Luka 17:26-27

“Ma̱nang hu ku ndi di̱n jen Nuhu gbangbang a̱ni; ma a̱nia wa ku na ndi mi̱ mam a̱hwa nang Nggwon A̱tyubishyi na mbwuok a̱ bai a̱ni. Di̱n jen Nuhu ji gbangbang, á̱niet ba ku shya̱ da̱ ya á̱ tsa nswuo á̱ tsa nyia̱ nyeang ma̱ng á̱ghyang, ba̱ng si̱ nat mam hu nang Nuhu nnwuo ma̱ a̱gba̱ndang kukwon a̱wak a̱ byia̱ a̱kup a̱ni. A̱jawa za si̱ ba̱ kin ta̱bat va ba̱t! A̱wot a̱gba̱ndang a̱ri̱giwa a̱sa̱khwot si̱ ghwut a̱ si̱ hyaai a̱mgba̱m á̱niet swanta ba.