स्तोत्र. 24
24
गौरवाचा राजा
दाविदाचे स्तोत्र.
1भूमी आणि तिच्यावरील परिपूर्णता परमेश्वराची आहे.
जग आणि त्यातील सर्व राहणारे परमेश्वराचे आहेत.
2कारण त्याने समुद्रावर तिचा पाया घातला,
आणि जलांवर त्याने ती स्थापली.
3परमेश्वराच्या #सियोन पर्वत डोंगरावर कोण चढेल?
परमेश्वराच्या पवित्र मंदिरात कोण उभा राहू#आराधना करू शकतो?
4ज्याचे हात निर्मळ आहेत, ज्यांचे हृदय शुद्ध आहे,
ज्याने आपला जीव खोटेपणाकडे उंचावला नाही,
आणि ज्याने दुष्टपणाने शपथ वाहिली नाही.
5तो परमेश्वराकडून आशीर्वाद प्राप्त करेल,
आणि त्यालाच त्याच्या तारणाऱ्या देवापासून न्यायीपण मिळेल.
6हिच पिढी त्यास शोधणारी आहे,
जी याकोबाच्या देवाचे मुख शोधते.
7अहो! वेशींनो, आपले मस्तक उंच करा.
पुर्वकालीन द्वारांनो, उंच व्हा,
म्हणजे गौरवशाली राजा आत येईल.
8गौरवशाली राजा कोण आहे?
तोच परमेश्वर, सामर्थ्यशाली आणि थोर आहे.
9वेशींनो, तुमची मस्तके उंच करा.
सर्वकाळच्या दरवाजांनो, तुम्ही उंच व्हा,
म्हणजे गौरवशाली राजा आत येईल.
10तो गौरवशाली राजा कोण आहे?
सेनाधीश परमेश्वरच तो राजा आहे,
तोच तो गौरवशाली राजा आहे.
Currently Selected:
स्तोत्र. 24: IRVMar
Highlight
Share
Copy
Want to have your highlights saved across all your devices? Sign up or sign in
MAR-IRV
Creative Commons License
Indian Revised Version (IRV) - Marathi (इंडियन रिवाइज्ड वर्जन - मराठी), 2019 by Bridge Connectivity Solutions Pvt. Ltd. is licensed under a Creative Commons Attribution-ShareAlike 4.0 International License. This resource is published originally on VachanOnline, a premier Scripture Engagement digital platform for Indian and South Asian Languages and made available to users via vachanonline.com website and the companion VachanGo mobile app.