Genesis 23
23
Binwat ni Abraham, pagpatay ni Sara ngayting asawa ya
1Piyagurang si Sara ngayti, miyabut i idad yat sang gatus baw duwang puluꞌ may pitung taꞌun bawnga natay. 2Piyatayan ya duꞌun it Hebron, nga sakep it Canaan ngayti. Masyadu talagay kasmek ni Abraham, baw ega basta-bastay sugaw ya.
3Tiyananan daꞌan ni Abraham i magdadayag ngayting asawa ya ka naꞌaduꞌun kanya it mga Heteo nga datiyang taga duꞌun ka nagpakiꞌupakat. 4Maat ni Abraham, “Aku ngaytu, namanwa lamang situt imyu. Kayti paꞌalangen mi akut esang rugar nga malbengan kut asawa ku.”
5Maat i tubag it mga Heteo ngayti, 6“Unuka ega mapakay it ikaw i pagkilalaen namen nga mabantug ka pagꞌildawan it Ampuꞌang Diyus? Miliꞌ ka lamang it ireg mu nga rugar nga lebngan mut asawa mu. Egay maski siyu it amen nga magꞌimet it imu. Ilbeng mu lamang duꞌut amen nga kalelbengan, in ari ireg mu nga lebngan.”
7Pagkagneg ni Abraham kayti, timnindeg kanya bawnga nanluud kat sarungaan it kadakel ngayti. Bawnga miyampang kanya. 8Maat ya, “May ipagpakiꞌupakat ku ga lamang it imyu, it atkayan nga daꞌkamu magꞌimet nga situ nay lebngan kut asawa ku. Tabangen mi aku it mupakat it ki Efron ngayang anak ni Zohar, 9ka in mapakay, ipalugut yat aken i kubkub ngayan nga duꞌut sakep it lugtaꞌ ya ngayan duꞌut Macpela. Simpri, bayadan ku naga kanya it kumpur ireg ya nga ibayad ku, ka yanay buwaten ku nga kalelbengan kut aken situt banwa mi.”
10Itu palan, si Efron ngayti, duꞌun nagat katiꞌmesan it mga Heteo ngayting pagꞌupakaten ni Abraham. Egay beken, miyampang kanya nga pagdedngegen it puꞌsa ngayti nga natiꞌmes duꞌun it puwirtaꞌan it siyudad nira ngayti nga kanirang papagsurugidenan. 11Maat ya, “Ega lamang desang kubkub ngayan i ibgay ku, in daꞌga pati lugtaꞌ ngayang maglilibut it kubkub, uyut nang tanan it ibgay ku it begay na lamang. Duꞌun nay lebngan mu it asawa mu. Ampang ku ngaytu, pagdedngegen it muꞌsa ngaytu situ, sistigu sira nga muꞌsa.”
12Nanluud siꞌ si Abraham it sumaꞌup duꞌut sarungaan it kadakel ngayti. 13Bawnga miyampang kanya nga pagdedngegen it kadakel ngayti. Maat ya, “Ta in atkayan, magayen. Bayadan ku na ikaw kayti it in sang unuy rega it lugtaꞌ ngayan. Bawnga ilbeng ku nay asawa ku duꞌun.”
14Makatubag si Efron, maat ya, 15“Amay, sabagay regat lugtaꞌ ngayan, epat nga kilu baw tengaꞌ. Temed ega kaꞌilangan ku nga bayadan, basta ikaw. Lebngan mu na.”
16Ta, nagbaraꞌ sira it upakat nira ngayti. Binggayan na ni Abraham si Efron it pirak nga epat nga kilu baw tengaꞌ, it pagleltegan it kadakel ngayti. Pirak nga ibiyayad ya, subung nagat paggamiten it mga taga duꞌun nga mga manigdagang.
17Ta sikayti nasadili ni Abraham i lugtaꞌ ngayti ni Efron duꞌut Macpela, kapatuꞌ nagat Mamre. Uyut it lugtaꞌ ngayti i kubkub baw mga kayu. 18Ki Abraham nay muꞌsa ngayti, ka nasiguru na kat adapan it mga Heteo ngayti nga natiꞌmes duꞌun it papagsurugidenan nira. 19Iyan naꞌayus nay muꞌsa, ilimbeng na ni Abraham i asawa ya ngayti duꞌut kubkub ngayti nga duꞌut Macpela, nga patuꞌ it Mamre, nga kayti Hebron nay pangaran, nga sakep it Canaan. 20Naꞌalang ngayti ni Abraham nga lugtaꞌ duꞌut mga Heteo ngayti, iti na i binwat ya nga kanyang kalelbengan.
Currently Selected:
Genesis 23: TBWONT
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.
Genesis 23
23
Binwat ni Abraham, pagpatay ni Sara ngayting asawa ya
1Piyagurang si Sara ngayti, miyabut i idad yat sang gatus baw duwang puluꞌ may pitung taꞌun bawnga natay. 2Piyatayan ya duꞌun it Hebron, nga sakep it Canaan ngayti. Masyadu talagay kasmek ni Abraham, baw ega basta-bastay sugaw ya.
3Tiyananan daꞌan ni Abraham i magdadayag ngayting asawa ya ka naꞌaduꞌun kanya it mga Heteo nga datiyang taga duꞌun ka nagpakiꞌupakat. 4Maat ni Abraham, “Aku ngaytu, namanwa lamang situt imyu. Kayti paꞌalangen mi akut esang rugar nga malbengan kut asawa ku.”
5Maat i tubag it mga Heteo ngayti, 6“Unuka ega mapakay it ikaw i pagkilalaen namen nga mabantug ka pagꞌildawan it Ampuꞌang Diyus? Miliꞌ ka lamang it ireg mu nga rugar nga lebngan mut asawa mu. Egay maski siyu it amen nga magꞌimet it imu. Ilbeng mu lamang duꞌut amen nga kalelbengan, in ari ireg mu nga lebngan.”
7Pagkagneg ni Abraham kayti, timnindeg kanya bawnga nanluud kat sarungaan it kadakel ngayti. Bawnga miyampang kanya. 8Maat ya, “May ipagpakiꞌupakat ku ga lamang it imyu, it atkayan nga daꞌkamu magꞌimet nga situ nay lebngan kut asawa ku. Tabangen mi aku it mupakat it ki Efron ngayang anak ni Zohar, 9ka in mapakay, ipalugut yat aken i kubkub ngayan nga duꞌut sakep it lugtaꞌ ya ngayan duꞌut Macpela. Simpri, bayadan ku naga kanya it kumpur ireg ya nga ibayad ku, ka yanay buwaten ku nga kalelbengan kut aken situt banwa mi.”
10Itu palan, si Efron ngayti, duꞌun nagat katiꞌmesan it mga Heteo ngayting pagꞌupakaten ni Abraham. Egay beken, miyampang kanya nga pagdedngegen it puꞌsa ngayti nga natiꞌmes duꞌun it puwirtaꞌan it siyudad nira ngayti nga kanirang papagsurugidenan. 11Maat ya, “Ega lamang desang kubkub ngayan i ibgay ku, in daꞌga pati lugtaꞌ ngayang maglilibut it kubkub, uyut nang tanan it ibgay ku it begay na lamang. Duꞌun nay lebngan mu it asawa mu. Ampang ku ngaytu, pagdedngegen it muꞌsa ngaytu situ, sistigu sira nga muꞌsa.”
12Nanluud siꞌ si Abraham it sumaꞌup duꞌut sarungaan it kadakel ngayti. 13Bawnga miyampang kanya nga pagdedngegen it kadakel ngayti. Maat ya, “Ta in atkayan, magayen. Bayadan ku na ikaw kayti it in sang unuy rega it lugtaꞌ ngayan. Bawnga ilbeng ku nay asawa ku duꞌun.”
14Makatubag si Efron, maat ya, 15“Amay, sabagay regat lugtaꞌ ngayan, epat nga kilu baw tengaꞌ. Temed ega kaꞌilangan ku nga bayadan, basta ikaw. Lebngan mu na.”
16Ta, nagbaraꞌ sira it upakat nira ngayti. Binggayan na ni Abraham si Efron it pirak nga epat nga kilu baw tengaꞌ, it pagleltegan it kadakel ngayti. Pirak nga ibiyayad ya, subung nagat paggamiten it mga taga duꞌun nga mga manigdagang.
17Ta sikayti nasadili ni Abraham i lugtaꞌ ngayti ni Efron duꞌut Macpela, kapatuꞌ nagat Mamre. Uyut it lugtaꞌ ngayti i kubkub baw mga kayu. 18Ki Abraham nay muꞌsa ngayti, ka nasiguru na kat adapan it mga Heteo ngayti nga natiꞌmes duꞌun it papagsurugidenan nira. 19Iyan naꞌayus nay muꞌsa, ilimbeng na ni Abraham i asawa ya ngayti duꞌut kubkub ngayti nga duꞌut Macpela, nga patuꞌ it Mamre, nga kayti Hebron nay pangaran, nga sakep it Canaan. 20Naꞌalang ngayti ni Abraham nga lugtaꞌ duꞌut mga Heteo ngayti, iti na i binwat ya nga kanyang kalelbengan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.