Nakoaia Ibonga 23
23
Kaetieti I bukin te naa n Toa i nanon te naa n Aro
1E tuangaki Moote iroun te UEA 2b'a e na tuangiia Iteraera ni kaangai: I a tia n rinei taai i bukimi b'a kam na bootaki n taromauriai. 3Iai onoua ami bong ae kam kona ni karaoi ami m'akuri iai, ma e tabu te kaitiua ni bong ni katoa wiiki i bukina b'a bon au bong. E aki akaaka b'a kam mena ia, ma kam riai ni motirawa n te Taabati#23.3 Taabati; Aia Taabati Iutaia are te Kaonobong. ao ni bootaki n taromauri iai. E na tai bitaki te tua aei. 4Tataekin tooa aikai n taia.
Te Riao, te Toa are te Kariki are Manii
(War 28.16-25)
5Te Riao bon ami tai naba ni bootaki n taromauriai, ao e riai n rungaaki n tairikin katebwi ma aua ni bongin te moan nam'akaina 6E moa te Toa are te Kariki ae Aki Karikaki mani katebwi ma nimauan naba te nam'akaina aei; e na karaoaki i nanon itiua te bong, ao i nanon boong aikai kam riai ni karineai ni kanakin te kariki ae e aki karikaki. 7Ni moani bongin te toa aei kam riai ni motirawa man ami m'akuri nako ao kam na bobotaki n taromauri. 8Ni katoa bong i nanon tain te toa aei kam riai n angakarea. Ni kabaneani bongina kam riai naba ni motirawa man ami m'akuri nako, ao kam na bootaki n taromauriai. Akea te m'akuri teuana ae e na karaoaki iai. 9E tuangaki Moote iroun Te UEA 10b'a e na kaangai nakoia Iteraera:
Ngkana kam rin n te aba are N anganingkami, ao kam na anganai te moani b'ab'ati ni uaa nako. Ma ngaia are, angan te ibonga 11n te bong are i mwin te Taabati. E na tabekia rake #23.11 tabekia rake: Noora kab'arab'araan 7.30. ni katabua nako Iu, ao N na butim'aia. 12Kam riai n anga te karea ni kakukureiai. Ma ngaia are, angan te ibonga te tiibuteteei ae ai tib'a teuana ana ririki ae akea naba nukana, 13n ikotaki ma uoua te kiro te buraawa ae e manti raoi ae e renganaki n te oera. E na katokaa i aon te baonikarea are te buraonti, ao e na kanakoa nako Iu n te bubu ae e boiarara ae e kakukureiai. I rarikin naba baikai, kam riai naba n uota teuana te riita te wain b'a te karea ae te mooi. 14Boni ngai Atuami, ao I ribaingkami ni kana te uaanikai ae e uangingi ae e boou, ke te b'ai teuana ae e karaoaki mai iai, ma ti ngkana kam a tia n anganai moa te karea aei. E na tai bitaki te tua aei.
Te Toa ae te Tai
(War 28.26-31)
E taku te UEA: 15Itiua te wiiki i mwiin kareanakin b'ab'ati ni uaa aika a uangingi aikai, ao utu n tatabeua nako a riai n uota te karea ae boou ae uaanikai aika a uangingi. 16Karaoa raoi aei i mwin nimabwi te bong, ae bon te bong are i mwiin te kaitiua n Taabati. 17Uoti uoua kariki ni buraawa b'a a na tabekaki rake ni katabuakaki nako Iu. Kariki ni buraawa aikai n tatabeua nako a na karikaki ma te iti ao uoua te kiro te buraawa ae manti raoi ake mani moani m'akoron ami tai. 18N te tai naba aei, ao Iteraera a na riai n uoti itiman te tiibu teteei aika ai tib'a kaka teuana aia ririki, temanna te kao te teei ae te m'aane, ao uoman tiibu aine. Man aika kawakawa aikai a riai n akea nukaia, ao a riai ni kareanaki b'a karea ni kabuokaki nakon te UEA, n raonaki ma karea ake a uangingi, ao te karea are te mooi te wain. 19Kareana te kooti b'a te karea i bukin te bure, ao uoman tiibu aika kaka teuana aia ririki b'a te naa ni karea n raoi. 20E na tabeki rake te ibonga tiibu aikai ma te kariki ni katabuaki nako Iu. A tabu karea aikai ao bon au b'ai n tangira nakoia ibonga. 21Aio bon te bongi n runga ma n taromauri, ae te tai ni motirawa man ami m'akuri. Ngkami ma kanoami kam riai n ongotaeka nakon te tua aei. 22Ngkana kam taii ami uaa ake a uangingi, katei tabeua n taai nako i rarikin nako ami tawaana ao tai anai akana a b'aka nako aontano. Katikui nakoia ake a kainano ma iruwa akana a maeka i buakomi. Bon te UEA Ngai ae Atuami.
Te Toa are Katangan Bu
(War 29.1-6)
23E tuangaki Moote iroun Te UEA, 24b'a e na kaangai nakoia Iteraera: E na riai n riki moa ni bongin te kaitiua n nam'akaina b'a te bongi ni motirawa ae e b'anin. Ma ngaia are, n tangin te naa ni bu, ao kam riai ni bootaki n taromauri ao n angakarea i aon te baonikarea. 25Kam na anga te karea are te am'arake nakon te UEA, ao kam na tai karaoa te m'akuri teuana iai.
Te Bong ni Kab'arabure
(War 29.7-11)
26E taku te UEA ae te Atua nakoni Moote, 27N te Katebwina ni bongin te kaitiua n nam'akaina bon te Bong ae Kakannato i bukin te Kab'arabure: #23.27 Noora kab'arab'araana n te 16.34. Boni bongin te taromauri; a riai aomata ni kabane n aki am'arake ni kaota nanokawakiia i bukin aia bure, ao a riai ni kabuokaki karea. 28Akea ae e na m'akuri n te bong anne, bon te Bong i bukin te Kab'arabure, ike N nang anganaki iai te naa ni karea, b'a I aonga ni kab'arai ami bure. 29N na kamaunaa ane e rawa ni karaoa te aki mamatam. 30Bon akea temanna irouia au aomata ae e na karaoa te m'akuri naba teutana n te bong anne, ngkai ao ni boong aika a na roko. N na kanakoia akana karaoa te m'akuri. 31Bon akea te m'akuri teuana ae kam na karaoia. Aio te tua ae na karaoaki nanona i roumi irouia ami roro nako, n taabo nako. 32Mani bungin taai ni karuaiwan bongin te nam'akaina nakon bungin taai ni katebwinan bongina kam na motirawa iai, ao akea te bae kam na kanna naba iai.
Kauringaan te Toa ae M'anganikaai
(War 29.12-40)
33E tuangaki Moote iroun te UEA 34b'a e na kaangai nakoia Iteraera: Ni moanaki mani katebwi ma nimauani bongin te kaitiua n nam'akaina n reiti nako ni karokoa itiua te bong, ni kabane te koraki a na kauringa te Toa ae M'anganikaai i bukin karineau. 35Akea temanna ae e na karaoa te m'akuri ni moani bongin te toa, bon te tai n roko i bukin te taromauri. 36E na angakarea te aba i aon te baonikarea i nanon itiua te bong. Ao n te kawani bong bon tain naba te motirawa ae e b'anin, ao bon te bongi naba n angakarea i aon te baonikarea, ao n roko ni bootaki n taromauri. 37I a tia n rinei taian toa aikai b'a aia tai au aomata n roko ao ni bootaki n taromauri, ao n anga naba te naa ni karea aika maan aika kawakawa, uaanikai aika a uangingi, ao te wain. E na anga te aba karea aikai ni bongiia. 38A riai n rungaaki tooa aikai b'a raon te Taabati, ao taai naba ake kam anga b'aintangira iai, ao n raon naba karea i bukini kaawakinan te berita ke karea n anganano. 39Uringnga ni moana te Toa ae M'anganikaai mani katebwi ma nimauan bongin te kaitiua n nam'akaina i mwin taian ami uaa. Rungaa te toa aei i nanon itiua te bong ni karineai, ao tai karaoa te m'akuri ni moani bongina, ke n te bong are i mwin te runga. 40Anai moan uaan arokami ao koroi m'aangana akana a bati baana ni kabonganai n tain te runga ni kukurei aei i bukin karineau. 41I tuangngkami b'a kam na rungaa te toa aei n te kaitiua n nam'akaina ni katoa ririki. 42A riai ni maeka Iteraera n te naan um'anrianna i nanon itiua te bong, 43b'a a aonga n ataia rooro aika a na roko b'a I kamaekaia aia bakatibu i nanon um'anrianna ngke I kaotinakoia mai Aikubita. Boni Ngai te UEA ae Atuami. 44Aio aroni Moote n tuangiia Iteraera aron rungaakin ana toa te UEA.
Currently Selected:
Nakoaia Ibonga 23: KNVB
Highlight
Share
Copy
Want to have your highlights saved across all your devices? Sign up or sign in
Nakoaia Ibonga 23
23
Kaetieti I bukin te naa n Toa i nanon te naa n Aro
1E tuangaki Moote iroun te UEA 2b'a e na tuangiia Iteraera ni kaangai: I a tia n rinei taai i bukimi b'a kam na bootaki n taromauriai. 3Iai onoua ami bong ae kam kona ni karaoi ami m'akuri iai, ma e tabu te kaitiua ni bong ni katoa wiiki i bukina b'a bon au bong. E aki akaaka b'a kam mena ia, ma kam riai ni motirawa n te Taabati#23.3 Taabati; Aia Taabati Iutaia are te Kaonobong. ao ni bootaki n taromauri iai. E na tai bitaki te tua aei. 4Tataekin tooa aikai n taia.
Te Riao, te Toa are te Kariki are Manii
(War 28.16-25)
5Te Riao bon ami tai naba ni bootaki n taromauriai, ao e riai n rungaaki n tairikin katebwi ma aua ni bongin te moan nam'akaina 6E moa te Toa are te Kariki ae Aki Karikaki mani katebwi ma nimauan naba te nam'akaina aei; e na karaoaki i nanon itiua te bong, ao i nanon boong aikai kam riai ni karineai ni kanakin te kariki ae e aki karikaki. 7Ni moani bongin te toa aei kam riai ni motirawa man ami m'akuri nako ao kam na bobotaki n taromauri. 8Ni katoa bong i nanon tain te toa aei kam riai n angakarea. Ni kabaneani bongina kam riai naba ni motirawa man ami m'akuri nako, ao kam na bootaki n taromauriai. Akea te m'akuri teuana ae e na karaoaki iai. 9E tuangaki Moote iroun Te UEA 10b'a e na kaangai nakoia Iteraera:
Ngkana kam rin n te aba are N anganingkami, ao kam na anganai te moani b'ab'ati ni uaa nako. Ma ngaia are, angan te ibonga 11n te bong are i mwin te Taabati. E na tabekia rake #23.11 tabekia rake: Noora kab'arab'araan 7.30. ni katabua nako Iu, ao N na butim'aia. 12Kam riai n anga te karea ni kakukureiai. Ma ngaia are, angan te ibonga te tiibuteteei ae ai tib'a teuana ana ririki ae akea naba nukana, 13n ikotaki ma uoua te kiro te buraawa ae e manti raoi ae e renganaki n te oera. E na katokaa i aon te baonikarea are te buraonti, ao e na kanakoa nako Iu n te bubu ae e boiarara ae e kakukureiai. I rarikin naba baikai, kam riai naba n uota teuana te riita te wain b'a te karea ae te mooi. 14Boni ngai Atuami, ao I ribaingkami ni kana te uaanikai ae e uangingi ae e boou, ke te b'ai teuana ae e karaoaki mai iai, ma ti ngkana kam a tia n anganai moa te karea aei. E na tai bitaki te tua aei.
Te Toa ae te Tai
(War 28.26-31)
E taku te UEA: 15Itiua te wiiki i mwiin kareanakin b'ab'ati ni uaa aika a uangingi aikai, ao utu n tatabeua nako a riai n uota te karea ae boou ae uaanikai aika a uangingi. 16Karaoa raoi aei i mwin nimabwi te bong, ae bon te bong are i mwiin te kaitiua n Taabati. 17Uoti uoua kariki ni buraawa b'a a na tabekaki rake ni katabuakaki nako Iu. Kariki ni buraawa aikai n tatabeua nako a na karikaki ma te iti ao uoua te kiro te buraawa ae manti raoi ake mani moani m'akoron ami tai. 18N te tai naba aei, ao Iteraera a na riai n uoti itiman te tiibu teteei aika ai tib'a kaka teuana aia ririki, temanna te kao te teei ae te m'aane, ao uoman tiibu aine. Man aika kawakawa aikai a riai n akea nukaia, ao a riai ni kareanaki b'a karea ni kabuokaki nakon te UEA, n raonaki ma karea ake a uangingi, ao te karea are te mooi te wain. 19Kareana te kooti b'a te karea i bukin te bure, ao uoman tiibu aika kaka teuana aia ririki b'a te naa ni karea n raoi. 20E na tabeki rake te ibonga tiibu aikai ma te kariki ni katabuaki nako Iu. A tabu karea aikai ao bon au b'ai n tangira nakoia ibonga. 21Aio bon te bongi n runga ma n taromauri, ae te tai ni motirawa man ami m'akuri. Ngkami ma kanoami kam riai n ongotaeka nakon te tua aei. 22Ngkana kam taii ami uaa ake a uangingi, katei tabeua n taai nako i rarikin nako ami tawaana ao tai anai akana a b'aka nako aontano. Katikui nakoia ake a kainano ma iruwa akana a maeka i buakomi. Bon te UEA Ngai ae Atuami.
Te Toa are Katangan Bu
(War 29.1-6)
23E tuangaki Moote iroun Te UEA, 24b'a e na kaangai nakoia Iteraera: E na riai n riki moa ni bongin te kaitiua n nam'akaina b'a te bongi ni motirawa ae e b'anin. Ma ngaia are, n tangin te naa ni bu, ao kam riai ni bootaki n taromauri ao n angakarea i aon te baonikarea. 25Kam na anga te karea are te am'arake nakon te UEA, ao kam na tai karaoa te m'akuri teuana iai.
Te Bong ni Kab'arabure
(War 29.7-11)
26E taku te UEA ae te Atua nakoni Moote, 27N te Katebwina ni bongin te kaitiua n nam'akaina bon te Bong ae Kakannato i bukin te Kab'arabure: #23.27 Noora kab'arab'araana n te 16.34. Boni bongin te taromauri; a riai aomata ni kabane n aki am'arake ni kaota nanokawakiia i bukin aia bure, ao a riai ni kabuokaki karea. 28Akea ae e na m'akuri n te bong anne, bon te Bong i bukin te Kab'arabure, ike N nang anganaki iai te naa ni karea, b'a I aonga ni kab'arai ami bure. 29N na kamaunaa ane e rawa ni karaoa te aki mamatam. 30Bon akea temanna irouia au aomata ae e na karaoa te m'akuri naba teutana n te bong anne, ngkai ao ni boong aika a na roko. N na kanakoia akana karaoa te m'akuri. 31Bon akea te m'akuri teuana ae kam na karaoia. Aio te tua ae na karaoaki nanona i roumi irouia ami roro nako, n taabo nako. 32Mani bungin taai ni karuaiwan bongin te nam'akaina nakon bungin taai ni katebwinan bongina kam na motirawa iai, ao akea te bae kam na kanna naba iai.
Kauringaan te Toa ae M'anganikaai
(War 29.12-40)
33E tuangaki Moote iroun te UEA 34b'a e na kaangai nakoia Iteraera: Ni moanaki mani katebwi ma nimauani bongin te kaitiua n nam'akaina n reiti nako ni karokoa itiua te bong, ni kabane te koraki a na kauringa te Toa ae M'anganikaai i bukin karineau. 35Akea temanna ae e na karaoa te m'akuri ni moani bongin te toa, bon te tai n roko i bukin te taromauri. 36E na angakarea te aba i aon te baonikarea i nanon itiua te bong. Ao n te kawani bong bon tain naba te motirawa ae e b'anin, ao bon te bongi naba n angakarea i aon te baonikarea, ao n roko ni bootaki n taromauri. 37I a tia n rinei taian toa aikai b'a aia tai au aomata n roko ao ni bootaki n taromauri, ao n anga naba te naa ni karea aika maan aika kawakawa, uaanikai aika a uangingi, ao te wain. E na anga te aba karea aikai ni bongiia. 38A riai n rungaaki tooa aikai b'a raon te Taabati, ao taai naba ake kam anga b'aintangira iai, ao n raon naba karea i bukini kaawakinan te berita ke karea n anganano. 39Uringnga ni moana te Toa ae M'anganikaai mani katebwi ma nimauan bongin te kaitiua n nam'akaina i mwin taian ami uaa. Rungaa te toa aei i nanon itiua te bong ni karineai, ao tai karaoa te m'akuri ni moani bongina, ke n te bong are i mwin te runga. 40Anai moan uaan arokami ao koroi m'aangana akana a bati baana ni kabonganai n tain te runga ni kukurei aei i bukin karineau. 41I tuangngkami b'a kam na rungaa te toa aei n te kaitiua n nam'akaina ni katoa ririki. 42A riai ni maeka Iteraera n te naan um'anrianna i nanon itiua te bong, 43b'a a aonga n ataia rooro aika a na roko b'a I kamaekaia aia bakatibu i nanon um'anrianna ngke I kaotinakoia mai Aikubita. Boni Ngai te UEA ae Atuami. 44Aio aroni Moote n tuangiia Iteraera aron rungaakin ana toa te UEA.
Currently Selected:
:
Highlight
Share
Copy
Want to have your highlights saved across all your devices? Sign up or sign in