Exodo 11
11
Isiyugid ni Moises i mabetangan it mga panganay duꞌut Egipto
1Takaꞌ iyan nakaꞌaat na nga lagi it AMPUꞌANG DIYUS it ki Moises ngayti nga magꞌaat, “Esa mana i kakuriꞌan nga ipapanaw ku duꞌut adiꞌ ngayan baw kat mga sinakepan ya nga mga taga Egipto. Pagkatiwas kaytu, talagang palꞌiden ya nayan kamu. Yay matuud, ega desang ipalugut ya, in daꞌga talagang pangimugawun kamu nayan. 2Aypaꞌ iꞌaat mu it mga Israelita nga, babay, lalaki, mangangut-angut na sira duꞌut mga taga Egipto nga kamalay nira. Mga bagay nga bulawan baw pirak i binwat i angutun nira.” 3Piyanakman it AMPUꞌANG DIYUS i mga taga Egipto ngayti nga galangen nira i mga Israelita. Baw yay matuud, si Moises ngayti, pagbantu-bantugun na it muꞌsang mga taga Egipto, pati mga katimbang it adiꞌ ngayti.
4Aypaꞌ parabir gimnaring si Moises duꞌut adapan it adiꞌ ngayti, maat ya it kanya, “Itu pay ipagpasugid it AMPUꞌANG DIYUS it aken situt imu. Magꞌaat nga, ‘Mga lubuk it delem manlekep-lekep aku it banwa nga Egipto. 5Kada waꞌwaꞌ nga panganay kat muꞌsang Egipto, matay. Garing it anak nga panganay it adiꞌ seked it anak nga panganay it uripen nga tigalbek, pati mga uꞌuybun it ayep mi, basta panganay, matay naga. 6Talagang dakulaꞌ na nga surugawan i duꞌut muꞌsang banwa nga Egipto. Garing it tagnaꞌ paꞌ seked it kaꞌnu-kaꞌnu ega na masbungan i itung surugawan nga daꞌga pateng. 7Temed egay maski bukaw it keꞌdeng nga sumasaw it mga Israelita. Sikayan maꞌrutan mu nga may piyagbidaꞌan it pabetang it AMPUꞌANG DIYUS it mga Israelita baw mga taga Egipto.’” 8Paꞌugdun paꞌ ni Moises, maat ya, “Muꞌsa ngaytu nga mga katimbang mu, madap sira it aken baw manluud kat sarungaan ku, dengan it magꞌangut na sira nga magꞌaat, ‘Magliꞌid ka na, pati muꞌsang mga kabanwa mu, pabayaꞌen mu na.’ Bawnga magliꞌid aku na nga matuud!” Pagkatupus ni Moises it muꞌsa ngayti, limniꞌwan na kanya duꞌut adapan it adiꞌ ngayti. Talagang maꞌiseg na nga banar si Moises ngayti.
9Maat it AMPUꞌANG DIYUS it ki Moises, “Iyan ega nagayan pagneg i adiꞌ ngayan it inampang mu. Magꞌaꞌatkayan yan isaꞌun mabwat ku i mga kalililuꞌan ngaytu nga bagay kat banwa ya nga Egipto.” 10Yay matuud, binwat na Moises, duwa ni Aaron, i muꞌsa ngaytung mga kalililuꞌang buwat duꞌut adapan it adiꞌ, temed ega naga nagpalugut kanya it limiꞌwan i mga Israelita duꞌun it banwa ya, sabap it piyategas na kanya it AMPUꞌANG DIYUS.
Currently Selected:
Exodo 11: TBWONT
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.
Exodo 11
11
Isiyugid ni Moises i mabetangan it mga panganay duꞌut Egipto
1Takaꞌ iyan nakaꞌaat na nga lagi it AMPUꞌANG DIYUS it ki Moises ngayti nga magꞌaat, “Esa mana i kakuriꞌan nga ipapanaw ku duꞌut adiꞌ ngayan baw kat mga sinakepan ya nga mga taga Egipto. Pagkatiwas kaytu, talagang palꞌiden ya nayan kamu. Yay matuud, ega desang ipalugut ya, in daꞌga talagang pangimugawun kamu nayan. 2Aypaꞌ iꞌaat mu it mga Israelita nga, babay, lalaki, mangangut-angut na sira duꞌut mga taga Egipto nga kamalay nira. Mga bagay nga bulawan baw pirak i binwat i angutun nira.” 3Piyanakman it AMPUꞌANG DIYUS i mga taga Egipto ngayti nga galangen nira i mga Israelita. Baw yay matuud, si Moises ngayti, pagbantu-bantugun na it muꞌsang mga taga Egipto, pati mga katimbang it adiꞌ ngayti.
4Aypaꞌ parabir gimnaring si Moises duꞌut adapan it adiꞌ ngayti, maat ya it kanya, “Itu pay ipagpasugid it AMPUꞌANG DIYUS it aken situt imu. Magꞌaat nga, ‘Mga lubuk it delem manlekep-lekep aku it banwa nga Egipto. 5Kada waꞌwaꞌ nga panganay kat muꞌsang Egipto, matay. Garing it anak nga panganay it adiꞌ seked it anak nga panganay it uripen nga tigalbek, pati mga uꞌuybun it ayep mi, basta panganay, matay naga. 6Talagang dakulaꞌ na nga surugawan i duꞌut muꞌsang banwa nga Egipto. Garing it tagnaꞌ paꞌ seked it kaꞌnu-kaꞌnu ega na masbungan i itung surugawan nga daꞌga pateng. 7Temed egay maski bukaw it keꞌdeng nga sumasaw it mga Israelita. Sikayan maꞌrutan mu nga may piyagbidaꞌan it pabetang it AMPUꞌANG DIYUS it mga Israelita baw mga taga Egipto.’” 8Paꞌugdun paꞌ ni Moises, maat ya, “Muꞌsa ngaytu nga mga katimbang mu, madap sira it aken baw manluud kat sarungaan ku, dengan it magꞌangut na sira nga magꞌaat, ‘Magliꞌid ka na, pati muꞌsang mga kabanwa mu, pabayaꞌen mu na.’ Bawnga magliꞌid aku na nga matuud!” Pagkatupus ni Moises it muꞌsa ngayti, limniꞌwan na kanya duꞌut adapan it adiꞌ ngayti. Talagang maꞌiseg na nga banar si Moises ngayti.
9Maat it AMPUꞌANG DIYUS it ki Moises, “Iyan ega nagayan pagneg i adiꞌ ngayan it inampang mu. Magꞌaꞌatkayan yan isaꞌun mabwat ku i mga kalililuꞌan ngaytu nga bagay kat banwa ya nga Egipto.” 10Yay matuud, binwat na Moises, duwa ni Aaron, i muꞌsa ngaytung mga kalililuꞌang buwat duꞌut adapan it adiꞌ, temed ega naga nagpalugut kanya it limiꞌwan i mga Israelita duꞌun it banwa ya, sabap it piyategas na kanya it AMPUꞌANG DIYUS.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.