Matyu 24:37-39

“A̱wot ma̱nang hu ku ndi mi̱ njen Nuhu ji gbangbang a̱ni, ma a̱nia wa bwuok Nggwon A̱tyubishyi hu na ndi. Mi̱ njen a̱ja gbangbang, nang a̱gba̱ndang a̱sa̱khwot nza wu ka̱m bai bah, á̱niet swanta ba si̱ ya a̱son ma̱ng ya á̱ tsa nswuo ma̱ng song. Ba̱ si̱ bwoi á̱nyiuk, á̱ tsa tyei á̱nyiuk nyeang ma̱nang ba̱ mmeang a̱ni, ba̱ng si̱ tat a̱tuk nang Nuhu nnwuo a̱gba̱ndang kukwon a̱wak wu nang A̱gwaza ku tyia̱ nggu a̱ si̱ shap a̱ni. A̱wot á̱niet ba ku lyen kyang ku na bai a̱ni bah, si̱ nang a̱gba̱ndang a̱sa̱khwot nza wu mbai mba di̱ mi̱ lyen. Na̱ si̱ kyuak mba a̱mgba̱m, ba̱ si̱ ta̱lyip. Ma a̱nia wa bwuok Nggwon A̱tyubishyi hu na ndi.