Luglaa 17
17
Abram ni Kɔraawiizi hɛŋ teŋaa nuukpaŋ ɛɛi wia
1Saŋa la Abram n wa di binni tokkoanaazu ni fidikabɛl, Kɔraawiizi ba u be, di wa ŋɔ, “Minuu Fɔŋŋa Maa Hiŋ. Awia, a hiŋiŋ ni wibii. 2N daŋ gil n nii ɛɛ nuukpaŋ, ń tɛi nannakpila.” 3Kɔraawiizi n wa ŋɔ guŋ, Abram chɔɔ pi hɛri. Denii Kɔraawiizi ŋɔ u be,#Jos 5:14 4“Nuukpaŋ la n nii n niŋ ɛɛu keŋ. N daŋ gil i ɛɛ hɛrkpila maa nɛra mɛɛ. 5Ba wàá ka yirii Abram,#17:5 Abram zɛɛrɛ Mɛɛ la n dɔɔ girme. ka ba daŋ jaa ra yirii Abraham,#17:5 Abraham zɛɛrɛ Nɛkpila naabaal. dikuu hin niŋ ɛɛ nɛdeekpila maa mɛɛ wia. 6N daŋ tɛi nannakpila werge, baŋhina daŋ ɛɛ koorizenaa. I daŋ dɔɔ nannakpila werge, guŋ gil bá birgi hɛrkpila hina. 7N daŋ hiŋ n nua la miŋ ŋɔwɛɛ tɛɛ i ni i naanna jiminizi maa n niŋ ba, u ɛɛ nuukpaŋ la n niŋ du de di hanna la saŋa maa. N daŋ ɛɛ i ni ii naanna maa Kɔraawiizi. 8N daŋ kpa Keenan hɛri naa iin duwɛɛ di ɛɛ hɔɔhra naa maa, tɛɛ i ni i naanna maa, di hanna la, di jaa ɛɛ Kɔraawiizi la ban ninna hum.”
9Kɔraawiizi kaa ŋɔ Abraham be, “A dɛkkɔɔ í ni i naanna maa ra ɛɛ guŋ jiminizi maa biine. 10A dɛkkɔɔ í ni i naanna n sɛɛwɛ di ra teŋri ii biibaala maa hɛna. 11Di ba wa lul biibaal maa, a dɛkkɔɔ hiŋ teŋ u hɛŋ, guŋ bagli n nii nuukpaŋ dɔɔi la. 12Di haŋ lii filaŋkeŋ di hanna la, di ba wa lul biibambie, u hɔpizaa ŋmantannaazi hɔllɛ ii teŋ u hɛŋ. A waa lugɔ i lulla bɛnnɛ i ra teŋri ba hɛna, i yoma la baŋ lullɛ i dia ni banla hiŋ yauwɛ hɔɔhra be maa, dɛkkɔ hinna teŋri ba hɛna. 13Di i yau baabuu gɛɛ ba lul baabuu i dia, ba maanii dɛkkɛ hinna ɛɛ baa guŋ. Guŋ daŋ bagli lugɔ n nii dɔɔ nuukpannɛ. 14Di baal maa hɛŋ waa teŋŋe, ba daŋ duŋŋuu lii u nɛra biini, dikuubɛɛwiai, u chɔg yaa nuukpaŋ labuu.”
15Denii Kɔraawiizi kaa ŋɔ Abraham be, “I haaŋ Sarai ge, hàá kaa ra yiruu Sarai. Ii daŋ jaa ra yiruu Saara.#17:15 Hibru mɔɔri biini, Saara zɛɛrɛ Koori biihaaŋ. 16N daŋ kissuu di gil u lul biibaal, di kaa kissuu u birgi hɛrkpila hina maa, màá, haali koora lii u naanna biini.”
17Denii Abraham chɔɔ pi hɛri ka mam, di pɛɛzi u hiŋ, “Miŋ di binni kalfa di zɛŋ kennaa, ɛrɛɛ n kaa ɛɛ lul biei? Saara ge n di binni tokkoanaazu ni fi naa, ú daŋ kaa wer lulaa?” 18Ka Abraham ŋɔ Kɔraawiizi be, “Di Ismɛllɛ i vii kissi, guŋ daŋ vii du wer.”
19Denii Kɔraawiizi ŋɔ, “N nuuwɔɔ, ka i haaŋ Saara daŋ lul biibaal. Di u wa luluu, í dau u sɔŋ Aizik. N ni Aizikii niŋ dɔɔ a keŋ nuukpaŋ naa, ú du de tɛɛ u ni u biizi ni u naana maa di hanna la. 20Ama, Ismɛl wia, n nuu gunla hiŋ ŋɔwɛɛrɛ. N daŋ kissuu di gil u naanna wazi. U daŋ ɛɛ koora fidibanɛɛ mɛɛ, di gil u naanna ɛɛ hɛrzeŋ hina.#Lug 21:13 21Ka Aizik naa i ni i haaŋ Saara n niŋ lul bina saŋa naa dɔŋ la, n nuubuu niŋ dɔɔ a nuukpaŋ.” 22Kɔraawiizi n wa ŋɔ wia naa maa tuŋ, u jaa gil Abraham, ka kaali.
23A hɔl himmaanii Abraham lau u biibaal Ismɛl, u yombaala la baŋ lul u dia di jaa banla uŋ yauwɛ la ni, ani baala la maa n du u dia hɛna di teŋri gunla himmaa Kɔraawiizi n ŋɔwɛɛ la. 24Abraham faa di biini tokkoanaazu ni fidikabɛllɛ ka ba teŋ u hɛŋ. 25U biibaal Ismɛl ge faa di binni fidaahoro. 26Hɔpizikpannɛ ba faa teŋri Abraham, u biibaal ani 27u yombaala la maa hɛna.
Currently Selected:
Luglaa 17: vag
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.
Luglaa 17
17
Abram ni Kɔraawiizi hɛŋ teŋaa nuukpaŋ ɛɛi wia
1Saŋa la Abram n wa di binni tokkoanaazu ni fidikabɛl, Kɔraawiizi ba u be, di wa ŋɔ, “Minuu Fɔŋŋa Maa Hiŋ. Awia, a hiŋiŋ ni wibii. 2N daŋ gil n nii ɛɛ nuukpaŋ, ń tɛi nannakpila.” 3Kɔraawiizi n wa ŋɔ guŋ, Abram chɔɔ pi hɛri. Denii Kɔraawiizi ŋɔ u be,#Jos 5:14 4“Nuukpaŋ la n nii n niŋ ɛɛu keŋ. N daŋ gil i ɛɛ hɛrkpila maa nɛra mɛɛ. 5Ba wàá ka yirii Abram,#17:5 Abram zɛɛrɛ Mɛɛ la n dɔɔ girme. ka ba daŋ jaa ra yirii Abraham,#17:5 Abraham zɛɛrɛ Nɛkpila naabaal. dikuu hin niŋ ɛɛ nɛdeekpila maa mɛɛ wia. 6N daŋ tɛi nannakpila werge, baŋhina daŋ ɛɛ koorizenaa. I daŋ dɔɔ nannakpila werge, guŋ gil bá birgi hɛrkpila hina. 7N daŋ hiŋ n nua la miŋ ŋɔwɛɛ tɛɛ i ni i naanna jiminizi maa n niŋ ba, u ɛɛ nuukpaŋ la n niŋ du de di hanna la saŋa maa. N daŋ ɛɛ i ni ii naanna maa Kɔraawiizi. 8N daŋ kpa Keenan hɛri naa iin duwɛɛ di ɛɛ hɔɔhra naa maa, tɛɛ i ni i naanna maa, di hanna la, di jaa ɛɛ Kɔraawiizi la ban ninna hum.”
9Kɔraawiizi kaa ŋɔ Abraham be, “A dɛkkɔɔ í ni i naanna maa ra ɛɛ guŋ jiminizi maa biine. 10A dɛkkɔɔ í ni i naanna n sɛɛwɛ di ra teŋri ii biibaala maa hɛna. 11Di ba wa lul biibaal maa, a dɛkkɔɔ hiŋ teŋ u hɛŋ, guŋ bagli n nii nuukpaŋ dɔɔi la. 12Di haŋ lii filaŋkeŋ di hanna la, di ba wa lul biibambie, u hɔpizaa ŋmantannaazi hɔllɛ ii teŋ u hɛŋ. A waa lugɔ i lulla bɛnnɛ i ra teŋri ba hɛna, i yoma la baŋ lullɛ i dia ni banla hiŋ yauwɛ hɔɔhra be maa, dɛkkɔ hinna teŋri ba hɛna. 13Di i yau baabuu gɛɛ ba lul baabuu i dia, ba maanii dɛkkɛ hinna ɛɛ baa guŋ. Guŋ daŋ bagli lugɔ n nii dɔɔ nuukpannɛ. 14Di baal maa hɛŋ waa teŋŋe, ba daŋ duŋŋuu lii u nɛra biini, dikuubɛɛwiai, u chɔg yaa nuukpaŋ labuu.”
15Denii Kɔraawiizi kaa ŋɔ Abraham be, “I haaŋ Sarai ge, hàá kaa ra yiruu Sarai. Ii daŋ jaa ra yiruu Saara.#17:15 Hibru mɔɔri biini, Saara zɛɛrɛ Koori biihaaŋ. 16N daŋ kissuu di gil u lul biibaal, di kaa kissuu u birgi hɛrkpila hina maa, màá, haali koora lii u naanna biini.”
17Denii Abraham chɔɔ pi hɛri ka mam, di pɛɛzi u hiŋ, “Miŋ di binni kalfa di zɛŋ kennaa, ɛrɛɛ n kaa ɛɛ lul biei? Saara ge n di binni tokkoanaazu ni fi naa, ú daŋ kaa wer lulaa?” 18Ka Abraham ŋɔ Kɔraawiizi be, “Di Ismɛllɛ i vii kissi, guŋ daŋ vii du wer.”
19Denii Kɔraawiizi ŋɔ, “N nuuwɔɔ, ka i haaŋ Saara daŋ lul biibaal. Di u wa luluu, í dau u sɔŋ Aizik. N ni Aizikii niŋ dɔɔ a keŋ nuukpaŋ naa, ú du de tɛɛ u ni u biizi ni u naana maa di hanna la. 20Ama, Ismɛl wia, n nuu gunla hiŋ ŋɔwɛɛrɛ. N daŋ kissuu di gil u naanna wazi. U daŋ ɛɛ koora fidibanɛɛ mɛɛ, di gil u naanna ɛɛ hɛrzeŋ hina.#Lug 21:13 21Ka Aizik naa i ni i haaŋ Saara n niŋ lul bina saŋa naa dɔŋ la, n nuubuu niŋ dɔɔ a nuukpaŋ.” 22Kɔraawiizi n wa ŋɔ wia naa maa tuŋ, u jaa gil Abraham, ka kaali.
23A hɔl himmaanii Abraham lau u biibaal Ismɛl, u yombaala la baŋ lul u dia di jaa banla uŋ yauwɛ la ni, ani baala la maa n du u dia hɛna di teŋri gunla himmaa Kɔraawiizi n ŋɔwɛɛ la. 24Abraham faa di biini tokkoanaazu ni fidikabɛllɛ ka ba teŋ u hɛŋ. 25U biibaal Ismɛl ge faa di binni fidaahoro. 26Hɔpizikpannɛ ba faa teŋri Abraham, u biibaal ani 27u yombaala la maa hɛna.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2017, Copyright Ghana Institute of Linguistics, Literacy and Bible Translation in co-operation with Wycliffe Bible Translators, Inc.