkoa tamana, 2ao aio karakinan ana utu Iakob'a.
Ioteb'a, bon te ataei ni mm'aane ae tebwi ma itiua ana ririki, ao e kakawakiniia ana tiibu ma ana kooti tamana, ngaia ma tarina ake natin Nei Birea ma Nei Tireba #37.2 Nei Birea ma Nei Tireba: Noora 30.1-13 aika buu ni kewe iroun tamana. E tua aia bure tarina akekei nakon tamana.
3Ao e tangira riki Ioteb'a teuare Iakob'a nakoia natina mm'aane ake tabeman, i bukina ngke bon te nati ni kara. Ao e karaoa naba ana kunnikai ae m'arairai baina, ae bati matana. 4Ao ngke a nooria tarina akekei b'a e tangira riki Ioteb'a tamaia, ao a rangi ni riiribaa tariia n te aro are aki tataetae raoi nako ina.
5Ao e mii Ioteb'a n te tai teuana, ao ngke e tuangiia tarina, ao a manga rangi n riribaia riki. 6Ao e taku nakoia, “Kam na ongora miiu are I miia. 7Ti bane ni mena n te tawaana ni kabaebaei taian b'ab'ati n uita, ao e a ti teirake naba au b'ab'ati n uita n eti nako eta. Ao ami b'ab'ati, a katobibia au b'ab'ati, ao a bobaraaki nako ina.” 8Ao a taku tarina nako ina, “N am iango ngkai, ko nang uea i aora ma n tautaekaniira?” Ma ngaia are, a rangi n riribaia i bukin miina ma ana taeka i bukiia.
9Ao e a manga mii riki Ioteb'a, ao e a manga tuangiia naba tarina, ao e taku, “I a manga mii naba, ao I noora taai ma nam'akaina, ao itoi aika tebwi ma teuana aika bobaraaki nako iu.”
10Ao e tuanga naba tamana miina arei, ao e takuia tamana, ao e taku: “Tera te mii ae ai aron anne? A nang bobaraaki tamam, tinam, ao tarim nako im?” 11Ao a bakantang tarina i rouna, ma e tabetabe nanon tamana n te b'ai arei.
Kabonakoan Ioteb'a, ao uotakinakoana nako Aikubita
12Ao n te tai teuana ngke a tia n nako tarin Ioteb'a nako Tekem ni kam'arakei ana nanai n tiibu tamaia 13Ao e taku Iakob'a nakon Ioteb'a, “I tangiria b'a ko na nako Tekem n te tabo are a kaawakiniia maan iai tarim.”
Ao e taku Ioteb'a, “I tauraoi.”
14Ao e taku tamana nako ina, “Naako nooria tarim ma aia nanai ni man b'aa uara; ao ko a manga oki n tuangai.” Ma ngaia are, e kanakoa tamana man te M'arua are Eberon.
Ao e a roko Ioteb'a i Tekem 15ao e tabe ni m'am'ananga i nanon te aba arei, ao e nooraki iroun te mm'aane temanna, ao e titirakinna, “Tera ae ko a boni kakaea?”
16Ao e taku Ioteb'a, “I tabe ni kakaeia tariu aika kaawakina aia nanai ni man. Ko kona tuangai b'a a mena ia?”
17Ao e taku te mm'aane arei, “A tia n nako. I ongo b'a a taku b'a a na nako Totan.” Ao e nako Ioteb'a n rimwiia tarina ao e noriia i Totan. 18Ao a nooria ngke e mena i kiraroa, ao i m'aain rokona i rouia, ao a baairea kam'aneana ma tiringana. 19Ao a taku i marenaia, “E a roko te tia mii. 20Nako mai b'a ti nang tiringnga ngkai ao ni karenakoa rab'atana i nanon te m'anib'a teuana ae m'auteretere. Ao ti na taekinna b'a aongkoa e tiringaki i rouia maan ni kaakang. Ti na bakan noora ngkanne baike miina akekei.”
21Ao e ongo Reuben, ao e kataia ni kamaiua Ioteb'a, ao e taku, 22“Ti na aki tiringnga ma ti na karenakoa nako nanon te m'anib'a teuana n te rereua aei, ma tai kaikoakia.” E taekina aei b'a e iangoa kamaiuana mairouia ma ni kaokia nakon tamana. 23Ao ngke e roko Ioteb'a irouia tarina, ao a raeua ana kunnikai are a bati matana are m'arairai. 24Ao i mwiina, a anaia ni karenakoa nako nanon te m'anib'a are e m'auteretere nanona.
25Ao ngke a tabe n am'arake, ao a nooriia tibun Itimaera aika m'ananga mai Kireata nako Aikubita, aika onrake aia kamero n taian boiarara ma taiani kanim. 26Ao e taku Iuta nako ia tarina, “Tera ae ti na karekea n tiringakin tarira ma karabaan te m'akuri n tiritiri? 27Ti a kabooa nako nako ia tibun Itimaera. Ao ti na aki tiringnga b'a bon tarira, bon irikora ao raraara.” Ao a kariaia te iango arei tarina akekei. 28Ao ngke a manga m'ananga I-Miria i rarikiia, ao a katikaarake Ioteb'a mai nanon te m'anib'a ma ni kabooa nako n te bo ae uabwi te m'akoro n tirewa nakoia tibun Itimaera,#37.28 I-Miria… I-Itimaera: N te m'akoro 25.1,2,12 I-Miria ma Itimaera bon kanoan Aberaam, ao n te boki ae Taani Motikitaeka 8.22-24 aara aika uoua aikai a bon nanonaki aomata aika titebo. E kona ni iangoaki b'a “Itimaera” e nanonaki “taani iokinib'ai aika m'am'ananga,” ao “I-Miria” e a kona ni iangoaki b'a bon rikiaia koraki aikai ae a kaoti ma iai. ao a uotia nako tibun Itimaera nako Aikubita.
29Ao ngke e a oki Reuben nakon te m'anib'a, ao e nooria b'a akea Ioteb'a ikekei, ao e raeuai ana kunnikai i bukin rawawatan nanona. 30E kawariia tarina, ao e taku nakoia, “E aera ngkai akea Ioteb'a ikekei? Ao tera ae N nang karaoia ngkai?” 31Ao a tiringa te kooti, ao a kateboa kunnikain Ioteb'a i nanon raraana. 32Ao a uota kunnikaina nakon tamaia, ao a taku, “Ti kunea te b'ai aei. Tiaki ana kunnikai natim te mm'aane are Ioteb'a?”
33Ao e kinaa te kunnikai arei Iakob'a, ao e taku, “Eng, bon ana kunnikai. E a tia ni tiringaki i rouia maan ni kaakang. E a tia n raebitiaki Ioteb'a.”
34Ao e raeuai kunnikaina Iakob'a, ao e karin kunnikai aika a raeraeaki. Ao e tanginiwenei i bukin natina arei i nanon te tai ae maan. #37.34 kunnikai aika a raeraeaki: A karaoaki man buraen te kooti ke te kamero. A kona ni nneaki iai uaanikai aika a uangingi. A kunnikaiaki ti n tain te nanokawaki. 35Ao a bane n roko natina mm'aane ma natina aine ni karaua nanona, ma e rawa ni karauaki nanona, ao e taku, “N na nakon ruanimateu, N na mate ma n taunaki.” Ao e a manga reitanako naba tanginiweneina i bukin natina are Ioteb'a.
36I mwiin tabeua te tai ao a tia ni kabooa nako Ioteb'a tibun Itimaera i Aikubita nakon Botiba, are ana aobitia te uea temanna, are bon te mataniwi n ana bareti.
Currently Selected:
:
Highlight
Share
Copy
Want to have your highlights saved across all your devices? Sign up or sign in