Exodo 34
34
Nagnipis si Moises it duwang kabatuwan ka suratan sit sumaꞌup it urdin ngayti
1Maat siꞌ it AMPUꞌANG DIYUS it ki Moises, “Nimipis ka it duwang kabatuwan nga subung naga it tagnaꞌ ngayti, ka iyan siꞌ i suratan ku it mga mamagsusurat ngayti duꞌun it dapiꞌpis ngayting batu nga rinmek mu. 2Mangayus-ayus ka na, ka dedelem nga kadedelman, tumungul ka siꞌ duꞌun it Bukid it Sinai ngaytu. Madap ka siꞌ it aken duꞌun it siyagpawan it bukid ngaytu. 3Ayaw ka it pabayaꞌ it maski siyu, baw ayaw it may sumalya mapanaw duꞌut paꞌari-aring rugar kat bukid ngaytu. Maski mga ayep mi, ega pataꞌnan mi nga makapangaꞌen duꞌun it maski siyangkedan ya.”
4Ta, subung nat inaat ngayti it AMPUꞌANG DIYUS, nagnipis si Moises it duwa siꞌ nga batu. Pagꞌeyag tiyaban ya nat nanungul duꞌun it Bukid it Sinai ngayti. 5Limnampud i AMPUꞌANG DIYUS kat seled siꞌ it kunum, duꞌun it siyagpawan it bukid ngayti, baw miyuwistuꞌ duꞌut umid ni Moises. Bawnga gintaꞌ yay ngaran ya nga AMPUꞌANG DIYUS.#34:5 Ngaran ya ngaytu nga gintaꞌ ya, Jahweh in kat Hinebreo nga ampang. 6Simnarimbay i AMPUꞌANG DIYUS duꞌut sarungaan ni Moises. Magsarimbay, magpanggaꞌmaran nga maat ya, “Aku i AMPUꞌANG DIYUS. Aku i Ampuꞌang Diyus nga talagang masanguꞌ baw maꞌildaw. Daꞌku madali-daliꞌ miseg. Talagang ega magkaꞌugad-ugad i kararas ku it imyu baw egaytu magbaꞌgu-baꞌgu aku. 7Ipagpasigi kuy ildaw ku seked it maski rinibu na nga tungtung-inapuꞌ, baw magsisigi nga pagpasinsiyaen ku i mga karaꞌe-raꞌetan baw kasalaꞌan nga magkabwat nira. Temed iyan mga magkayli it kasalaꞌan, rigaen ku naga pati mga anak nira seked it ikaꞌpat nga tungtung-inapuꞌ.”
8Nanluud nga lagi si Moises baw siyamba ya i AMPUꞌANG DIYUS ngayti. 9Bawnga miyampang kanya nga magꞌaat, “Agalen ku, in talagang pagsagyaan mu aku, ipagpasanguꞌ-sanguꞌ ku nga bayaꞌen mu kami, maski atkayan na nga kadsen it ulu it itung mga taw. Pasinsiyaen mu naga kami it mga karaꞌe-raꞌetan baw kasalaꞌan namen baw ipabetang mu kami nga mga piniliꞌ mu nga taawan.”
10Maat siꞌ it AMPUꞌANG DIYUS, “Kayti magpakiꞌupakat aku it imyu. Kat mata mi nga muꞌsa, muwat aku it mga kalililuꞌang bagay nga ega paꞌ nagꞌabut situt banwa it yanaytuy kaꞌlay. Ta, sikayan mamuyaan it muꞌsang katataawan in magꞌuꞌunu-unu i kabantugan ku kat mga buwaten ku ngaytu nga kat ikagayen mi. 11Ta kamu, kaꞌilangan sunudun mi i mga urdin ku ngaytu. Imugawun ku i mga Amorreo, mga Cananeo, mga Heteo, mga Perezeo, mga Heveo baw mga Jebuseo duꞌut aduꞌunan mi ngayti. 12Ayaw kamu it pakiꞌupakat it upakat nga pagꞌamigus kat mga taw ngaytu duꞌut abutan mi, ka in buwaten mi yan, duꞌun kamu na masigapul. 13In daꞌga, iyan i buwaten mi, panranggaꞌen mi i mga papangantengan nirat ipagsamba, panremken mi i mga ipiyatindeg nira nga pagsambaen nga batu baw ipamagbaꞌ mi i mga piyakaꞌarigi nira nga ladawan it pagbete-beteꞌen nga diyus nira nga si Ashera. 14Ayaw kamu it samba it maski siyu u maski unu, magpuyra it aken. Sabap aku nga AMPUꞌANG DIYUS, maꞌimun aku. Iyan i ngaran ku, Maꞌimun.
15Iyan ayaw kamut pakiꞌamigus it mga datiyan nga taga duꞌun, ka madaran nira kamu it kumaꞌen it mga ipiyagsalisi nira in magsamba sira it pagbete-beteꞌen nira nga mga diyus. 16Baw gasiꞌ, in pakiꞌamigus kamu na, simpri makaꞌasawa nay mga anak mi nga lalaki it mga babay nira duꞌun. Ta baraꞌan kayan, mataban na sirat pakisamba in magsamba sira it pagbete-beteꞌen nirang mga diyus.”
27Pagkatupus it AMPUꞌANG DIYUS it muꞌsang pagꞌaaten ya ngayti, maat ya it ki Moises, “Isurat mu i mga inaat ku ngaytu, sabap itu ngaytu i pakiꞌupakat ku, nga basta sunudun mi gaytu, siguradung maꞌimyu i ipiyagsanggup ku ngaytut imu baw kat mga Israelita.” 28Kaꞌlay ni Moises duꞌut adapan it AMPUꞌANG DIYUS duꞌut bukid ngayti, epat siꞌ nga pulung aldaw baw delem. Egay maski unu nga pagkaꞌnen baw pagꞌimnun ya. Ipiyagsurat ya na duꞌun it piyanipis ya ngayti nga batu i mga inaat it AMPUꞌANG DIYUS kat pakiꞌupakat ya ngayti nga dapat nira nga sunudun. Itu na i Sang Puluꞌ nga Urdin.
29Garing duꞌun it siyagpawan it Bukid ngaytit Sinai nanadsad si Moises nga taban ya i duwa ngayti nga dapiꞌpis nga batu nga pagsusuratan it mga urdin ngayti it AMPUꞌANG DIYUS. Ega natanudan ya nga, sabap it pakisugi-sugid ya it AMPUꞌANG DIYUS, magsinggat na palan i rupa ya. 30Pagkalteg ni Aaron kayti, baw kadakel ngaytit mga Israelita, miniꞌlam na sira nga patpad. 31Aypaꞌ ka piyataꞌwagan sira ni Moises. Minlep duꞌut kanya si Aaron baw mga ginuꞌu it mga Israelita ngayti ka namagsugi-sugid sira. 32Iyan natupus nay pagsugi-sugiden nira, minlep duꞌut kanira i muꞌsang mga Israelita ngayti, bawnga ipiyagsugid na ni Moises it kanira i muꞌsang mga urdin ngayti nga ipiyaꞌrut it kanya it AMPUꞌANG DIYUS duꞌun it Bukid it Sinai.
33Pagkasugid ya it muꞌsa ngayti, piyayumyuman ya i rupa ya. 34Ta, kada madap si Moises nga pakisugi-sugid it AMPUꞌANG DIYUS, pagꞌawaꞌen yay ipiyayumyum ya ngayti duꞌut rupa ya. Bawnga pagkaliꞌwan ya, ipagsugid ya na duꞌun it mga kaꞌibaan ya ngayti nga mga Israelita i in unuy ipiyagꞌurdin it AMPUꞌANG DIYUS. 35Ta, maltegan siꞌ yan it mga taw ngayti nga magsinggat siꞌ i rupa ya. Ta, it atkayti, payumyuman ya siꞌ it sumaꞌup seked it saꞌup siꞌ nga madap kanya nga pakisugi-sugid siꞌ it AMPUꞌANG DIYUS.
Currently Selected:
Exodo 34: TBWONT
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.
Exodo 34
34
Nagnipis si Moises it duwang kabatuwan ka suratan sit sumaꞌup it urdin ngayti
1Maat siꞌ it AMPUꞌANG DIYUS it ki Moises, “Nimipis ka it duwang kabatuwan nga subung naga it tagnaꞌ ngayti, ka iyan siꞌ i suratan ku it mga mamagsusurat ngayti duꞌun it dapiꞌpis ngayting batu nga rinmek mu. 2Mangayus-ayus ka na, ka dedelem nga kadedelman, tumungul ka siꞌ duꞌun it Bukid it Sinai ngaytu. Madap ka siꞌ it aken duꞌun it siyagpawan it bukid ngaytu. 3Ayaw ka it pabayaꞌ it maski siyu, baw ayaw it may sumalya mapanaw duꞌut paꞌari-aring rugar kat bukid ngaytu. Maski mga ayep mi, ega pataꞌnan mi nga makapangaꞌen duꞌun it maski siyangkedan ya.”
4Ta, subung nat inaat ngayti it AMPUꞌANG DIYUS, nagnipis si Moises it duwa siꞌ nga batu. Pagꞌeyag tiyaban ya nat nanungul duꞌun it Bukid it Sinai ngayti. 5Limnampud i AMPUꞌANG DIYUS kat seled siꞌ it kunum, duꞌun it siyagpawan it bukid ngayti, baw miyuwistuꞌ duꞌut umid ni Moises. Bawnga gintaꞌ yay ngaran ya nga AMPUꞌANG DIYUS.#34:5 Ngaran ya ngaytu nga gintaꞌ ya, Jahweh in kat Hinebreo nga ampang. 6Simnarimbay i AMPUꞌANG DIYUS duꞌut sarungaan ni Moises. Magsarimbay, magpanggaꞌmaran nga maat ya, “Aku i AMPUꞌANG DIYUS. Aku i Ampuꞌang Diyus nga talagang masanguꞌ baw maꞌildaw. Daꞌku madali-daliꞌ miseg. Talagang ega magkaꞌugad-ugad i kararas ku it imyu baw egaytu magbaꞌgu-baꞌgu aku. 7Ipagpasigi kuy ildaw ku seked it maski rinibu na nga tungtung-inapuꞌ, baw magsisigi nga pagpasinsiyaen ku i mga karaꞌe-raꞌetan baw kasalaꞌan nga magkabwat nira. Temed iyan mga magkayli it kasalaꞌan, rigaen ku naga pati mga anak nira seked it ikaꞌpat nga tungtung-inapuꞌ.”
8Nanluud nga lagi si Moises baw siyamba ya i AMPUꞌANG DIYUS ngayti. 9Bawnga miyampang kanya nga magꞌaat, “Agalen ku, in talagang pagsagyaan mu aku, ipagpasanguꞌ-sanguꞌ ku nga bayaꞌen mu kami, maski atkayan na nga kadsen it ulu it itung mga taw. Pasinsiyaen mu naga kami it mga karaꞌe-raꞌetan baw kasalaꞌan namen baw ipabetang mu kami nga mga piniliꞌ mu nga taawan.”
10Maat siꞌ it AMPUꞌANG DIYUS, “Kayti magpakiꞌupakat aku it imyu. Kat mata mi nga muꞌsa, muwat aku it mga kalililuꞌang bagay nga ega paꞌ nagꞌabut situt banwa it yanaytuy kaꞌlay. Ta, sikayan mamuyaan it muꞌsang katataawan in magꞌuꞌunu-unu i kabantugan ku kat mga buwaten ku ngaytu nga kat ikagayen mi. 11Ta kamu, kaꞌilangan sunudun mi i mga urdin ku ngaytu. Imugawun ku i mga Amorreo, mga Cananeo, mga Heteo, mga Perezeo, mga Heveo baw mga Jebuseo duꞌut aduꞌunan mi ngayti. 12Ayaw kamu it pakiꞌupakat it upakat nga pagꞌamigus kat mga taw ngaytu duꞌut abutan mi, ka in buwaten mi yan, duꞌun kamu na masigapul. 13In daꞌga, iyan i buwaten mi, panranggaꞌen mi i mga papangantengan nirat ipagsamba, panremken mi i mga ipiyatindeg nira nga pagsambaen nga batu baw ipamagbaꞌ mi i mga piyakaꞌarigi nira nga ladawan it pagbete-beteꞌen nga diyus nira nga si Ashera. 14Ayaw kamu it samba it maski siyu u maski unu, magpuyra it aken. Sabap aku nga AMPUꞌANG DIYUS, maꞌimun aku. Iyan i ngaran ku, Maꞌimun.
15Iyan ayaw kamut pakiꞌamigus it mga datiyan nga taga duꞌun, ka madaran nira kamu it kumaꞌen it mga ipiyagsalisi nira in magsamba sira it pagbete-beteꞌen nira nga mga diyus. 16Baw gasiꞌ, in pakiꞌamigus kamu na, simpri makaꞌasawa nay mga anak mi nga lalaki it mga babay nira duꞌun. Ta baraꞌan kayan, mataban na sirat pakisamba in magsamba sira it pagbete-beteꞌen nirang mga diyus.”
27Pagkatupus it AMPUꞌANG DIYUS it muꞌsang pagꞌaaten ya ngayti, maat ya it ki Moises, “Isurat mu i mga inaat ku ngaytu, sabap itu ngaytu i pakiꞌupakat ku, nga basta sunudun mi gaytu, siguradung maꞌimyu i ipiyagsanggup ku ngaytut imu baw kat mga Israelita.” 28Kaꞌlay ni Moises duꞌut adapan it AMPUꞌANG DIYUS duꞌut bukid ngayti, epat siꞌ nga pulung aldaw baw delem. Egay maski unu nga pagkaꞌnen baw pagꞌimnun ya. Ipiyagsurat ya na duꞌun it piyanipis ya ngayti nga batu i mga inaat it AMPUꞌANG DIYUS kat pakiꞌupakat ya ngayti nga dapat nira nga sunudun. Itu na i Sang Puluꞌ nga Urdin.
29Garing duꞌun it siyagpawan it Bukid ngaytit Sinai nanadsad si Moises nga taban ya i duwa ngayti nga dapiꞌpis nga batu nga pagsusuratan it mga urdin ngayti it AMPUꞌANG DIYUS. Ega natanudan ya nga, sabap it pakisugi-sugid ya it AMPUꞌANG DIYUS, magsinggat na palan i rupa ya. 30Pagkalteg ni Aaron kayti, baw kadakel ngaytit mga Israelita, miniꞌlam na sira nga patpad. 31Aypaꞌ ka piyataꞌwagan sira ni Moises. Minlep duꞌut kanya si Aaron baw mga ginuꞌu it mga Israelita ngayti ka namagsugi-sugid sira. 32Iyan natupus nay pagsugi-sugiden nira, minlep duꞌut kanira i muꞌsang mga Israelita ngayti, bawnga ipiyagsugid na ni Moises it kanira i muꞌsang mga urdin ngayti nga ipiyaꞌrut it kanya it AMPUꞌANG DIYUS duꞌun it Bukid it Sinai.
33Pagkasugid ya it muꞌsa ngayti, piyayumyuman ya i rupa ya. 34Ta, kada madap si Moises nga pakisugi-sugid it AMPUꞌANG DIYUS, pagꞌawaꞌen yay ipiyayumyum ya ngayti duꞌut rupa ya. Bawnga pagkaliꞌwan ya, ipagsugid ya na duꞌun it mga kaꞌibaan ya ngayti nga mga Israelita i in unuy ipiyagꞌurdin it AMPUꞌANG DIYUS. 35Ta, maltegan siꞌ yan it mga taw ngayti nga magsinggat siꞌ i rupa ya. Ta, it atkayti, payumyuman ya siꞌ it sumaꞌup seked it saꞌup siꞌ nga madap kanya nga pakisugi-sugid siꞌ it AMPUꞌANG DIYUS.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.