Karikani B'aai 44
44
Te m'angko ae bua
1Ao e taku Ioteb'a nakon ana toro ake a tararuaa ana auti, “Kanoai aia baeki mm'aane aikai n te am'arake n tokin ane a boni kona n uotia, ao kaoki aia m'ane nako matan aia baeki. 2Ao karina au m'angko i nanon ana baeki teuare te bina, n ikotaki naba ma ana m'ane are boon ana uita.” Ao e karaoa aron are e tuangaki te toro arei. 3Ao ngke e a tib'a ingabong, ao a m'ananga nako taari akekei ma aia aati. 4Ao ngke a tib'a raroa teutana man te kaawa, ao e taku Ioteb'a nakon ana toro are e tararuaa ana auti, “Kawaekoako rimwiia mm'aane akekei. Ngkana a reke iroum, ao tuangiia b'a e aera ngkai a karaoa te m'akuri ae e buakaka ni kabooan te m'akuri ae e raoiroi? 5E aera ngkai kam iraea te m'angko te tirewa are ana m'angko au toka? B'a tiaki ti ana m'angko ni mooi ma bon ana b'ai naba ni kaiwani kanoan taai aika a na roko? Kam a tia ni karaoa te bure ae moan te buakaka.” 6Ao ngke e roko te toro arei irouia, ao e a taekin taeka aikai nakoia. 7Ao a taku, “Nao, tera ae ko nanonna ngkai ko taetae n aron anne? Ti boni berita b'a bon akea te b'ai ae ti a tia ni karaoia n aron anne. 8Kam a bon tia n norira b'a ti a manga kaoki mm'aane ake ti noori i matan ara baeki, ngke ti a roko n te aba are Kanaan. Ao ti nang kangaa riki n iraea te tirewa, ke te koora man ana auti am toka? 9Nao, ngkana arona b'a iai mai buakora ae a kuneaki baikanne i rouna, ao e na tiringaki, ao ngaira aika nikirana ti na bane n riki b'a am toro.”
10Ao e taku te toro arei, “I kukurei n anne, ma bon ti teuane e kuneaki i rouna te m'angko ae e na riki b'a au toro, ao nikirana a na bane n inaomata n nako.” 11Ma ngaia are, a kawaekoaia ni karuoi aia baeki nako aontano, ao a bane ni kauki. 12Ao e karaua ni kakae raoi ana toro Ioteb'a ni moa mairoun te karimoa ni karokoa te bina, ao e a kuneaki te m'angko n ana baeki Beniamin. 13Ao a raeuai aia kunnikai taari akekei i bukin rawawatan nanoia. A katokai aia b'ai i aon aia aati ma ni manga oki rikaaki nakon te kaawa.
14Ao ngke a roko Iuta ma tarina n ana auti Ioteb'a, ao e bon mena Ioteb'a ikekei. Ao a bobaraaki i matana. 15Ao e taku Ioteb'a nako ia, “Tera ngkai ae kam a karaoia? Kam bon aki ataia b'a I kona ni kuneingkami n te kaiwa?”
16Ao e taku Iuta, “Tera ae ti na kona n taekinna nakoim? Ao tera ae ti na kona ni kauntaekaia? Ti na kanga n taku b'a ti aki bure? E a tia te Atua ni kaotia b'a bon taani bure ngaira.”
17Ao e taku Ioteb'a, “Tiaki ngaia anne. I aki kona ni karaoa anne. Bon ti te aomata are e reke i rouna au m'angko ae na riki b'a au toro. Ao ngkami nikirana kam na oki ma te rau nakon tamami.”
Ana onon Iuta i bukin Beniamin
18Ao e waerake Iuta nakon Ioteb'a ao e taku, “Taiaoka Nao, kariaia b'a N na inaomata n taetae ma ngkoe. Tai un irou, b'a bon ti te arona ngkoe ma te uea. 19Ko titirakiniira ao ko taku, ‘Iai tamami, ao tarimi riki temanna?’ 20Ao ti taku, ‘Eng, iai tamara ae e a kara, ao iai naba tarira ae uarereke, ae e a tib'a bungiaki ngke e a boni kara. E a tia ni mate tarin Beniamin, ao bon ti ngaia ngkai ae e maiu, ao e rangi n tatangiraki iroun tamana. 21Nao, Ko tuangiira b'a ti na kairiia mai b'a ko aonga n nooria, 22ao ti kaekako b'a e aki kona ni kitana tamana te ataei ni mm'aane, b'a ngkana e kitanna, ao e na mate tamana iai.’ 23Ao ko taku nako ira, ‘Kam na bon aki kona ni manga roko i matau ni karokoa kam kaira tarimi are uarereke i rarikimi.
24Ao ngke ti okira tamara, ao ti tuangnga b'aai ake ko taekin. 25Ao i mwiina, e a manga tuangiira b'a ti na manga nako ni kabooa te am'arake riki teutana.’ 26Ao ti taku nako ina, ‘Ti aki kona n nako; ti na bon aki manga roko i matan te aomata arei ni karokoa e iriira tarira are uarereke. Ti tii kona n nako ngkana e m'ananga naba tarira ane uarereke.’ 27Ao e taku tamara nako ira, ‘Kam bon ataia b'a bon ti uoman natiu mm'aane aika e bungiia Nei Rakera. 28E a tia ni kiitanai are temanna. E a tia n raebitiaki irouia mannikaakang, ao I bon tuai man nooria man te tai are e kiitanai iai ni karokoa te tai aei. 29Ao ngkana kam a manga anaa natiu aei ngkai mairou, ao ane N na boni mate n te kangaanga ae kam karaoia nako iu ngkai I a bon aki konab'ai b'a I a kara.’
30Ao e reitanako ana taetae Iuta ma n taku, ‘Ao ngkai, ngkana I nako n okira tamau ao akea te ataei ni mm'aane anne, ao ni bon te tai naba are e nooria iai b'a akea natina irou, ao e na boni mate. 31E bon rangi n tangira natina anne, ao e na bon mate iai b'a e aki kona ni kaitaraa te rawaawata ngkai e a boni kara. 32Ao teuana riki, I berita nakon tamau b'a N na anga maiu i bukin te ataei ni mm'aane. I tuangnga b'a ngkana I aki kaoka te ataei ni mm'aane nako ina, ao e na katuaaeai ni karokoa tokin maiu. 33Ma ngaia ae, I butiiko Nao, N na tiku ikai b'a am toro n onea mwiin te ataei ni mm'aane aei. Kaokia ma tarina. 34N na kanga n okira tamau ngkana e aki irai te ataei ni mm'aane? I a bon aki kona moan te kangaanga are e nang roko nakon tamau.”
Currently Selected:
Karikani B'aai 44: KNVB
Highlight
Share
Copy
Want to have your highlights saved across all your devices? Sign up or sign in
Karikani B'aai 44
44
Te m'angko ae bua
1Ao e taku Ioteb'a nakon ana toro ake a tararuaa ana auti, “Kanoai aia baeki mm'aane aikai n te am'arake n tokin ane a boni kona n uotia, ao kaoki aia m'ane nako matan aia baeki. 2Ao karina au m'angko i nanon ana baeki teuare te bina, n ikotaki naba ma ana m'ane are boon ana uita.” Ao e karaoa aron are e tuangaki te toro arei. 3Ao ngke e a tib'a ingabong, ao a m'ananga nako taari akekei ma aia aati. 4Ao ngke a tib'a raroa teutana man te kaawa, ao e taku Ioteb'a nakon ana toro are e tararuaa ana auti, “Kawaekoako rimwiia mm'aane akekei. Ngkana a reke iroum, ao tuangiia b'a e aera ngkai a karaoa te m'akuri ae e buakaka ni kabooan te m'akuri ae e raoiroi? 5E aera ngkai kam iraea te m'angko te tirewa are ana m'angko au toka? B'a tiaki ti ana m'angko ni mooi ma bon ana b'ai naba ni kaiwani kanoan taai aika a na roko? Kam a tia ni karaoa te bure ae moan te buakaka.” 6Ao ngke e roko te toro arei irouia, ao e a taekin taeka aikai nakoia. 7Ao a taku, “Nao, tera ae ko nanonna ngkai ko taetae n aron anne? Ti boni berita b'a bon akea te b'ai ae ti a tia ni karaoia n aron anne. 8Kam a bon tia n norira b'a ti a manga kaoki mm'aane ake ti noori i matan ara baeki, ngke ti a roko n te aba are Kanaan. Ao ti nang kangaa riki n iraea te tirewa, ke te koora man ana auti am toka? 9Nao, ngkana arona b'a iai mai buakora ae a kuneaki baikanne i rouna, ao e na tiringaki, ao ngaira aika nikirana ti na bane n riki b'a am toro.”
10Ao e taku te toro arei, “I kukurei n anne, ma bon ti teuane e kuneaki i rouna te m'angko ae e na riki b'a au toro, ao nikirana a na bane n inaomata n nako.” 11Ma ngaia are, a kawaekoaia ni karuoi aia baeki nako aontano, ao a bane ni kauki. 12Ao e karaua ni kakae raoi ana toro Ioteb'a ni moa mairoun te karimoa ni karokoa te bina, ao e a kuneaki te m'angko n ana baeki Beniamin. 13Ao a raeuai aia kunnikai taari akekei i bukin rawawatan nanoia. A katokai aia b'ai i aon aia aati ma ni manga oki rikaaki nakon te kaawa.
14Ao ngke a roko Iuta ma tarina n ana auti Ioteb'a, ao e bon mena Ioteb'a ikekei. Ao a bobaraaki i matana. 15Ao e taku Ioteb'a nako ia, “Tera ngkai ae kam a karaoia? Kam bon aki ataia b'a I kona ni kuneingkami n te kaiwa?”
16Ao e taku Iuta, “Tera ae ti na kona n taekinna nakoim? Ao tera ae ti na kona ni kauntaekaia? Ti na kanga n taku b'a ti aki bure? E a tia te Atua ni kaotia b'a bon taani bure ngaira.”
17Ao e taku Ioteb'a, “Tiaki ngaia anne. I aki kona ni karaoa anne. Bon ti te aomata are e reke i rouna au m'angko ae na riki b'a au toro. Ao ngkami nikirana kam na oki ma te rau nakon tamami.”
Ana onon Iuta i bukin Beniamin
18Ao e waerake Iuta nakon Ioteb'a ao e taku, “Taiaoka Nao, kariaia b'a N na inaomata n taetae ma ngkoe. Tai un irou, b'a bon ti te arona ngkoe ma te uea. 19Ko titirakiniira ao ko taku, ‘Iai tamami, ao tarimi riki temanna?’ 20Ao ti taku, ‘Eng, iai tamara ae e a kara, ao iai naba tarira ae uarereke, ae e a tib'a bungiaki ngke e a boni kara. E a tia ni mate tarin Beniamin, ao bon ti ngaia ngkai ae e maiu, ao e rangi n tatangiraki iroun tamana. 21Nao, Ko tuangiira b'a ti na kairiia mai b'a ko aonga n nooria, 22ao ti kaekako b'a e aki kona ni kitana tamana te ataei ni mm'aane, b'a ngkana e kitanna, ao e na mate tamana iai.’ 23Ao ko taku nako ira, ‘Kam na bon aki kona ni manga roko i matau ni karokoa kam kaira tarimi are uarereke i rarikimi.
24Ao ngke ti okira tamara, ao ti tuangnga b'aai ake ko taekin. 25Ao i mwiina, e a manga tuangiira b'a ti na manga nako ni kabooa te am'arake riki teutana.’ 26Ao ti taku nako ina, ‘Ti aki kona n nako; ti na bon aki manga roko i matan te aomata arei ni karokoa e iriira tarira are uarereke. Ti tii kona n nako ngkana e m'ananga naba tarira ane uarereke.’ 27Ao e taku tamara nako ira, ‘Kam bon ataia b'a bon ti uoman natiu mm'aane aika e bungiia Nei Rakera. 28E a tia ni kiitanai are temanna. E a tia n raebitiaki irouia mannikaakang, ao I bon tuai man nooria man te tai are e kiitanai iai ni karokoa te tai aei. 29Ao ngkana kam a manga anaa natiu aei ngkai mairou, ao ane N na boni mate n te kangaanga ae kam karaoia nako iu ngkai I a bon aki konab'ai b'a I a kara.’
30Ao e reitanako ana taetae Iuta ma n taku, ‘Ao ngkai, ngkana I nako n okira tamau ao akea te ataei ni mm'aane anne, ao ni bon te tai naba are e nooria iai b'a akea natina irou, ao e na boni mate. 31E bon rangi n tangira natina anne, ao e na bon mate iai b'a e aki kona ni kaitaraa te rawaawata ngkai e a boni kara. 32Ao teuana riki, I berita nakon tamau b'a N na anga maiu i bukin te ataei ni mm'aane. I tuangnga b'a ngkana I aki kaoka te ataei ni mm'aane nako ina, ao e na katuaaeai ni karokoa tokin maiu. 33Ma ngaia ae, I butiiko Nao, N na tiku ikai b'a am toro n onea mwiin te ataei ni mm'aane aei. Kaokia ma tarina. 34N na kanga n okira tamau ngkana e aki irai te ataei ni mm'aane? I a bon aki kona moan te kangaanga are e nang roko nakon tamau.”
Currently Selected:
:
Highlight
Share
Copy
Want to have your highlights saved across all your devices? Sign up or sign in