Genesis 41
41
Nalibegan it pikir it adiꞌ ngayti i mga bagay nga tiyagaynep ya
1Nagtaꞌlib i duwa na nga taꞌun, nanagaynep i adiꞌ ngayti. Tagaynep ya, magtitindeg maat kanya duꞌut tambing it danum it Nilo. 2May naltegan ya nga naningdal nga pitung batu nga bakaꞌ nga magagayen i pamilug baw matatabaꞌ. Namagpangaꞌen it dikut nga magtutubuꞌ duꞌut tambing it danum ngayti. 3Ega naꞌlay may naningdal siꞌ duꞌut danum ngayti nga pitu nagang kabakaꞌan. Maraꞌway nang pagletganan i mga iti ngayti ka ereꞌeret nang kaniniwang. Yapaꞌ patinde-tindeg sira ka duꞌut tepad it matatabaꞌ ngayti. 4Ta unupat iti, magagayen ngayting pamimilugan it mga bakaꞌ ka matatabaꞌ, piyagteped-tepedan nat maniniwang ngaytit kumaꞌen! Sikayti nasulag i adiꞌ ngayti.
5Pagkaꞌigaꞌ siꞌ it adiꞌ ngayti, nanagaynep siꞌ. Maat siꞌ i tagaynep ya, magleteg siꞌ kanya it magbubugwas nga tirigu nga pitung kuway. Magayen nga magayeng pagletganan ka talagang mabuburun, lamang atkayti esa-esa i giꞌteng ya. 6Maat pagleteg ya siꞌ may pitu sing kuway nga magsusunud, nga mamagkayaꞌkaꞌ na ka pagdersan it maꞌinit nga deres. 7Unupat tinlen nat mga kuwayen ngayting magkayaꞌkaꞌ na i mga kuwayen ngayting mabuburun. Sikayti nasulag siꞌ i adiꞌ ngayti.
8Pagꞌeyag it aldaw nalibeg nga banar i pikir ya. Egay beken, ipiyapisiꞌ ya i muꞌsang mga may kepetan nga makakaꞌrut nga mamimintuꞌ duꞌut Egipto ngayti, pati beken nga mga mapipikir. Ipiyagtuturan yat kanira i duwa ngayting mga tagaynep ya, temed egay magkasugid it kanya in unuy kaꞌulugan kayti.
9Ta, yapay kademdem it manigpamaalaꞌ ngaytit pagꞌimnun, nga maat yat adiꞌ ngayti, “Aa bilaꞌ, yapay kademdem kut binwat ku it tagnaꞌ nga ega magayen. 10Iyan tagnaꞌ ngayti nga duwa kami nga manigsirbi mu, inisgan mu, pinirisu mu ngayan kami duꞌut balay it kapitan it mga guwardiya, duwa kami ngayan it pagbayaꞌen it mga manigbuwat it tinapay mu. 11Kaꞌsang delem, nanagaynep kami nga duwa. Nagbelag it kaꞌulugan i tagaynep namen ngayti. 12Ta, may duꞌun nga kaꞌibaan namen nga esang mangaꞌwaꞌen nga Hebreo nga uripen it kapitan it guwardiya. Kanya i tiyuturanan namen, bawnga isiyugid yat amen i kaꞌulugan it mga tagaynep namen ngayti. 13Ta talagang in magꞌuꞌunu-unuy isiyugid yat amen, iyan i nagꞌabut, ka aku, ipiyaꞌuliꞌ kat katengdanan ku ngaytu, kanya ngayting iba ku, ibinyut.”
14Pagkagneg it adiꞌ kayti, ipiyapisiꞌ ya si Jose. Egay beken, ipiyaliꞌwan kanya it padali-daliꞌ duꞌut pirisuwan. Inimengetan kanya baw binggayan it ipiyagganti yat pakayan ya. Bawnga naꞌaduꞌun it adiꞌ ngayti.
Nakaꞌadap na si Jose it adiꞌ.
15Pagꞌabut ni Jose duꞌun, maat it adiꞌ, “Nanagaynep aku temed kadakel ngaytu, ega magkasugid nira i kaꞌulugan ya. Temed may nasibaꞌatan it talinga ku nga ikaw, basta ituturan lamang it imu i tiyagaynep, magkasugid mu i kaꞌulugan ya.”
16“Kagalang-galang nga Adiꞌ, ega bayan maat aku,” maat ni Jose. “Ampuꞌang Diyus bayan i kabgay it kaꞌulugan nga pagtulusun mu.”
17Ta, itiyuturan nat adiꞌ ngayti duꞌun it ki Jose. “Magꞌaꞌatkayti yan,” maat ya, “i tiyagaynep ku ngayan. Maat magtitindeg aku duꞌut tambing it danum ngaytit Nilo. 18Maat may naningdal nga garing duꞌut danum ngayti nga pitung batu nga bakaꞌ nga matatabaꞌ baw magayeng pamimilugan, bawnga nangaꞌen it dikut nga magtutubuꞌ duꞌut tambing it danum. 19Maat ega naꞌlay may nanundug nga pitung batu nagang bakaꞌ, nga naningdal naga duꞌut danum ngayti. Ereꞌeret nga kaniniwang, maraꞌway nang pagletganan. Maat kaniniwang nira ngayti, yanaytuy kaꞌlay egay naltegan ku situt Egipto nga kasbung nat iting mararaꞌway na. 20Maat kiyaꞌen nat maniniwang ngayting bakaꞌ nga mararaꞌway na i pitu ngayting bakaꞌ nga matatabaꞌ. 21Maat lamang kiyaꞌen na nira, ega naga magkatandaꞌan nga nakakaꞌen sira, ka ega nagay inugadan it pamimilugan nira ngayting maraꞌway na ka ereꞌeret na ngayting kaniniwang. Sikayti nasulag aku.
22Pagkaꞌigaꞌ ku siꞌ, tagaynepen ku siꞌ, maat magleteg akut pitung kuway nga magbugwas duꞌut sang kagiꞌtengan lamang, makukway baw mabuburun. 23Ega siꞌ maat naꞌlay, may magsusunud sing magbugwas nga pitung kuway naga. Itiꞌen ngayti, mamagkayaꞌkaꞌ na ka pagdersan it maꞌinit nga deres. 24Maat tinlen it kuwayen ngayting mamagkayaꞌkaꞌ na i pitu ngayting kuway nga mabuburun. Itiyuturan ku naytu duꞌut mga makakaꞌrut nga mamimintuꞌ nga may mga kepetan, temed egay maski siyu nga magkasugid it aken in unuy kaꞌulugan kaytung tagaynep”.
Kaꞌulugan it tiyagaynep it adiꞌ ngayti
25Maat ni Jose it adiꞌ ngayti, “Iyan mga tagaynep mu ngayan, esa-esay kaꞌulugan nira kayan. Ipiyaꞌrut it Ampuꞌang Diyus it imu, kagalang-galang nga Adiꞌ, i kubwaten ya. 26Iyan pitu ngayang kabakaꞌan nga matatabaꞌ, kaꞌulugan ya kayan, pitung taꞌun. Subung naga i pitu ngayang kuway nga mabuburun. Kaꞌulugan ya, iti naga nga pitung taꞌun, ka esa-esay kaꞌulugan ya kayan. 27Baw gasiꞌ nga iyan pitu ngayang kabakaꞌan nga mararaꞌway nat kaniniwang nga nanundug it naningdal gasiꞌ, pitung taꞌun nagayay kaꞌulugan ya kayan. Subung naga i pitu ngayang kuway nga mamagkayaꞌkaꞌ na ka pagdersan it maꞌinit nga deres, nagsubung yan nga magsugid it gemtem it pitung taꞌun.
28Aypaꞌ subung naga it inaat ku nat imu, ipiyaꞌrut nat Ampuꞌang Diyus it imu, kagalang-galang nga Adiꞌ, i kubwaten ya. 29Yay matuud, garing kayti seledat pitung taꞌun, talagang magbastanti i pagpatbasan it kadakel situt muꞌsang banwa nga Egipto ngaytu. 30Temed sumunud kayan, sumubli nay ega basta-bastang getem, seledat pitung taꞌun. Talagang malipatan nay pitu ngaytung taꞌun nga kabastantiyan it patbas situt Egipto, kat kadakulat kagipitan nirat masaki-sakit na ngaytu nga getem. 31Talagang subuk alaid na kat banwa i kabastantiyan ngayti sabap it getem ngaytu nga dumasun ka ereꞌeret nga kakuriꞌ. 32Aypaꞌ diyubli-dubli nay patagaynep ngaytut imu, kagalang-galang nga Adiꞌ, sabap ituy ipiyabetang-betang it Ampuꞌang Diyus nga siguradung buwaten ya it ega talaga maꞌlay.
33Aypaꞌ siguru magayen nga buwaten mu, kagalang-galang nga Adiꞌ, tumulus it taw nga mapikir baw masepsep, ka ipabaalaꞌ mut kanya i banwa ngaytung Egipto. 34Baw buwaten mu gasiꞌ, miliꞌ ka it mga pagbayaꞌen it mga sinakepan mu ngaytu, nga buwaten nira, misiꞌ sira it ikalimang bagiꞌ it kada piyatbasan it mga taga Egipto, seledat pitu ngaytung taꞌun nga magbastanti i muꞌsa. 35Kaꞌilangan tingpeden niray kumpur pisiꞌen nira ngaytu, seledat itung mga taꞌun, magagayen ngaytuy patbas, ka ipalagkaw duꞌut mga lansangan, bawnga paguwardiyaan mu it magayen. 36Ka ituꞌun, agtuꞌ naytung pangaꞌen it pitu ngayting taꞌun nga getmen i situt Egipto, isaꞌun ega naga masyadung makuriꞌan i taw situt itung banwa.”
Lamang pirisu si Jose, nagtaꞌas na i katengdanan ya
37Ta, piyakugayen it adiꞌ i iti ngayti nga bagay. Pati mga katimbang ya, napakay sira gasiꞌ. 38Maat it adiꞌ ngayti it mga katimbang ya, “Unu bayan, may maparagan tami paꞌ nga subuk itung taw nga pagsasaruman it Ampuꞌang Diyus ya?”
39Bawnga inaat it adiꞌ si Jose ngayti, “Ta it ipiyaꞌrut it Ampuꞌang Diyus it imu i muꞌsa ngaytu, subuk ega nay kasbung it imu nga mapikir baw masepsep. 40Aypaꞌ kayti ikaw nay buwaten ku nga piyakapagbayaꞌen kat pamalay-balay ku baw sunudun it magayen it muꞌsang mga taw situt pagsasakpan ku ngaytu i kada urdin mu. Mataꞌas aku lamang it imu sabap it pagkaꞌadiꞌ ku.
41Talagang kayti,” maat it adiꞌ ngayti it ki Jose, “ipiyatindeg ku ikaw nga manigpamaalaꞌ kat muꞌsang kaꞌadiꞌan ku ngaytu nga Egipto.” 42Bawnga inapluꞌ it adiꞌ ngayti i siꞌsing ya nga pamimirmaꞌ baw ipiyasiꞌsing yat ki Jose, sabap si Jose na ngayti i manigbuwat it urdin.#41:42 Basta adiꞌ, may siꞌsing nga pagsusuratat kanya-kanyang ngaran u ladawan. In sumurat kanya u in pasurat kanya it urdin, anuꞌan ya it tiyunaw nga tadu baw deꞌlan ya i tadu it siꞌsing ya. Pagdesen, duꞌun nat tadu ngayti i ngaran u ladawan ya, kamatuudan it kanya i tagsurat kayti. Piyapakayan ya na gasiꞌ it pakayan nga pirmira nga abel baw piyabaliꞌgan ya nat baliꞌeg nga bulawan. 43Bawnga yanay piyasakayan yat ki Jose, ikadwa ngayting sarakayan ya, baw duꞌut uꞌnaan i maggaꞌuy nga magꞌaat, “Manluud kamu nga muꞌsa!” Egay beken, ipiyabaalaꞌ nat ki Jose i muꞌsang banwa nga Egipto.
44Maat i paꞌugdun it adiꞌ ngayti it ki Jose, “Sabagay aku i adiꞌ, temed egay mapakay nga buwaten it mga taw kat muꞌsang Egipto, u panawun nira, in daꞌga manggaring asat imu baw magkapakay mu.” 45Bawnga piyangaranan it adiꞌ ngayti si Jose it ki Zafenat-panea, baw ipiyaꞌasawa ya nat ki Asenat, nga anak ni Potifera nga sasirduti duꞌut On. Binwat ni Jose, nanlekep-lekep it muꞌsang banwa nga Egipto.
46Pagpatindeg it adiꞌ ngaytit Egipto it ki Jose nga kanya nay manigpamaalaꞌ, tulung puluꞌ nang taꞌun i idad ni Jose ngayti. Bawnga yanayti, yanay binwat ya, magpanlekep-lekep nat muꞌsang banwa nga Egipto. 47Ta nagꞌabut nga matuud nga seledat pitu ngayting taꞌun, talagang bastanti i magkapatbasan it kadakel. 48Egay beken nga binwat ni Jose it seledat pitung taꞌun ngayti, pinsiꞌ ya i ikalimang bagiꞌ nga piyatbasan it muꞌsang mga taga Egipto. Ipiyagpalagkaw ya duꞌut kada lansangan i areg ngayti nga garing duꞌut mga kaꞌuꞌumaan nga sakep it iting rugar. 49Natingped ya nga legas it tirigu, subung nat igis it baybayan. Aypaꞌ iyan naꞌlay na, ega na magkagaꞌsan yat kaꞌalup ka subraꞌ nang kadakulaꞌ.
50Parabir miyabut i getem ngayti, duwa nay anak na Jose. Lalaki nga duwa i anak nira ngayti ni Asenat nga anak ngayti ni Potifera nga sasirduti duꞌut On. 51Pangaranan ni Jose i anak ya ngayting panganay, si Manases. “Ipiyalipat na talaga it Ampuꞌang Diyus it aken i muꞌsang kakuriꞌan ku baw iyan nga nabetangan ku kat pamalay-balay ni Amaꞌ,” maat ni Jose ngayti. 52Baw ipiyangaran yat ikadwa ngayti, si Efraim. “Talagang,” maat ya, “inildawan aku it Ampuꞌang Diyus it kagayenan kat banwa ngaytu nga minggay it aken it magkasmekan.”
Nagꞌabut nay sang parikaraꞌ ngayting kaꞌulugan it tiyagaynep it adiꞌ
53Ta natupus nay pitu ngayting taꞌun nga pagbastanti duꞌun it muꞌsang Egipto. 54Unupat nagpapuꞌun nay pitu ngayting taꞌun nga getem, subung nat inaat ngayti ni Jose. Baw ega lamang duꞌut Egipto, in daꞌga gintem gasiꞌ i beken nga mga banwa. Temed duꞌut Egipto ngayti, may pangaꞌen naga nga areg. 55Iyan magkakuriꞌan nat pangaꞌen i muꞌsang katataawan duꞌut Egipto ngayti, nangabang sira duꞌut adiꞌ nira ngayti. Yay ipagtubag it adiꞌ it mga taga Egipto ngayti, maat ya, “Paꞌaduꞌun kamu it ki Jose. In unuy aaten ya it imyu, iyan i buwaten mi.”
56Iyan limingkep nat muꞌsang banwa i getem, piyaꞌabriyan ni Jose i mga lagkaw ngayti bawnga piyaꞌalang yay mga taga Egipto. Talagang gintem it kamatuudan i muꞌsang Egipto. 57Pati taga beken nga banwa, magpaꞌaduꞌun nat ki Jose ka magpangalang it pangaꞌen, ka talagang limingkep i masaki-sakit ngayting getem.
Currently Selected:
Genesis 41: TBWONT
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.
Genesis 41
41
Nalibegan it pikir it adiꞌ ngayti i mga bagay nga tiyagaynep ya
1Nagtaꞌlib i duwa na nga taꞌun, nanagaynep i adiꞌ ngayti. Tagaynep ya, magtitindeg maat kanya duꞌut tambing it danum it Nilo. 2May naltegan ya nga naningdal nga pitung batu nga bakaꞌ nga magagayen i pamilug baw matatabaꞌ. Namagpangaꞌen it dikut nga magtutubuꞌ duꞌut tambing it danum ngayti. 3Ega naꞌlay may naningdal siꞌ duꞌut danum ngayti nga pitu nagang kabakaꞌan. Maraꞌway nang pagletganan i mga iti ngayti ka ereꞌeret nang kaniniwang. Yapaꞌ patinde-tindeg sira ka duꞌut tepad it matatabaꞌ ngayti. 4Ta unupat iti, magagayen ngayting pamimilugan it mga bakaꞌ ka matatabaꞌ, piyagteped-tepedan nat maniniwang ngaytit kumaꞌen! Sikayti nasulag i adiꞌ ngayti.
5Pagkaꞌigaꞌ siꞌ it adiꞌ ngayti, nanagaynep siꞌ. Maat siꞌ i tagaynep ya, magleteg siꞌ kanya it magbubugwas nga tirigu nga pitung kuway. Magayen nga magayeng pagletganan ka talagang mabuburun, lamang atkayti esa-esa i giꞌteng ya. 6Maat pagleteg ya siꞌ may pitu sing kuway nga magsusunud, nga mamagkayaꞌkaꞌ na ka pagdersan it maꞌinit nga deres. 7Unupat tinlen nat mga kuwayen ngayting magkayaꞌkaꞌ na i mga kuwayen ngayting mabuburun. Sikayti nasulag siꞌ i adiꞌ ngayti.
8Pagꞌeyag it aldaw nalibeg nga banar i pikir ya. Egay beken, ipiyapisiꞌ ya i muꞌsang mga may kepetan nga makakaꞌrut nga mamimintuꞌ duꞌut Egipto ngayti, pati beken nga mga mapipikir. Ipiyagtuturan yat kanira i duwa ngayting mga tagaynep ya, temed egay magkasugid it kanya in unuy kaꞌulugan kayti.
9Ta, yapay kademdem it manigpamaalaꞌ ngaytit pagꞌimnun, nga maat yat adiꞌ ngayti, “Aa bilaꞌ, yapay kademdem kut binwat ku it tagnaꞌ nga ega magayen. 10Iyan tagnaꞌ ngayti nga duwa kami nga manigsirbi mu, inisgan mu, pinirisu mu ngayan kami duꞌut balay it kapitan it mga guwardiya, duwa kami ngayan it pagbayaꞌen it mga manigbuwat it tinapay mu. 11Kaꞌsang delem, nanagaynep kami nga duwa. Nagbelag it kaꞌulugan i tagaynep namen ngayti. 12Ta, may duꞌun nga kaꞌibaan namen nga esang mangaꞌwaꞌen nga Hebreo nga uripen it kapitan it guwardiya. Kanya i tiyuturanan namen, bawnga isiyugid yat amen i kaꞌulugan it mga tagaynep namen ngayti. 13Ta talagang in magꞌuꞌunu-unuy isiyugid yat amen, iyan i nagꞌabut, ka aku, ipiyaꞌuliꞌ kat katengdanan ku ngaytu, kanya ngayting iba ku, ibinyut.”
14Pagkagneg it adiꞌ kayti, ipiyapisiꞌ ya si Jose. Egay beken, ipiyaliꞌwan kanya it padali-daliꞌ duꞌut pirisuwan. Inimengetan kanya baw binggayan it ipiyagganti yat pakayan ya. Bawnga naꞌaduꞌun it adiꞌ ngayti.
Nakaꞌadap na si Jose it adiꞌ.
15Pagꞌabut ni Jose duꞌun, maat it adiꞌ, “Nanagaynep aku temed kadakel ngaytu, ega magkasugid nira i kaꞌulugan ya. Temed may nasibaꞌatan it talinga ku nga ikaw, basta ituturan lamang it imu i tiyagaynep, magkasugid mu i kaꞌulugan ya.”
16“Kagalang-galang nga Adiꞌ, ega bayan maat aku,” maat ni Jose. “Ampuꞌang Diyus bayan i kabgay it kaꞌulugan nga pagtulusun mu.”
17Ta, itiyuturan nat adiꞌ ngayti duꞌun it ki Jose. “Magꞌaꞌatkayti yan,” maat ya, “i tiyagaynep ku ngayan. Maat magtitindeg aku duꞌut tambing it danum ngaytit Nilo. 18Maat may naningdal nga garing duꞌut danum ngayti nga pitung batu nga bakaꞌ nga matatabaꞌ baw magayeng pamimilugan, bawnga nangaꞌen it dikut nga magtutubuꞌ duꞌut tambing it danum. 19Maat ega naꞌlay may nanundug nga pitung batu nagang bakaꞌ, nga naningdal naga duꞌut danum ngayti. Ereꞌeret nga kaniniwang, maraꞌway nang pagletganan. Maat kaniniwang nira ngayti, yanaytuy kaꞌlay egay naltegan ku situt Egipto nga kasbung nat iting mararaꞌway na. 20Maat kiyaꞌen nat maniniwang ngayting bakaꞌ nga mararaꞌway na i pitu ngayting bakaꞌ nga matatabaꞌ. 21Maat lamang kiyaꞌen na nira, ega naga magkatandaꞌan nga nakakaꞌen sira, ka ega nagay inugadan it pamimilugan nira ngayting maraꞌway na ka ereꞌeret na ngayting kaniniwang. Sikayti nasulag aku.
22Pagkaꞌigaꞌ ku siꞌ, tagaynepen ku siꞌ, maat magleteg akut pitung kuway nga magbugwas duꞌut sang kagiꞌtengan lamang, makukway baw mabuburun. 23Ega siꞌ maat naꞌlay, may magsusunud sing magbugwas nga pitung kuway naga. Itiꞌen ngayti, mamagkayaꞌkaꞌ na ka pagdersan it maꞌinit nga deres. 24Maat tinlen it kuwayen ngayting mamagkayaꞌkaꞌ na i pitu ngayting kuway nga mabuburun. Itiyuturan ku naytu duꞌut mga makakaꞌrut nga mamimintuꞌ nga may mga kepetan, temed egay maski siyu nga magkasugid it aken in unuy kaꞌulugan kaytung tagaynep”.
Kaꞌulugan it tiyagaynep it adiꞌ ngayti
25Maat ni Jose it adiꞌ ngayti, “Iyan mga tagaynep mu ngayan, esa-esay kaꞌulugan nira kayan. Ipiyaꞌrut it Ampuꞌang Diyus it imu, kagalang-galang nga Adiꞌ, i kubwaten ya. 26Iyan pitu ngayang kabakaꞌan nga matatabaꞌ, kaꞌulugan ya kayan, pitung taꞌun. Subung naga i pitu ngayang kuway nga mabuburun. Kaꞌulugan ya, iti naga nga pitung taꞌun, ka esa-esay kaꞌulugan ya kayan. 27Baw gasiꞌ nga iyan pitu ngayang kabakaꞌan nga mararaꞌway nat kaniniwang nga nanundug it naningdal gasiꞌ, pitung taꞌun nagayay kaꞌulugan ya kayan. Subung naga i pitu ngayang kuway nga mamagkayaꞌkaꞌ na ka pagdersan it maꞌinit nga deres, nagsubung yan nga magsugid it gemtem it pitung taꞌun.
28Aypaꞌ subung naga it inaat ku nat imu, ipiyaꞌrut nat Ampuꞌang Diyus it imu, kagalang-galang nga Adiꞌ, i kubwaten ya. 29Yay matuud, garing kayti seledat pitung taꞌun, talagang magbastanti i pagpatbasan it kadakel situt muꞌsang banwa nga Egipto ngaytu. 30Temed sumunud kayan, sumubli nay ega basta-bastang getem, seledat pitung taꞌun. Talagang malipatan nay pitu ngaytung taꞌun nga kabastantiyan it patbas situt Egipto, kat kadakulat kagipitan nirat masaki-sakit na ngaytu nga getem. 31Talagang subuk alaid na kat banwa i kabastantiyan ngayti sabap it getem ngaytu nga dumasun ka ereꞌeret nga kakuriꞌ. 32Aypaꞌ diyubli-dubli nay patagaynep ngaytut imu, kagalang-galang nga Adiꞌ, sabap ituy ipiyabetang-betang it Ampuꞌang Diyus nga siguradung buwaten ya it ega talaga maꞌlay.
33Aypaꞌ siguru magayen nga buwaten mu, kagalang-galang nga Adiꞌ, tumulus it taw nga mapikir baw masepsep, ka ipabaalaꞌ mut kanya i banwa ngaytung Egipto. 34Baw buwaten mu gasiꞌ, miliꞌ ka it mga pagbayaꞌen it mga sinakepan mu ngaytu, nga buwaten nira, misiꞌ sira it ikalimang bagiꞌ it kada piyatbasan it mga taga Egipto, seledat pitu ngaytung taꞌun nga magbastanti i muꞌsa. 35Kaꞌilangan tingpeden niray kumpur pisiꞌen nira ngaytu, seledat itung mga taꞌun, magagayen ngaytuy patbas, ka ipalagkaw duꞌut mga lansangan, bawnga paguwardiyaan mu it magayen. 36Ka ituꞌun, agtuꞌ naytung pangaꞌen it pitu ngayting taꞌun nga getmen i situt Egipto, isaꞌun ega naga masyadung makuriꞌan i taw situt itung banwa.”
Lamang pirisu si Jose, nagtaꞌas na i katengdanan ya
37Ta, piyakugayen it adiꞌ i iti ngayti nga bagay. Pati mga katimbang ya, napakay sira gasiꞌ. 38Maat it adiꞌ ngayti it mga katimbang ya, “Unu bayan, may maparagan tami paꞌ nga subuk itung taw nga pagsasaruman it Ampuꞌang Diyus ya?”
39Bawnga inaat it adiꞌ si Jose ngayti, “Ta it ipiyaꞌrut it Ampuꞌang Diyus it imu i muꞌsa ngaytu, subuk ega nay kasbung it imu nga mapikir baw masepsep. 40Aypaꞌ kayti ikaw nay buwaten ku nga piyakapagbayaꞌen kat pamalay-balay ku baw sunudun it magayen it muꞌsang mga taw situt pagsasakpan ku ngaytu i kada urdin mu. Mataꞌas aku lamang it imu sabap it pagkaꞌadiꞌ ku.
41Talagang kayti,” maat it adiꞌ ngayti it ki Jose, “ipiyatindeg ku ikaw nga manigpamaalaꞌ kat muꞌsang kaꞌadiꞌan ku ngaytu nga Egipto.” 42Bawnga inapluꞌ it adiꞌ ngayti i siꞌsing ya nga pamimirmaꞌ baw ipiyasiꞌsing yat ki Jose, sabap si Jose na ngayti i manigbuwat it urdin.#41:42 Basta adiꞌ, may siꞌsing nga pagsusuratat kanya-kanyang ngaran u ladawan. In sumurat kanya u in pasurat kanya it urdin, anuꞌan ya it tiyunaw nga tadu baw deꞌlan ya i tadu it siꞌsing ya. Pagdesen, duꞌun nat tadu ngayti i ngaran u ladawan ya, kamatuudan it kanya i tagsurat kayti. Piyapakayan ya na gasiꞌ it pakayan nga pirmira nga abel baw piyabaliꞌgan ya nat baliꞌeg nga bulawan. 43Bawnga yanay piyasakayan yat ki Jose, ikadwa ngayting sarakayan ya, baw duꞌut uꞌnaan i maggaꞌuy nga magꞌaat, “Manluud kamu nga muꞌsa!” Egay beken, ipiyabaalaꞌ nat ki Jose i muꞌsang banwa nga Egipto.
44Maat i paꞌugdun it adiꞌ ngayti it ki Jose, “Sabagay aku i adiꞌ, temed egay mapakay nga buwaten it mga taw kat muꞌsang Egipto, u panawun nira, in daꞌga manggaring asat imu baw magkapakay mu.” 45Bawnga piyangaranan it adiꞌ ngayti si Jose it ki Zafenat-panea, baw ipiyaꞌasawa ya nat ki Asenat, nga anak ni Potifera nga sasirduti duꞌut On. Binwat ni Jose, nanlekep-lekep it muꞌsang banwa nga Egipto.
46Pagpatindeg it adiꞌ ngaytit Egipto it ki Jose nga kanya nay manigpamaalaꞌ, tulung puluꞌ nang taꞌun i idad ni Jose ngayti. Bawnga yanayti, yanay binwat ya, magpanlekep-lekep nat muꞌsang banwa nga Egipto. 47Ta nagꞌabut nga matuud nga seledat pitu ngayting taꞌun, talagang bastanti i magkapatbasan it kadakel. 48Egay beken nga binwat ni Jose it seledat pitung taꞌun ngayti, pinsiꞌ ya i ikalimang bagiꞌ nga piyatbasan it muꞌsang mga taga Egipto. Ipiyagpalagkaw ya duꞌut kada lansangan i areg ngayti nga garing duꞌut mga kaꞌuꞌumaan nga sakep it iting rugar. 49Natingped ya nga legas it tirigu, subung nat igis it baybayan. Aypaꞌ iyan naꞌlay na, ega na magkagaꞌsan yat kaꞌalup ka subraꞌ nang kadakulaꞌ.
50Parabir miyabut i getem ngayti, duwa nay anak na Jose. Lalaki nga duwa i anak nira ngayti ni Asenat nga anak ngayti ni Potifera nga sasirduti duꞌut On. 51Pangaranan ni Jose i anak ya ngayting panganay, si Manases. “Ipiyalipat na talaga it Ampuꞌang Diyus it aken i muꞌsang kakuriꞌan ku baw iyan nga nabetangan ku kat pamalay-balay ni Amaꞌ,” maat ni Jose ngayti. 52Baw ipiyangaran yat ikadwa ngayti, si Efraim. “Talagang,” maat ya, “inildawan aku it Ampuꞌang Diyus it kagayenan kat banwa ngaytu nga minggay it aken it magkasmekan.”
Nagꞌabut nay sang parikaraꞌ ngayting kaꞌulugan it tiyagaynep it adiꞌ
53Ta natupus nay pitu ngayting taꞌun nga pagbastanti duꞌun it muꞌsang Egipto. 54Unupat nagpapuꞌun nay pitu ngayting taꞌun nga getem, subung nat inaat ngayti ni Jose. Baw ega lamang duꞌut Egipto, in daꞌga gintem gasiꞌ i beken nga mga banwa. Temed duꞌut Egipto ngayti, may pangaꞌen naga nga areg. 55Iyan magkakuriꞌan nat pangaꞌen i muꞌsang katataawan duꞌut Egipto ngayti, nangabang sira duꞌut adiꞌ nira ngayti. Yay ipagtubag it adiꞌ it mga taga Egipto ngayti, maat ya, “Paꞌaduꞌun kamu it ki Jose. In unuy aaten ya it imyu, iyan i buwaten mi.”
56Iyan limingkep nat muꞌsang banwa i getem, piyaꞌabriyan ni Jose i mga lagkaw ngayti bawnga piyaꞌalang yay mga taga Egipto. Talagang gintem it kamatuudan i muꞌsang Egipto. 57Pati taga beken nga banwa, magpaꞌaduꞌun nat ki Jose ka magpangalang it pangaꞌen, ka talagang limingkep i masaki-sakit ngayting getem.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.