Nakoaia Ibonga 14
14
Kaitiakan mwin te Rebera
1Aikai tuua ake e anga te UEA nakon Moote 2i bukin kaitiakan te aomata are e a toki mai rouna te rebera.#14.2,3 rebera: Noora kab'arab'araana n 13.3. E na uotaki nakon te ibonga te aomata n te tai are e katanoataaki iai b'a e aki kam'araa, 3ao e na kairiia nako te ibonga n tuoa i tinanikun te kaawa. Ao ngkana e a toki reberana, 4ao e na tuatua te ibonga b'a a na uotaki nako ina uoman mannikiba aika aki kam'araa, n reitaki ma m'akoron te kai are te tiira, ma te karai ae uraura ao m'aangan te utob'a. 5Ao e na manga tuatua te ibonga b'a e na tiringaki temanna te mannikiba i aon te boora are te kaatiibu are kanoaaki n ranin te koburake n ran ae itiaki. 6E na anaa te man are temanna, n ikotaki ma b'angun te kai are te tiira, ma te karai ae uraura, ao m'aangan te utob'a, ao e na kateboi ni kabane i nanon raraan te man are tiringaki. 7E na tatauriia iai te aomata are e na kaitiakaki man aorakina n te raraa arei itiua te tai, ao i mwiina e na katanoataa te aomata anne b'a e a itiaki. Ao e na anaa te man are temanna ni kakibanakoa. 8Ao e na teboka kunnikaina te aomata arei, ao e na korobuataua atuuna, man tebokia; ao e a tib'a itiaki. E a konaa n rin n te kaawa, ma e na aki riirin n um'ana n rianna i nanon itiua riki te bong. 9Ngkana e a koro itiua te bong, ao e na manga korobuataua atuuna, ma buaina, ma ana ari, ao buraen rab'atana ni kabane; e na uatiia kunnikaina man teboka rab'atana, ao e a tib'a itiaki raoi.
10N te kawanua ni bong e na uoti uoman taian tiibuteteei aika m'aane aika akea toabuakan rab'ataia, ao uoman naba tiibu aine aika kaka teuana aia ririki, aika akea naba toabuakan rab'ataia, ao tenua te kirokuraem te buraawa ae renganaki ma b'aan te oriwa, ao te katenim'akoro te riita b'aan te oriwa. 11E na kaira te aomata anne te ibonga ma karea akanne nako matan te UEA ni mataroan ana Um'antabunrianna te UEA. 12Ao i mwiina, e na manga anaa temanna te tiibu teteei te aine te ibonga ma te katenim'akoro te riita b'aan te oriwa, ao e na anga b'a te karea ni kabomwi. #14.12 karea ni kabomwi: Noora 7.1-10. E na anga b'a te b'ai n tangira nakon te UEA i bukin te ibonga. 13E na tiringa te tiibuteteei n te tabo are tabu, are a tiringaki naba iai man aika kawakawa ake i bukin te karea ni kab'arabure, ao te karea ni kabuokaki.#14.13 te karea ni kabuokaki: Noora kab'arab'araan 1.1-3. 14E na anaa raraan te tiibuteteei teutana te ibonga, ao e na kararaaea iai reben taningan te aomata are nang kaitiakaki ma waebuan baina are te atai, ao waebuan waena naba are te atai. 15E na anaa teutana b'aan te oriwa te ibonga, ao e na kab'aroa teutana i nanon baina are te maing, 16ao e na kateboa tabonibaina are te atai, ma n tatauriia nako i matan te UEA itiua te tai. 17E na anaa teutana te b'a are i nanon baina, ao teutana raraan te tiibuteteei ni kararaaea iai reben taningan te aomata are nang kaitiakaki, ni ikotaki naba ma waebuan baina are te atai, ao waebuan waena naba are te atai. 18Ao e na kabanea te b'aa are i nanon baina i atuun te aomata anne. Ao ai anne ngkanne arona ni karaoa te angakarea i bukin te m'akuri ni kaitiaki.
19Ao i mwiina, e na anga te karea ni kab'arabure ao ni karaoa te m'akuri ni kaitiaki. Ao i mwiin anne, e na tiringa te man aika kawakawa are te karea ni kabuokaki, 20ao e na anga ma te karea are te uita i aon te baonikarea. Ao ai anne ngkanne aron te ibonga ni karaoa te m'akuri ni kaitiaki, ao e a itiaki iai te aomata anne.
21Ngkana e rangi ni maiu ni kainano te aomata n te aro are e aki kona ni kareke b'aai aikai, ao e kona ni uota temanna te tiibuteteei ae te m'aane i bukin kaitiakana b'a ana karea ni kabomwi, are te b'ai n tangira nakon te UEA i bukin te ibonga. E kona ni uota ti teuana te kirokuraem te buraawa are renganaki ma b'aan te oriwa i bukin te karea are te uita, ao kateni m'akoron te riita b'aan te oriwa. 22E na uoti naba uoman te taobe, ao uoman naba te bitin, b'a temanna i bukin te karea ni kab'arabure, ao are temanna i bukin te karea ni kabuokaki. 23E na uoti nakon te ibonga i mataroan te Um'antabunrianna b'aai akanne n ana kawani bong ni kaitiakaki. 24E na ana te tiibuteteei te ibonga, ni ikotaki ma b'aan te oriwa, ao e na anga nakon te UEA b'a te b'ai n tituaraoi i bukin te ibonga. 25E na tiringa te tiibuteteei, ao e na anaa raraana teutana, ao e na kararaaea iai reben taningan te aomata anne are te angaatai, ao waebuan baina naba are te angaatai, ao waebuan waena naba are te angaatai. 26Ao te ibonga, e na kab'aroa te b'aa i nanon baina are te angamaing 27ao e na kateboa taboni baina iai are te angaatai ma n tatauriia nako itiua te tai i matan te UEA. 28E na kab'aroa naba teutana te b'a n te tabo are mena iai ngkoa te raraa: are reben taningan te aomata arei are te angaatai, ao waebuan baina naba are te angaatai, ao waebuan waena naba are te angaatai. 29E na kabanea ni kab'aroa te b'aa i nanon baina, ao e na kabira iai atuun te aomata arei, b'a bon anne ngkanne karaoan te m'akuri ni kaitiaki i bukin te aomata anne. 30Ao i mwiina, e na anga temanna te taobe ke te bitin 31i bukin te karea ni kabuokaki. Ao anne ngkanne aron te ibonga ni karaoa te m'akuri ni kaitiaki. 32Ao bon anne ngkanne taian tua i bukin te aomata ae reke i rouna te rebera, ma e aki kona ni karekei b'ain te m'akuri ni kaitiaki aika tangiraki n aron ae b'ainaki.
Te Rebera n taian Auti
33Aikai Tuua ake e anga te UEA nakon Moote ma Aaron, 34ake tuan te rebera#14.34 rebera: N Ebera ti te bo ma te taeka are aorakin te kun ke te b'ai ae e kun ke te bekabeka ni kaai n aron ane n te m'akoro 13. are a reke n auti nako. (A na kamanenaaki tuua aikai irouia Iteraera ngkana a rin n te aba are Kanaan, are te aba are E a kaman anganiia te UEA b'a abaia.) 35Ngkana e kunea te aomata temanna b'a E karokoa te rebera te UEA n ana auti, ao e na riai n nako n tuanga te ibonga taekan te rebera anne. 36E na tuatua te ibonga b'a a na bane ni kaotinakoaki b'aai ni kabane man te auti i m'aain ae rin nako n tuoa te b'ai anne; b'a ngkana aki kaotinakoi b'aai man te auti, ao a na bane ni kam'araa b'ain te auti anne ngkana e tuoa te ibonga ao e na katanoata b'a e a kam'araa te auti anne. Ngkana a tia ni kaotinakoaki b'aai ni kabane, ao e a tib'a kona n rin 37ma n tuoa te rebera arei. Ao ngkana e nooria b'a kaanga e kun, ke baauraura man tabe n rinnako nako nanon oon te auti, 38ao e na otinako man te auti anne, ao e na rokana te auti anne i nanon itiua te bong. 39E na manga okira te auti anne n te kaitiua ni bong ni manga tuoa riki. Ao ngkana e tabe n rakanako te rebera arei, 40ao e na tuatua b'a e na uruakaki burikin te auti n te tabo are e riki iai te rebera arei, ao a na teweaki nako buriki akanne nako tinanikun te kaawa n te tabo are kam'araa. 41Ao i mwiin anne, ao e na manga tuatua b'a e na kabaneaki ni kaakaraki oon nanon te auti, ma te buraatita, ma ni karenakoaki i tinanikun te kaawa n te tabo are e kam'araa. 42A na manga kamanenaaki atiibu aika boou n onei mwiin ake a tia ni kanakoaki, ao e na kanim'aki naba te buraatita ae boou i aon te o.
43Ngkana e a manga kaoti naba te rebera arei i nanon te auti ngke e a tia ni kanakoaki atiibuna, ma ni kaaraki nako buraatitana, 44ao e na manga nako riki te ibonga n nooria. Ao ngkana e a manga kaoti naba te rebera arei, ao e a bon kam'araa te auti anne. 45E na kamaeaki te auti anne, ao a na bane ni karenakoaki atiibuna ma buraatitana i tinanikun te kaawa n te tabo are kam'araa. 46Ngkana iai ane rin n te auti anne n te tai are e rokanaki iai, ao e na kam'araa te aomata anne ni karokoa te tairiki. 47E na uatiia kunnikaina te aomata are wene, ke e am'arake n te auti anne.
48Ngkana e a manga oki te ibonga, ao e aki manga kaoti te rebera arei i mwiin oneakin buraatitana, ao e na katanoataa te auti anne b'a e a itiaki, b'a e a tia ni kanakoaki te rebera mai iai. 49Ao i bukin ngkanne kaitiakan te auti anne, a na karekeaki uoman te mannikiba, tabeua ma n te kai ae te tiira, te karai ae uraura, ao m'aangan te utob'a. 50E na tiringa temanna te mannikiba i aon te boora te tano are iai kanoana are ranin te koburake n ran. 51Ao e na manga anaa te kai ae te tiira ma te karai ae uraura, ao te mannikiba ae maiu, ao e na kateboi ni kabane i nanon raraan te mannikiba are e a tia n tiringaki, ao i nanon naba ranin te koburake n ran. 52Ao i mwiina, e na anaa te kai ae te tiira ma te karai are uraura, ao te mannikiba are maiu, ao e na kateboi i nanon raraan te mannikiba are e a tia n tiringaki, ao i nanon naba ranin te koburake n ran. Ao e na tatauriia iai te auti itiua te tai. 53Ao i mwiina, e na kakibanakoa te mannikiba are maiu. Ao ai anne ngkanne arona ni karaoa te m'akuri ni kaitiaki i bukin te auti, ao e a itiaki te auti anne.
54Ao akanne tuua i bukin aorakin te kun; 55te kinaka, te ngongo, te baauraura, 56ke aorakin te kunnikai ke te auti. 57Bon aikai tuua ake a kona n tuangko b'a e kam'araa te b'ai ke e raoiroi.
Currently Selected:
Nakoaia Ibonga 14: KNVB
Highlight
Share
Copy
Want to have your highlights saved across all your devices? Sign up or sign in
Nakoaia Ibonga 14
14
Kaitiakan mwin te Rebera
1Aikai tuua ake e anga te UEA nakon Moote 2i bukin kaitiakan te aomata are e a toki mai rouna te rebera.#14.2,3 rebera: Noora kab'arab'araana n 13.3. E na uotaki nakon te ibonga te aomata n te tai are e katanoataaki iai b'a e aki kam'araa, 3ao e na kairiia nako te ibonga n tuoa i tinanikun te kaawa. Ao ngkana e a toki reberana, 4ao e na tuatua te ibonga b'a a na uotaki nako ina uoman mannikiba aika aki kam'araa, n reitaki ma m'akoron te kai are te tiira, ma te karai ae uraura ao m'aangan te utob'a. 5Ao e na manga tuatua te ibonga b'a e na tiringaki temanna te mannikiba i aon te boora are te kaatiibu are kanoaaki n ranin te koburake n ran ae itiaki. 6E na anaa te man are temanna, n ikotaki ma b'angun te kai are te tiira, ma te karai ae uraura, ao m'aangan te utob'a, ao e na kateboi ni kabane i nanon raraan te man are tiringaki. 7E na tatauriia iai te aomata are e na kaitiakaki man aorakina n te raraa arei itiua te tai, ao i mwiina e na katanoataa te aomata anne b'a e a itiaki. Ao e na anaa te man are temanna ni kakibanakoa. 8Ao e na teboka kunnikaina te aomata arei, ao e na korobuataua atuuna, man tebokia; ao e a tib'a itiaki. E a konaa n rin n te kaawa, ma e na aki riirin n um'ana n rianna i nanon itiua riki te bong. 9Ngkana e a koro itiua te bong, ao e na manga korobuataua atuuna, ma buaina, ma ana ari, ao buraen rab'atana ni kabane; e na uatiia kunnikaina man teboka rab'atana, ao e a tib'a itiaki raoi.
10N te kawanua ni bong e na uoti uoman taian tiibuteteei aika m'aane aika akea toabuakan rab'ataia, ao uoman naba tiibu aine aika kaka teuana aia ririki, aika akea naba toabuakan rab'ataia, ao tenua te kirokuraem te buraawa ae renganaki ma b'aan te oriwa, ao te katenim'akoro te riita b'aan te oriwa. 11E na kaira te aomata anne te ibonga ma karea akanne nako matan te UEA ni mataroan ana Um'antabunrianna te UEA. 12Ao i mwiina, e na manga anaa temanna te tiibu teteei te aine te ibonga ma te katenim'akoro te riita b'aan te oriwa, ao e na anga b'a te karea ni kabomwi. #14.12 karea ni kabomwi: Noora 7.1-10. E na anga b'a te b'ai n tangira nakon te UEA i bukin te ibonga. 13E na tiringa te tiibuteteei n te tabo are tabu, are a tiringaki naba iai man aika kawakawa ake i bukin te karea ni kab'arabure, ao te karea ni kabuokaki.#14.13 te karea ni kabuokaki: Noora kab'arab'araan 1.1-3. 14E na anaa raraan te tiibuteteei teutana te ibonga, ao e na kararaaea iai reben taningan te aomata are nang kaitiakaki ma waebuan baina are te atai, ao waebuan waena naba are te atai. 15E na anaa teutana b'aan te oriwa te ibonga, ao e na kab'aroa teutana i nanon baina are te maing, 16ao e na kateboa tabonibaina are te atai, ma n tatauriia nako i matan te UEA itiua te tai. 17E na anaa teutana te b'a are i nanon baina, ao teutana raraan te tiibuteteei ni kararaaea iai reben taningan te aomata are nang kaitiakaki, ni ikotaki naba ma waebuan baina are te atai, ao waebuan waena naba are te atai. 18Ao e na kabanea te b'aa are i nanon baina i atuun te aomata anne. Ao ai anne ngkanne arona ni karaoa te angakarea i bukin te m'akuri ni kaitiaki.
19Ao i mwiina, e na anga te karea ni kab'arabure ao ni karaoa te m'akuri ni kaitiaki. Ao i mwiin anne, e na tiringa te man aika kawakawa are te karea ni kabuokaki, 20ao e na anga ma te karea are te uita i aon te baonikarea. Ao ai anne ngkanne aron te ibonga ni karaoa te m'akuri ni kaitiaki, ao e a itiaki iai te aomata anne.
21Ngkana e rangi ni maiu ni kainano te aomata n te aro are e aki kona ni kareke b'aai aikai, ao e kona ni uota temanna te tiibuteteei ae te m'aane i bukin kaitiakana b'a ana karea ni kabomwi, are te b'ai n tangira nakon te UEA i bukin te ibonga. E kona ni uota ti teuana te kirokuraem te buraawa are renganaki ma b'aan te oriwa i bukin te karea are te uita, ao kateni m'akoron te riita b'aan te oriwa. 22E na uoti naba uoman te taobe, ao uoman naba te bitin, b'a temanna i bukin te karea ni kab'arabure, ao are temanna i bukin te karea ni kabuokaki. 23E na uoti nakon te ibonga i mataroan te Um'antabunrianna b'aai akanne n ana kawani bong ni kaitiakaki. 24E na ana te tiibuteteei te ibonga, ni ikotaki ma b'aan te oriwa, ao e na anga nakon te UEA b'a te b'ai n tituaraoi i bukin te ibonga. 25E na tiringa te tiibuteteei, ao e na anaa raraana teutana, ao e na kararaaea iai reben taningan te aomata anne are te angaatai, ao waebuan baina naba are te angaatai, ao waebuan waena naba are te angaatai. 26Ao te ibonga, e na kab'aroa te b'aa i nanon baina are te angamaing 27ao e na kateboa taboni baina iai are te angaatai ma n tatauriia nako itiua te tai i matan te UEA. 28E na kab'aroa naba teutana te b'a n te tabo are mena iai ngkoa te raraa: are reben taningan te aomata arei are te angaatai, ao waebuan baina naba are te angaatai, ao waebuan waena naba are te angaatai. 29E na kabanea ni kab'aroa te b'aa i nanon baina, ao e na kabira iai atuun te aomata arei, b'a bon anne ngkanne karaoan te m'akuri ni kaitiaki i bukin te aomata anne. 30Ao i mwiina, e na anga temanna te taobe ke te bitin 31i bukin te karea ni kabuokaki. Ao anne ngkanne aron te ibonga ni karaoa te m'akuri ni kaitiaki. 32Ao bon anne ngkanne taian tua i bukin te aomata ae reke i rouna te rebera, ma e aki kona ni karekei b'ain te m'akuri ni kaitiaki aika tangiraki n aron ae b'ainaki.
Te Rebera n taian Auti
33Aikai Tuua ake e anga te UEA nakon Moote ma Aaron, 34ake tuan te rebera#14.34 rebera: N Ebera ti te bo ma te taeka are aorakin te kun ke te b'ai ae e kun ke te bekabeka ni kaai n aron ane n te m'akoro 13. are a reke n auti nako. (A na kamanenaaki tuua aikai irouia Iteraera ngkana a rin n te aba are Kanaan, are te aba are E a kaman anganiia te UEA b'a abaia.) 35Ngkana e kunea te aomata temanna b'a E karokoa te rebera te UEA n ana auti, ao e na riai n nako n tuanga te ibonga taekan te rebera anne. 36E na tuatua te ibonga b'a a na bane ni kaotinakoaki b'aai ni kabane man te auti i m'aain ae rin nako n tuoa te b'ai anne; b'a ngkana aki kaotinakoi b'aai man te auti, ao a na bane ni kam'araa b'ain te auti anne ngkana e tuoa te ibonga ao e na katanoata b'a e a kam'araa te auti anne. Ngkana a tia ni kaotinakoaki b'aai ni kabane, ao e a tib'a kona n rin 37ma n tuoa te rebera arei. Ao ngkana e nooria b'a kaanga e kun, ke baauraura man tabe n rinnako nako nanon oon te auti, 38ao e na otinako man te auti anne, ao e na rokana te auti anne i nanon itiua te bong. 39E na manga okira te auti anne n te kaitiua ni bong ni manga tuoa riki. Ao ngkana e tabe n rakanako te rebera arei, 40ao e na tuatua b'a e na uruakaki burikin te auti n te tabo are e riki iai te rebera arei, ao a na teweaki nako buriki akanne nako tinanikun te kaawa n te tabo are kam'araa. 41Ao i mwiin anne, ao e na manga tuatua b'a e na kabaneaki ni kaakaraki oon nanon te auti, ma te buraatita, ma ni karenakoaki i tinanikun te kaawa n te tabo are e kam'araa. 42A na manga kamanenaaki atiibu aika boou n onei mwiin ake a tia ni kanakoaki, ao e na kanim'aki naba te buraatita ae boou i aon te o.
43Ngkana e a manga kaoti naba te rebera arei i nanon te auti ngke e a tia ni kanakoaki atiibuna, ma ni kaaraki nako buraatitana, 44ao e na manga nako riki te ibonga n nooria. Ao ngkana e a manga kaoti naba te rebera arei, ao e a bon kam'araa te auti anne. 45E na kamaeaki te auti anne, ao a na bane ni karenakoaki atiibuna ma buraatitana i tinanikun te kaawa n te tabo are kam'araa. 46Ngkana iai ane rin n te auti anne n te tai are e rokanaki iai, ao e na kam'araa te aomata anne ni karokoa te tairiki. 47E na uatiia kunnikaina te aomata are wene, ke e am'arake n te auti anne.
48Ngkana e a manga oki te ibonga, ao e aki manga kaoti te rebera arei i mwiin oneakin buraatitana, ao e na katanoataa te auti anne b'a e a itiaki, b'a e a tia ni kanakoaki te rebera mai iai. 49Ao i bukin ngkanne kaitiakan te auti anne, a na karekeaki uoman te mannikiba, tabeua ma n te kai ae te tiira, te karai ae uraura, ao m'aangan te utob'a. 50E na tiringa temanna te mannikiba i aon te boora te tano are iai kanoana are ranin te koburake n ran. 51Ao e na manga anaa te kai ae te tiira ma te karai ae uraura, ao te mannikiba ae maiu, ao e na kateboi ni kabane i nanon raraan te mannikiba are e a tia n tiringaki, ao i nanon naba ranin te koburake n ran. 52Ao i mwiina, e na anaa te kai ae te tiira ma te karai are uraura, ao te mannikiba are maiu, ao e na kateboi i nanon raraan te mannikiba are e a tia n tiringaki, ao i nanon naba ranin te koburake n ran. Ao e na tatauriia iai te auti itiua te tai. 53Ao i mwiina, e na kakibanakoa te mannikiba are maiu. Ao ai anne ngkanne arona ni karaoa te m'akuri ni kaitiaki i bukin te auti, ao e a itiaki te auti anne.
54Ao akanne tuua i bukin aorakin te kun; 55te kinaka, te ngongo, te baauraura, 56ke aorakin te kunnikai ke te auti. 57Bon aikai tuua ake a kona n tuangko b'a e kam'araa te b'ai ke e raoiroi.
Currently Selected:
:
Highlight
Share
Copy
Want to have your highlights saved across all your devices? Sign up or sign in