Markos 15

15 Ik.

1Orowa, kunneiwano an ita nani Kamui kora kenru esapane utara anak ne ekashi utara newa kambi-nuye utara newa obitta ukoramkoro utara tura eukoramkoro, orowa, Yesu tupetupe wa tura wa paye hine Pirato otta ekoshi nisa ruwe ne. 2Orowa, Pirato anak ne Shinuma otta ene nu-hi :— Eani anak ne Yudea un guru shikkashima guru E ne ruwe he an? Shinuma ese wa orota ene itak-hi :— E ye ruwe ne, sekoro itak. 3Orowa, Kamui kora kenru esapane utara poron no okaibe ani Shinuma eiyonnupba nisa ruwe ne. 4Orowa, Pirato anak ne shui Shinuma otta nu wa ene itak-hi :— Nep ka E ese shomoki ya? Nep inne okaibe ani E eiyonnupba ki shiri ingara! 5Koroka, Yesu naa nep ne yakka ese itak ki ka shomoki: tambe gusu, Pirato anak ne enushkari nisa ruwe ne na.

6Orosama, marapto an ita okai utara rengaine koramkoro pakashnu guru shinen honnere buri an. 7Awa, nei ita anak ne Moshiri shikkashima utara eiokbare wa keweuk utara tura no tupetupe wa an Barabbas ani an reihei koro guru an wa an. 8Aige, inne utara Pirato otta paye wa ramma korachi ki kuni koramkoro heashi. 9Orota Pirato ese wa ene itak-hi :— Yudea un utara shikkashima guru ku honnere kuni echi kon rusui ya: sekoro itak. 10Nei Kamui kora kenru esapane utara anak ne eyaitunnap gusu Yesu ekoshi nisa ruwe ne, sekoro shinuma eramʼan ruwe ne gusu ne na. 11Koroka. Barabbas ahonnere wa otta akore kuni ne Kamui kora kenru esapane utara anak ne inne utara eonishnishi nisa ruwe ne. 12Orowa, shui Pirato ese wa orota ene itak-hi :— Yakun, Yudea un utara shikkashima guru ani echi ye guru otta nekon a ku ki ya? sekoro itak. 13Orowa, shiu nei utara anak ne, — Utasa chikuni otta Shinuma kungi kokikkik, ani hawe ashte wa itak nisa ruwe ne. 14Hemanda gusu, nekon a wen buri Shinuma ki ya? ani nei utara otta Pirato ye. Koroka shui nei utara toiko hawe ashte wa, Utasa chikuni otta kungi kokikkik, sekoro itak. 15Orowa, Pirato anak ne nei inne utara ramushinnere rusui gusu, orota Barabbas honnere, orowa, Yesu shirikik okere chiki, Utasa chikuni otta araige kuni ne utara otta ekoshi nisa ruwe ne na.

16Orowa, tumi-koro utara Shinuma ani wa Pretorium ani aye tumbu otta tura, orowa, tura no iki ikiri an utara uwekarapare nisa ruwe ne. 17Awa, fure amip ani Shinuma mire, 18orowa, ai-ush ni ani sapa-umbe kara wa kashiketa unu; orowa, Shinuma ko-rangarap wa, Yudea un utara shikkashima guru, irangarapte aki na, ari itak. 19Orowa, rapembe ani Shinuma koro sapa shirikik, samata, otta topse-topse kara, samata, kokkaerok hine ko ongami nisa ruwe ne. 20Orowa no, eoya-itak okere koro nei fure amip soshpa wa koro mipi mire. Orowa, utasa chikuni otta Shinuma raige kuni ne ani wa paye nisa ruwe ne.

21Orowa, okim un ek shirikush wa an Areksandros newa Roupos koro michi Kurene kotan un Simon anak ne nei utasa chikuni sei kuni ne tura no aomande nisa ruwe ne. 22Awa, Gorogota ani aye ushike un Shinuma tura no araki; nei Gorogota ani an itak itak eepaketa yakun — Mechakko an ushike, ani an itak ibehe ne ruwe ne. 23Orowa, Shinuma otta motsuyaku ukopoyege wa an tonoto kore, koroka, Shinuma nei ambe uk shomoki nisa ruwe ne. 24Orowa, nei utara anak ne Shinuma utara chikuni otta kungi kokikkik, samata, shinen range inambe uk ya esanniyo kuni ne koro amip gusu ukokonchi etaye wa nei mipihi uko-usaraye nisa ruwe ne. 25Re pakihi ta nei utara anak ne Yesu utasa chikuni otta kungi kokikkik nisa ruwe ne. 26Orowa, Shinuma kashiketa tan anuye wa an eiyonnupba ikiri anuye wa an :— Yudea un utara shikkashima guru. 27Samata, Shinuma tura tu ikka 28guru shinen Shinuma shimon tek samata, shinen Shinuma hariki tek samata akungi kokikkik nisa ruwe ne. 29Orowa no, shirikush utara anak ne Shinuma eoya-itak hine koro sapa shuye-shuye wa ene itak-hi :— 30Aha, Kamui kora kenru isamka wa rereko uturuta eashin no kara guru, yaikaobiuki wa utasa chikuni wano ran yan, ari itak. 31Shui, an a-i korachi Kamui kora kenru esapane utara anak ne kambi-nuye utara tura Yesu ukoeoya-itak wa ene ye-hi :— Shinuma utara kashiobiuki, koroka, yaikota yaikaobiuki eaikapbe ne ruwe ne. 32Chi utara nukara wa eishokoro kuni ne, nei Kiristo nei Israeru shikkashima guru tane utasa chikuni wano ran yak pirika, sekoro itak. Samata, tura no utasa chikuni otta akungi kokikkik utara Shinuma esapse nisa ruwe ne na.

33Orowa no, iwan pakihi ek koro shinepesan pakihi pakno shiri ebitta shirikunne an. 34Awa, shinepesan pakihi ta Yesu rui hau sange wa ene itak-hi:— Eroi, eroi, rama sabaktani? ari itak. Tan itak eepaketa yakun, — Ku goro Kamui, Ku goro Kamui, nep gusu E en emaka ya? sekorʼan itak ne. 35Orowa, samaketa roshki wa okai utara tumuge un utara nei itak nu chiki :— Ingara, Shinuma Ericha nishuk na, ani itak. 36Orowa, shine ainu hoyupu wa shukkakep ani atui-wata oro eshikte hine rapembe etu eush, orowa, Shinuma ku kuni kore wa ene itak-hi :— Iteki ekottanu; Ericha ek wa Shinuma range ya shomo ya chi nukanro, ani itak. 37Orowa, Yesu rui hawe sange wa ramat arapare nisa ruwe ne. 38Orowa no, Kamui kora kenru ta an otbe anak ne horikashi wano ra oro pakno tup ne ayaske eukopi nisa ruwe ne. 39Orowa, Yesu samaketa ash wa an Kenturion anak ne Shinuma nei no ramat arapare shiri nukara chiki; — Soon no poka tan guru anak ne Kamui Poho ne ruwe ne, sekoro itak. 40Orowa no, otuima shitta roshki wa okai ingara korʼan shiwentep utara ka okai: nei tumugeta Makdarene un Maria hemhem, Yakob newa pon Yoses koro habo Maria hemhem, Sarome hemhem okai ruwe ne; 41Shinuma Gariraya moshiri ta an ita, tan utara nei oshi paye wa otta yaishieiwangere nisa ruwe ne; samata, Shinuma tura no Yerusarem kotan otta araki moshima okai inne shiwentep okai ruwe ne na.

42Orowa, tane shiri-onuman an koro, Shini toho etoko an toho ta, Etokooiki ani reihei an toho ne ruwe ne gusu, 43yaikota Kamui moshiri echipachipa wa an a ainu koro ukoramkoro guru Arimatea un Yosep ek; shinuma rametokkon no Pirato otta ahun wa Yesu kon netobake koramkon nisa ruwe ne. 44Awa, Pirato anak ne tane Shinuma rai okere katu enushkari: orowa, nei Kenturion tak yara hine Shinuma ohon no rai ruwe he an ani uwepekennu. 45Orowa no, nei Kenturion orowa no Ru chiki, Yosep otta nei kaisei koropare nisa ruwe ne. 46Aine, nei guru senkaki hok, orowa, Shinuma range hine nei senkaki otta kokarakari wa watara aouri wa an tushiri orota ande, orowa no, poro shuma tushiri apa otta karakarasere nisa ruwe ne. 47Aige, Makdarene un Maria newa Yoses koro habo Maria anak ne Shinuma aande ushike nukanʼnisa ruwe ne na.

Currently Selected:

Markos 15: AINU

Highlight

Copy