Markos 16
16
16 Ik.
1Orowa, Shini toho okere chiki Makdarene un Maria newa Yakob koro habo Maria anak ne Sarome utura hine ani Shinuma kashi ota gusu pirika hura ushbe koro wa araki. 2Awa, Shini toho eshimge no an toho ta aro-kunneiwano an ita, chup hetuku chiki tushiri orota araki nisa ruwe ne. 3Aige, un gusu tushiri apa wano shuma oyakta kokarakarasere guru hunna ruwe? ari itak; 4aige, hepuni ingara chiki, nei shuma oyake un kokarakarase wa an, ani nukara; nei ambe shiri porobe ne gusu ne na. 5Orowa no, tushiri otta ahup koro shimon samata a retara mipihi amire wa an shine upen ainu anukara; aige, nei utara kimatek nisa ruwe ne. 6Orowa, nei shiwentep otta shinuma ene itak-hi :— Iteki kimatek yan, echi utara anak ne utasa chikuni otta a kungi kokikkik Nazaret kotan un Yesu echi hunara shiri okai: Shinuma hetopo-a-shiknure wa teda isama, utara Shinuma ande ushike ingara yan! 7Koroka, echi paye wa :— Shinuma anak ne echi kotchaot Gariraya moshiri un oman ruwe ne, echi otta ye korachi nei moshiri ta echi nukara kusu ne, ari an itak ani koro koikara utara newa Petros otta ye yan, ari itak. 8Orowa no, nei utara soyumba wa tushiri wano kira nisa ruwe ne: inambe gusu ne yakun, nei utara tusushke hemhem ki, homatu hemhem ki ruwe ne gusu ne na; orowa, nen ye yakka otta nep ka ye shomoki: ishitoma nisa ruwe ne gusu ne na.
9Orosama, Shini toho eshimge toho ta aro-kunneiwano Shinuma hetopo-shiknu wa an ita, orowa no arawan nitne kamui oashinge Makdarene un Maria otta hoshiki no yainukara. 10Nei guru anak ne hoshiki no, Shinuma tura no okai yaituwashkarap hemhem ki, chish hemhem ki shiri okai utara otta oman wa nure nisa ruwe ne. 11Awa, nei utara anak Shinuma shiknu wa an, aige, nei shiwentep orowa no anukara sekorʼorushpe nu koro, eumbipka nisa ruwe ne.
12Tap okaibe an okaketa nei utara tumuge un tu niu kim ta apkash rapoketa, oya katuhu koro hine otta Shinuma yainukara nisa ruwe ne. 13Awa, nei utara paye wa moshima okai utara nure; yakka, nei utara ne yakka eishokoro shomoki nisa ruwe ne.
14Orowa, okaketa, nei shinen ikashima wa niu ibe gusu rok wa okai rapoketa otta Shinuma anukan nisa ruwe ne; awa, nei utara sambe nishte eishokorʼi sak gusu kosakayokara ruwe ne, hetopo-a-shiknure okaketa Shinuma nukara utara eishokoro shomoki nisa ruwe ne gusu ne na. 15Orowa, Shinuma nei utara otta ene itak-hi :— Ingi moshirʼotta echi paye wa obitta no okai utara otta Pirika shongo eupaskuma yan. 16Eishokoro wa baptisma akore guru anak ne kashi-a-obiuki kusu ne; koroka, eumbipka guru anak ne katpak kon ruwe ne sekoro aesanniyo kusu ne na. 17Orowa, tap okai shirosh anak ne eishokoro guru oshi araki kusu ne; 18Ku reihei ankushkeraipo nitne kamui oashinge, orowa, ashiri itak ani ye kusu ne; okokko kishima, orowa, raige kuni iku ambe iku yakka oara a wende shomoki; tashum utara kata teke ande chiki aiwangere kusu ne na, sekoro itak.
19Tambe gasu, Utarapa ne Yesu anak ne ntara otta itak okere chiki kando otta auk wa Karaui sbiiiion tek samata a nisa ruwe ne. 20Orowa, nei utara paye wa, neita ne yakka upaskuma ki, Utarapa nei utara tura no ki wa osbi ek shirosb ani koro itak asbte nisa ruwe ne na. Amen.
Currently Selected:
Markos 16: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
