Matyu 27
27
Yahuda Iska̱riyoti Hyat A̱pyia̱ nggu
(Ma̱r 15:1; Luk 23:1-2; Yon 18:28-32)
1Da̱ a̱tsotson tat ka, a̱mgba̱m a̱cha̱chet a̱yaapris ba, ma̱ng á̱niet khwop á̱niet ba si̱ tung. Ba̱ si̱ la̱p a̱nu di̱ si̱sak ji ba̱ na nhyat Yesu a̱ni. 2Ba̱ si̱ la̱p gu, ba̱ si̱ nkat ma̱ng a̱nggu. Ba̱ si̱ tyia̱ nggu mbwak Bilatut, a̱tyu a̱ ku yet gwomna A̱romawa wu a̱ni.
3Nang Yahuda Iska̱riyoti, a̱tyu a̱ ku lyap Yesu nfi̱k nang á̱ nfaat Yesu shi̱ri̱ya a̱khwu a̱ni, a̱ si̱ byian fwuo mat a̱ka̱tuk nyia̱ nggu wu. A̱ si̱ bwuok ma̱ng tswá kurum zi̱nariya swak ntat ji, a̱ ba̱ nwuak a̱cha̱chet a̱yaapris ma̱ng á̱niet khwop á̱niet ba. 4A̱ si̱ nyia̱, “N nyia̱ a̱ka̱tuk nyia̱ nang n dyap a̱tyu sang a̱bun a̱ni!” A̱wot ba̱ si̱ nwuak gu shim nyia̱,
“Yihwa ngyet si̱ nzi̱t hu? A̱ka̱ta ang kya a̱ja!”
5A̱jawa Yahuda si̱ ghwop mba tswá kurum ji a̱byin A̱mali Nwuat Za̱nang A̱gwaza ka. A̱ si̱ ghwut a̱ nkat, a̱ si̱si̱ tyia̱ a̱pyia̱ nggu a̱ywan, a̱ si̱ lya̱u da̱ a̱kwon, a̱ si̱ khwu. 6A̱wot a̱cha̱chet a̱yaapris ba si̱ kwok kurum hu, ba̱ si̱ nyia̱, “Nang kurum huni ngyet si̱ a̱sok hwa nang á̱ nhyat a̱yin a̱ni#27:6 Lyuut cha̱chaat: “Zang a̱sok.”, ku myim zi̱ tyia̱ nhu da̱ a̱vwuo saai kurum A̱mali Nwuat Za̱nang A̱gwaza ka bah.”
7Huhwa ba̱ si̱ nyia̱ a̱tung, ba̱ si̱ lyiat á̱ sak, ba̱ san a̱byin a̱tyu nok li̱la̱n ma̱ng kurum hu, ba̱ ka ghwon a̱byin ka ka̱ yet a̱vwuo niat á̱nietchen ba̱ kwi á̱ nwai yet A̱yahudawa a̱ni. 8Huhwa mbyia̱ ba̱ng ba̱ tat a̱fwun, á̱ ngyei a̱byin a̱kya, “A̱byin A̱sok.”
9Si̱ huni bai cha̱chaat ma̱ng kyang nang Iri̱miya a̱ta̱m a̱kwonu A̱gwaza gbangbang ku lyiat a̱ni, nyia̱,
“Ba̱ si̱ kyiak tswá kurum zi̱nariya swak ntat ji;
zang ji#27:9 Wa̱i a̱lyiat: Zang ji fa a̱byi kurum nang á̱niet Isi̱rela ba ku nsan Yesu a̱ni, si̱sak ba̱ ku nkyiak gu nang kyang a̱ni bah. Mat a̱nia, ba̱ si̱ tyia̱ kurum san nggu hu cha̱chaat ma̱ng kurum nang á̱ ni̱ nsan a̱khwo a̱ni. Za̱k 11:12-13; Ghw 21:32. nang á̱niet Isi̱rela ba
li ji̱ myim á̱ tan da̱ nggu a̱ni.
10Ba̱ si̱ nsan a̱byin a̱tyu nok
li̱la̱n ma̱ng kurum hu,
ma̱nang A̱gwaza nung wu
ku ntak n nyia̱ a̱ni.”#27:10 Wa̱i a̱lyiat: Mami a̱chuchuk, Matyu lyiat a̱lyiat nang Za̱ka̱riya a̱ta̱m a̱kwonu A̱gwaza ku lyuut tazwa Yesu a̱ni. Za̱k 11:12-13. A̱wot nang Za̱ka̱riya wu ngyorong a̱lyoot Iri̱miya a̱ni, a̱ nyia̱ a̱di̱dam tazwa a̱lyiat nang Iri̱miya lyiat na̱ nat cha̱chaat ma̱ng a̱si̱ nggu na a̱ni. Iri̱ 32:6-10; 19:1-4,10-11. Za̱ka̱riya kwan a̱ mun á̱vwuo na nang a̱yaata̱m a̱kwonu A̱gwaza ba ndyiat a̱ni. A̱ tak a̱ka̱vwuo a̱feang, a̱wot a̱ si̱ yorong a̱lyoot a̱ta̱m a̱kwonu A̱gwaza a̱nyiung, tangka̱i tyiet hu nang á̱niet tyiet A̱yahudawa ba mmeang ndyo a̱ni.
Gwomna Bilatut Nyia̱ Yesu Shi̱ri̱ya
(Ma̱r 15:2-5; Luk 23:3-5; Yon 18:33-38)
11Nang#27:11 Wa̱i a̱lyiat: Nang. Nkhang Yahuda Iska̱riyoti naat ma̱ cha̱chaat di̱n jen nang Yesu ngyong a̱zaghyi gwomna Bilatut a̱ni. A̱wot á̱kum nkhang Yahuda Iska̱riyoti ka, ku bai nang Yesu ka̱n doot a̱zaghyi gwomna Bilatut. Mat 27:3-10. Yesu ngyong a̱zaghyi Bilatut, a̱ yet gwomna A̱romawa wu a̱ni, gwomna wu si̱ lyip gu nyia̱, “Nwan wa yet a̱gwam A̱yahudawa wu a?”
Yesu si̱ nyia̱ ma̱ng a̱nggu, “A hyia̱ na cha̱chaat.”
12A̱wot nang a̱cha̱chet a̱yaapris ma̱ng á̱niet khwop á̱niet ba ntyei Yesu a̱bun a̱ni, a̱ si̱ kaat kyang bah. 13Huhwa gwomna Bilatut si̱ lyip gu nyia̱, “A fa̱k si̱sak nang á̱niet ba ntyei ang a̱bun ma̱ a̱di̱di̱t a̱ni baa?” 14A̱wot Yesu du nwuak shim ku ma̱ng swang a̱lyiat jhyung bah. Si̱ huni si̱ tyia̱ gwomna wu si̱ fa̱k a̱ga̱de za̱m.
Á̱ Faat Yesu Shi̱ri̱ya A̱khwu
15Kuzang a̱lyia̱ di̱n jen A̱yet Ghwut Mman Isi̱rela mi̱ Khwo hu, gwomna wu ni̱ tyia̱ á̱ ti̱n A̱yahudawa ba a̱tyo nyiung á̱ ghwon ma̱ á̱khwo ba̱ shya̱ mi̱ jaru a̱ni. A̱tyu nang á̱kpa á̱niet ka chat gwomna wu a̱ ti̱n mba ndyo a̱ni, nggu wa gu na ti̱n. 16Mi̱ njen a̱ja, a̱tyok a̱ghyang ku shya̱ mi̱ nyim mi̱ jaru á̱ si̱ ngyei nggu Ba̱ra̱bat#27:16 Lyuut ghyang mbyia̱: Yesu Ba̱ra̱bat., nang á̱ lyen gu ma̱ng nyia̱ a̱ka̱tuk a̱ni.
17Nang á̱kpa á̱niet ka ntung ma̱ a̱tsotson a̱ta̱usa a̱mali gwomna Bilatut ka a̱ni, gwomna Bilatut si̱ lyip ba nyia̱, “A̱nyan wa nyi chat n ti̱n nyin ndyo n ghwon, Ba̱ra̱bat wa kee Yesu nang á̱ ngyei Kristi wu a̱ni?”
18(Mat gwomna Bilatut ka̱n fi̱k ba̱t nang á̱niet ba̱ yet a̱cha̱chet a̱yaakwak a̱son mi̱ khwi tyiet A̱yahudawa hu a̱ni, nkwi swam hwa di̱ Yesu. Huhwa si̱ mbyia̱ ba̱ si̱ ntyia̱ Yesu mbwak nggu ka).
19Jen nang gwomna Bilatut nswan di̱ kyang swat shi̱ri̱ya nggu hu a̱ni, a̱byii̱k nggu wu si̱ kin ta̱m da̱ a̱vwuo nggu nyia̱, “Kai a̱tyu sang a̱bun a̱wa ghwon! Mat, n swuo a̱bung ba̱t ma̱ laat shyunshyung tazwa nggu!”
20Ma̱ a̱cha̱chaat njen a̱wa, a̱yaapris ma̱ng á̱niet khwop á̱niet ba si̱ fuut á̱kpa á̱niet ka, ba̱ tak gwomna Bilatut gu ti̱n Ba̱ra̱bat a̱ ghwon, a̱wot á̱ hyat Yesu. 21Gwomna wu si̱ bu nyia̱ ma̱ng a̱mba, “A̱nyan wa ma̱ á̱niet a̱feang bani nang nyi chat n kai nyin ndyo n ghwon?”
Á̱kpa á̱niet ka si̱ koot a̱gugwong mi̱ chet nyia̱, “Ba̱ra̱bat wa!”
22Gwomna Bilatut si̱ nyia̱ ma̱ng a̱mba, “Yihwa n na nyia̱ ma̱ng Yesu nang á̱ ngyei Kristi wu a̱ni?”
A̱mgba̱m ba si̱ nyia̱, “Á̱ kpang gu da̱ a̱team a̱khwu!”
23Gwomna Bilatut si̱ lyip ba, nyia̱ “Yihwa mbyia̱, zang a̱bun wa nang gu bwuo?”
A̱wot á̱kpa á̱niet ka si̱ mbeang khwot a̱gugong mi̱ chet nyia̱, “Á̱ kpang gu da̱ a̱team a̱khwu wu!”
24Nang gwomna Bilatut ndi, nggu ma̱ a̱pyia̱ nggu mbyia̱ kyang nggu na nyia̱ a̱ni bah, a̱wot nang á̱niet ba nchat doot jhya̱ a̱ni, a̱ si̱ ta̱m á̱ si̱ bwuo nggu a̱sa̱khwot ma̱ a̱ka̱gbaa, a̱ si̱ nkwi mbwak nggu na a̱zaghyi á̱kpa á̱niet ka, a̱ si̱ nyia̱, “N byia̱ a̱ka̱ta da̱ a̱sok a̱tyu sang a̱bun nani bah, ku bwat nyin a̱ja!”
25A̱mgba̱m á̱kpa á̱niet ka si̱ nwuak shim nyia̱, “Yok, á̱ ba̱ng nzi̱t ma̱ng mman nzi̱t na tazwa a̱khwu nggu ka!”#27:25 Lyuut cha̱chaat: “Yok a̱sok nggu na na̱ chyok á̱pyia̱ nzi̱t ma̱ng mman nzi̱t na!” 26A̱jawa gwomna Bilatut si̱ ti̱n Ba̱ra̱bat mi̱ jaru ji a̱ ghwon. A̱ si̱ tyia̱ á̱ si̱ tsot Yesu ma̱ng a̱ya̱u a̱ byia̱ pyipyia̱ ntswam a̱ni. A̱ si̱ tyia̱ nggu mbwak á̱niet nzwang A̱romawa na, ba̱ kpang gu da̱ a̱team a̱khwu.
Á̱niet Nzwang A̱romawa Mang Yesu A̱lyem
(Ma̱r 15:16-20; Yon 19:2-3)
27A̱jawa á̱ghyang mi̱ á̱niet nzwang gwomna Bilatut ba si̱ nat ma̱ng Yesu mi̱ didyaat gaat a̱li tyok gwomna hu. A̱wot a̱mgba̱m á̱kum sot á̱niet nzwang A̱romawa ka si̱ keang gu á̱ tyia̱. 28Ba̱ si̱ ya̱kpa̱i a̱yaatoot nggu ba á̱ turung mi̱ vam nggu hu nang ba̱ sam. Ba̱ si̱ kup guu a̱junjung a̱shong a̱toot nang a̱gwam a̱ni.
29Ba̱ si̱ kup gu bung tyok nang á̱ tat ma̱ng sa̱kan a̱ni. Ba̱ si̱ tyia̱ gu shan tyok di̱ mbwak yak. Ba̱ si̱ kpaat a̱khwukhwut a̱zaghyi nggu. Ba̱ si̱ nwuo byat gu di̱ lihyat, nyia̱, “A̱gwam A̱yahudawa, swuan ang ji labeang!”
30Ba̱ si̱ shum nggu a̱ta̱mpyia̱, ba̱ si̱ ta̱wap shan tyok ji, ba̱ si̱ ntsot gu a̱pyia̱. 31Nang ba̱ ntyak lyiat gu lihyat hu a̱ni, ba̱ si̱ khwuk a̱junjung a̱shong a̱toot tyok wu, ba̱ si̱ kup gu a̱yaatoot nggu ba. Ba̱ si̱ ghwut ma̱ng a̱nggu a̱ta̱usa á̱ nkat ndyo da̱ a̱vwuo á̱ na nkpang gu da̱ a̱team a̱khwu wu a̱ni.
Á̱ Kpang Yesu da̱ A̱team A̱khwu
(Ma̱r 15:21-32; Luk 23:26-43; Yon 19:17-27)
32Nang á̱niet nzwang ba nghwut á̱ naat ma̱ng Yesu á̱ ka kpang nggu da̱ a̱team a̱khwu wu a̱ni, ba̱ si̱ tyia̱ gba̱ng ma̱ng a̱tyu Si̱ri̱n a̱ghyang, á̱ ngyei Siman. Á̱niet nzwang ba si̱ nyia̱ nggu khwo, ba̱ si̱ nwuak nggu a̱team a̱khwu Yesu wu a̱ si̱ faat. 33A̱wot ba̱ si̱si̱ tat a̱vwuo a̱ghyang nang á̱ ngyei Goli̱gota a̱ni. (A̱lyoot kani fa, “A̱ghyighyak A̱pyia̱.”)
34A̱wot ba̱ si̱ kwan ba̱ nang Yesu a̱sa̱khwot a̱na̱p nang á̱ kyiai ma̱ng a̱gba̱za̱zai kan nang á̱ ngyei “Gal” a̱ni, na̱ na ghyuai nggu fa̱k a̱khwu a̱ni, nang gu niaat a̱ni, a̱ si̱ lak swuo hu.
35Nang ba̱ nkpang gu da̱ a̱team a̱khwu wu a̱ni, ba̱ si̱ koot tswák da̱ a̱yaatoot nggu ba, ba̱ ka li a̱tyu a̱ na byia̱ a̱yaatoot ba a̱ni.
36Ba̱ si̱ bwuok á̱ swan a̱ja, á̱ cham#27:36 Wa̱i a̱lyiat: Á̱ cham. Shimba ba̱ ku swan á̱ cham nggu kalak mman ta̱m nggu na ba̱ bai, ba̱ ba̱ nyiin kwom nggu hu nang ba̱ lyen bah. nang Yesu shya̱ tazwa a̱team a̱khwu wu. 37Tazwa a̱team a̱khwu wu cha̱chaat ma̱ng a̱pyia̱ Yesu ka, ba̱ si̱ lyuut a̱bun nang ba̱ mbat gu a̱ni ma a̱lo á̱ lya̱u nyia̱,
“Yesu, A̱gwam A̱yahudawa wu wa wu.”
38Ba̱ si̱ bu kpang á̱niet á̱tsaai a̱feang da̱ a̱yaateam a̱khwu dundung ma̱ng Yesu, a̱tyo nyiung a̱zayak ma̱ng a̱tyo nyiung a̱zamyian nggu ka.
39Á̱niet ba̱ sweap a̱ni, si̱ mai nggu mai lihyat, á̱ tsa á̱ bu nkang pyipyia̱ mba hu. 40Ba̱ si̱ khwot a̱gugong nyia̱, “Aap! Nwan a̱tyu a̱ nyia̱, ‘N na bi̱ri̱m A̱li Nwuat Za̱nang A̱gwaza ka, n bu nok a̱ghyang mami mam tat a̱ni.’ Ka a yet Nggwon A̱gwaza kya za̱m, san a̱pyia̱ ang, a chyok da̱ a̱team a̱khwu bai a̱byin, zi̱ li la!”
41Ma a̱nia wa a̱cha̱chet a̱yaapris, á̱niet tyiet doka ma̱ng á̱niet khwop á̱niet ba, si̱ mmang nggu a̱lyem ka nyia̱, 42“A̱ san á̱ghyang á̱niet, a̱wot a̱ si̱ mi̱n san a̱pyia̱ nggu bah! Ma̱ninika, yok A̱gwam Isi̱rela wuni gu chyok da̱ a̱team a̱khwu wu zi̱ ka li, zi̱ sii nwuak fwuo da̱ nggu! 43A̱ nwuak fwuo da̱ A̱gwaza. Yok A̱gwaza a̱ san gu ma̱ninika, ka̱ a̱ chat gu!#27:43 Za̱b 22:8. Mat a̱ ku nyia̱, ‘N gyet Nggwon A̱gwaza kya.’ ” 44Ma a̱nia wa á̱niet á̱tsaai a̱feang a̱bya, nang á̱ ku kpang mba ndung ma̱ng a̱nggu a̱ni, mba meang ba̱ si̱ mun á̱ lyiat gu lihyat hu.#27:44 Wa̱i a̱lyiat: Ma̱ a̱da̱dei zwunzwuo wuni (44) ma̱ng Ma̱r 15:32, á̱ kaat kyang tazwa a̱tyu a̱tsaai a̱nyiung a̱ nwuak fwuo di̱ Yesu a̱ni bah, ma̱nang á̱ ndyuut mi̱ Luk 23:40-43. Shimba, a̱tyo nyiung mami á̱niet á̱tsaai ba shyak fwuo nggu hu a̱ si̱ nwuak fwuo di̱ Yesu di̱n jen nang nggu nfi̱k tangka̱i a̱yin nang Yesu yet a̱ni.
A̱khwu Yesu ka
(Ma̱r 15:38-41; Luk 23:44-49; Yon 19:28-30)
45Ma̱ ka̱wa̱tyia̱ a̱ta̱mam, chobai tswam swak mi̱ sweang ba̱ng si̱ nat tswam tsat, a̱mgba̱m a̱byin ka si̱ tyia̱ lyin ma̱ kyi̱ri̱p! 46Nang tswam tsat ji nnyia̱ a̱ni, Yesu si̱ yorong ma̱ng a̱gba̱ndang a̱nwuat nyia̱, “Eloi, Eloi, Lama Sa̱baktani?” Swáng a̱lyiat jini fa, “A̱gwaza nung wu, A̱gwaza nung wu, yihwa mbyia̱ a ndak nung ghwon?”#27:46 Za̱b 22:1.
47Á̱niet ba̱ yong a̱ja a̱ni, ba̱ si̱ fa nyia̱, “Á ngyei Yesu yei Iliya a̱ta̱m a̱kwonu A̱gwaza wa!”
48Mi̱ di̱ yong a̱hwa, a̱tyo nyiung ma̱ a̱mba si̱ tyia̱ kwak chung, a̱ si̱si̱ kyiak soso, a̱ si̱ zwup ma̱ a̱sa̱sat a̱sa̱khwot. A̱ si̱ la̱p di̱n shan, a̱ si̱ neap Yesu, a̱ ka swuo.
49A̱wot á̱ghyang á̱niet si̱ nyia̱, “Yok zi̱ li, ke Iliya a̱ta̱m a̱kwonu A̱gwaza chobai a̱ san guu!”
50A̱jawa Yesu si̱ tyia̱ kun mi̱ chet, a̱ si̱ mat a̱pyia̱. 51Mi̱ di̱ yong a̱hwa, a̱gba̱ndang a̱kpi̱mi̱mi̱t a̱teap wu nang á̱ lya̱u á̱ si̱ nghai á̱ fwun A̱swang ka̱ yet A̱za̱za̱rak A̱ Swak mami A̱li Nwuat Za̱nang A̱gwaza ka a̱ni, si̱ kin seap ma̱ kpeak a̱ tyia̱ a̱feang neet tazwa ba̱ bai a̱byin! A̱byin ka si̱ ma ntyi̱ri̱m, a̱wot nfang na si̱ fwuoi.
52Bibi si̱ ma nkhwut, a̱wot á̱niet ma̱ a̱di̱di̱t ba̱ yet á̱si̱ A̱gwaza, ba̱ ka̱n kwi a̱ni, si̱ doot ma̱ng swuan! 53Nang Yesu ndoot ma̱ a̱khwu ka a̱ni, á̱niet ba̱ yet á̱si̱ A̱gwaza bani a̱ni, si̱ ghwut mi̱ bibi hu. A̱wot ba̱ si̱ nwuo ma̱ a̱za̱za̱rak a̱keang Urusha̱lima wu, ba̱ si̱ tyai á̱pyia̱ mba kpa̱sai da̱ a̱vwuo á̱niet ma̱ a̱di̱di̱t.
54A̱gba̱ndang a̱kwak a̱son á̱niet nzwang A̱romawa wu ma̱ng á̱kum á̱niet nzwang ba̱ chok Yesu da̱ a̱team a̱khwu wu a̱ni, ba̱ si̱ fa̱k a̱wun nang ba̱ ndi, ba̱ si̱ fa̱k tyi̱ri̱m a̱byin hu ma̱ng a̱mgba̱m nkyang na á̱ nyia̱ a̱ni. Ba̱ si̱ nyia̱, “A̱tsak a̱lyiat, a̱tyu wuni yet Nggwon A̱gwaza kya za̱m!”
55Á̱nyiuk ma̱ a̱di̱di̱t ba̱ ku khwi Yesu neet mi̱ fam a̱byin Ga̱lili á̱ nyia̱ gu ta̱m a̱ni, ku shya̱ a̱ja, á̱ yong gbang á nwuan. 56Mami mba, á̱ ku mbyia̱ Ma̱ryamu Ma̱ga̱daliya, Ma̱ryamu a̱yang Yakubu ma̱ng Isuu, mbeang a̱yang Yakubu ma̱ng Yoona, á̱fai Za̱ba̱di ba.
Á̱ Niat Kwom Yesu hu
(Ma̱r 15:42-47; Luk 23:50-56; Yon 19:38-42)
57Nang jenshyung nnyia̱ a̱ni, Isuu, a̱tyu nzwá a̱ neet A̱ri̱matiya a̱ni, nggu meang a̱ ku yet a̱tyu khwi Yesu wa; 58a̱ si̱ nat da̱ a̱vwuo gwomna Bilatut jenshyung a̱tuk Juma. A̱ si̱ naai á̱ nwuak gu kwom Yesu hu. A̱wot gwomna Bilatut si̱ shim a̱ si̱ tyia̱ á̱ si̱ nwuak gu kwom hu.
59Isuu si̱ chyok ma̱ng kwom Yesu hu da̱ a̱team a̱khwu wu. A̱ si̱ gat hu ma̱ng a̱sha̱shet kikyak swai. 60A̱ si̱ myiai nggu mi̱ lyak nang á̱ lung da̱ a̱fang a̱ni. A̱ si̱ yuut a̱gba̱ndang a̱fang á̱ nkup a̱nu lyak ka, a̱ si̱ nkat, 61nang Ma̱ryamu Ma̱ga̱daliya ma̱ng Ma̱ryamu a̱nyiung wu ni̱ swan a̱zaghyi a̱bi ka á̱ nwuan.
Á̱niet Nzwang Chok A̱bi Yesu
62Da̱ a̱tsotson tat, a̱tuk Mam Fwung A̱yahudawa ka, a̱cha̱chet a̱yaapris ma̱ng A̱fa̱risawa ba si̱ nat da̱ a̱vwuo gwomna Bilatut. 63Ba̱ si̱ nyia̱, “A̱tyoli, zi̱ jhyung kyang nang a̱tyu laai á̱niet a̱wa a̱ ku kyiak a̱pyia̱ nggu nang A̱gwaza a̱ni, ku hyia̱ neet nang gu ni̱ shya̱ a̱chet a̱ni nyia̱: Ka̱ á̱ bwuo mam tat, a̱ na doot ma̱ng swuan ma̱ á̱niet ba̱ ka̱n kwi a̱ni.
64“Mat a̱nia, tyia̱ á̱ chok a̱bi ka shansham si̱ nat a̱tuk nang mam tat hu na nswak a̱ni. Kalak mman ta̱m nggu na si̱ ba̱ bai ba̱ nyiin kwom hu. A̱wot ba̱ tak ma̱ng á̱niet ba nyia̱ á̱ ta̱ngam gu ma̱ng swuan ma̱ á̱niet ba̱ ka̱n kwi a̱ni. Ka̱ ku li a̱nia, la ngaan huni na swak si̱ ntsa hu ma̱ng yet a̱ka̱tuk.”
65Gwomna Bilatut si̱ shim nyia̱, “N jong nyin sot á̱niet nzwang ba̱ na cham a̱bi ka a̱ni. Nyi nat, nyi si̱ tyia̱ ba̱ cham a̱bi ka shansham nang nyi chat a̱ni.” 66Mat a̱nia, a̱kwak a̱son A̱yahudawa si̱ nyap ghwughwu a̱pyia̱ a̱gwam shan A̱romawa wu ma̱ng kang da̱ a̱fang ka#27:66 Wa̱i a̱lyiat: Nyap ghwughwu a̱pyia̱ a̱gwam shan A̱romawa wu ma̱ng kang da̱ a̱fang ka. Shimba, “Nyap ghwughwu a̱pyia̱ a̱gwam hu ma̱ng kang da̱ a̱fang ka” fa ba̱ ku chat ba̱ mun a̱fang ka ma̱ng a̱nu a̱bi ka ma̱ng a̱ywan nang á̱ nta̱meet kang ku lyem a̱ni, mat ka̱ á̱ shyei a̱fang ka ma̱ chunchwiit, á̱ li á̱ lyen.. Á̱ si̱ bu nsak á̱niet nzwang ba̱ na cham a̱bi ka a̱ni.
Currently Selected:
Matyu 27: TyapNT
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.
Matyu 27
27
Yahuda Iska̱riyoti Hyat A̱pyia̱ nggu
(Ma̱r 15:1; Luk 23:1-2; Yon 18:28-32)
1Da̱ a̱tsotson tat ka, a̱mgba̱m a̱cha̱chet a̱yaapris ba, ma̱ng á̱niet khwop á̱niet ba si̱ tung. Ba̱ si̱ la̱p a̱nu di̱ si̱sak ji ba̱ na nhyat Yesu a̱ni. 2Ba̱ si̱ la̱p gu, ba̱ si̱ nkat ma̱ng a̱nggu. Ba̱ si̱ tyia̱ nggu mbwak Bilatut, a̱tyu a̱ ku yet gwomna A̱romawa wu a̱ni.
3Nang Yahuda Iska̱riyoti, a̱tyu a̱ ku lyap Yesu nfi̱k nang á̱ nfaat Yesu shi̱ri̱ya a̱khwu a̱ni, a̱ si̱ byian fwuo mat a̱ka̱tuk nyia̱ nggu wu. A̱ si̱ bwuok ma̱ng tswá kurum zi̱nariya swak ntat ji, a̱ ba̱ nwuak a̱cha̱chet a̱yaapris ma̱ng á̱niet khwop á̱niet ba. 4A̱ si̱ nyia̱, “N nyia̱ a̱ka̱tuk nyia̱ nang n dyap a̱tyu sang a̱bun a̱ni!” A̱wot ba̱ si̱ nwuak gu shim nyia̱,
“Yihwa ngyet si̱ nzi̱t hu? A̱ka̱ta ang kya a̱ja!”
5A̱jawa Yahuda si̱ ghwop mba tswá kurum ji a̱byin A̱mali Nwuat Za̱nang A̱gwaza ka. A̱ si̱ ghwut a̱ nkat, a̱ si̱si̱ tyia̱ a̱pyia̱ nggu a̱ywan, a̱ si̱ lya̱u da̱ a̱kwon, a̱ si̱ khwu. 6A̱wot a̱cha̱chet a̱yaapris ba si̱ kwok kurum hu, ba̱ si̱ nyia̱, “Nang kurum huni ngyet si̱ a̱sok hwa nang á̱ nhyat a̱yin a̱ni#27:6 Lyuut cha̱chaat: “Zang a̱sok.”, ku myim zi̱ tyia̱ nhu da̱ a̱vwuo saai kurum A̱mali Nwuat Za̱nang A̱gwaza ka bah.”
7Huhwa ba̱ si̱ nyia̱ a̱tung, ba̱ si̱ lyiat á̱ sak, ba̱ san a̱byin a̱tyu nok li̱la̱n ma̱ng kurum hu, ba̱ ka ghwon a̱byin ka ka̱ yet a̱vwuo niat á̱nietchen ba̱ kwi á̱ nwai yet A̱yahudawa a̱ni. 8Huhwa mbyia̱ ba̱ng ba̱ tat a̱fwun, á̱ ngyei a̱byin a̱kya, “A̱byin A̱sok.”
9Si̱ huni bai cha̱chaat ma̱ng kyang nang Iri̱miya a̱ta̱m a̱kwonu A̱gwaza gbangbang ku lyiat a̱ni, nyia̱,
“Ba̱ si̱ kyiak tswá kurum zi̱nariya swak ntat ji;
zang ji#27:9 Wa̱i a̱lyiat: Zang ji fa a̱byi kurum nang á̱niet Isi̱rela ba ku nsan Yesu a̱ni, si̱sak ba̱ ku nkyiak gu nang kyang a̱ni bah. Mat a̱nia, ba̱ si̱ tyia̱ kurum san nggu hu cha̱chaat ma̱ng kurum nang á̱ ni̱ nsan a̱khwo a̱ni. Za̱k 11:12-13; Ghw 21:32. nang á̱niet Isi̱rela ba
li ji̱ myim á̱ tan da̱ nggu a̱ni.
10Ba̱ si̱ nsan a̱byin a̱tyu nok
li̱la̱n ma̱ng kurum hu,
ma̱nang A̱gwaza nung wu
ku ntak n nyia̱ a̱ni.”#27:10 Wa̱i a̱lyiat: Mami a̱chuchuk, Matyu lyiat a̱lyiat nang Za̱ka̱riya a̱ta̱m a̱kwonu A̱gwaza ku lyuut tazwa Yesu a̱ni. Za̱k 11:12-13. A̱wot nang Za̱ka̱riya wu ngyorong a̱lyoot Iri̱miya a̱ni, a̱ nyia̱ a̱di̱dam tazwa a̱lyiat nang Iri̱miya lyiat na̱ nat cha̱chaat ma̱ng a̱si̱ nggu na a̱ni. Iri̱ 32:6-10; 19:1-4,10-11. Za̱ka̱riya kwan a̱ mun á̱vwuo na nang a̱yaata̱m a̱kwonu A̱gwaza ba ndyiat a̱ni. A̱ tak a̱ka̱vwuo a̱feang, a̱wot a̱ si̱ yorong a̱lyoot a̱ta̱m a̱kwonu A̱gwaza a̱nyiung, tangka̱i tyiet hu nang á̱niet tyiet A̱yahudawa ba mmeang ndyo a̱ni.
Gwomna Bilatut Nyia̱ Yesu Shi̱ri̱ya
(Ma̱r 15:2-5; Luk 23:3-5; Yon 18:33-38)
11Nang#27:11 Wa̱i a̱lyiat: Nang. Nkhang Yahuda Iska̱riyoti naat ma̱ cha̱chaat di̱n jen nang Yesu ngyong a̱zaghyi gwomna Bilatut a̱ni. A̱wot á̱kum nkhang Yahuda Iska̱riyoti ka, ku bai nang Yesu ka̱n doot a̱zaghyi gwomna Bilatut. Mat 27:3-10. Yesu ngyong a̱zaghyi Bilatut, a̱ yet gwomna A̱romawa wu a̱ni, gwomna wu si̱ lyip gu nyia̱, “Nwan wa yet a̱gwam A̱yahudawa wu a?”
Yesu si̱ nyia̱ ma̱ng a̱nggu, “A hyia̱ na cha̱chaat.”
12A̱wot nang a̱cha̱chet a̱yaapris ma̱ng á̱niet khwop á̱niet ba ntyei Yesu a̱bun a̱ni, a̱ si̱ kaat kyang bah. 13Huhwa gwomna Bilatut si̱ lyip gu nyia̱, “A fa̱k si̱sak nang á̱niet ba ntyei ang a̱bun ma̱ a̱di̱di̱t a̱ni baa?” 14A̱wot Yesu du nwuak shim ku ma̱ng swang a̱lyiat jhyung bah. Si̱ huni si̱ tyia̱ gwomna wu si̱ fa̱k a̱ga̱de za̱m.
Á̱ Faat Yesu Shi̱ri̱ya A̱khwu
15Kuzang a̱lyia̱ di̱n jen A̱yet Ghwut Mman Isi̱rela mi̱ Khwo hu, gwomna wu ni̱ tyia̱ á̱ ti̱n A̱yahudawa ba a̱tyo nyiung á̱ ghwon ma̱ á̱khwo ba̱ shya̱ mi̱ jaru a̱ni. A̱tyu nang á̱kpa á̱niet ka chat gwomna wu a̱ ti̱n mba ndyo a̱ni, nggu wa gu na ti̱n. 16Mi̱ njen a̱ja, a̱tyok a̱ghyang ku shya̱ mi̱ nyim mi̱ jaru á̱ si̱ ngyei nggu Ba̱ra̱bat#27:16 Lyuut ghyang mbyia̱: Yesu Ba̱ra̱bat., nang á̱ lyen gu ma̱ng nyia̱ a̱ka̱tuk a̱ni.
17Nang á̱kpa á̱niet ka ntung ma̱ a̱tsotson a̱ta̱usa a̱mali gwomna Bilatut ka a̱ni, gwomna Bilatut si̱ lyip ba nyia̱, “A̱nyan wa nyi chat n ti̱n nyin ndyo n ghwon, Ba̱ra̱bat wa kee Yesu nang á̱ ngyei Kristi wu a̱ni?”
18(Mat gwomna Bilatut ka̱n fi̱k ba̱t nang á̱niet ba̱ yet a̱cha̱chet a̱yaakwak a̱son mi̱ khwi tyiet A̱yahudawa hu a̱ni, nkwi swam hwa di̱ Yesu. Huhwa si̱ mbyia̱ ba̱ si̱ ntyia̱ Yesu mbwak nggu ka).
19Jen nang gwomna Bilatut nswan di̱ kyang swat shi̱ri̱ya nggu hu a̱ni, a̱byii̱k nggu wu si̱ kin ta̱m da̱ a̱vwuo nggu nyia̱, “Kai a̱tyu sang a̱bun a̱wa ghwon! Mat, n swuo a̱bung ba̱t ma̱ laat shyunshyung tazwa nggu!”
20Ma̱ a̱cha̱chaat njen a̱wa, a̱yaapris ma̱ng á̱niet khwop á̱niet ba si̱ fuut á̱kpa á̱niet ka, ba̱ tak gwomna Bilatut gu ti̱n Ba̱ra̱bat a̱ ghwon, a̱wot á̱ hyat Yesu. 21Gwomna wu si̱ bu nyia̱ ma̱ng a̱mba, “A̱nyan wa ma̱ á̱niet a̱feang bani nang nyi chat n kai nyin ndyo n ghwon?”
Á̱kpa á̱niet ka si̱ koot a̱gugwong mi̱ chet nyia̱, “Ba̱ra̱bat wa!”
22Gwomna Bilatut si̱ nyia̱ ma̱ng a̱mba, “Yihwa n na nyia̱ ma̱ng Yesu nang á̱ ngyei Kristi wu a̱ni?”
A̱mgba̱m ba si̱ nyia̱, “Á̱ kpang gu da̱ a̱team a̱khwu!”
23Gwomna Bilatut si̱ lyip ba, nyia̱ “Yihwa mbyia̱, zang a̱bun wa nang gu bwuo?”
A̱wot á̱kpa á̱niet ka si̱ mbeang khwot a̱gugong mi̱ chet nyia̱, “Á̱ kpang gu da̱ a̱team a̱khwu wu!”
24Nang gwomna Bilatut ndi, nggu ma̱ a̱pyia̱ nggu mbyia̱ kyang nggu na nyia̱ a̱ni bah, a̱wot nang á̱niet ba nchat doot jhya̱ a̱ni, a̱ si̱ ta̱m á̱ si̱ bwuo nggu a̱sa̱khwot ma̱ a̱ka̱gbaa, a̱ si̱ nkwi mbwak nggu na a̱zaghyi á̱kpa á̱niet ka, a̱ si̱ nyia̱, “N byia̱ a̱ka̱ta da̱ a̱sok a̱tyu sang a̱bun nani bah, ku bwat nyin a̱ja!”
25A̱mgba̱m á̱kpa á̱niet ka si̱ nwuak shim nyia̱, “Yok, á̱ ba̱ng nzi̱t ma̱ng mman nzi̱t na tazwa a̱khwu nggu ka!”#27:25 Lyuut cha̱chaat: “Yok a̱sok nggu na na̱ chyok á̱pyia̱ nzi̱t ma̱ng mman nzi̱t na!” 26A̱jawa gwomna Bilatut si̱ ti̱n Ba̱ra̱bat mi̱ jaru ji a̱ ghwon. A̱ si̱ tyia̱ á̱ si̱ tsot Yesu ma̱ng a̱ya̱u a̱ byia̱ pyipyia̱ ntswam a̱ni. A̱ si̱ tyia̱ nggu mbwak á̱niet nzwang A̱romawa na, ba̱ kpang gu da̱ a̱team a̱khwu.
Á̱niet Nzwang A̱romawa Mang Yesu A̱lyem
(Ma̱r 15:16-20; Yon 19:2-3)
27A̱jawa á̱ghyang mi̱ á̱niet nzwang gwomna Bilatut ba si̱ nat ma̱ng Yesu mi̱ didyaat gaat a̱li tyok gwomna hu. A̱wot a̱mgba̱m á̱kum sot á̱niet nzwang A̱romawa ka si̱ keang gu á̱ tyia̱. 28Ba̱ si̱ ya̱kpa̱i a̱yaatoot nggu ba á̱ turung mi̱ vam nggu hu nang ba̱ sam. Ba̱ si̱ kup guu a̱junjung a̱shong a̱toot nang a̱gwam a̱ni.
29Ba̱ si̱ kup gu bung tyok nang á̱ tat ma̱ng sa̱kan a̱ni. Ba̱ si̱ tyia̱ gu shan tyok di̱ mbwak yak. Ba̱ si̱ kpaat a̱khwukhwut a̱zaghyi nggu. Ba̱ si̱ nwuo byat gu di̱ lihyat, nyia̱, “A̱gwam A̱yahudawa, swuan ang ji labeang!”
30Ba̱ si̱ shum nggu a̱ta̱mpyia̱, ba̱ si̱ ta̱wap shan tyok ji, ba̱ si̱ ntsot gu a̱pyia̱. 31Nang ba̱ ntyak lyiat gu lihyat hu a̱ni, ba̱ si̱ khwuk a̱junjung a̱shong a̱toot tyok wu, ba̱ si̱ kup gu a̱yaatoot nggu ba. Ba̱ si̱ ghwut ma̱ng a̱nggu a̱ta̱usa á̱ nkat ndyo da̱ a̱vwuo á̱ na nkpang gu da̱ a̱team a̱khwu wu a̱ni.
Á̱ Kpang Yesu da̱ A̱team A̱khwu
(Ma̱r 15:21-32; Luk 23:26-43; Yon 19:17-27)
32Nang á̱niet nzwang ba nghwut á̱ naat ma̱ng Yesu á̱ ka kpang nggu da̱ a̱team a̱khwu wu a̱ni, ba̱ si̱ tyia̱ gba̱ng ma̱ng a̱tyu Si̱ri̱n a̱ghyang, á̱ ngyei Siman. Á̱niet nzwang ba si̱ nyia̱ nggu khwo, ba̱ si̱ nwuak nggu a̱team a̱khwu Yesu wu a̱ si̱ faat. 33A̱wot ba̱ si̱si̱ tat a̱vwuo a̱ghyang nang á̱ ngyei Goli̱gota a̱ni. (A̱lyoot kani fa, “A̱ghyighyak A̱pyia̱.”)
34A̱wot ba̱ si̱ kwan ba̱ nang Yesu a̱sa̱khwot a̱na̱p nang á̱ kyiai ma̱ng a̱gba̱za̱zai kan nang á̱ ngyei “Gal” a̱ni, na̱ na ghyuai nggu fa̱k a̱khwu a̱ni, nang gu niaat a̱ni, a̱ si̱ lak swuo hu.
35Nang ba̱ nkpang gu da̱ a̱team a̱khwu wu a̱ni, ba̱ si̱ koot tswák da̱ a̱yaatoot nggu ba, ba̱ ka li a̱tyu a̱ na byia̱ a̱yaatoot ba a̱ni.
36Ba̱ si̱ bwuok á̱ swan a̱ja, á̱ cham#27:36 Wa̱i a̱lyiat: Á̱ cham. Shimba ba̱ ku swan á̱ cham nggu kalak mman ta̱m nggu na ba̱ bai, ba̱ ba̱ nyiin kwom nggu hu nang ba̱ lyen bah. nang Yesu shya̱ tazwa a̱team a̱khwu wu. 37Tazwa a̱team a̱khwu wu cha̱chaat ma̱ng a̱pyia̱ Yesu ka, ba̱ si̱ lyuut a̱bun nang ba̱ mbat gu a̱ni ma a̱lo á̱ lya̱u nyia̱,
“Yesu, A̱gwam A̱yahudawa wu wa wu.”
38Ba̱ si̱ bu kpang á̱niet á̱tsaai a̱feang da̱ a̱yaateam a̱khwu dundung ma̱ng Yesu, a̱tyo nyiung a̱zayak ma̱ng a̱tyo nyiung a̱zamyian nggu ka.
39Á̱niet ba̱ sweap a̱ni, si̱ mai nggu mai lihyat, á̱ tsa á̱ bu nkang pyipyia̱ mba hu. 40Ba̱ si̱ khwot a̱gugong nyia̱, “Aap! Nwan a̱tyu a̱ nyia̱, ‘N na bi̱ri̱m A̱li Nwuat Za̱nang A̱gwaza ka, n bu nok a̱ghyang mami mam tat a̱ni.’ Ka a yet Nggwon A̱gwaza kya za̱m, san a̱pyia̱ ang, a chyok da̱ a̱team a̱khwu bai a̱byin, zi̱ li la!”
41Ma a̱nia wa a̱cha̱chet a̱yaapris, á̱niet tyiet doka ma̱ng á̱niet khwop á̱niet ba, si̱ mmang nggu a̱lyem ka nyia̱, 42“A̱ san á̱ghyang á̱niet, a̱wot a̱ si̱ mi̱n san a̱pyia̱ nggu bah! Ma̱ninika, yok A̱gwam Isi̱rela wuni gu chyok da̱ a̱team a̱khwu wu zi̱ ka li, zi̱ sii nwuak fwuo da̱ nggu! 43A̱ nwuak fwuo da̱ A̱gwaza. Yok A̱gwaza a̱ san gu ma̱ninika, ka̱ a̱ chat gu!#27:43 Za̱b 22:8. Mat a̱ ku nyia̱, ‘N gyet Nggwon A̱gwaza kya.’ ” 44Ma a̱nia wa á̱niet á̱tsaai a̱feang a̱bya, nang á̱ ku kpang mba ndung ma̱ng a̱nggu a̱ni, mba meang ba̱ si̱ mun á̱ lyiat gu lihyat hu.#27:44 Wa̱i a̱lyiat: Ma̱ a̱da̱dei zwunzwuo wuni (44) ma̱ng Ma̱r 15:32, á̱ kaat kyang tazwa a̱tyu a̱tsaai a̱nyiung a̱ nwuak fwuo di̱ Yesu a̱ni bah, ma̱nang á̱ ndyuut mi̱ Luk 23:40-43. Shimba, a̱tyo nyiung mami á̱niet á̱tsaai ba shyak fwuo nggu hu a̱ si̱ nwuak fwuo di̱ Yesu di̱n jen nang nggu nfi̱k tangka̱i a̱yin nang Yesu yet a̱ni.
A̱khwu Yesu ka
(Ma̱r 15:38-41; Luk 23:44-49; Yon 19:28-30)
45Ma̱ ka̱wa̱tyia̱ a̱ta̱mam, chobai tswam swak mi̱ sweang ba̱ng si̱ nat tswam tsat, a̱mgba̱m a̱byin ka si̱ tyia̱ lyin ma̱ kyi̱ri̱p! 46Nang tswam tsat ji nnyia̱ a̱ni, Yesu si̱ yorong ma̱ng a̱gba̱ndang a̱nwuat nyia̱, “Eloi, Eloi, Lama Sa̱baktani?” Swáng a̱lyiat jini fa, “A̱gwaza nung wu, A̱gwaza nung wu, yihwa mbyia̱ a ndak nung ghwon?”#27:46 Za̱b 22:1.
47Á̱niet ba̱ yong a̱ja a̱ni, ba̱ si̱ fa nyia̱, “Á ngyei Yesu yei Iliya a̱ta̱m a̱kwonu A̱gwaza wa!”
48Mi̱ di̱ yong a̱hwa, a̱tyo nyiung ma̱ a̱mba si̱ tyia̱ kwak chung, a̱ si̱si̱ kyiak soso, a̱ si̱ zwup ma̱ a̱sa̱sat a̱sa̱khwot. A̱ si̱ la̱p di̱n shan, a̱ si̱ neap Yesu, a̱ ka swuo.
49A̱wot á̱ghyang á̱niet si̱ nyia̱, “Yok zi̱ li, ke Iliya a̱ta̱m a̱kwonu A̱gwaza chobai a̱ san guu!”
50A̱jawa Yesu si̱ tyia̱ kun mi̱ chet, a̱ si̱ mat a̱pyia̱. 51Mi̱ di̱ yong a̱hwa, a̱gba̱ndang a̱kpi̱mi̱mi̱t a̱teap wu nang á̱ lya̱u á̱ si̱ nghai á̱ fwun A̱swang ka̱ yet A̱za̱za̱rak A̱ Swak mami A̱li Nwuat Za̱nang A̱gwaza ka a̱ni, si̱ kin seap ma̱ kpeak a̱ tyia̱ a̱feang neet tazwa ba̱ bai a̱byin! A̱byin ka si̱ ma ntyi̱ri̱m, a̱wot nfang na si̱ fwuoi.
52Bibi si̱ ma nkhwut, a̱wot á̱niet ma̱ a̱di̱di̱t ba̱ yet á̱si̱ A̱gwaza, ba̱ ka̱n kwi a̱ni, si̱ doot ma̱ng swuan! 53Nang Yesu ndoot ma̱ a̱khwu ka a̱ni, á̱niet ba̱ yet á̱si̱ A̱gwaza bani a̱ni, si̱ ghwut mi̱ bibi hu. A̱wot ba̱ si̱ nwuo ma̱ a̱za̱za̱rak a̱keang Urusha̱lima wu, ba̱ si̱ tyai á̱pyia̱ mba kpa̱sai da̱ a̱vwuo á̱niet ma̱ a̱di̱di̱t.
54A̱gba̱ndang a̱kwak a̱son á̱niet nzwang A̱romawa wu ma̱ng á̱kum á̱niet nzwang ba̱ chok Yesu da̱ a̱team a̱khwu wu a̱ni, ba̱ si̱ fa̱k a̱wun nang ba̱ ndi, ba̱ si̱ fa̱k tyi̱ri̱m a̱byin hu ma̱ng a̱mgba̱m nkyang na á̱ nyia̱ a̱ni. Ba̱ si̱ nyia̱, “A̱tsak a̱lyiat, a̱tyu wuni yet Nggwon A̱gwaza kya za̱m!”
55Á̱nyiuk ma̱ a̱di̱di̱t ba̱ ku khwi Yesu neet mi̱ fam a̱byin Ga̱lili á̱ nyia̱ gu ta̱m a̱ni, ku shya̱ a̱ja, á̱ yong gbang á nwuan. 56Mami mba, á̱ ku mbyia̱ Ma̱ryamu Ma̱ga̱daliya, Ma̱ryamu a̱yang Yakubu ma̱ng Isuu, mbeang a̱yang Yakubu ma̱ng Yoona, á̱fai Za̱ba̱di ba.
Á̱ Niat Kwom Yesu hu
(Ma̱r 15:42-47; Luk 23:50-56; Yon 19:38-42)
57Nang jenshyung nnyia̱ a̱ni, Isuu, a̱tyu nzwá a̱ neet A̱ri̱matiya a̱ni, nggu meang a̱ ku yet a̱tyu khwi Yesu wa; 58a̱ si̱ nat da̱ a̱vwuo gwomna Bilatut jenshyung a̱tuk Juma. A̱ si̱ naai á̱ nwuak gu kwom Yesu hu. A̱wot gwomna Bilatut si̱ shim a̱ si̱ tyia̱ á̱ si̱ nwuak gu kwom hu.
59Isuu si̱ chyok ma̱ng kwom Yesu hu da̱ a̱team a̱khwu wu. A̱ si̱ gat hu ma̱ng a̱sha̱shet kikyak swai. 60A̱ si̱ myiai nggu mi̱ lyak nang á̱ lung da̱ a̱fang a̱ni. A̱ si̱ yuut a̱gba̱ndang a̱fang á̱ nkup a̱nu lyak ka, a̱ si̱ nkat, 61nang Ma̱ryamu Ma̱ga̱daliya ma̱ng Ma̱ryamu a̱nyiung wu ni̱ swan a̱zaghyi a̱bi ka á̱ nwuan.
Á̱niet Nzwang Chok A̱bi Yesu
62Da̱ a̱tsotson tat, a̱tuk Mam Fwung A̱yahudawa ka, a̱cha̱chet a̱yaapris ma̱ng A̱fa̱risawa ba si̱ nat da̱ a̱vwuo gwomna Bilatut. 63Ba̱ si̱ nyia̱, “A̱tyoli, zi̱ jhyung kyang nang a̱tyu laai á̱niet a̱wa a̱ ku kyiak a̱pyia̱ nggu nang A̱gwaza a̱ni, ku hyia̱ neet nang gu ni̱ shya̱ a̱chet a̱ni nyia̱: Ka̱ á̱ bwuo mam tat, a̱ na doot ma̱ng swuan ma̱ á̱niet ba̱ ka̱n kwi a̱ni.
64“Mat a̱nia, tyia̱ á̱ chok a̱bi ka shansham si̱ nat a̱tuk nang mam tat hu na nswak a̱ni. Kalak mman ta̱m nggu na si̱ ba̱ bai ba̱ nyiin kwom hu. A̱wot ba̱ tak ma̱ng á̱niet ba nyia̱ á̱ ta̱ngam gu ma̱ng swuan ma̱ á̱niet ba̱ ka̱n kwi a̱ni. Ka̱ ku li a̱nia, la ngaan huni na swak si̱ ntsa hu ma̱ng yet a̱ka̱tuk.”
65Gwomna Bilatut si̱ shim nyia̱, “N jong nyin sot á̱niet nzwang ba̱ na cham a̱bi ka a̱ni. Nyi nat, nyi si̱ tyia̱ ba̱ cham a̱bi ka shansham nang nyi chat a̱ni.” 66Mat a̱nia, a̱kwak a̱son A̱yahudawa si̱ nyap ghwughwu a̱pyia̱ a̱gwam shan A̱romawa wu ma̱ng kang da̱ a̱fang ka#27:66 Wa̱i a̱lyiat: Nyap ghwughwu a̱pyia̱ a̱gwam shan A̱romawa wu ma̱ng kang da̱ a̱fang ka. Shimba, “Nyap ghwughwu a̱pyia̱ a̱gwam hu ma̱ng kang da̱ a̱fang ka” fa ba̱ ku chat ba̱ mun a̱fang ka ma̱ng a̱nu a̱bi ka ma̱ng a̱ywan nang á̱ nta̱meet kang ku lyem a̱ni, mat ka̱ á̱ shyei a̱fang ka ma̱ chunchwiit, á̱ li á̱ lyen.. Á̱ si̱ bu nsak á̱niet nzwang ba̱ na cham a̱bi ka a̱ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015, The Nigeria Bible Translation Trust and Wycliffe Bible Translators, Inc. All rights reserved.