Genesis 43
43
Naꞌlay bawnga nakapaꞌuliꞌ i mga sulsug ni Jose it mamari duꞌut Egipto
1Ta, magsakit-magsakit pay getem duꞌun it Canaan. 2Aypaꞌ iyan naꞌubus nay muꞌsang naꞌalang nira ngayti duꞌut Egipto nga pangaꞌen, maat siꞌ ni Jacob it mga anak ya ngayti, “Paꞌuliꞌ kamu siꞌ duꞌun ka mangalang kamu sit maski dekeyeꞌ nga pangaꞌen.”
3Temed maat ni Juda it kanya, “Amaꞌ, in maat baꞌ, daꞌga talagang maseked-seked i aat it manigpamaalaꞌ ngayti duꞌun, nga ega na mapakay nga madap kami it kanya in ega magbabayaꞌ it amen i ariꞌ namen ngaytu? 4In ipabayaꞌ mu kanya it amen, ta mamari kami siꞌ duꞌun. 5Takaꞌ in ega ipalugut mu, ta ega na bayan makaꞌaduꞌun kamit sumaꞌup. Ka yanayti, inaat ya ngaytit amen nga ega na mapakay nga madap it kanya in ega magbabayaꞌ it amen i ariꞌ namen ngaytu.”
6Maat ni Israel ngayting amaꞌ nira, “Unuka piyakuriꞌan mi aku it itung mga kaꞌulugan? Unu bayan ka isiyugid mi paꞌ nga may sulsug mi paꞌ nga beken?”
7Katubag sira, “Ta unu bay mabwat namen it siyuwiꞌ-suwiꞌ ya nga banar i kat seled it pamalay-balay ta? Iningkut ya kami in egen pay amaꞌ namen baw in may sulsug namen paꞌ nga beken. Ta ampang namen, magtubag kami lamang it ingkut ya. Ka ungaytu, magꞌuꞌunu maꞌrutan namen nga aaten ya nga kaꞌilangan ipaꞌadap namen it kanya si Benjamin ngaytu?”
8“Amaꞌ,” maat ni Juda, “ipabayaꞌ mu nat aken si Benjamin isaꞌun kapanaw kami na, isaꞌun ega puyangten tami nga muꞌsa. 9Talagang ipirinda kuy ginawa ku isaꞌun lamang ega maꞌunu kanya. Akuy baalaꞌ it kanya. Amaꞌ, talagang ipagsanggup kuy bilug ku nga in ega na magbabayaꞌ it aken it muliꞌ situ, aku i pabekbekan mut masul seked it kaꞌnu-kaꞌnu. 10In daꞌga lamang naꞌatrasu kami na ngaytu nga banar, kayti may mga duwang suliꞌ namen nat pamari.”
11“Ayta,” maat ni Israel ngayti nga amaꞌ nira. “Ta it atkayan na, ka ega nay beken nga mabwat, magayen atkaytuy buwaten mi. Kaꞌilangan tumaban kamu it magagayeng bagay nga garing situ, nga ibgay mi it magpamaalaꞌ ngayting taw. Tumaban kamu it maski dekeyeng mabanglu nga balsamo, deges, mga babangluun baw mabanglu nga panraragiꞌ, mira, baw buwat kayu nga alponsigo baw almendro. 12Baw ega teꞌngen mi nga taban it pangangalang ka kaꞌilangan iꞌuliꞌ mi naga duꞌun i mga naꞌukadan mi ngayan asat mga pirisiꞌen mi nga mga ipiyagꞌalang mi. Barang nagima-gimaan nira lamang. 13Pabayaꞌen mi nay ariꞌ mi ngaytu. Mapanaw kamu na nga paꞌuliꞌ duꞌun it taw ngayti. 14Sana ildawan kamu it Ampuꞌang Diyus nga landaw nga gunaan, isaꞌun masanguꞌan kamu nagat iting taw, nga makaꞌuliꞌ naga situt aken si Simeon baw si Benjamin ngaytu. Takaꞌ in iyan i pabetang-betang ya, nga ikaꞌilang it mga anak ku, isan paꞌ sugiden, kanya nay baalaꞌ.”
Kiyeber-keberan sit seled it mga anak ni Jacob pagꞌabut nira duꞌut Egipto
15Egay beken, diyawa-dawaꞌ niray kumpur tabanen nira ngayting mga begay. Baw pirak, diyubli-dubli niray tiyaban. Pagkadawa-dawaꞌ nira, daꞌsira na nagꞌatrasu, namagpanaw na sirang paEgipto siꞌ, ka yanayti may aꞌadapen nira ngayti duꞌut ki Jose. Magbabayaꞌ nat kanira si Benjamin. 16Pagkalteg ni Jose it ki Benjamin, inaat yay sarig-sarigan ya nga magpamaalaꞌ duꞌut pamalay-balay ya, “Pabayaꞌen muy namagꞌabut ngaytu duꞌut balay. Iskat mu asat balay nga magsimpan it pangaꞌen baw pakarniꞌen mu sira it masdaꞌan ka sang kamiyan it itung mga taw i kumaꞌen mabway nga panramrag.”
17Egay beken, siyunud it sarig-sarigan ngayti i taꞌeg ni Jose baw piyabayaꞌ ya sira duꞌut balay. 18Miniꞌlam siꞌ sira it piyabayaꞌ na ngayti sira duꞌut balay ni Jose. Kat nake-nakem nira, “Itu, piyabayaꞌ ta na ngaytu, siguru sabap na bayan duꞌut pirak ngayting ipiyagrugud naga duꞌut mga sakuꞌ ta it tagnaꞌ ngayang paꞌasitu ta. Siguru, biglaꞌen ta manat dumakep. Pisiꞌen i mga asno ta, bawnga uripnen tami nang muꞌsa.”
19Aypaꞌ minlep sira duꞌut salakwatan ka inaat nira i sarig-sarigan ngayti ni Jose. 20“Agalen namen,” maat nira, “kagalang-galang it imu, iyan tagnaꞌ ngayang asitu namen nga namari, 21iyan duꞌun kami nat naꞌigaꞌan namen, inukad namen i mga sakuꞌ namen ngayan. Naparagan namen duꞌut seled ya i ibiyayad namen ngayat inalang nameng pangaꞌen situ. Egay kurang ya, iti nagang pirak nga ipiyagbayad namen. Waytu nagaytu, taban namen naga kayti, ipagꞌuliꞌ namen naga situt imyu. 22May pirak namen pang beken nga iꞌalang namen sit makaꞌen. Talagang ega naꞌrutan namen in siyu i nakabtang it ibiyayad namen ngayti duꞌut mga sakuꞌ namen.”
23“Aaꞌ, ayaw kamut kademdem,” maat i sarig-sarigan ngayti. “Ayaw kamut iꞌlam. Siguru imyung pagsirbiyan, iyan Ampuꞌang Diyus it amaꞌ mi, kanya naga i minggay it mga pirak ngayan duꞌut sakuꞌ mi. Natanggap ku na i bayad mi it tagnaꞌ ngayang asitu mi.” Bawnga ipiyaliꞌwan ya na duꞌut kanira si Simeon ngayti.
24Piyasled ya na sira nga muꞌsa duꞌut balay ni Jose ngayti. Binggayan sirat danum nga iꞌugas nirat aꞌay nira, baw piyakaꞌen i mga asno nira ngayti. 25Pagkatiwas nira, inukad na niray taban nira ngayting ibgay nira it ki Jose. Ibgay nira in mabut na kanya it kaꞌugtu ka nagnegan na nira nga sang siraan i magkaraꞌnen duꞌun.
26Pagꞌabut ni Jose, ibinggay na nira i taban nira ngayti nga tiyaban na nira duꞌut seled it balay. Bawnga nanluud siꞌ sirang muꞌsa duꞌut adapan ya. 27Kiyumusta sira nga muꞌsa ni Jose bawnga iningkut ya sira nga magꞌaat, “Maꞌunu nagay ginawa it amaꞌ mi? Unu, makula-kulaꞌsi naga?”
28“Kagalang-galang it imu, egen paꞌ kanya baw makula-kulaꞌsi naga it kayti paꞌ ngaytu,” maat i tubag nira. Nanluud siꞌ sirat sumaꞌup ka magbegay it galang.
29Pagkalteg ni Jose it kuꞌkup ya ngayti nga si Benjamin, nga sagpun yat inaꞌ, iningkut ya sira, “Unu yanaytuy paꞌaaten mi nga ariꞌ mi nga banar?” Bawnga maat yat kanya, “Dunguꞌ, ildawan ka sana it Ampuꞌang Diyus.” 30Ta, ega magkasagkaꞌan ni Jose i raꞌe-raꞌet it nakem ya. Yamanay daꞌga kasgaw kanya, sabap it taꞌun i binilang bawnga nagkita sira magꞌariꞌ. Iyan ega na magkasagkaꞌan ya, siminled kanya duꞌut irigaꞌan ya, ka siminggaw na duꞌun.
31Iyan magayen nay nakem ya, nanraꞌmus na kanya bawnga limniꞌwan, pagsagka-sagkaꞌen ya nay nakem ya. Pagkaliꞌwan ya, isingkat ya nga magtarakan na.
32Tiyarakanan it ki Jose, duꞌut sangbat nga lamisaan, esa-esa yat kanya. Mga sulsug ya ngayti, duꞌut sang kalamisaanan. Mga taga Egipto nga kaꞌibaan ya, bulun siray kanira, ka pagliꞌyan nira in maꞌiba nirat kumaꞌen i mga Hebreo. 33Duꞌun it ayun it sarungaan ni Jose i mga sulsug ya ngayti nga pagꞌaꞌayusun i pangadung garing kat kiyaꞌakaꞌan sunud-sunud. Aypaꞌ it atkayti i paꞌdung ya it kanira, yay buwat nira, seye-seyeken ka naliluꞌ sirang banar. 34Duꞌut lamisaan ngayti ni Jose it kanya i pagpisiꞌan it mga pagsedaꞌ nga ipagduꞌut kanira. Limang dubli i kadakulaꞌ it pagsedaꞌ nga ipagduꞌun it ki Benjamin ngayti. Masasagya sirang mamagkaꞌen baw mamagꞌinum.
Currently Selected:
Genesis 43: TBWONT
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.
Genesis 43
43
Naꞌlay bawnga nakapaꞌuliꞌ i mga sulsug ni Jose it mamari duꞌut Egipto
1Ta, magsakit-magsakit pay getem duꞌun it Canaan. 2Aypaꞌ iyan naꞌubus nay muꞌsang naꞌalang nira ngayti duꞌut Egipto nga pangaꞌen, maat siꞌ ni Jacob it mga anak ya ngayti, “Paꞌuliꞌ kamu siꞌ duꞌun ka mangalang kamu sit maski dekeyeꞌ nga pangaꞌen.”
3Temed maat ni Juda it kanya, “Amaꞌ, in maat baꞌ, daꞌga talagang maseked-seked i aat it manigpamaalaꞌ ngayti duꞌun, nga ega na mapakay nga madap kami it kanya in ega magbabayaꞌ it amen i ariꞌ namen ngaytu? 4In ipabayaꞌ mu kanya it amen, ta mamari kami siꞌ duꞌun. 5Takaꞌ in ega ipalugut mu, ta ega na bayan makaꞌaduꞌun kamit sumaꞌup. Ka yanayti, inaat ya ngaytit amen nga ega na mapakay nga madap it kanya in ega magbabayaꞌ it amen i ariꞌ namen ngaytu.”
6Maat ni Israel ngayting amaꞌ nira, “Unuka piyakuriꞌan mi aku it itung mga kaꞌulugan? Unu bayan ka isiyugid mi paꞌ nga may sulsug mi paꞌ nga beken?”
7Katubag sira, “Ta unu bay mabwat namen it siyuwiꞌ-suwiꞌ ya nga banar i kat seled it pamalay-balay ta? Iningkut ya kami in egen pay amaꞌ namen baw in may sulsug namen paꞌ nga beken. Ta ampang namen, magtubag kami lamang it ingkut ya. Ka ungaytu, magꞌuꞌunu maꞌrutan namen nga aaten ya nga kaꞌilangan ipaꞌadap namen it kanya si Benjamin ngaytu?”
8“Amaꞌ,” maat ni Juda, “ipabayaꞌ mu nat aken si Benjamin isaꞌun kapanaw kami na, isaꞌun ega puyangten tami nga muꞌsa. 9Talagang ipirinda kuy ginawa ku isaꞌun lamang ega maꞌunu kanya. Akuy baalaꞌ it kanya. Amaꞌ, talagang ipagsanggup kuy bilug ku nga in ega na magbabayaꞌ it aken it muliꞌ situ, aku i pabekbekan mut masul seked it kaꞌnu-kaꞌnu. 10In daꞌga lamang naꞌatrasu kami na ngaytu nga banar, kayti may mga duwang suliꞌ namen nat pamari.”
11“Ayta,” maat ni Israel ngayti nga amaꞌ nira. “Ta it atkayan na, ka ega nay beken nga mabwat, magayen atkaytuy buwaten mi. Kaꞌilangan tumaban kamu it magagayeng bagay nga garing situ, nga ibgay mi it magpamaalaꞌ ngayting taw. Tumaban kamu it maski dekeyeng mabanglu nga balsamo, deges, mga babangluun baw mabanglu nga panraragiꞌ, mira, baw buwat kayu nga alponsigo baw almendro. 12Baw ega teꞌngen mi nga taban it pangangalang ka kaꞌilangan iꞌuliꞌ mi naga duꞌun i mga naꞌukadan mi ngayan asat mga pirisiꞌen mi nga mga ipiyagꞌalang mi. Barang nagima-gimaan nira lamang. 13Pabayaꞌen mi nay ariꞌ mi ngaytu. Mapanaw kamu na nga paꞌuliꞌ duꞌun it taw ngayti. 14Sana ildawan kamu it Ampuꞌang Diyus nga landaw nga gunaan, isaꞌun masanguꞌan kamu nagat iting taw, nga makaꞌuliꞌ naga situt aken si Simeon baw si Benjamin ngaytu. Takaꞌ in iyan i pabetang-betang ya, nga ikaꞌilang it mga anak ku, isan paꞌ sugiden, kanya nay baalaꞌ.”
Kiyeber-keberan sit seled it mga anak ni Jacob pagꞌabut nira duꞌut Egipto
15Egay beken, diyawa-dawaꞌ niray kumpur tabanen nira ngayting mga begay. Baw pirak, diyubli-dubli niray tiyaban. Pagkadawa-dawaꞌ nira, daꞌsira na nagꞌatrasu, namagpanaw na sirang paEgipto siꞌ, ka yanayti may aꞌadapen nira ngayti duꞌut ki Jose. Magbabayaꞌ nat kanira si Benjamin. 16Pagkalteg ni Jose it ki Benjamin, inaat yay sarig-sarigan ya nga magpamaalaꞌ duꞌut pamalay-balay ya, “Pabayaꞌen muy namagꞌabut ngaytu duꞌut balay. Iskat mu asat balay nga magsimpan it pangaꞌen baw pakarniꞌen mu sira it masdaꞌan ka sang kamiyan it itung mga taw i kumaꞌen mabway nga panramrag.”
17Egay beken, siyunud it sarig-sarigan ngayti i taꞌeg ni Jose baw piyabayaꞌ ya sira duꞌut balay. 18Miniꞌlam siꞌ sira it piyabayaꞌ na ngayti sira duꞌut balay ni Jose. Kat nake-nakem nira, “Itu, piyabayaꞌ ta na ngaytu, siguru sabap na bayan duꞌut pirak ngayting ipiyagrugud naga duꞌut mga sakuꞌ ta it tagnaꞌ ngayang paꞌasitu ta. Siguru, biglaꞌen ta manat dumakep. Pisiꞌen i mga asno ta, bawnga uripnen tami nang muꞌsa.”
19Aypaꞌ minlep sira duꞌut salakwatan ka inaat nira i sarig-sarigan ngayti ni Jose. 20“Agalen namen,” maat nira, “kagalang-galang it imu, iyan tagnaꞌ ngayang asitu namen nga namari, 21iyan duꞌun kami nat naꞌigaꞌan namen, inukad namen i mga sakuꞌ namen ngayan. Naparagan namen duꞌut seled ya i ibiyayad namen ngayat inalang nameng pangaꞌen situ. Egay kurang ya, iti nagang pirak nga ipiyagbayad namen. Waytu nagaytu, taban namen naga kayti, ipagꞌuliꞌ namen naga situt imyu. 22May pirak namen pang beken nga iꞌalang namen sit makaꞌen. Talagang ega naꞌrutan namen in siyu i nakabtang it ibiyayad namen ngayti duꞌut mga sakuꞌ namen.”
23“Aaꞌ, ayaw kamut kademdem,” maat i sarig-sarigan ngayti. “Ayaw kamut iꞌlam. Siguru imyung pagsirbiyan, iyan Ampuꞌang Diyus it amaꞌ mi, kanya naga i minggay it mga pirak ngayan duꞌut sakuꞌ mi. Natanggap ku na i bayad mi it tagnaꞌ ngayang asitu mi.” Bawnga ipiyaliꞌwan ya na duꞌut kanira si Simeon ngayti.
24Piyasled ya na sira nga muꞌsa duꞌut balay ni Jose ngayti. Binggayan sirat danum nga iꞌugas nirat aꞌay nira, baw piyakaꞌen i mga asno nira ngayti. 25Pagkatiwas nira, inukad na niray taban nira ngayting ibgay nira it ki Jose. Ibgay nira in mabut na kanya it kaꞌugtu ka nagnegan na nira nga sang siraan i magkaraꞌnen duꞌun.
26Pagꞌabut ni Jose, ibinggay na nira i taban nira ngayti nga tiyaban na nira duꞌut seled it balay. Bawnga nanluud siꞌ sirang muꞌsa duꞌut adapan ya. 27Kiyumusta sira nga muꞌsa ni Jose bawnga iningkut ya sira nga magꞌaat, “Maꞌunu nagay ginawa it amaꞌ mi? Unu, makula-kulaꞌsi naga?”
28“Kagalang-galang it imu, egen paꞌ kanya baw makula-kulaꞌsi naga it kayti paꞌ ngaytu,” maat i tubag nira. Nanluud siꞌ sirat sumaꞌup ka magbegay it galang.
29Pagkalteg ni Jose it kuꞌkup ya ngayti nga si Benjamin, nga sagpun yat inaꞌ, iningkut ya sira, “Unu yanaytuy paꞌaaten mi nga ariꞌ mi nga banar?” Bawnga maat yat kanya, “Dunguꞌ, ildawan ka sana it Ampuꞌang Diyus.” 30Ta, ega magkasagkaꞌan ni Jose i raꞌe-raꞌet it nakem ya. Yamanay daꞌga kasgaw kanya, sabap it taꞌun i binilang bawnga nagkita sira magꞌariꞌ. Iyan ega na magkasagkaꞌan ya, siminled kanya duꞌut irigaꞌan ya, ka siminggaw na duꞌun.
31Iyan magayen nay nakem ya, nanraꞌmus na kanya bawnga limniꞌwan, pagsagka-sagkaꞌen ya nay nakem ya. Pagkaliꞌwan ya, isingkat ya nga magtarakan na.
32Tiyarakanan it ki Jose, duꞌut sangbat nga lamisaan, esa-esa yat kanya. Mga sulsug ya ngayti, duꞌut sang kalamisaanan. Mga taga Egipto nga kaꞌibaan ya, bulun siray kanira, ka pagliꞌyan nira in maꞌiba nirat kumaꞌen i mga Hebreo. 33Duꞌun it ayun it sarungaan ni Jose i mga sulsug ya ngayti nga pagꞌaꞌayusun i pangadung garing kat kiyaꞌakaꞌan sunud-sunud. Aypaꞌ it atkayti i paꞌdung ya it kanira, yay buwat nira, seye-seyeken ka naliluꞌ sirang banar. 34Duꞌut lamisaan ngayti ni Jose it kanya i pagpisiꞌan it mga pagsedaꞌ nga ipagduꞌut kanira. Limang dubli i kadakulaꞌ it pagsedaꞌ nga ipagduꞌun it ki Benjamin ngayti. Masasagya sirang mamagkaꞌen baw mamagꞌinum.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 1992, Wycliffe Bible Translators, Inc. All rights reserved.