Luka 10
10
Yesu Ta̱m Mman Ta̱m Nswak A̱natat ma̱ A̱feang
1Di̱n jen a̱ja, A̱tyoli Yesu si̱ khai mman ta̱m nswak a̱natat ma̱ a̱feang#10:1 Lyuut ghyang mbyia̱: “Nswak a̱natat.” Wa̱i a̱lyiat: A̱mgba̱m Nswak a̱natat ma̱ng Nswak a̱natat ma̱ a̱feang na yet kidee a̱mgba̱m Nnwap na̱ nwai yet A̱yahudawa nia mi̱ swanta hu.. A̱ si̱ ya̱mak mba a̱fafaan. A̱ si̱ ta̱m mba ma̱ a̱ka̱keang ma̱ng a̱ka̱vwuo nang gu kyiak mi̱ fwuo a̱ na nat gu nshei A̱sham Nkhang ka a̱ni.
2Yesu si̱ tak ma̱ng mman ta̱m na nyia̱, “Nta̱m chak yak na shi ba̱t. Da̱ á̱niet nta̱m ba ba̱ shi á̱kpa bah. Mat a̱nia, nyi naai A̱gwaza a̱tyu a̱ byia̱ nta̱m chak yak na a̱ni, da̱nian gu ka mbeang á̱niet ta̱m chak yak nggu ba, a̱wot a̱ ta̱m ba da̱ a̱vwuo chak yak ka. 3Ma̱ninika nyi nat, a̱wot nyi yok bwung bah. N ta̱m nyin nang zón seap a̱ni mami a̱ka̱bwu a̱yit! 4Da̱ a̱chyet nyin ka, nyi yok kyiak kurum ku gumaat, ku á̱kwatak che sweang nang nyi na shai a̱ni bah. A̱wot nyi ni̱ ngyok yong nyi byiat a̱yin di̱n vak hu bah.
5“Kuzang jen nang nyi nnwuo a̱mali a̱yin a̱ni, nyi ya ntsa byiat á̱niet a̱mali ba nyia̱, ‘Yok A̱gwaza a̱ nang a̱li kani swat nyinyang!’ 6Ka̱ a̱tyoli a̱ byia̱ a̱li a̱kya a̱ni byia̱ swat nyinyang, a̱li̱ba̱rka a̱wa na yong. Ka̱ a̱ ma mbyia̱ swat nyinyang bah, a̱li̱ba̱rka wu na bwuok a̱ bai da̱ a̱vwuo nyin. 7Nyi ni̱ nswan a̱mali ka nang á̱niet ba nsan nyin a̱ni. Nyi yok shai a̱ka̱sa khwat nyin na bah. Nyi yok lak kyayak nang á̱ nang nyin nyi ya ku nyi swuo a̱ni bah. Mat á̱niet ba̱ nyia̱ ta̱m a̱ni, ku myim á̱ tan mba zang mba ji.
8“Ka̱ nyi nwuo mami a̱keang, á̱ si̱ san nyin mbwak nfeang; nyi ya kuzang tangka̱i kyayak nang á̱ nang nyin a̱ni. 9Nyi ni̱ nchoot á̱niet nzwán ba. A̱wot nyi shei ma̱ng á̱niet a̱keang a̱bya nyia̱, ‘Ma̱ninika, Tyok A̱gwaza hu bai kpa̱mkpaan ma̱ng a̱nyin!’
10“Ka̱ nyi nwuo ma̱ a̱keang, a̱wot á̱ si̱ lak san nyin mbwak nfeang; nyi nat nyi yong di̱n vak a̱keang na, nyi hyia̱ nyia̱, 11‘Ku mbwuk a̱keang nyin na na̱ ta̱meet mi̱ kpai a̱ti̱tak nzi̱t ji a̱ni; zi̱ gbaat na koot nyin ndyo! Ku yet a̱lama a̱ tak nang A̱gwaza na nyia̱ nyin shi̱ri̱ya mut! A̱mgba̱m ma̱ng a̱nia, nyi lyen nang Tyok A̱gwaza hu mbai kpa̱mkpaan ma̱ng a̱nyin!’ 12N tak nyin a̱tsak a̱lyiat, a̱tuk mam shi̱ri̱ya A̱gwaza ka, a̱bung nang á̱niet ma̱ a̱keang a̱bya na swuo a̱ni, ka̱ na swak a̱bung nang a̱ka̱tuk a̱keang Sodom na swuo a̱ni za̱m!
13“Ku swan nyin á̱niet a̱ka̱keang Korazin ma̱ng Ba̱tsaida! Mat ka̱ á̱ wa nyia̱ nta̱m a̱ri̱bi̱di nang n nyia̱ nyin ndyo a̱ni, nyia̱ ni̱nia nang á̱ wa nyia̱ ma̱ a̱ka̱tuk a̱ka̱keang Taya ma̱ng Sidon; si̱ ba̱ ghwon a̱ka̱tuk nyia̱ mba wu neet a̱fwun bah, ba̱ si̱ khwi a̱kyakyak a̱yaatoot, ba̱ si̱ wop á̱pyia̱ mba ntong. Ku tak nang ba̱ nshya̱ ma̱ng byian fwuo da̱ a̱ka̱tuk nyia̱ mba wu. 14A̱tsak a̱lyiat, a̱tuk shi̱ri̱ya A̱gwaza ka, a̱bung nang nyi na swuo a̱ni, ka̱ na swak a̱si̱ á̱ka̱tuk á̱niet Taya ma̱ng Sidon.
15“A̱wot nyin á̱niet Ka̱fanahum, nyi fa á̱ na nwuak nyin shi Ma A̱gwaza tswazwa kya kee? Kaai, ku ma̱ chunchwiit! Da̱ a̱kwonu a̱kya, á̱ na chyok ma̱ng a̱nyin á̱ nat ndyo da̱ a̱vwuo nkwom.#10:15 Lyuut cha̱chaat: Ha̱dit.”
16Yesu si̱ nyia̱ ma̱ng mman ta̱m nggu na, “Konyan wa san a̱lyiat nyin na mbwak nfeang, nung gwa nang gu san. A̱wot konyan wa lak san a̱lyiat nyin na mbwak nfeang, a̱ lak nung wa mameang. A̱wot konyan wa lak nung, a̱ lak A̱gwaza wa a̱ ta̱m nung a̱ni.”
Mman Ta̱m Nswak A̱natat ma̱ A̱feang Bwuok Shei A̱sham Nkhang
17Jen nang mman ta̱m swak a̱natat ma̱ a̱feang#10:17 Lyuut ghyang mbyia̱, “Nswak a̱natat.” Luk 10:1. na mbwuok a̱chyet shei A̱sham Nkhang ka a̱ni; ba̱ si̱ bwuok da̱ a̱gwai, mat ta̱m hu nang ba̱ nyia̱ a̱ni. Ba̱ si̱ hyia̱ ma̱ng Yesu nyia̱, “A̱tyoli, ki̱ zi̱ kam á̱ka̱tuk ntswá ba da̱ a̱lyoot ang ka, mba meang, ba̱ ni̱ khwi a̱lyiat nzi̱t na!”
18Yesu si̱ nwuak ba shim nyia̱, “A̱tsak a̱lyiat, n di nyi swuo chet A̱ta̱nyeang#10:18 Lyuut cha̱chaat: Sha̱tan. ka, a̱wot ka̱ si̱ neet Ma A̱gwaza tswazwa a̱ ba̱ kwa ma a̱nggang nang a̱mya̱ra̱m nza a̱ni! 19Nyi fa̱k la! N wa ka̱n nwuak nyin tyok tazwa a̱mgba̱m chet A̱tyu lak li nyin. A̱wot nyi na shai á̱ka̱tuk nzwák ma̱ng nyáng, a̱wot nyi swuo chet a̱tyu lak li nyin wu, a̱ yet A̱ta̱nyeang ka a̱ni. Da̱ mba, á̱ mbyia̱ kyang ku na shya̱ nyin a̱ni bah. 20A̱mgba̱m ma̱ng a̱nia, nyi yok gwai mat á̱ka̱tuk ntswá ba khwi a̱lyiat nyin na ma̱nyin na bah. A̱wot nyi bu mbeang a̱gwai nyin na swaak; mat á̱ lyuut lyulyoot nyin hu mi̱ ta̱ka̱da mman a̱byin Ma A̱gwaza tswazwa!”
Yesu Naai A̱gwaza ma̱ng A̱gwai
(Mat 11:25-27; 13:16-17)
21Da̱ a̱cha̱chaat jen a̱wa, A̱za̱za̱rak Ntswa wu si̱ tyia̱ Yesu chet ma̱ng a̱lyia̱ sai. Huhwa Yesu si̱ dyep A̱gwaza nyia̱, “A̱gwaza, nwan wa yet A̱tyoli tswazwa ma̱ng a̱byin. N gwai ang mat nang a ntyai nkyang nani nang a niat da̱ a̱vwuo á̱niet ba̱ kyiak á̱pyia̱ mba nang á̱niet lyen swanta ma̱ng a̱yaagwak byia̱ mumwang a̱ni! A si̱ bu tyai na da̱ a̱vwuo á̱niet ba̱ ghyuai á̱pyia̱ mba nang a̱chyuang mman a̱ni. A̱tsak a̱lyiat, A̱tyia̱ nung, n bu gwai nang ku myim ang, a si̱ shim a si̱ tyai nkyang nani di̱n vak huni a̱ni!”
22Yesu si̱ bu nyia̱,#10:22 Lyuut cha̱chaat: “A̱tyia̱ nung wa ka̱n …” “A̱tyia̱ nung wu wa ka̱n tyia̱ nung a̱mgba̱m kuzang kyang mbwak. Á̱ mbyia̱ a̱tyu a̱ lyen Nggwon ka shansham a̱ni bah; si̱ ma̱ A̱tyia̱ nung wu wa ma̱nyin gu. Da̱ mba, á̱ mbyia̱ a̱tyu a̱ lyen A̱tyia̱ nung wu a̱ni bah; si̱ mi̱ Nggwon kikya ma̱nyin ka, mbeang á̱niet ba nang Nggwon ka khai ka̱ tyai mba A̱tyia̱ wu a̱ni.”
23Jen nang Yesu ma̱ng mman nta̱m nggu na nshya̱ ndung ma̱nyin mba a̱ni; Yesu si̱ bwuak a̱ si̱ nwuan mman ta̱m nggu na. A̱wot a̱ si̱ nyia̱, “A̱li̱ba̱rka yet á̱si̱ á̱niet, ba̱ li kyang nang nyi ka̱n di a̱ni! 24N tak nyin, a̱yaata̱m a̱kwonu A̱gwaza ma̱ng á̱gwam ma̱ a̱di̱di̱t ka̱n chat ba̱t ba̱ li kyang nang nyi nwuan a̱ni. A̱wot da̱ mba, ba̱ shya̱ li hu bah. A̱wot ba̱ si̱ bu chat ba̱t, ba̱ fa̱k a̱lyiat na nyi fwuong a̱ni. A̱wot ba̱ si̱ shya̱ fa̱k hu bah.”
Doka ji̱ Swak Á̱kum ka ma̱ng Shi a̱ni
(Mat 22:34-40; Ma̱r 12:28-31)
25Á̱ghyang á̱tuk, a̱gwak lyen doka Musa a̱ghyang si̱ doot a̱ yong a̱ si̱ kwan a̱ tya̱ra̱m Yesu ma̱ng lyip huni nyia̱, “A̱tyu tyiet, yihwa n na nyia̱, n shya̱ swuan sang sangba̱p ji?”
26Yesu si̱ nwuak gu shim ma̱ng lyip nyia̱, “A̱lyiat A̱gwaza nang Musa ku lyuut a̱ni hyia̱ ni wa? A fang A̱lyiat A̱gwaza na fang hu nini wa?”
27A̱gwak lyen doka wu si̱ nyia̱, “Musa lyuut nyia̱, ‘Ku yet ta hwa a chat A̱gwaza, a̱ yet A̱tyoli ang a̱ni, ma̱ng fwuo nyiung, ma̱ng a̱mgba̱m swuan ang ji, ma̱ng a̱mgba̱m chet ang hu, ma̱ng a̱mgba̱m a̱di̱dam ang wu. A bu chat a̱kpa̱ndang swat ang wu ma̱nang a nchat a̱pyia̱ ang a̱ni.’#10:27 KDok 6:5; Li̱v 19:18. ”
28Yesu si̱ nyia̱ ma̱ng a̱nggu a̱ni, “A nwuak shim hu cha̱chaat. Nat a nyia̱ a̱nia; a na shya̱ swuan sang sangba̱p!”
29A̱gwak lyen doká Musa wu ku chat a̱ tak nang gu ngyet a̱tsotswat a̱yin. Mat a̱nia, a̱ si̱ bu lyip Yesu nyia̱, “Ka̱ a̱nia wa, a̱nyan wa yet a̱kpa̱ndang swat nung wu?”
Kidee tazwa A̱tyu A̱sa̱mariyawa a̱ Beang a̱ni
30Huhwa Yesu si̱ nwuak gu shim di̱ kidee nyia̱, “A̱tyu A̱yahudawa a̱ghyang ku shya̱ da̱ a̱chyet, a̱ neet Urusha̱lima a̱ naat Yeriko. A̱wot á̱niet á̱tsaai si̱ fwun gu di̱n vak! Ba̱ si̱ ta̱bat gu. Ba̱ si̱ ya̱kpa̱i a̱yaatoot nggu ba á̱ turung mi̱ vam nggu hu nang ba̱ sam. Ba̱ si̱ tsot gu á̱ mat a̱kwonu a̱khwu da̱ a̱beam nvak ka. Ba̱ si̱ nkat.
31“Pris a̱ghyang si̱ kai vak a̱hwa. A̱wot nang gu ndi a̱tyu nang á̱ tsot á̱ mat nang gu myian da̱ a̱beam vak ka a̱ni, a̱ si̱ teap da̱ a̱beam. A̱ si̱ ghwon ngguu. 32Ma a̱nia wa, a̱tyu A̱li̱viyawa a̱ nyia̱ ta̱m Mali Nwuat Za̱nang A̱gwaza a̱ni; si̱ ma neet, a̱ si̱ li ngguu nang gu myian di̱n vak hu. Nggu meang, a̱ si̱ teap da̱ a̱beam. A̱ si̱ swak a̱ nkat.
33“A̱jawa a̱tyu A̱sa̱mariyawa a̱ghyang, á̱niet nang A̱yahudawa ba jhyuai a̱ni#10:33 Lyuut cha̱chaat: “A̱tyu A̱sa̱mariyawa.”, si̱ kai vak hu a̱ neet. Nang gu ndi a̱tyu nang á̱niet á̱tsaai ba tsot a̱ni, a̱ si̱ fa̱k kunak gu. 34A̱ si̱ shyei a̱ nat kpa̱mkpaan ma̱ng a̱nggu. A̱ si̱ mun nggu a̱fi̱fa̱t ba ma̱ng a̱myia̱ za̱itun ma̱ng a̱sa̱khwot a̱na̱p. A̱wot a̱ si̱ la̱p gu a̱fi̱fa̱t ba. A̱jawa gu si̱ kyiak a̱tyu nang á̱niet á̱tsaai ba tsot a̱ni a̱ sak da̱ a̱ka̱za̱nki nggu ka; a̱ si̱ nat ma̱ng a̱nggu ma̱ a̱chya̱ khwat á̱nietchen. A̱ si̱ chok gu a̱ja. 35A̱tyu A̱sa̱mariyawa wu si̱ kwai a̱gbaat a̱nyiung ma̱ng a̱nggu. Da̱ a̱tsotson tat ka, a̱ si̱ nwuak a̱tyu chok a̱chya̱ wu kurum nta̱m mam feang#10:35 Lyuut cha̱chaat: “Tswá kurum zi̱nariya sweang.”, a̱ si̱ nyia̱, ‘Ma̱sa̱kut chok nung ngguu. Jen nang n na mbwuok mbai a̱ni, n na mbeang ang kurum di̱ kyang nang a hyat da̱ nggu a̱ni.’
36“Nang Yesu ntyak shei kidee jini a̱ni, huhwa gu si̱ lyip a̱gwak lyen doká wu,#10:36 Lyuut cha̱chaat: “Da̱ li ang hu …” ‘Da̱ li ang hu, a̱nyan wa mami á̱niet a̱tat a̱bya yet a̱kpa̱ndang swat a̱tyu nang á̱niet á̱tsaai ba tsot a̱ni?’ ”
37A̱gwak lyen doká wu si̱ nwuak Yesu shim nyia̱, “A̱tyu a̱ fa̱k kunak gu a̱ si̱ beang gu a̱ni; nggu wa.”
A̱jawa Yesu si̱ nyia̱, “A̱tsak a̱lyiat, a nwuak shim hu cha̱chaat. Nwan, da̱ nat a nyia̱ a̱nia.”
Ma̱ryamu Khai A̱tan Kyang ku Swak ma̱ng Yet a̱ni
38Nang Yesu ma̱ng mman ta̱m nggu na ngya a̱son ma̱ng a̱chyet naat Urusha̱lima a̱ni; ba̱ si̱si̱ nwuo ma̱ a̱bakeang a̱ghyang nang a̱byii̱k a̱ghyang nshya̱ a̱ni. Á̱ ngyei nggu Ma̱rta. A̱ si̱ san nggu mbwak nfeang a̱mali nggu ka. 39A̱wot Ma̱ryamu a̱na̱nyiuk Ma̱rta wu, si̱ swan a̱zaghyi A̱tyoli Yesu a̱ fwuong tyiet nggu hu.
40A̱wot Ma̱rta, mat a̱gba̱ndang nkyayak á̱nietchen wu nang gu wan a̱ni, na̱ si̱ khwat fwuo nggu hu. A̱ si̱ bai da̱ a̱vwuo Yesu, a̱ si̱ nyia̱ ma̱ng a̱nggu, “A̱tyoli, ku yet a̱sham nang a̱na̱nyiuk nung wu nghwon nung, nang n nyia̱ ta̱m wan kyayak hu ma̱nyin nung a? Ma̱sa̱kut, hyia̱ ma̱ng a̱nggu a̱ bai a̱ beang nung!”
41A̱wot A̱tyoli Yesu si̱ nyia̱ ma̱ng a̱nggu, “Ma̱rta, Ma̱rta! A byia̱ a̱fi̱fa, a si̱ dam tazwa nkyang ma̱ a̱di̱di̱t mi̱ fwuo ang hu. 42Mi̱ kyang nyiung hwa nshya̱ ku yet a̱tan a̱ swak a̱ni. Ma̱ryamu wa ka̱n khai kyang a̱hwa. A̱wot da̱ mba, á̱ na san hu á̱ kai nggu a̱ ghwon bah.”
Currently Selected:
Luka 10: TyapNT
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
Luka 10
10
Yesu Ta̱m Mman Ta̱m Nswak A̱natat ma̱ A̱feang
1Di̱n jen a̱ja, A̱tyoli Yesu si̱ khai mman ta̱m nswak a̱natat ma̱ a̱feang#10:1 Lyuut ghyang mbyia̱: “Nswak a̱natat.” Wa̱i a̱lyiat: A̱mgba̱m Nswak a̱natat ma̱ng Nswak a̱natat ma̱ a̱feang na yet kidee a̱mgba̱m Nnwap na̱ nwai yet A̱yahudawa nia mi̱ swanta hu.. A̱ si̱ ya̱mak mba a̱fafaan. A̱ si̱ ta̱m mba ma̱ a̱ka̱keang ma̱ng a̱ka̱vwuo nang gu kyiak mi̱ fwuo a̱ na nat gu nshei A̱sham Nkhang ka a̱ni.
2Yesu si̱ tak ma̱ng mman ta̱m na nyia̱, “Nta̱m chak yak na shi ba̱t. Da̱ á̱niet nta̱m ba ba̱ shi á̱kpa bah. Mat a̱nia, nyi naai A̱gwaza a̱tyu a̱ byia̱ nta̱m chak yak na a̱ni, da̱nian gu ka mbeang á̱niet ta̱m chak yak nggu ba, a̱wot a̱ ta̱m ba da̱ a̱vwuo chak yak ka. 3Ma̱ninika nyi nat, a̱wot nyi yok bwung bah. N ta̱m nyin nang zón seap a̱ni mami a̱ka̱bwu a̱yit! 4Da̱ a̱chyet nyin ka, nyi yok kyiak kurum ku gumaat, ku á̱kwatak che sweang nang nyi na shai a̱ni bah. A̱wot nyi ni̱ ngyok yong nyi byiat a̱yin di̱n vak hu bah.
5“Kuzang jen nang nyi nnwuo a̱mali a̱yin a̱ni, nyi ya ntsa byiat á̱niet a̱mali ba nyia̱, ‘Yok A̱gwaza a̱ nang a̱li kani swat nyinyang!’ 6Ka̱ a̱tyoli a̱ byia̱ a̱li a̱kya a̱ni byia̱ swat nyinyang, a̱li̱ba̱rka a̱wa na yong. Ka̱ a̱ ma mbyia̱ swat nyinyang bah, a̱li̱ba̱rka wu na bwuok a̱ bai da̱ a̱vwuo nyin. 7Nyi ni̱ nswan a̱mali ka nang á̱niet ba nsan nyin a̱ni. Nyi yok shai a̱ka̱sa khwat nyin na bah. Nyi yok lak kyayak nang á̱ nang nyin nyi ya ku nyi swuo a̱ni bah. Mat á̱niet ba̱ nyia̱ ta̱m a̱ni, ku myim á̱ tan mba zang mba ji.
8“Ka̱ nyi nwuo mami a̱keang, á̱ si̱ san nyin mbwak nfeang; nyi ya kuzang tangka̱i kyayak nang á̱ nang nyin a̱ni. 9Nyi ni̱ nchoot á̱niet nzwán ba. A̱wot nyi shei ma̱ng á̱niet a̱keang a̱bya nyia̱, ‘Ma̱ninika, Tyok A̱gwaza hu bai kpa̱mkpaan ma̱ng a̱nyin!’
10“Ka̱ nyi nwuo ma̱ a̱keang, a̱wot á̱ si̱ lak san nyin mbwak nfeang; nyi nat nyi yong di̱n vak a̱keang na, nyi hyia̱ nyia̱, 11‘Ku mbwuk a̱keang nyin na na̱ ta̱meet mi̱ kpai a̱ti̱tak nzi̱t ji a̱ni; zi̱ gbaat na koot nyin ndyo! Ku yet a̱lama a̱ tak nang A̱gwaza na nyia̱ nyin shi̱ri̱ya mut! A̱mgba̱m ma̱ng a̱nia, nyi lyen nang Tyok A̱gwaza hu mbai kpa̱mkpaan ma̱ng a̱nyin!’ 12N tak nyin a̱tsak a̱lyiat, a̱tuk mam shi̱ri̱ya A̱gwaza ka, a̱bung nang á̱niet ma̱ a̱keang a̱bya na swuo a̱ni, ka̱ na swak a̱bung nang a̱ka̱tuk a̱keang Sodom na swuo a̱ni za̱m!
13“Ku swan nyin á̱niet a̱ka̱keang Korazin ma̱ng Ba̱tsaida! Mat ka̱ á̱ wa nyia̱ nta̱m a̱ri̱bi̱di nang n nyia̱ nyin ndyo a̱ni, nyia̱ ni̱nia nang á̱ wa nyia̱ ma̱ a̱ka̱tuk a̱ka̱keang Taya ma̱ng Sidon; si̱ ba̱ ghwon a̱ka̱tuk nyia̱ mba wu neet a̱fwun bah, ba̱ si̱ khwi a̱kyakyak a̱yaatoot, ba̱ si̱ wop á̱pyia̱ mba ntong. Ku tak nang ba̱ nshya̱ ma̱ng byian fwuo da̱ a̱ka̱tuk nyia̱ mba wu. 14A̱tsak a̱lyiat, a̱tuk shi̱ri̱ya A̱gwaza ka, a̱bung nang nyi na swuo a̱ni, ka̱ na swak a̱si̱ á̱ka̱tuk á̱niet Taya ma̱ng Sidon.
15“A̱wot nyin á̱niet Ka̱fanahum, nyi fa á̱ na nwuak nyin shi Ma A̱gwaza tswazwa kya kee? Kaai, ku ma̱ chunchwiit! Da̱ a̱kwonu a̱kya, á̱ na chyok ma̱ng a̱nyin á̱ nat ndyo da̱ a̱vwuo nkwom.#10:15 Lyuut cha̱chaat: Ha̱dit.”
16Yesu si̱ nyia̱ ma̱ng mman ta̱m nggu na, “Konyan wa san a̱lyiat nyin na mbwak nfeang, nung gwa nang gu san. A̱wot konyan wa lak san a̱lyiat nyin na mbwak nfeang, a̱ lak nung wa mameang. A̱wot konyan wa lak nung, a̱ lak A̱gwaza wa a̱ ta̱m nung a̱ni.”
Mman Ta̱m Nswak A̱natat ma̱ A̱feang Bwuok Shei A̱sham Nkhang
17Jen nang mman ta̱m swak a̱natat ma̱ a̱feang#10:17 Lyuut ghyang mbyia̱, “Nswak a̱natat.” Luk 10:1. na mbwuok a̱chyet shei A̱sham Nkhang ka a̱ni; ba̱ si̱ bwuok da̱ a̱gwai, mat ta̱m hu nang ba̱ nyia̱ a̱ni. Ba̱ si̱ hyia̱ ma̱ng Yesu nyia̱, “A̱tyoli, ki̱ zi̱ kam á̱ka̱tuk ntswá ba da̱ a̱lyoot ang ka, mba meang, ba̱ ni̱ khwi a̱lyiat nzi̱t na!”
18Yesu si̱ nwuak ba shim nyia̱, “A̱tsak a̱lyiat, n di nyi swuo chet A̱ta̱nyeang#10:18 Lyuut cha̱chaat: Sha̱tan. ka, a̱wot ka̱ si̱ neet Ma A̱gwaza tswazwa a̱ ba̱ kwa ma a̱nggang nang a̱mya̱ra̱m nza a̱ni! 19Nyi fa̱k la! N wa ka̱n nwuak nyin tyok tazwa a̱mgba̱m chet A̱tyu lak li nyin. A̱wot nyi na shai á̱ka̱tuk nzwák ma̱ng nyáng, a̱wot nyi swuo chet a̱tyu lak li nyin wu, a̱ yet A̱ta̱nyeang ka a̱ni. Da̱ mba, á̱ mbyia̱ kyang ku na shya̱ nyin a̱ni bah. 20A̱mgba̱m ma̱ng a̱nia, nyi yok gwai mat á̱ka̱tuk ntswá ba khwi a̱lyiat nyin na ma̱nyin na bah. A̱wot nyi bu mbeang a̱gwai nyin na swaak; mat á̱ lyuut lyulyoot nyin hu mi̱ ta̱ka̱da mman a̱byin Ma A̱gwaza tswazwa!”
Yesu Naai A̱gwaza ma̱ng A̱gwai
(Mat 11:25-27; 13:16-17)
21Da̱ a̱cha̱chaat jen a̱wa, A̱za̱za̱rak Ntswa wu si̱ tyia̱ Yesu chet ma̱ng a̱lyia̱ sai. Huhwa Yesu si̱ dyep A̱gwaza nyia̱, “A̱gwaza, nwan wa yet A̱tyoli tswazwa ma̱ng a̱byin. N gwai ang mat nang a ntyai nkyang nani nang a niat da̱ a̱vwuo á̱niet ba̱ kyiak á̱pyia̱ mba nang á̱niet lyen swanta ma̱ng a̱yaagwak byia̱ mumwang a̱ni! A si̱ bu tyai na da̱ a̱vwuo á̱niet ba̱ ghyuai á̱pyia̱ mba nang a̱chyuang mman a̱ni. A̱tsak a̱lyiat, A̱tyia̱ nung, n bu gwai nang ku myim ang, a si̱ shim a si̱ tyai nkyang nani di̱n vak huni a̱ni!”
22Yesu si̱ bu nyia̱,#10:22 Lyuut cha̱chaat: “A̱tyia̱ nung wa ka̱n …” “A̱tyia̱ nung wu wa ka̱n tyia̱ nung a̱mgba̱m kuzang kyang mbwak. Á̱ mbyia̱ a̱tyu a̱ lyen Nggwon ka shansham a̱ni bah; si̱ ma̱ A̱tyia̱ nung wu wa ma̱nyin gu. Da̱ mba, á̱ mbyia̱ a̱tyu a̱ lyen A̱tyia̱ nung wu a̱ni bah; si̱ mi̱ Nggwon kikya ma̱nyin ka, mbeang á̱niet ba nang Nggwon ka khai ka̱ tyai mba A̱tyia̱ wu a̱ni.”
23Jen nang Yesu ma̱ng mman nta̱m nggu na nshya̱ ndung ma̱nyin mba a̱ni; Yesu si̱ bwuak a̱ si̱ nwuan mman ta̱m nggu na. A̱wot a̱ si̱ nyia̱, “A̱li̱ba̱rka yet á̱si̱ á̱niet, ba̱ li kyang nang nyi ka̱n di a̱ni! 24N tak nyin, a̱yaata̱m a̱kwonu A̱gwaza ma̱ng á̱gwam ma̱ a̱di̱di̱t ka̱n chat ba̱t ba̱ li kyang nang nyi nwuan a̱ni. A̱wot da̱ mba, ba̱ shya̱ li hu bah. A̱wot ba̱ si̱ bu chat ba̱t, ba̱ fa̱k a̱lyiat na nyi fwuong a̱ni. A̱wot ba̱ si̱ shya̱ fa̱k hu bah.”
Doka ji̱ Swak Á̱kum ka ma̱ng Shi a̱ni
(Mat 22:34-40; Ma̱r 12:28-31)
25Á̱ghyang á̱tuk, a̱gwak lyen doka Musa a̱ghyang si̱ doot a̱ yong a̱ si̱ kwan a̱ tya̱ra̱m Yesu ma̱ng lyip huni nyia̱, “A̱tyu tyiet, yihwa n na nyia̱, n shya̱ swuan sang sangba̱p ji?”
26Yesu si̱ nwuak gu shim ma̱ng lyip nyia̱, “A̱lyiat A̱gwaza nang Musa ku lyuut a̱ni hyia̱ ni wa? A fang A̱lyiat A̱gwaza na fang hu nini wa?”
27A̱gwak lyen doka wu si̱ nyia̱, “Musa lyuut nyia̱, ‘Ku yet ta hwa a chat A̱gwaza, a̱ yet A̱tyoli ang a̱ni, ma̱ng fwuo nyiung, ma̱ng a̱mgba̱m swuan ang ji, ma̱ng a̱mgba̱m chet ang hu, ma̱ng a̱mgba̱m a̱di̱dam ang wu. A bu chat a̱kpa̱ndang swat ang wu ma̱nang a nchat a̱pyia̱ ang a̱ni.’#10:27 KDok 6:5; Li̱v 19:18. ”
28Yesu si̱ nyia̱ ma̱ng a̱nggu a̱ni, “A nwuak shim hu cha̱chaat. Nat a nyia̱ a̱nia; a na shya̱ swuan sang sangba̱p!”
29A̱gwak lyen doká Musa wu ku chat a̱ tak nang gu ngyet a̱tsotswat a̱yin. Mat a̱nia, a̱ si̱ bu lyip Yesu nyia̱, “Ka̱ a̱nia wa, a̱nyan wa yet a̱kpa̱ndang swat nung wu?”
Kidee tazwa A̱tyu A̱sa̱mariyawa a̱ Beang a̱ni
30Huhwa Yesu si̱ nwuak gu shim di̱ kidee nyia̱, “A̱tyu A̱yahudawa a̱ghyang ku shya̱ da̱ a̱chyet, a̱ neet Urusha̱lima a̱ naat Yeriko. A̱wot á̱niet á̱tsaai si̱ fwun gu di̱n vak! Ba̱ si̱ ta̱bat gu. Ba̱ si̱ ya̱kpa̱i a̱yaatoot nggu ba á̱ turung mi̱ vam nggu hu nang ba̱ sam. Ba̱ si̱ tsot gu á̱ mat a̱kwonu a̱khwu da̱ a̱beam nvak ka. Ba̱ si̱ nkat.
31“Pris a̱ghyang si̱ kai vak a̱hwa. A̱wot nang gu ndi a̱tyu nang á̱ tsot á̱ mat nang gu myian da̱ a̱beam vak ka a̱ni, a̱ si̱ teap da̱ a̱beam. A̱ si̱ ghwon ngguu. 32Ma a̱nia wa, a̱tyu A̱li̱viyawa a̱ nyia̱ ta̱m Mali Nwuat Za̱nang A̱gwaza a̱ni; si̱ ma neet, a̱ si̱ li ngguu nang gu myian di̱n vak hu. Nggu meang, a̱ si̱ teap da̱ a̱beam. A̱ si̱ swak a̱ nkat.
33“A̱jawa a̱tyu A̱sa̱mariyawa a̱ghyang, á̱niet nang A̱yahudawa ba jhyuai a̱ni#10:33 Lyuut cha̱chaat: “A̱tyu A̱sa̱mariyawa.”, si̱ kai vak hu a̱ neet. Nang gu ndi a̱tyu nang á̱niet á̱tsaai ba tsot a̱ni, a̱ si̱ fa̱k kunak gu. 34A̱ si̱ shyei a̱ nat kpa̱mkpaan ma̱ng a̱nggu. A̱ si̱ mun nggu a̱fi̱fa̱t ba ma̱ng a̱myia̱ za̱itun ma̱ng a̱sa̱khwot a̱na̱p. A̱wot a̱ si̱ la̱p gu a̱fi̱fa̱t ba. A̱jawa gu si̱ kyiak a̱tyu nang á̱niet á̱tsaai ba tsot a̱ni a̱ sak da̱ a̱ka̱za̱nki nggu ka; a̱ si̱ nat ma̱ng a̱nggu ma̱ a̱chya̱ khwat á̱nietchen. A̱ si̱ chok gu a̱ja. 35A̱tyu A̱sa̱mariyawa wu si̱ kwai a̱gbaat a̱nyiung ma̱ng a̱nggu. Da̱ a̱tsotson tat ka, a̱ si̱ nwuak a̱tyu chok a̱chya̱ wu kurum nta̱m mam feang#10:35 Lyuut cha̱chaat: “Tswá kurum zi̱nariya sweang.”, a̱ si̱ nyia̱, ‘Ma̱sa̱kut chok nung ngguu. Jen nang n na mbwuok mbai a̱ni, n na mbeang ang kurum di̱ kyang nang a hyat da̱ nggu a̱ni.’
36“Nang Yesu ntyak shei kidee jini a̱ni, huhwa gu si̱ lyip a̱gwak lyen doká wu,#10:36 Lyuut cha̱chaat: “Da̱ li ang hu …” ‘Da̱ li ang hu, a̱nyan wa mami á̱niet a̱tat a̱bya yet a̱kpa̱ndang swat a̱tyu nang á̱niet á̱tsaai ba tsot a̱ni?’ ”
37A̱gwak lyen doká wu si̱ nwuak Yesu shim nyia̱, “A̱tyu a̱ fa̱k kunak gu a̱ si̱ beang gu a̱ni; nggu wa.”
A̱jawa Yesu si̱ nyia̱, “A̱tsak a̱lyiat, a nwuak shim hu cha̱chaat. Nwan, da̱ nat a nyia̱ a̱nia.”
Ma̱ryamu Khai A̱tan Kyang ku Swak ma̱ng Yet a̱ni
38Nang Yesu ma̱ng mman ta̱m nggu na ngya a̱son ma̱ng a̱chyet naat Urusha̱lima a̱ni; ba̱ si̱si̱ nwuo ma̱ a̱bakeang a̱ghyang nang a̱byii̱k a̱ghyang nshya̱ a̱ni. Á̱ ngyei nggu Ma̱rta. A̱ si̱ san nggu mbwak nfeang a̱mali nggu ka. 39A̱wot Ma̱ryamu a̱na̱nyiuk Ma̱rta wu, si̱ swan a̱zaghyi A̱tyoli Yesu a̱ fwuong tyiet nggu hu.
40A̱wot Ma̱rta, mat a̱gba̱ndang nkyayak á̱nietchen wu nang gu wan a̱ni, na̱ si̱ khwat fwuo nggu hu. A̱ si̱ bai da̱ a̱vwuo Yesu, a̱ si̱ nyia̱ ma̱ng a̱nggu, “A̱tyoli, ku yet a̱sham nang a̱na̱nyiuk nung wu nghwon nung, nang n nyia̱ ta̱m wan kyayak hu ma̱nyin nung a? Ma̱sa̱kut, hyia̱ ma̱ng a̱nggu a̱ bai a̱ beang nung!”
41A̱wot A̱tyoli Yesu si̱ nyia̱ ma̱ng a̱nggu, “Ma̱rta, Ma̱rta! A byia̱ a̱fi̱fa, a si̱ dam tazwa nkyang ma̱ a̱di̱di̱t mi̱ fwuo ang hu. 42Mi̱ kyang nyiung hwa nshya̱ ku yet a̱tan a̱ swak a̱ni. Ma̱ryamu wa ka̱n khai kyang a̱hwa. A̱wot da̱ mba, á̱ na san hu á̱ kai nggu a̱ ghwon bah.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.