Genesis 19
19
Inistimar ni Lot it magayen i duwa ngayting namagꞌabut duꞌut Sodoma, temed maraꞌway i kubwaten it mga taga siyudad ngayti
1Apu-apun nang banar i ipiyagꞌabut duꞌut Sodoma it duwa ngayting taraꞌgen it AMPUꞌANG DIYUS nga mga anghil. Pagꞌabut nira, magꞌaꞌdung si Lot duꞌut puwirtaꞌan it siyudad ngayti. Pagkalteg yat kanira, timnindeg kanyang lagi ka simnusmu baw nanluud. 2Bawnga maat ya, “In mapakay it imyu nga mga agalen ku, patuluy kamu daꞌan duꞌut amen. Mangugas kamu it mga aꞌay mi baw ta, duꞌun na gasiꞌ bayan it amen i igaꞌan mi. Aldaw mana siꞌ i ipanaw mi.”
“Ayaw kat pasasaw,” maat nira. “Situ kami lamang it liꞌwan paꞌaldaw.”
3Temed talagang ega magkabaraꞌan si Lot. Riyeges ya sirang riyeges. Aypaꞌ namagbayaꞌ na lamang i duwa ngaytit ki Lot. Pagꞌabut duꞌut balay, tiyarakanan sirat pangaꞌen nga may uyut nga tinapay nga egay ipagpaꞌalsa. 4Pagkakaꞌen, desang maat magtakenaꞌ na sira, dakel na nga taw nga miyabut duꞌut kanira. Kadakel ngayti, magugurang baw mangaꞌwaꞌeng mga lalaki nga taga Sodoma, liniputan na nira i balay ni Lot ngayti. 5Piyataꞌwagan nira si Lot. Maat nira, “Ariyen nay duwang kataawan ngayang mga lalaki nga miyabut situt imyu kagayna? Paliꞌwanen mu sira sinit amen isaꞌun mabarakuꞌ namen.”
6Binwat ni Lot, nanliꞌwan ka pakirunding duꞌut kanira. Pagkaliꞌwan ya, isiniradu ya nagay talaꞌep. 7Bawnga miyampang kanya. Maat ya, “Esa-esa ga, in mapakay it imyung muꞌsa, pagneg kamu it aken. Ayaw kamut buwat it atkaytung karaꞌe-raꞌetan. 8In mapakay kamu, yanay paliꞌwanen ku situt imyu, duwang anak ku nga babay nga ega paꞌ naglabay it lalaki. Buwaten mi lamang in unuy kaꞌirgan mi nga buwaten it kanira. Temed, duwa ngaytung kataawan nga miyabut situt aken, pagꞌangutun kut imyung muꞌsa nga ega buwaten mit maraꞌe-raꞌet ka kat seled sirat pamalay-balay ku, aypaꞌ akuy baalaꞌ it kabetangan nira.”
9Temed simnigraꞌ gay ampang nira. Maat nira, “Asan! Magpedek kat ampang-ampang! Ikaw nga dayuꞌan, namanwa ka lamang situt amen, bawnga kayti, pagꞌukumanan mu na kami! Kayti, subraꞌ nga maraꞌe-raꞌet i buwaten namen it imu, subraꞌ paꞌ it kanira.” Pagkaꞌampang nira kayti, isiyuꞌmud-suꞌmud na nira si Lot. Inlep na niray talaꞌep ka ranggaꞌen na.
10Temed duwa ngayting mga anghil, inabri nira i talaꞌep ka riyayak nira si Lot duꞌut seled. Pagkasled ni Lot, siniradu siꞌ nira. 11Bawnga ipiyabaraꞌ it duwa ngayting mga anghil nga, mga taw ngayting mamagliliput baw kuranggaꞌ na ngaytit talaꞌep, ega na magkakilalaan nira i magkaltegan seked naskedan it tulus i muꞌsa ngayti in ari nay salakwatan. Ega na magkaparagan nira.
Isiyugid it duwa ngayti duꞌut ki Lot i enged nira
12Miningkut i duwa ngayti it ki Lot, maat nira, “Unu, may beken nga mga kaduguꞌan mu situt siyudad ngaytu, mga anak, miyagad u kaduguꞌan nga beken? Kayting lagi, limꞌid kamu situt Sodoma ngaytu! 13Sabap talagang ranggaꞌen namen nay itung rugar. Ka miyabut duꞌun it AMPUꞌANG DIYUS i bilang pangabang sabap it kadakulat karaꞌe-raꞌetan nga pagsariyet buwat it taga situ nga mga taw, aypaꞌ kami, piyapaꞌasitu ya ka ipagparanggaꞌ it amen i rugar ngaytu.”
14Pagkagneg ni Lot kayti, nanliꞌwan kanya nga lagi. Inaduꞌun yay mga kamiyagadan ya nga mga asawa it mga anak ya nga babay. Maat yat kanira, “Dali-daliꞌen mi. Limꞌid tami situ kaytung rugar sabap ranggaꞌen naytu it AMPUꞌANG DIYUS!” Temed ega piyamayaꞌ kanya it mga kamiyagadan ya, ka tanu-tanud nira maglugud-lugud lamang kanya.
15Magꞌeyag i banwa, piyadali-daliꞌ nat mga anghil ngayti si Lot. Maat nira, “Sigi, dali-daliꞌen mi, ka mapanaw kamu na duwa magꞌasawa, pati duwa ngaytung mga anak mu nga umbay. Ka barang makaꞌuyut kamu paꞌ it panriga ngaytut itung siyudad.”
16Temed subuk magpabeꞌet paꞌ sira. Aypaꞌ egay beken, diyundun na it duwa ngayting mga anghil si Lot, pati asawa ya baw duwa ngayti nga mga anak ya, sabap talagang pagsanguꞌan kanyang banar it AMPUꞌANG DIYUS. Tiyaban nira na Lot ngayti duꞌut liꞌwan it siyudad. 17Iyan duꞌun na sirat liꞌwan, inaat na sira it esa it mga anghil ngayti, “Ala, malagyu kamu na isaꞌun maribri mi i ginawa mi. Ayaw kamut linga-lingaw baw ayaw kamut pagpaꞌna in situ kamu pat daranasan ngaytu. Duꞌun i abutun mi it mga kabubukidan ngayti, ka barang kaꞌuyut kamu.”
18Temed maat ni Lot it kanya, “Abaa, mga Agalen ku, ega naga atkayan! 19Beteꞌ paꞌangutun mi naga aku sabap ibinggay mi nagat aken i ildaw mi ngaytu nga ipiyagribri mi nagay ginawa ku. Yay matuud, ega na kaya ku nga abutun it palagyu i iting mga kabubukidan. Ka barang abutun aku nagat panranggaꞌ mi ngaytu, matay aku naga lamang nga asan pat dalan. 20Temed ta, may dekeyeꞌ nga lansangan nga ega naga alaid. Daꞌga baꞌ, dekeyeꞌ lamang ti? In mapakay lamang, sikayan nay palagyuwan namen, ka yanagay adeꞌdeng. Subuk yanagay makayaan it ginawa ku, isaꞌun daꞌku naga matay.”
21Maat i tubag it anghil ngayti, “Ta in atkayan nga paꞌildaw-ildaw mu, sanguꞌan ku naga ikaw nga ega ranggaꞌen ku i lansangan ngayting paꞌaaten mu. 22Dali-daliꞌen mi na. Malagyu kamu na duꞌun. Ega payay mabwat ku mintras daꞌkamu paꞌ nakaꞌbut duꞌun.” Zoar i ipiyangaran it iting lansangan.#19:22 Ireg sugiden it Zoar ngayti, dekeyeng rugar.
Riyanggaꞌ i Sodoma baw Gomorra, pati kapuꞌsaan it daranasan ngayti
23Nakalbat nay aldaw i ikiyaꞌbut na Lot duꞌut Zoar ngayti. 24Bawnga iyan duꞌun na na Lot it iting lansangan, subuk inuranan nay Sodoma baw Gomorra, temed yay magtedag, magdedleg nga asupri nga garing duꞌut langit ka ipiyatdag it AMPUꞌANG DIYUS. 25Talagang riyanggaꞌ it AMPUꞌANG DIYUS i iting rugar, imbus yay daranasan ngayti nga uyut i mga siyudad baw lansangan ya, pati mga taw duꞌun baw muꞌsang luwak. Talagang egay naꞌped. Napuuꞌ nga muꞌsa it magdeleg ngayting asupri.
26Temed ta, asawa ni Lot ngayting duꞌut giyaringan ya, nakabetang kanyat ega magayen, sabap limningaw kanya. Ega namayaꞌ it inaat ngaytit kanira nga ayaw it linga-lingaw. Aypaꞌ natay kanyang lagi, nagbalyuy bilug ya nga asin batu.
27Ta si Abraham ngayti, naꞌadle-adlem kanya it iting aldaw, it nagpaꞌaduꞌut rugar ngayting piyagsugi-sugidan nirat AMPUꞌANG DIYUS. 28Pagꞌabut ya duꞌun, liyawag yay Sodoma baw Gomorra. Ipiyabeyeng-beyeng yay mata ya, paꞌari-ari duꞌun it daranasan ngayti, egay magkaltegan ya nga maski unu ka punuꞌ it tabuk, nga atnat magtindeg nga kunum.
29Pagpanranggaꞌ it Ampuꞌang Diyus it iting banwa, talagang ega paglilipaten ya si Abraham. Aypaꞌ ipiyagribri ya si Lot ngayting kamanaken ni Abraham nga magtataid duꞌut inatkayti ya ngayting rugar.
Currently Selected:
Genesis 19: TBWONT
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.
Genesis 19
19
Inistimar ni Lot it magayen i duwa ngayting namagꞌabut duꞌut Sodoma, temed maraꞌway i kubwaten it mga taga siyudad ngayti
1Apu-apun nang banar i ipiyagꞌabut duꞌut Sodoma it duwa ngayting taraꞌgen it AMPUꞌANG DIYUS nga mga anghil. Pagꞌabut nira, magꞌaꞌdung si Lot duꞌut puwirtaꞌan it siyudad ngayti. Pagkalteg yat kanira, timnindeg kanyang lagi ka simnusmu baw nanluud. 2Bawnga maat ya, “In mapakay it imyu nga mga agalen ku, patuluy kamu daꞌan duꞌut amen. Mangugas kamu it mga aꞌay mi baw ta, duꞌun na gasiꞌ bayan it amen i igaꞌan mi. Aldaw mana siꞌ i ipanaw mi.”
“Ayaw kat pasasaw,” maat nira. “Situ kami lamang it liꞌwan paꞌaldaw.”
3Temed talagang ega magkabaraꞌan si Lot. Riyeges ya sirang riyeges. Aypaꞌ namagbayaꞌ na lamang i duwa ngaytit ki Lot. Pagꞌabut duꞌut balay, tiyarakanan sirat pangaꞌen nga may uyut nga tinapay nga egay ipagpaꞌalsa. 4Pagkakaꞌen, desang maat magtakenaꞌ na sira, dakel na nga taw nga miyabut duꞌut kanira. Kadakel ngayti, magugurang baw mangaꞌwaꞌeng mga lalaki nga taga Sodoma, liniputan na nira i balay ni Lot ngayti. 5Piyataꞌwagan nira si Lot. Maat nira, “Ariyen nay duwang kataawan ngayang mga lalaki nga miyabut situt imyu kagayna? Paliꞌwanen mu sira sinit amen isaꞌun mabarakuꞌ namen.”
6Binwat ni Lot, nanliꞌwan ka pakirunding duꞌut kanira. Pagkaliꞌwan ya, isiniradu ya nagay talaꞌep. 7Bawnga miyampang kanya. Maat ya, “Esa-esa ga, in mapakay it imyung muꞌsa, pagneg kamu it aken. Ayaw kamut buwat it atkaytung karaꞌe-raꞌetan. 8In mapakay kamu, yanay paliꞌwanen ku situt imyu, duwang anak ku nga babay nga ega paꞌ naglabay it lalaki. Buwaten mi lamang in unuy kaꞌirgan mi nga buwaten it kanira. Temed, duwa ngaytung kataawan nga miyabut situt aken, pagꞌangutun kut imyung muꞌsa nga ega buwaten mit maraꞌe-raꞌet ka kat seled sirat pamalay-balay ku, aypaꞌ akuy baalaꞌ it kabetangan nira.”
9Temed simnigraꞌ gay ampang nira. Maat nira, “Asan! Magpedek kat ampang-ampang! Ikaw nga dayuꞌan, namanwa ka lamang situt amen, bawnga kayti, pagꞌukumanan mu na kami! Kayti, subraꞌ nga maraꞌe-raꞌet i buwaten namen it imu, subraꞌ paꞌ it kanira.” Pagkaꞌampang nira kayti, isiyuꞌmud-suꞌmud na nira si Lot. Inlep na niray talaꞌep ka ranggaꞌen na.
10Temed duwa ngayting mga anghil, inabri nira i talaꞌep ka riyayak nira si Lot duꞌut seled. Pagkasled ni Lot, siniradu siꞌ nira. 11Bawnga ipiyabaraꞌ it duwa ngayting mga anghil nga, mga taw ngayting mamagliliput baw kuranggaꞌ na ngaytit talaꞌep, ega na magkakilalaan nira i magkaltegan seked naskedan it tulus i muꞌsa ngayti in ari nay salakwatan. Ega na magkaparagan nira.
Isiyugid it duwa ngayti duꞌut ki Lot i enged nira
12Miningkut i duwa ngayti it ki Lot, maat nira, “Unu, may beken nga mga kaduguꞌan mu situt siyudad ngaytu, mga anak, miyagad u kaduguꞌan nga beken? Kayting lagi, limꞌid kamu situt Sodoma ngaytu! 13Sabap talagang ranggaꞌen namen nay itung rugar. Ka miyabut duꞌun it AMPUꞌANG DIYUS i bilang pangabang sabap it kadakulat karaꞌe-raꞌetan nga pagsariyet buwat it taga situ nga mga taw, aypaꞌ kami, piyapaꞌasitu ya ka ipagparanggaꞌ it amen i rugar ngaytu.”
14Pagkagneg ni Lot kayti, nanliꞌwan kanya nga lagi. Inaduꞌun yay mga kamiyagadan ya nga mga asawa it mga anak ya nga babay. Maat yat kanira, “Dali-daliꞌen mi. Limꞌid tami situ kaytung rugar sabap ranggaꞌen naytu it AMPUꞌANG DIYUS!” Temed ega piyamayaꞌ kanya it mga kamiyagadan ya, ka tanu-tanud nira maglugud-lugud lamang kanya.
15Magꞌeyag i banwa, piyadali-daliꞌ nat mga anghil ngayti si Lot. Maat nira, “Sigi, dali-daliꞌen mi, ka mapanaw kamu na duwa magꞌasawa, pati duwa ngaytung mga anak mu nga umbay. Ka barang makaꞌuyut kamu paꞌ it panriga ngaytut itung siyudad.”
16Temed subuk magpabeꞌet paꞌ sira. Aypaꞌ egay beken, diyundun na it duwa ngayting mga anghil si Lot, pati asawa ya baw duwa ngayti nga mga anak ya, sabap talagang pagsanguꞌan kanyang banar it AMPUꞌANG DIYUS. Tiyaban nira na Lot ngayti duꞌut liꞌwan it siyudad. 17Iyan duꞌun na sirat liꞌwan, inaat na sira it esa it mga anghil ngayti, “Ala, malagyu kamu na isaꞌun maribri mi i ginawa mi. Ayaw kamut linga-lingaw baw ayaw kamut pagpaꞌna in situ kamu pat daranasan ngaytu. Duꞌun i abutun mi it mga kabubukidan ngayti, ka barang kaꞌuyut kamu.”
18Temed maat ni Lot it kanya, “Abaa, mga Agalen ku, ega naga atkayan! 19Beteꞌ paꞌangutun mi naga aku sabap ibinggay mi nagat aken i ildaw mi ngaytu nga ipiyagribri mi nagay ginawa ku. Yay matuud, ega na kaya ku nga abutun it palagyu i iting mga kabubukidan. Ka barang abutun aku nagat panranggaꞌ mi ngaytu, matay aku naga lamang nga asan pat dalan. 20Temed ta, may dekeyeꞌ nga lansangan nga ega naga alaid. Daꞌga baꞌ, dekeyeꞌ lamang ti? In mapakay lamang, sikayan nay palagyuwan namen, ka yanagay adeꞌdeng. Subuk yanagay makayaan it ginawa ku, isaꞌun daꞌku naga matay.”
21Maat i tubag it anghil ngayti, “Ta in atkayan nga paꞌildaw-ildaw mu, sanguꞌan ku naga ikaw nga ega ranggaꞌen ku i lansangan ngayting paꞌaaten mu. 22Dali-daliꞌen mi na. Malagyu kamu na duꞌun. Ega payay mabwat ku mintras daꞌkamu paꞌ nakaꞌbut duꞌun.” Zoar i ipiyangaran it iting lansangan.#19:22 Ireg sugiden it Zoar ngayti, dekeyeng rugar.
Riyanggaꞌ i Sodoma baw Gomorra, pati kapuꞌsaan it daranasan ngayti
23Nakalbat nay aldaw i ikiyaꞌbut na Lot duꞌut Zoar ngayti. 24Bawnga iyan duꞌun na na Lot it iting lansangan, subuk inuranan nay Sodoma baw Gomorra, temed yay magtedag, magdedleg nga asupri nga garing duꞌut langit ka ipiyatdag it AMPUꞌANG DIYUS. 25Talagang riyanggaꞌ it AMPUꞌANG DIYUS i iting rugar, imbus yay daranasan ngayti nga uyut i mga siyudad baw lansangan ya, pati mga taw duꞌun baw muꞌsang luwak. Talagang egay naꞌped. Napuuꞌ nga muꞌsa it magdeleg ngayting asupri.
26Temed ta, asawa ni Lot ngayting duꞌut giyaringan ya, nakabetang kanyat ega magayen, sabap limningaw kanya. Ega namayaꞌ it inaat ngaytit kanira nga ayaw it linga-lingaw. Aypaꞌ natay kanyang lagi, nagbalyuy bilug ya nga asin batu.
27Ta si Abraham ngayti, naꞌadle-adlem kanya it iting aldaw, it nagpaꞌaduꞌut rugar ngayting piyagsugi-sugidan nirat AMPUꞌANG DIYUS. 28Pagꞌabut ya duꞌun, liyawag yay Sodoma baw Gomorra. Ipiyabeyeng-beyeng yay mata ya, paꞌari-ari duꞌun it daranasan ngayti, egay magkaltegan ya nga maski unu ka punuꞌ it tabuk, nga atnat magtindeg nga kunum.
29Pagpanranggaꞌ it Ampuꞌang Diyus it iting banwa, talagang ega paglilipaten ya si Abraham. Aypaꞌ ipiyagribri ya si Lot ngayting kamanaken ni Abraham nga magtataid duꞌut inatkayti ya ngayting rugar.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.