Sam 70
70
Sam Kranzpnu-rlimz (70)
Vz-anim Mz Nzarlapx-krm Ninge
Nabz ne Devet kx yrbzle mz kxrmailz ngr dzbe kxnzngrng.
1Gct, vz-anim mz nzarlapx-krm ninge.
Kxetu, rnekim mz nzokatr-krm ninge.
2Okatrp ninge mz nzaovxio-krnge kxnzrpilr na-abzlr ninge,
Murde drtqdr namya mzli kc nadwasz-ngrdr ninge.
3X leplz lcng tzxtrnga-ngrdr ninge drtqdr namya
Mzli kc nametx-ngrmlr bange.
4A' amrlz krkcng tzbrti drtwrdr nim
Mz nzrka-krbzme badr nzabrtz-zlwzngr,
Murde na-awi-zvz-ngrbzlr bam nzarlapx-krm nidr
Mz nzrpi-krbzlr kx, “Gct, nim kx myatxlz-esz'ngr.”
5Yawe Gct, trxplr-zvzwxu, x trpnzngr scnge zmatq.
Vz-anim, kx Gct.
Murde nim txpwz Mevalu rnge.
Bzkq asaq nzokatr-krm ninge. #Sam 40:13-17
Currently Selected:
Sam 70: ntu
Highlight
Share
Compare
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.