Markus 16
16
N Yesu a kun we furu
(Mat 28:1-8; Luk 24:1-12; Yow 20:1-10)
1Yo difi̱kare ni̱bu Yafudam a suwe, m Maryamu wu a Maka̱dala n ti Salomi n ti Maryamu ne Yakubu a ta̱ne ki̱nung furem,#16:1 Ki̱nung furem, ka ni a bwa we ti̱m Yafudamu, n chi ki̱wa kwa̱me mi̱n ki̱nung ke kwa̱me a kaiyaduwe daatu. ke chi wa kwa̱me Yesu mi̱n. 2We di wu kake we difi̱kare, ki̱ni si̱n ki̱dangu dii a yongu, n chi a yawe furu. 3We wa̱re n chi ki̱twayadu ko, “N wure ka maka ni ka bi̱l kale we yaku furi̱nu?”
4Aya yo n chi a lam fikonge, a da̱ng furu aya nabwe ti kale a bi̱len we yaku. 5Yo n chi a le fure, a ku wukane bwele a swe a ba̱le kang ki̱yilange, ki̱ni luke mwemwe we bwi kiyu, n chi a nwe tayi nabwen.
6Yinu nii wu a yi chi ko, “Ti̱nwedu tayuwe, m yim ti̱ba Yesu Banasa̱rete wu ni̱bu a kukane? A newe finu, a kun, Ti̱da̱ng fi a no ti̱n ki̱ne nang wu. 7Aya ti̱yikan ti̱fwa miyari̱m ki̱mu mi̱n n ti Biti̱r tiko n Yesu a kakku chang ki̱yika Ka̱lili, ta ku ki̱nu a bwako, yinangu a fwa chimi̱nangu.”
8Nati̱m bi̱bu a chir we furu kana banani, n kawure bwiyu ki̱yiu yilang di̱ne taye a ne wu ki̱fwa ya̱me we. Yinu chi a fwa Biti̱r mi̱n n ti ni̱bu ki̱mu a kutengu n Yesu a tum chi̱n we fwiti̱netingu. #16:8 Yikayu tatti̱ki̱dai yiyu a swan wa̱re 8 dang.
N Yesu a yung dur ki̱nu a di̱Maryamu
(Mat 28:9-10; Yow 20:11-18)
9[Yo n Yesu a kun we fure ki̱ni kunsin we difi̱kare ni̱bu Yafudame, a mwe a tekan n ti Maryamu wu a Maka̱dala a chaku ki̱mi̱n ki̱fi̱bti yidibine. 10Naye wu a yikan a ya fwa bi̱bu no n chi waremu mi̱n, a ya n chi a le furi ki̱lin ki̱ni wiini. 11Aya yo bi̱ki̱mu a nwe naye a yi ko ki̱ku Yesu ki̱ni ti̱kuriye, n chi a kebu bi̱yili̱mu.
N Yesu a yung dur ki̱nu a miyari̱mi burau
(Luk 24:13-35)
12A kuteng ki̱ku n Yesu a fwadu miyari̱m ki̱mi burabu mi̱ntuwe ki̱ni wuka kabu, yo n chi a chire ki̱yika bi̱ne. 13Bi̱bi burabi̱mu a ki̱lan, a ya fwa bi̱kamu mi̱nti̱n. Aya a lanta ki̱ka̱ng n chi a kebu bi̱yili̱mu ki̱ni ya̱m bi̱bu.
Nangangu n Yesu a ni miyari̱m ki̱mangu
(Mat 28:16-20; Luk 24:36-49; Yow 20:19-23; Nfa 1:6-8)
14A kuteng ki̱ku n Yesu a yung yikiyu a kakku miyari̱m bi̱bi kub chiri wini̱mu yo n chi yaki̱ chau chabte, a wela chi di̱ne kwalan keku bi̱yili̱mang chiyange, n ti ni̱tu chiti ki̱ngki̱ngi ti̱tu a yo n chi a kebi̱ ki̱ni bi̱bu a fwa chimi̱n ya̱m kunku kangimitu.
15A yi chi ko, “Ti̱ya ti̱ti̱niti kwang, ti̱mwa ni̱bu mi̱n ya̱m bi̱li̱m mi̱mi kwang kasi no fi̱re. 16Kanang wuwule niye wu a ke bi̱yili̱me, a mati̱ batisma ka ya yuku. Aya wu a ko keku bi̱yili̱mange ka twiyadu kwako. 17Ti̱mwalitu ka nabu ni̱bu a ke bi̱yili̱mi̱mu: N chi ka chaku ki̱fi̱bti a di̱n mi̱n. N chi ka fwa ya̱mu ki̱ni yiini yifwi. 18N chi ka tau sootiyu ki̱ni fa̱li chi. Ka n chi a no yi̱neng ki̱ku ni̱n bwa̱di ki̱nangu, a ne ma chimi̱n chi. N chi ka yo fa̱li chiyu we bwi naba burangeyu, ka ya beki̱ku.”
N Yesu a fi̱l bwa diye
(Luk 24:50-53; Nfa 1:9-11)
19We kuteng ki̱ku n Tewuduwe Yesu a fwa chimi̱n ya̱m bi̱bangu, yinu a da̱u ki̱n a fili̱n bwa diye, a swe a kang ki̱yilang Kwama. 20Yinu miyari̱mu a chir, ki̱ma di̱mwaru ka nang file, n Tewuduwe we ware n ti chi, ki̱yung bi̱yili̱m ya̱m chimu we a chi ka̱ta̱kitu n chi ki̱maditu.]
Currently Selected:
Markus 16: Tula
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
Markus 16
16
N Yesu a kun we furu
(Mat 28:1-8; Luk 24:1-12; Yow 20:1-10)
1Yo difi̱kare ni̱bu Yafudam a suwe, m Maryamu wu a Maka̱dala n ti Salomi n ti Maryamu ne Yakubu a ta̱ne ki̱nung furem,#16:1 Ki̱nung furem, ka ni a bwa we ti̱m Yafudamu, n chi ki̱wa kwa̱me mi̱n ki̱nung ke kwa̱me a kaiyaduwe daatu. ke chi wa kwa̱me Yesu mi̱n. 2We di wu kake we difi̱kare, ki̱ni si̱n ki̱dangu dii a yongu, n chi a yawe furu. 3We wa̱re n chi ki̱twayadu ko, “N wure ka maka ni ka bi̱l kale we yaku furi̱nu?”
4Aya yo n chi a lam fikonge, a da̱ng furu aya nabwe ti kale a bi̱len we yaku. 5Yo n chi a le fure, a ku wukane bwele a swe a ba̱le kang ki̱yilange, ki̱ni luke mwemwe we bwi kiyu, n chi a nwe tayi nabwen.
6Yinu nii wu a yi chi ko, “Ti̱nwedu tayuwe, m yim ti̱ba Yesu Banasa̱rete wu ni̱bu a kukane? A newe finu, a kun, Ti̱da̱ng fi a no ti̱n ki̱ne nang wu. 7Aya ti̱yikan ti̱fwa miyari̱m ki̱mu mi̱n n ti Biti̱r tiko n Yesu a kakku chang ki̱yika Ka̱lili, ta ku ki̱nu a bwako, yinangu a fwa chimi̱nangu.”
8Nati̱m bi̱bu a chir we furu kana banani, n kawure bwiyu ki̱yiu yilang di̱ne taye a ne wu ki̱fwa ya̱me we. Yinu chi a fwa Biti̱r mi̱n n ti ni̱bu ki̱mu a kutengu n Yesu a tum chi̱n we fwiti̱netingu. #16:8 Yikayu tatti̱ki̱dai yiyu a swan wa̱re 8 dang.
N Yesu a yung dur ki̱nu a di̱Maryamu
(Mat 28:9-10; Yow 20:11-18)
9[Yo n Yesu a kun we fure ki̱ni kunsin we difi̱kare ni̱bu Yafudame, a mwe a tekan n ti Maryamu wu a Maka̱dala a chaku ki̱mi̱n ki̱fi̱bti yidibine. 10Naye wu a yikan a ya fwa bi̱bu no n chi waremu mi̱n, a ya n chi a le furi ki̱lin ki̱ni wiini. 11Aya yo bi̱ki̱mu a nwe naye a yi ko ki̱ku Yesu ki̱ni ti̱kuriye, n chi a kebu bi̱yili̱mu.
N Yesu a yung dur ki̱nu a miyari̱mi burau
(Luk 24:13-35)
12A kuteng ki̱ku n Yesu a fwadu miyari̱m ki̱mi burabu mi̱ntuwe ki̱ni wuka kabu, yo n chi a chire ki̱yika bi̱ne. 13Bi̱bi burabi̱mu a ki̱lan, a ya fwa bi̱kamu mi̱nti̱n. Aya a lanta ki̱ka̱ng n chi a kebu bi̱yili̱mu ki̱ni ya̱m bi̱bu.
Nangangu n Yesu a ni miyari̱m ki̱mangu
(Mat 28:16-20; Luk 24:36-49; Yow 20:19-23; Nfa 1:6-8)
14A kuteng ki̱ku n Yesu a yung yikiyu a kakku miyari̱m bi̱bi kub chiri wini̱mu yo n chi yaki̱ chau chabte, a wela chi di̱ne kwalan keku bi̱yili̱mang chiyange, n ti ni̱tu chiti ki̱ngki̱ngi ti̱tu a yo n chi a kebi̱ ki̱ni bi̱bu a fwa chimi̱n ya̱m kunku kangimitu.
15A yi chi ko, “Ti̱ya ti̱ti̱niti kwang, ti̱mwa ni̱bu mi̱n ya̱m bi̱li̱m mi̱mi kwang kasi no fi̱re. 16Kanang wuwule niye wu a ke bi̱yili̱me, a mati̱ batisma ka ya yuku. Aya wu a ko keku bi̱yili̱mange ka twiyadu kwako. 17Ti̱mwalitu ka nabu ni̱bu a ke bi̱yili̱mi̱mu: N chi ka chaku ki̱fi̱bti a di̱n mi̱n. N chi ka fwa ya̱mu ki̱ni yiini yifwi. 18N chi ka tau sootiyu ki̱ni fa̱li chi. Ka n chi a no yi̱neng ki̱ku ni̱n bwa̱di ki̱nangu, a ne ma chimi̱n chi. N chi ka yo fa̱li chiyu we bwi naba burangeyu, ka ya beki̱ku.”
N Yesu a fi̱l bwa diye
(Luk 24:50-53; Nfa 1:9-11)
19We kuteng ki̱ku n Tewuduwe Yesu a fwa chimi̱n ya̱m bi̱bangu, yinu a da̱u ki̱n a fili̱n bwa diye, a swe a kang ki̱yilang Kwama. 20Yinu miyari̱mu a chir, ki̱ma di̱mwaru ka nang file, n Tewuduwe we ware n ti chi, ki̱yung bi̱yili̱m ya̱m chimu we a chi ka̱ta̱kitu n chi ki̱maditu.]
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.