Exodo 34:6-7

Exodo 34:6-7 TBWONT

Simnarimbay i AMPUꞌANG DIYUS duꞌut sarungaan ni Moises. Magsarimbay, magpanggaꞌmaran nga maat ya, “Aku i AMPUꞌANG DIYUS. Aku i Ampuꞌang Diyus nga talagang masanguꞌ baw maꞌildaw. Daꞌku madali-daliꞌ miseg. Talagang ega magkaꞌugad-ugad i kararas ku it imyu baw egaytu magbaꞌgu-baꞌgu aku. Ipagpasigi kuy ildaw ku seked it maski rinibu na nga tungtung-inapuꞌ, baw magsisigi nga pagpasinsiyaen ku i mga karaꞌe-raꞌetan baw kasalaꞌan nga magkabwat nira. Temed iyan mga magkayli it kasalaꞌan, rigaen ku naga pati mga anak nira seked it ikaꞌpat nga tungtung-inapuꞌ.”

Read Exodo 34