Sam 67
67
Sam Kranzpnu-esz'mz-nrade-rlimz (67)
Lr Nrlc Naglqpxlr Gct
1Gct, nayc mz drtwrm nigr,
Mz nzamrlz-krm x nzokatr-krm nigr.
2Murde lr nrlc nakrlz-zpwxlr nqmq krm
Mz nzarlapx-krm nigr.
3 Mrlz neidung amrlx nzglqpx-krdr nim,
X na-awi-ngrbzlr bam!
4Mrlz lr mrkzbleng amrlx nzangrlvz-krdr nim,
Murde nzaclve-krm nidr tubq mz nzmailz-krm.
5 Mrlz neidung amrlx nzglqpx-krdr nim,
X na-awi-ngrbzlr bam!
6Gct rgu amrlzle nigu,
Mz nzrkqlzngr dakxnzng.
7X sa na-amrlz-zvzle nigu,
Murde leplz amrlx na-amrluelr nide.
Currently Selected:
Sam 67: ntu
Highlight
Share
Compare
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.