GENESIS 31
31
Laban Sinah Mi Jakob a Tek
1Laban fapa tla nih, “Kan pa neih tla chu Jakob nih a lâk hep rawh, a neih zawzawng chu kan pa tâ asi,” an ti mi Jakob nih a theih. 2Laban hen a lânah anna ziak mi hâwi asi lo rawh zia Jakob nih a theih. 3Churawhchun, LALPA nih Jakob sinah,”Na pa in leiah na unau le sinah kîr nawlh rawh, na sinah ka um lai,” a ti.
4Churawhchun, Jakob nih Rakel leh Leah chu a ranrual umnâk phâisen ah a tawng ding hen a chah na. 5An sinah, “Nan pa chu ka lakah a lungsilo zia ka theih le; sikhawmsele ka pa Pathian chu ka sinah a um. 6Ka chelh rî hen nan pa rangah rian ka ṭuan mi khawm nan theih vevê. 7Sikhawmsele, hawng ka perpet le, ka lawh tla vei râ tiang a dangtir. Sikhawmsele Pathian nih zei nganfâk khawm hawng ka pêk lo. 8Zeiliau zawng ah Laban nih, “Kêl a ṭial mi vial chu na lawh man asi lai, a fa ṭial mi zawzawng chu,” a ti. Kêl a ṭial mi leh a fa a ṭial mi zawzawng na tâ asi a ti liau chun, 9Pathian nih na pa ranrual lakah mi a lâk le, ka rangah hawng ka pêk.
10An fa ring cham ah mang ka nei le, kêl mipa nih a dum râng mi tla, a ṭial mi tla rangah an kâi nawh na mi ka muh. 11LALPA vânmifial nih ka mang leiah hi hâwi hen a sim, ‘Jakob!’ a ti. ‘Uai’ ti hen ka sâng. 12‘Zauhnik,’ kêl chal tla nih kêl a dum mi, a ṭial mi tla, a râng mi tla an kâi nawh mi chu, Laban nih na lakah a thilti dân ka muh ruangah keimah nih ka ruat mi asi. 13Kei chu Pathian, Bethel ah na sinah â langh mi kha kasi. Theihkumzanâk lung lakah sariak na tawih le, ka sinah ap hen thu na tiamh mi kha kasi. Tuah na suaknâk ram leiah kîr ding hen a tîm rawh!” a ti.
14Rakel leh Leah nih, “Kan pa nih ro ting ding zeikhawm hawng kan pêk lêm lo, 15ramdang mi hâwi hen hawng kan zauh. Hawng kan zuar le, kan man tla khawm a veih ver rawh. 16Kan pa neih zawzawng Pathian nih a lâk mi chu kan tâ leh kan fa tla rang hep asi. Pathian nih an simh mi zawng chu ti ko,” an ti.
17-18Churawhchun, Jakob chu a pa umnâk Kanaan ram leiah kîr ding hen â timhtuah rawh. Sangâwngsâu tlûnah a nupi leh a fa tla a chuanh na le, a ranrual zawzawng tla chu a mâika ah a kaltir na rawh. Mesopotamia ram ah thil a tawng mi zawzawng tla hen. 19Laban chu a dawrâ tla mul mêt ding hen a kal le, a umlo kar chun, Rakel nih a pa tâ an dâwngsung pathian lem tla chu a fîr. 20Jakob nih a kal liau theih lo ding hen Laban chu a perpet. 21A neih zawzawng chu a lâk le, mawhsareh hen â thawh rawh. Eufretis Va chu a kanh le, Gilead tlâng ram lei fûk hen a kal rawh.
Laban nih Jakob a Ṭhâwl
22Ni thum nûnah Jakob a tek ving rawh ti Laban chu an simh. 23A minung tla a put na le, ni sarih tiang Gilead tlângah phanh ding ko hen a ṭhâwl na. 24Chu zân chun Laban sinah mang ah Pathian â langh le, “Jakob rangah zeitin khawm nehsawh lo ding hen a thiamthih,” ti hen a simh. 25Jakob nih tlâng sâng tlûnah um mun a khuar le, Laban nih chun Gilead tlângah a mi le hen um mun a khuar.
26Laban nih Jakob sinah, “Zei rangah na ka perpet le, ka fanu tla hi râl nih a put na mi hâwi hen na put. 27Zei rangah na hawng ka perpet le, dâisip hen na zûk ziar? Hawng ka simh le chu, lâwm leh lasak bû hen, tumphung ṭingṭang leh khuang tla hen kan thlah na ding mi. 28Ka fanu leh ka tu leh tla khawm, ‘Dam u’ ti hen na ka châwchawk tir lo; hi bang hâwi hi thil âtkâi tak asi. 29Nganfâk a nan pêk kho kasi, sikhawmsele, mazân zân ah na pa Pathian nih hawng ka khap le, zeitin khawm ti lah hawng ka ti. 30In leiah tlung ding na duh thlo ruangah asi ti khawm ka theih, si menza khawmsele, zei rangah kan dâwngsung pathian lem tla na fîr?” a ti.
31Jakob nih, “Na fanu tla na hawng ka suh nawlh ver lai ti ka ṭih ruangah. 32Sikhawmsele, hin ah mi âutal na pathian lem kiltu chu thah an si lai. Hinah kan mi tla theihpitu an um, zauh le, zei thil tal na tâ a um chun lâk,” a ti. Rakel nih a pa pathian lem a fîr mi Jakob nih a theih loh.
33Laban nih Jakob puanin, Leah puanin, an to-awnu panih puanin tla a hâwl hep le, sikhawmsele, a pathian rerêng a tawng lo. Churawhchun, Rakel puanin ah a va lût. 34Rakel nih chu dâwngsung pathian lem tla chu a lâk le, sangâwngsâu kêng tlûnah phah mi tangah a siah le, a tlûnah a to nawh pang. Laban nih puanin zawzawng a hâwl hep khawmsele a tawng lo thlo. 35Rakel nih a pa sinah, “Ka pa, ka lakah thinrun lah, na mitmuh ah ka dîr ngam lo; nunau râitâ ka nei,” a ti. Laban nih a hâwl chiam le, sikhawmsele dâwngsung pathian lem tla chu a tawng kho lo.
36Churawhchun, Jakob chu a thinthawk rawh, “Zei thilsual me ka ti?” ti hen a deih. Na hawng ka râl ding hen zei dân riamruam me ka buar? 37Ka neih zawzawng na thlawk hep, na dâwngsungkhur thil zei na tawng ne? Na minung leh ka minung mitmuh ah hawng langh, âu me kan dik sim na seh. 38Na sinah kum kul tiang ka um rawh; na dawrâ tla leh na kêl tla, an fa rêng an siat lo, na ranrual lakah mi a chal tla khawm ka ei lo. 39Dawrâ tla ramsa nih a seh zâwn khawm ah keimah mawh asi kumza, kei mawh asi lo ti an zauhtir ding hen veikhat khawm ka hawng put dah loh. Sûn khawm ah zân khawm ah an fîr khawmsele rulh nawlh ding hen na ka êng tâwn. 40Vei tam tak sûn nî linh leh zân ah deih ka tuar le, it khawm ka it kho lo. 41Kum kul tling bir hen na in sungah ka um. Na fanu panih lawh ding hen kum leili rianṭuan hen na in sungkhur ah ka um, ranrual ruangah kum ruk ka um; chu nûn khawm ah vei râ ding ka tha lawh man na dangtir. 42Ka pa le tla, Abraham leh Isak Pathian ka sinah um lah sele, takkaro hen na hawng ka tlungtir lai. Sikhawmsele, Pathian nih ka lawksawngnâk leh rian ka ṭuan mi tla a muh le, mazân khan lâi a hawng rêl rawh,” a ti.
Jakob leh Laban karah Remnâk
43Laban nih Jakob chu a sâng le, “Hi nunau tla hi keimah fanu tla an si le, an fa tla khawm keimah taksa, hi bang ranrual tla khawm keimah tâ. Thungâi tak chun zeizawng na muh mi hi keimah tâ hep an si. Sikhawmsele, hi ka fanu leh an fa tla hi kîr kho an si lo rawh ruangah, 44nangmah hen remnâk thu siam ding ko rawh. Kanna rem rawh ti theihnâk ding ah lung kan tiang lai,” a ti.
45Jakob nih lung a lâk le, theihkumzanâk ding hen a phun. 46Churawhchun, a minung tla chu lung lâk ding hen a simh na le, an tiang rawh. Chu lung an tiang mi kiangah buh tla an ei. 47Laban nih Jegar Sahadutha ti hen min a phuah, Jakob nih chun Galeed ti hen a phuah. 48Laban nih Jakob sinah, “Hi lung tiang mi hi kan panih rangah theihnawlhnâk rang ding si seh,” a ti. Churuangah chu mun chu Galeed ti asi. 49Laban khawm nih, “A dang hen kan um khawm ah Pathian nih hawng kan zauh chiau seh,” a ti. Chu mun chu a min ah Mizpah khawm an ti. 50Laban nih chun a sim vima le, “Hawlhnâk ah, ka fanu tla na nehsawh hen nupi dang tla nei khawm le, chubang thâwng chu kei nih theihlo menza khawmsele, Pathian chu hawng kan vêngtu asi ti theihkumza rawh. 51Hinah lung kan karah ka tiang mi leh theihkumzanâk lungphun khawm a um hi. 52Hi lung phun mi leh tiang mi khawm hi theihpitu an si. Nangmah an do ding hen hi lung tiang mi lanh ving hen ka hawng dah lai loh. Keimah do ding hen nang khawm nih hi theihkumzanâk lung tiang hi lanh ving hen hawng rerêng lah bâk. 53Abraham Pathian leh Nahor Pathian nih kan karah lâirêl seh,” a ti. Churawhchun, a pa Isak nih a sawnh mi Pathian min hen Jakob nih thu bir tak hen a tiamh rawh. 54Chu tlâng tlûnah bâwlnâk ding hen ran a thah mi sa chu a mi tla rangah ei ding hen a sâwm na. An ei thluh rawh chun, chu tlângah chun zân khat an riak. 55Laban nih thâituan ah chun a fanu tla leh a tu leh tla chu a châwchawk na le, ‘Dam u e,’ ti hen a mâk na le, in leiah a kîr rawh.
Currently Selected:
GENESIS 31: BCLBV
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.
GENESIS 31
31
Laban Sinah Mi Jakob a Tek
1Laban fapa tla nih, “Kan pa neih tla chu Jakob nih a lâk hep rawh, a neih zawzawng chu kan pa tâ asi,” an ti mi Jakob nih a theih. 2Laban hen a lânah anna ziak mi hâwi asi lo rawh zia Jakob nih a theih. 3Churawhchun, LALPA nih Jakob sinah,”Na pa in leiah na unau le sinah kîr nawlh rawh, na sinah ka um lai,” a ti.
4Churawhchun, Jakob nih Rakel leh Leah chu a ranrual umnâk phâisen ah a tawng ding hen a chah na. 5An sinah, “Nan pa chu ka lakah a lungsilo zia ka theih le; sikhawmsele ka pa Pathian chu ka sinah a um. 6Ka chelh rî hen nan pa rangah rian ka ṭuan mi khawm nan theih vevê. 7Sikhawmsele, hawng ka perpet le, ka lawh tla vei râ tiang a dangtir. Sikhawmsele Pathian nih zei nganfâk khawm hawng ka pêk lo. 8Zeiliau zawng ah Laban nih, “Kêl a ṭial mi vial chu na lawh man asi lai, a fa ṭial mi zawzawng chu,” a ti. Kêl a ṭial mi leh a fa a ṭial mi zawzawng na tâ asi a ti liau chun, 9Pathian nih na pa ranrual lakah mi a lâk le, ka rangah hawng ka pêk.
10An fa ring cham ah mang ka nei le, kêl mipa nih a dum râng mi tla, a ṭial mi tla rangah an kâi nawh na mi ka muh. 11LALPA vânmifial nih ka mang leiah hi hâwi hen a sim, ‘Jakob!’ a ti. ‘Uai’ ti hen ka sâng. 12‘Zauhnik,’ kêl chal tla nih kêl a dum mi, a ṭial mi tla, a râng mi tla an kâi nawh mi chu, Laban nih na lakah a thilti dân ka muh ruangah keimah nih ka ruat mi asi. 13Kei chu Pathian, Bethel ah na sinah â langh mi kha kasi. Theihkumzanâk lung lakah sariak na tawih le, ka sinah ap hen thu na tiamh mi kha kasi. Tuah na suaknâk ram leiah kîr ding hen a tîm rawh!” a ti.
14Rakel leh Leah nih, “Kan pa nih ro ting ding zeikhawm hawng kan pêk lêm lo, 15ramdang mi hâwi hen hawng kan zauh. Hawng kan zuar le, kan man tla khawm a veih ver rawh. 16Kan pa neih zawzawng Pathian nih a lâk mi chu kan tâ leh kan fa tla rang hep asi. Pathian nih an simh mi zawng chu ti ko,” an ti.
17-18Churawhchun, Jakob chu a pa umnâk Kanaan ram leiah kîr ding hen â timhtuah rawh. Sangâwngsâu tlûnah a nupi leh a fa tla a chuanh na le, a ranrual zawzawng tla chu a mâika ah a kaltir na rawh. Mesopotamia ram ah thil a tawng mi zawzawng tla hen. 19Laban chu a dawrâ tla mul mêt ding hen a kal le, a umlo kar chun, Rakel nih a pa tâ an dâwngsung pathian lem tla chu a fîr. 20Jakob nih a kal liau theih lo ding hen Laban chu a perpet. 21A neih zawzawng chu a lâk le, mawhsareh hen â thawh rawh. Eufretis Va chu a kanh le, Gilead tlâng ram lei fûk hen a kal rawh.
Laban nih Jakob a Ṭhâwl
22Ni thum nûnah Jakob a tek ving rawh ti Laban chu an simh. 23A minung tla a put na le, ni sarih tiang Gilead tlângah phanh ding ko hen a ṭhâwl na. 24Chu zân chun Laban sinah mang ah Pathian â langh le, “Jakob rangah zeitin khawm nehsawh lo ding hen a thiamthih,” ti hen a simh. 25Jakob nih tlâng sâng tlûnah um mun a khuar le, Laban nih chun Gilead tlângah a mi le hen um mun a khuar.
26Laban nih Jakob sinah, “Zei rangah na ka perpet le, ka fanu tla hi râl nih a put na mi hâwi hen na put. 27Zei rangah na hawng ka perpet le, dâisip hen na zûk ziar? Hawng ka simh le chu, lâwm leh lasak bû hen, tumphung ṭingṭang leh khuang tla hen kan thlah na ding mi. 28Ka fanu leh ka tu leh tla khawm, ‘Dam u’ ti hen na ka châwchawk tir lo; hi bang hâwi hi thil âtkâi tak asi. 29Nganfâk a nan pêk kho kasi, sikhawmsele, mazân zân ah na pa Pathian nih hawng ka khap le, zeitin khawm ti lah hawng ka ti. 30In leiah tlung ding na duh thlo ruangah asi ti khawm ka theih, si menza khawmsele, zei rangah kan dâwngsung pathian lem tla na fîr?” a ti.
31Jakob nih, “Na fanu tla na hawng ka suh nawlh ver lai ti ka ṭih ruangah. 32Sikhawmsele, hin ah mi âutal na pathian lem kiltu chu thah an si lai. Hinah kan mi tla theihpitu an um, zauh le, zei thil tal na tâ a um chun lâk,” a ti. Rakel nih a pa pathian lem a fîr mi Jakob nih a theih loh.
33Laban nih Jakob puanin, Leah puanin, an to-awnu panih puanin tla a hâwl hep le, sikhawmsele, a pathian rerêng a tawng lo. Churawhchun, Rakel puanin ah a va lût. 34Rakel nih chu dâwngsung pathian lem tla chu a lâk le, sangâwngsâu kêng tlûnah phah mi tangah a siah le, a tlûnah a to nawh pang. Laban nih puanin zawzawng a hâwl hep khawmsele a tawng lo thlo. 35Rakel nih a pa sinah, “Ka pa, ka lakah thinrun lah, na mitmuh ah ka dîr ngam lo; nunau râitâ ka nei,” a ti. Laban nih a hâwl chiam le, sikhawmsele dâwngsung pathian lem tla chu a tawng kho lo.
36Churawhchun, Jakob chu a thinthawk rawh, “Zei thilsual me ka ti?” ti hen a deih. Na hawng ka râl ding hen zei dân riamruam me ka buar? 37Ka neih zawzawng na thlawk hep, na dâwngsungkhur thil zei na tawng ne? Na minung leh ka minung mitmuh ah hawng langh, âu me kan dik sim na seh. 38Na sinah kum kul tiang ka um rawh; na dawrâ tla leh na kêl tla, an fa rêng an siat lo, na ranrual lakah mi a chal tla khawm ka ei lo. 39Dawrâ tla ramsa nih a seh zâwn khawm ah keimah mawh asi kumza, kei mawh asi lo ti an zauhtir ding hen veikhat khawm ka hawng put dah loh. Sûn khawm ah zân khawm ah an fîr khawmsele rulh nawlh ding hen na ka êng tâwn. 40Vei tam tak sûn nî linh leh zân ah deih ka tuar le, it khawm ka it kho lo. 41Kum kul tling bir hen na in sungah ka um. Na fanu panih lawh ding hen kum leili rianṭuan hen na in sungkhur ah ka um, ranrual ruangah kum ruk ka um; chu nûn khawm ah vei râ ding ka tha lawh man na dangtir. 42Ka pa le tla, Abraham leh Isak Pathian ka sinah um lah sele, takkaro hen na hawng ka tlungtir lai. Sikhawmsele, Pathian nih ka lawksawngnâk leh rian ka ṭuan mi tla a muh le, mazân khan lâi a hawng rêl rawh,” a ti.
Jakob leh Laban karah Remnâk
43Laban nih Jakob chu a sâng le, “Hi nunau tla hi keimah fanu tla an si le, an fa tla khawm keimah taksa, hi bang ranrual tla khawm keimah tâ. Thungâi tak chun zeizawng na muh mi hi keimah tâ hep an si. Sikhawmsele, hi ka fanu leh an fa tla hi kîr kho an si lo rawh ruangah, 44nangmah hen remnâk thu siam ding ko rawh. Kanna rem rawh ti theihnâk ding ah lung kan tiang lai,” a ti.
45Jakob nih lung a lâk le, theihkumzanâk ding hen a phun. 46Churawhchun, a minung tla chu lung lâk ding hen a simh na le, an tiang rawh. Chu lung an tiang mi kiangah buh tla an ei. 47Laban nih Jegar Sahadutha ti hen min a phuah, Jakob nih chun Galeed ti hen a phuah. 48Laban nih Jakob sinah, “Hi lung tiang mi hi kan panih rangah theihnawlhnâk rang ding si seh,” a ti. Churuangah chu mun chu Galeed ti asi. 49Laban khawm nih, “A dang hen kan um khawm ah Pathian nih hawng kan zauh chiau seh,” a ti. Chu mun chu a min ah Mizpah khawm an ti. 50Laban nih chun a sim vima le, “Hawlhnâk ah, ka fanu tla na nehsawh hen nupi dang tla nei khawm le, chubang thâwng chu kei nih theihlo menza khawmsele, Pathian chu hawng kan vêngtu asi ti theihkumza rawh. 51Hinah lung kan karah ka tiang mi leh theihkumzanâk lungphun khawm a um hi. 52Hi lung phun mi leh tiang mi khawm hi theihpitu an si. Nangmah an do ding hen hi lung tiang mi lanh ving hen ka hawng dah lai loh. Keimah do ding hen nang khawm nih hi theihkumzanâk lung tiang hi lanh ving hen hawng rerêng lah bâk. 53Abraham Pathian leh Nahor Pathian nih kan karah lâirêl seh,” a ti. Churawhchun, a pa Isak nih a sawnh mi Pathian min hen Jakob nih thu bir tak hen a tiamh rawh. 54Chu tlâng tlûnah bâwlnâk ding hen ran a thah mi sa chu a mi tla rangah ei ding hen a sâwm na. An ei thluh rawh chun, chu tlângah chun zân khat an riak. 55Laban nih thâituan ah chun a fanu tla leh a tu leh tla chu a châwchawk na le, ‘Dam u e,’ ti hen a mâk na le, in leiah a kîr rawh.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.