Karikani B'aai 49
49
Ana kabanea n taeka Iakob'a
1Ao e weteia natina mm'aane Iakob'a ao e taku, “Katobibiai, b'a N na tuangngkami te b'ai ae a na riki ni boong aika a na roko:
2“Booti ngkami, ao kakauongo natiu mm'aane.
Ongora iroun tamami ae Iteraera.
3“Reuben ae au karimoa, boni ngkoe korakorau
Moan natiu i nanon au bong n rorobuaka,
Te kabanea ni kakatonga ma ni korakora i buakoia natiu mm'aane.
4Kanga ai aron te raanga n ran ae buriti airana ngkoe,
Ma ko na aki rangi ni kakannato,
B'a ko matu ma buu ni kewe
Ko bon aki karinea ana kainiwene tamam.
5“Bon taari Timeon ma Rewi.
A kamanenai aia b'ai ni buaka ni karaoa te m'akuri n tiritiri iai.
6N na bon aki rin i nanon aia taetae ni karaba,
N na aki reitaki ma ngaiia n aia kakabowi,
B'a a tiringiia aomata ni marakin nanoia
ao a katoaraaia taian kao i bukin aia takakaro.
7E na mena te maraia i nanon uniia, i bukina ngkai a rangi n tiritiri,
ao i aon naba bonon nanoia, i bukina ngkai a rangi ni bee.
N na kakionakoia mai aon abaia Iteraera.
N na kauamaaeia i buakoia kaain aia kaainga.
8“Iuta, a na neboiko tarim.
Ko tauia am kairiribai mai roroaia.
A na bobaraaki tarim i matam.
9Bon te raian ngkoe Iuta,
E tiringiia konana, ao e uotia nakon b'angana,
E aroria ni wene.
Bon akea ae kona n aki karaua.
10E na taua te oko ni uea Iuta i nanon baina,
Ao a na teimatoa n tautaeka kanoana.
A na anga te m'ane botannaomata nako ina
Ma ni bobaraaki, ao n ongotaeka i rouna.
11E rooa ana aati te teei n te kureebe,
Te kureebe ae rangi n raraoi uaana.
E uati ana kunnikai n te wain.
E uatiia kunnikaina n te wain ae uraura n raraa.
12A uraura matana b'a mwiin te mooi wain,
A mainaina wiina b'a mwiin te mooi miriki.
13“E na maeka Teburun i rarikin taari.
E na riki mataniwin taari are i abana b'a aia matabaiawa kaibuke.
E na rokoroko tian abana i Titon.
14“Bon te aati ae korakora Itaakara
ae wene i aan uotana ake i aon akuuna.
15Ma e nooria b'a e raoiroi te tabo arei
Ao e nooria naba b'a e kakukurei te aba arei.
Ma ngaia are, e a manga kab'aoua nuukana ni uoti uotana akekei
Ao ni kairoroaki ni m'akuri b'a te toro.
16“E na riki Taan b'a te tia tautaekaniia ana aomata.
A na riki b'a aekakiia barongan Iteraera ake tabeua.
17E na riki Taan b'a te naeta i rarikin te kawai,
Te naeta ae rang ni boitin i rarikin te kawai,
Are e tenai waeia taian aoti,
B'a a aonga ni b'aka rikaaki taan toka i aoia.
18“I tataningaa am m'akuri ni kamaiu te UEA.
19“E na buakanaki Kaata i rouia koraki aika taani kimoa,
Ma e na rairakiia ni kakioia.
20“E na katauraoa te am'arake aban Atera.
E na katauraoi am'arake aika a tau i bukin te uea.
21“Bon te ria te aine Nabetari
ae taekin taeka aika raraoi.
22“Kaanga ai aron m'angan te aroka Ioteb'a ae bati uaana,
Te m'aanga n aroka ae tei i rarikin te karaanga n ran;
aika a rabuna aon te o m'angana.
23A buakanna ana kairiribai n te aro ae moan te kamaamate,
Ao a kakioa ma aia kainikatebe ma aia kanoanikatebe.
24Ma e bon tiku n ariraki ana kainikatebe ma ana kanoanikatebe.
Ao a kakorakoraaki angan baina
Ni m'aakan te Atua ae Moan te M'aaka, ae Atuan Iakob'a,
Ae te Tia kawakin tiibu, ae te Tia kawakina Iteraera. 25Bon Atuan tamami ae buokingkami,
Te Atua ae Moan te M'aaka ae kakab'aiaingkami
N te karau mai eta
ao te ran mai aan te aba,
Ao taiani kakab'aia aika kao ma ataei aika m'aiti,
26Taian kakab'aia aika uita ma ueen kaai,
Taian kakab'aia aika maunga ake mangkoa,
B'aai aika kakukurei man taian tabuki ake akea tokiia.
A bia mena taian kakab'aia aikai i aon atuun Ioteb'a,
I aon ram'an te aomata ae raure nako ma tarina nako. 27“Beniamin kaanga ai aron te kameanti ae unun.
E tiritiri ma ni kaakang n te ingabong ma te tairiki.”
28Ao aikai barongan Iteraera ake tengaun ma uoman, ao ana taeka tamaia are e taekin n ana taeka ni karaure aika tamaroa nako ia natina mm'aane n tatabemaniia nako.
29Ao e tuangiia natina Iakob'a ni kaangai, “Ngkai, N nang raoniia au koraki ake n te mate, taunai ma tamau n te b'angani matang are n ana tawaana Eberon are te Itaite, 30are i Makebera i mainikun Mamre n te aba are Kanaan. E kabooa te b'angani matang aei Aberaam mairoun Eberon b'a ana tabo n taunimate. 31Ao bon anne te tabo are a tauna iai Aberaam ma buuna are Nei Taara; a tauna naba iai Itaaka ma buuna are Nei Rebeka; ao a tauna naba iai Nei Reea. 32E kabooaki te tawaana ma te b'angani matang mairouia taian Itaite. Kam na taunai ikekei.” 33Ao ngke a bane ana taeka ni mwioko Iakob'a nakoia natina mm'aane, ao e karaua ni wene, ao e mate.
Currently Selected:
Karikani B'aai 49: KNVB
Highlight
Share
Copy
Want to have your highlights saved across all your devices? Sign up or sign in
Karikani B'aai 49
49
Ana kabanea n taeka Iakob'a
1Ao e weteia natina mm'aane Iakob'a ao e taku, “Katobibiai, b'a N na tuangngkami te b'ai ae a na riki ni boong aika a na roko:
2“Booti ngkami, ao kakauongo natiu mm'aane.
Ongora iroun tamami ae Iteraera.
3“Reuben ae au karimoa, boni ngkoe korakorau
Moan natiu i nanon au bong n rorobuaka,
Te kabanea ni kakatonga ma ni korakora i buakoia natiu mm'aane.
4Kanga ai aron te raanga n ran ae buriti airana ngkoe,
Ma ko na aki rangi ni kakannato,
B'a ko matu ma buu ni kewe
Ko bon aki karinea ana kainiwene tamam.
5“Bon taari Timeon ma Rewi.
A kamanenai aia b'ai ni buaka ni karaoa te m'akuri n tiritiri iai.
6N na bon aki rin i nanon aia taetae ni karaba,
N na aki reitaki ma ngaiia n aia kakabowi,
B'a a tiringiia aomata ni marakin nanoia
ao a katoaraaia taian kao i bukin aia takakaro.
7E na mena te maraia i nanon uniia, i bukina ngkai a rangi n tiritiri,
ao i aon naba bonon nanoia, i bukina ngkai a rangi ni bee.
N na kakionakoia mai aon abaia Iteraera.
N na kauamaaeia i buakoia kaain aia kaainga.
8“Iuta, a na neboiko tarim.
Ko tauia am kairiribai mai roroaia.
A na bobaraaki tarim i matam.
9Bon te raian ngkoe Iuta,
E tiringiia konana, ao e uotia nakon b'angana,
E aroria ni wene.
Bon akea ae kona n aki karaua.
10E na taua te oko ni uea Iuta i nanon baina,
Ao a na teimatoa n tautaeka kanoana.
A na anga te m'ane botannaomata nako ina
Ma ni bobaraaki, ao n ongotaeka i rouna.
11E rooa ana aati te teei n te kureebe,
Te kureebe ae rangi n raraoi uaana.
E uati ana kunnikai n te wain.
E uatiia kunnikaina n te wain ae uraura n raraa.
12A uraura matana b'a mwiin te mooi wain,
A mainaina wiina b'a mwiin te mooi miriki.
13“E na maeka Teburun i rarikin taari.
E na riki mataniwin taari are i abana b'a aia matabaiawa kaibuke.
E na rokoroko tian abana i Titon.
14“Bon te aati ae korakora Itaakara
ae wene i aan uotana ake i aon akuuna.
15Ma e nooria b'a e raoiroi te tabo arei
Ao e nooria naba b'a e kakukurei te aba arei.
Ma ngaia are, e a manga kab'aoua nuukana ni uoti uotana akekei
Ao ni kairoroaki ni m'akuri b'a te toro.
16“E na riki Taan b'a te tia tautaekaniia ana aomata.
A na riki b'a aekakiia barongan Iteraera ake tabeua.
17E na riki Taan b'a te naeta i rarikin te kawai,
Te naeta ae rang ni boitin i rarikin te kawai,
Are e tenai waeia taian aoti,
B'a a aonga ni b'aka rikaaki taan toka i aoia.
18“I tataningaa am m'akuri ni kamaiu te UEA.
19“E na buakanaki Kaata i rouia koraki aika taani kimoa,
Ma e na rairakiia ni kakioia.
20“E na katauraoa te am'arake aban Atera.
E na katauraoi am'arake aika a tau i bukin te uea.
21“Bon te ria te aine Nabetari
ae taekin taeka aika raraoi.
22“Kaanga ai aron m'angan te aroka Ioteb'a ae bati uaana,
Te m'aanga n aroka ae tei i rarikin te karaanga n ran;
aika a rabuna aon te o m'angana.
23A buakanna ana kairiribai n te aro ae moan te kamaamate,
Ao a kakioa ma aia kainikatebe ma aia kanoanikatebe.
24Ma e bon tiku n ariraki ana kainikatebe ma ana kanoanikatebe.
Ao a kakorakoraaki angan baina
Ni m'aakan te Atua ae Moan te M'aaka, ae Atuan Iakob'a,
Ae te Tia kawakin tiibu, ae te Tia kawakina Iteraera. 25Bon Atuan tamami ae buokingkami,
Te Atua ae Moan te M'aaka ae kakab'aiaingkami
N te karau mai eta
ao te ran mai aan te aba,
Ao taiani kakab'aia aika kao ma ataei aika m'aiti,
26Taian kakab'aia aika uita ma ueen kaai,
Taian kakab'aia aika maunga ake mangkoa,
B'aai aika kakukurei man taian tabuki ake akea tokiia.
A bia mena taian kakab'aia aikai i aon atuun Ioteb'a,
I aon ram'an te aomata ae raure nako ma tarina nako. 27“Beniamin kaanga ai aron te kameanti ae unun.
E tiritiri ma ni kaakang n te ingabong ma te tairiki.”
28Ao aikai barongan Iteraera ake tengaun ma uoman, ao ana taeka tamaia are e taekin n ana taeka ni karaure aika tamaroa nako ia natina mm'aane n tatabemaniia nako.
29Ao e tuangiia natina Iakob'a ni kaangai, “Ngkai, N nang raoniia au koraki ake n te mate, taunai ma tamau n te b'angani matang are n ana tawaana Eberon are te Itaite, 30are i Makebera i mainikun Mamre n te aba are Kanaan. E kabooa te b'angani matang aei Aberaam mairoun Eberon b'a ana tabo n taunimate. 31Ao bon anne te tabo are a tauna iai Aberaam ma buuna are Nei Taara; a tauna naba iai Itaaka ma buuna are Nei Rebeka; ao a tauna naba iai Nei Reea. 32E kabooaki te tawaana ma te b'angani matang mairouia taian Itaite. Kam na taunai ikekei.” 33Ao ngke a bane ana taeka ni mwioko Iakob'a nakoia natina mm'aane, ao e karaua ni wene, ao e mate.
Currently Selected:
:
Highlight
Share
Copy
Want to have your highlights saved across all your devices? Sign up or sign in