Sam 66
66
Sam Kranzpnu-esz'mz-nrade-esz'mz (66)
Nzayzlu-zvz-krbz Gct Natq Kxnztubqng
Nabz kx nzyrbz mz kxrmailz ngr dzbe kxnzngrng.
Lr Nrlc
1Lr nrlc amrlx
Namalqlvzlr Gct,
2Mz nzangrlvz-krdr nzmyalzkr drtqde,
X mz nzglqlz-krdr nide mz nabz kxyrlvi.
3X narpibzku bade kx, “Da amrlx kcng tqaleqng nzkctitxpxng.
X enqmi rmqng nzmetxpebzng bam mz nzetu-zlwzkr zmatq ngrm.
4X lr nrlc amrlx nzangiolr nim,
Mz nzglqlz-krdr nim x nzarmyalz-krdr drtqm.”
Lr Israel
5Nadcpx mz drtwrgu da kx nzkctipxng,
Kcng tqalemqng Gct bagu, nigu leplz nedeng.
6Akipxle Prla Bla x aesakile nzyrlekr LueJodzn
Mz nzyrlq-krbzle me mingrng kx navzki melrmqgung.
X mzli ka na-awi-ngr-kzpzku bade da lcng.
7Murde aclve-alole mz zmatq ngrde.
X yrlq zvz mzte lr mrkzbleng murde ma tzglqpx-lzbqng mz nzxpqbrlr-krdr nide.
Nigu Amrlx
8A' nimu lr mrkzbleng naglqlz-kzamu Gct rgr,
Mz nzangrlvz-kato-krmu nide.
9Murde nide kc tqaclve-zvzbzle nzlu-krgr,
X tr-rlrpx-ngrdeu nzaovxiokr enqmi nigr.
10Gct, kxmule-esz' atubqtipeq nigr, kx nabzgr nalqngi,
Mz nzapu-krgr silvz kc tqyrleni, x zblqki rde navztx.
11X kxmule-esz' rlrpx-ngrn nzesabrtingr nigr,
X batrpzme nzrglq-krgr da kx mrlepu.
12X kxmule-esz' rlr-ngrbzme mz enqmi rgrng nzrnzbrti-krdr nigr,
X vztrkr mz nabz nzkxpungr
Kx apule nyr x nrc kxoda,
A' mzli ka sc tqyzlumipe-mope' nigr me na-arlapx-ngrgr.
13-15X ayzlu-kzpe' natqnge mz mzlir nzkxpu-krngeng,
X delc naka-ngrbo bam da kcng tqpibo.
Rtwzmc animol kxncblongr kx oliqtix mz olta nyzm,
Mz nzangc-krbzlr bam mz Mangr-nzangiongr.
Murde zsikapu ngrdr navzdzbz,
Nangi dalr nzawi-krbo bam.
Okatrle ninge
16Nimu amrlx kcng tzangiolr Gct, lalztqmamu bange,
Mz nzpi-krbo bamu da kcng tqalemleng bange.
17Mz nzbrtikr drtwrnge nide, krka'bo bade,
Mz nzoliqti-krnge nzawi-krbo bade mz nzayzlu-krmle natqnge.
18-19X ayzlu-zpwxmle natqnge murde plztipxbo alwx rngeng.
A' rblx nzxlr-krde nzkrka'kr doa kx nabzde blqki.
20Awitx-zlwzbo mz Gct murde trpx-ngrdeu nzkrka'-krnge,
X trpx-kz-ngrdeu nzaodu-krde ninge.
Currently Selected:
Sam 66: ntu
Highlight
Share
Compare
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
Sam 66
66
Sam Kranzpnu-esz'mz-nrade-esz'mz (66)
Nzayzlu-zvz-krbz Gct Natq Kxnztubqng
Nabz kx nzyrbz mz kxrmailz ngr dzbe kxnzngrng.
Lr Nrlc
1Lr nrlc amrlx
Namalqlvzlr Gct,
2Mz nzangrlvz-krdr nzmyalzkr drtqde,
X mz nzglqlz-krdr nide mz nabz kxyrlvi.
3X narpibzku bade kx, “Da amrlx kcng tqaleqng nzkctitxpxng.
X enqmi rmqng nzmetxpebzng bam mz nzetu-zlwzkr zmatq ngrm.
4X lr nrlc amrlx nzangiolr nim,
Mz nzglqlz-krdr nim x nzarmyalz-krdr drtqm.”
Lr Israel
5Nadcpx mz drtwrgu da kx nzkctipxng,
Kcng tqalemqng Gct bagu, nigu leplz nedeng.
6Akipxle Prla Bla x aesakile nzyrlekr LueJodzn
Mz nzyrlq-krbzle me mingrng kx navzki melrmqgung.
X mzli ka na-awi-ngr-kzpzku bade da lcng.
7Murde aclve-alole mz zmatq ngrde.
X yrlq zvz mzte lr mrkzbleng murde ma tzglqpx-lzbqng mz nzxpqbrlr-krdr nide.
Nigu Amrlx
8A' nimu lr mrkzbleng naglqlz-kzamu Gct rgr,
Mz nzangrlvz-kato-krmu nide.
9Murde nide kc tqaclve-zvzbzle nzlu-krgr,
X tr-rlrpx-ngrdeu nzaovxiokr enqmi nigr.
10Gct, kxmule-esz' atubqtipeq nigr, kx nabzgr nalqngi,
Mz nzapu-krgr silvz kc tqyrleni, x zblqki rde navztx.
11X kxmule-esz' rlrpx-ngrn nzesabrtingr nigr,
X batrpzme nzrglq-krgr da kx mrlepu.
12X kxmule-esz' rlr-ngrbzme mz enqmi rgrng nzrnzbrti-krdr nigr,
X vztrkr mz nabz nzkxpungr
Kx apule nyr x nrc kxoda,
A' mzli ka sc tqyzlumipe-mope' nigr me na-arlapx-ngrgr.
13-15X ayzlu-kzpe' natqnge mz mzlir nzkxpu-krngeng,
X delc naka-ngrbo bam da kcng tqpibo.
Rtwzmc animol kxncblongr kx oliqtix mz olta nyzm,
Mz nzangc-krbzlr bam mz Mangr-nzangiongr.
Murde zsikapu ngrdr navzdzbz,
Nangi dalr nzawi-krbo bam.
Okatrle ninge
16Nimu amrlx kcng tzangiolr Gct, lalztqmamu bange,
Mz nzpi-krbo bamu da kcng tqalemleng bange.
17Mz nzbrtikr drtwrnge nide, krka'bo bade,
Mz nzoliqti-krnge nzawi-krbo bade mz nzayzlu-krmle natqnge.
18-19X ayzlu-zpwxmle natqnge murde plztipxbo alwx rngeng.
A' rblx nzxlr-krde nzkrka'kr doa kx nabzde blqki.
20Awitx-zlwzbo mz Gct murde trpx-ngrdeu nzkrka'-krnge,
X trpx-kz-ngrdeu nzaodu-krde ninge.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.