GENESIS 34
34
Dinah Zângsualnâk Chu
1Ni khat chu Jakob leh Leah fanu Dinah chu Kanaan nunau zeimaw mi sinah a va kal. 2Hamor fapa Sekem, Hiv mi, ram pakhat hotu nih a muh le, a tleihrêm hen, a ihpi rawh. 3Churawhchun, chu nunau chu thungâi a mêldî le, a nunau nih duh ding ko hen â ṭang. 4Sekem nih a pa sinah, “Hi nungâk hi ka nupi rangah hawng ka lâk piak,” a ti.
5Jakob nih a fanu thangnawmh hen a um mi chu a theih le, a fapa tla ran ruangah phâi ah an kal mi an hawng tlung lânlo chu zei thu khawm a sim lo. 6Sekem pa Hamor chu Jakob sawnh ding hen a kal le, 7chu chu Jakob fa tla phâi thawk hen an hawng kîr lântê asi. Chu thu an hawng theih rawh chun, an thinlung a purh khit le, Israel mipi zauhnawmh hen Sekem nih Jakob fanu a tleihrêm mi thu ah thungâi an thin a thawk. 8Hamor nih a sinah, “Ka fapa Sekem nih na fanu thungâi a duh le, zângfahtê hen umpitir râu rawh. 9Nan mi leh kan mi tla kar ah nupi pasal umhtawnh kho ding hen remnâk kan siam lai. 10Churawhchun, hi kan ram ah kan sinah na um kho bâk lai le, na duhnâk mun zawng ah na um kho lai; thawsuak tak hen sâw na leh lai le, thil tla na nei lai,” a ti.
11Sekem nih Dinah pa leh a unau sinah, “Hi hi rem ti ule, nan duh mi zawng kan pêk na lai. 12Zei lâwmman nan duh, hawng ka simh ule, nan fanu man rangah zeizat tal si seh, nan duh zia zia hen hauh ule; nan ka deih mi zawng chu kan pêk na lai, amah hi nan hawng ka umpitir phawt chun,” a ti.
13Sekem nih an farnu chu thang a nawmh rawh ruangah Jakob fa tla nih Sekem leh a pa Hamor chu perpet leikâng hen an sâng. 14A sinah, “Fêmtan lo mi chu kan farnu kan umpitir kho lo, kan rangah ningzak a kâi awt. 15Kanmah hâwi hen nan mipa vial fêm tan ver tik cho ah rem kan ti kho lai. 16Chu hâwi asi tikah a umhtawnh ding rem kan ti lai le, nan sinah um hen murui khat kan si kho lai. 17Sikhawmsele, kan remruatnâk hi nan pawm lo hen fêm nan tan lo chun, kan farnu hi kan lâk lai le, kan kal ving awt,” an ti.
18Hi remruatnâk hi Hamor leh a fapa Sekem nih ṭha ual hen an theih. 19Tlangvâlpa nih Jakob fanu chu a duh tuktarâi le, an thuruat chu ti reh ding a duh, amah chu an dâwngsung lakah a lukhâi chem asi.
20Hamor leh a fapa Sekem chu an khua kulh kawtkâ tohâwngnâk mun ah an va kal le, an khua mi tla sinah an va sim: 21“Annih tla khi kanna tlâk thlo le, hi ram ah hin kan sinah um bâk na sele, duh duh hen tlawng le lêng na bâk seh, ram tâ nih anmah rang ding hen a kâu tâwk rerêng: an fanu tla kan umpi na lai le, kannih fanu tla khawm umpi na bâk seh. 22Hi minung tla hi kan sinah um hen murui khat siding hen chun a san pakhat cho a um, chu chu anmah tla hâwi hen kan mipa tla vial an fêm tan hep ding mi chu asi. 23An thil neih zawzawng leh thil dang tla khawm kan tâ asi bâk awtlo ma? Kan sinah um na bâk ding hen rem kan ti ko lai,” an ti. 24Chu khuapi mi minung tla zawng nih Hamor leh Sekem thusim chu rem an ti le, mipa vial nih an fêm an tan hep.
25Ni thum nûnah chun an fêmtan mâ a fâk liau chir ah, Jakob fapa panih Simeon leh Levi, Dinah ṭapa nih chun an nâmsau an lâk le, khuapi ah an va kal le, theih manh lân karah an mipa tla an thah ver na. 26Hamor leh a fapa Sekem khawm an thah sih. Sekem in ah mi Dinah chu an kalpi ving. 27Chu an thah na nûnah Jakob fapa dang tla nih khua chu an va rawk le, an farnu thang an nawmh mi ruangah phû an lam: 28Ranrual tla, dawrâ, sanatung tla leh khuapi ah mi thil dang tla phâisen ah mi hen an lâk. 29Thil sung tatak tla an lâk le, an nunau leh an fa tla zawzawng leh in ah mi thil zawzawng an kalpi hep.
30Jakob nih Simeon leh Levi sinah, “Ka lawksawngnâk nan siam; tu chun Kanaan mi tla, Periz mi tla leh hi ram mi zawzawng nih an hawng ka hua lai rawh; minung tâ nih tam ka nei lo; thu anna rual hen an hawng ka do chun, kan dâwngsung zawzawng vei dep ding asi ko rawh,” a ti.
31Sikhawmsele, annih nih, “Kan farnu hi nunau â zuar mi hâwi hen a ti mi kan duhzia asi lo,” an ti.
Currently Selected:
GENESIS 34: BCLBV
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.
GENESIS 34
34
Dinah Zângsualnâk Chu
1Ni khat chu Jakob leh Leah fanu Dinah chu Kanaan nunau zeimaw mi sinah a va kal. 2Hamor fapa Sekem, Hiv mi, ram pakhat hotu nih a muh le, a tleihrêm hen, a ihpi rawh. 3Churawhchun, chu nunau chu thungâi a mêldî le, a nunau nih duh ding ko hen â ṭang. 4Sekem nih a pa sinah, “Hi nungâk hi ka nupi rangah hawng ka lâk piak,” a ti.
5Jakob nih a fanu thangnawmh hen a um mi chu a theih le, a fapa tla ran ruangah phâi ah an kal mi an hawng tlung lânlo chu zei thu khawm a sim lo. 6Sekem pa Hamor chu Jakob sawnh ding hen a kal le, 7chu chu Jakob fa tla phâi thawk hen an hawng kîr lântê asi. Chu thu an hawng theih rawh chun, an thinlung a purh khit le, Israel mipi zauhnawmh hen Sekem nih Jakob fanu a tleihrêm mi thu ah thungâi an thin a thawk. 8Hamor nih a sinah, “Ka fapa Sekem nih na fanu thungâi a duh le, zângfahtê hen umpitir râu rawh. 9Nan mi leh kan mi tla kar ah nupi pasal umhtawnh kho ding hen remnâk kan siam lai. 10Churawhchun, hi kan ram ah kan sinah na um kho bâk lai le, na duhnâk mun zawng ah na um kho lai; thawsuak tak hen sâw na leh lai le, thil tla na nei lai,” a ti.
11Sekem nih Dinah pa leh a unau sinah, “Hi hi rem ti ule, nan duh mi zawng kan pêk na lai. 12Zei lâwmman nan duh, hawng ka simh ule, nan fanu man rangah zeizat tal si seh, nan duh zia zia hen hauh ule; nan ka deih mi zawng chu kan pêk na lai, amah hi nan hawng ka umpitir phawt chun,” a ti.
13Sekem nih an farnu chu thang a nawmh rawh ruangah Jakob fa tla nih Sekem leh a pa Hamor chu perpet leikâng hen an sâng. 14A sinah, “Fêmtan lo mi chu kan farnu kan umpitir kho lo, kan rangah ningzak a kâi awt. 15Kanmah hâwi hen nan mipa vial fêm tan ver tik cho ah rem kan ti kho lai. 16Chu hâwi asi tikah a umhtawnh ding rem kan ti lai le, nan sinah um hen murui khat kan si kho lai. 17Sikhawmsele, kan remruatnâk hi nan pawm lo hen fêm nan tan lo chun, kan farnu hi kan lâk lai le, kan kal ving awt,” an ti.
18Hi remruatnâk hi Hamor leh a fapa Sekem nih ṭha ual hen an theih. 19Tlangvâlpa nih Jakob fanu chu a duh tuktarâi le, an thuruat chu ti reh ding a duh, amah chu an dâwngsung lakah a lukhâi chem asi.
20Hamor leh a fapa Sekem chu an khua kulh kawtkâ tohâwngnâk mun ah an va kal le, an khua mi tla sinah an va sim: 21“Annih tla khi kanna tlâk thlo le, hi ram ah hin kan sinah um bâk na sele, duh duh hen tlawng le lêng na bâk seh, ram tâ nih anmah rang ding hen a kâu tâwk rerêng: an fanu tla kan umpi na lai le, kannih fanu tla khawm umpi na bâk seh. 22Hi minung tla hi kan sinah um hen murui khat siding hen chun a san pakhat cho a um, chu chu anmah tla hâwi hen kan mipa tla vial an fêm tan hep ding mi chu asi. 23An thil neih zawzawng leh thil dang tla khawm kan tâ asi bâk awtlo ma? Kan sinah um na bâk ding hen rem kan ti ko lai,” an ti. 24Chu khuapi mi minung tla zawng nih Hamor leh Sekem thusim chu rem an ti le, mipa vial nih an fêm an tan hep.
25Ni thum nûnah chun an fêmtan mâ a fâk liau chir ah, Jakob fapa panih Simeon leh Levi, Dinah ṭapa nih chun an nâmsau an lâk le, khuapi ah an va kal le, theih manh lân karah an mipa tla an thah ver na. 26Hamor leh a fapa Sekem khawm an thah sih. Sekem in ah mi Dinah chu an kalpi ving. 27Chu an thah na nûnah Jakob fapa dang tla nih khua chu an va rawk le, an farnu thang an nawmh mi ruangah phû an lam: 28Ranrual tla, dawrâ, sanatung tla leh khuapi ah mi thil dang tla phâisen ah mi hen an lâk. 29Thil sung tatak tla an lâk le, an nunau leh an fa tla zawzawng leh in ah mi thil zawzawng an kalpi hep.
30Jakob nih Simeon leh Levi sinah, “Ka lawksawngnâk nan siam; tu chun Kanaan mi tla, Periz mi tla leh hi ram mi zawzawng nih an hawng ka hua lai rawh; minung tâ nih tam ka nei lo; thu anna rual hen an hawng ka do chun, kan dâwngsung zawzawng vei dep ding asi ko rawh,” a ti.
31Sikhawmsele, annih nih, “Kan farnu hi nunau â zuar mi hâwi hen a ti mi kan duhzia asi lo,” an ti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.