GENESIS 47
47
1Josef chu a unau panga hen lalchem sinah an va kal rawh. Anih nih, “Ka pa leh ka unau tla an ranrual leh an dawrâ rual hen, an neih zawzawng hen an hawng. Tuah Gosen ram ah an um,” a ti. 2Lalchem mâika ah a unau tla chu a langh na. 3Lalchem nih thu a deih na, “Nan rianṭuan tak zei?” a ti.
Annih nih an sâng le, “A lânah hawng kan thlâktu hâwi hen dawrâ vulhtu tla kan si,” an ti. 4Annih nih, “Kanaan ram ah pâm a fâk tuktarâi le, kan ran tla rang khawm ah ram a ningno lo, churuangah hi ram ah kan hawng kal mi asi. Churuangah zângfahtê hen Gosen ram ah um kho ding hen hawng kan siang piak le kan duh,” an ti. 5Lalchem nih Josef sinah, “Tuah na pa leh na unau tla chu an hawng tleng le, 6Aigupta ram chu an ram asi rawh. Ram ṭha chemnâk Gosen ram ah umtir na. Chun, an lakah mi thiltikho dauh an um châng chun, keimah ranrual tlûnah hotu ah siam na,” a ti.
7Josef nih a pa chu lalchem mâika ah a va langh bâk, Jakob nih lal chu mal a sâwm rawh. 8Chun, lalchem nih a sinah, “Kum zeizat me na si rawh,” a ti.
9Jakob nih a sâng le, “Ka khualtlawng kum chu kum zâ leh sâwmthum ka tling rawh, ka khualtlawng kum chu a tam chiam lo, hi sung hin hamh tak hen ka um le, hawng ka thlâktu tla hâwi tluk hen lam chun upa mi kasi lo,” a ti. 10Jakob nih lalchem chu a dawnghnâk ah mal a sâwm le, a kal rawh. 11Josef nih lalchem nih thu a pêk hâwi hen, a pa leh a unau tla chu Ramases khuapi kiangah Aigupta ram sungah a umtir na le, a ram ah mi thil ṭha tla a pêk na. 12Josef nih, a pa leh a unau tla, a pa dâwngsung a lian a mê rang ding hen buh a pêk na.
Pâmnâk
13Pâm chu a zual dadauh le, zei mun khawm ah buh a um lo rawh. Kanaan ram leh Aigupta ram sungah mi chu sungvâng hen an uai ver rawh. 14Fâng an zuar mi man chu a khawlh le, lal sinah a pêk vima. 15Kanaan ram leh Aigupta ram ah mi tangka a dih hep rawh chun, Aigupta ram mi tla chu Josef sinah an hawng le, a sinah, “Buh hawng kan pêk; hawng kan thihtir lah. Thil rang khat tal hawng kan ti piak! Kan tangka khawm a dih ver rawh,” an ti.
16Josef nih an sinah, “Nan ran neih tla hawng put ule, tangka nan nei lo rawh asi chun buh hen kan thleng piak na lai,” a ti. 17Churawhchun, an ran zawzawng fâng thlengnâk ding hen Josef sinah an kalpi le, an dawrâ tla, rang tla, kêl tla, ranrual leh sanatung tla hen fâng a thleng piak na. Chu kum ah chun an ran neih tla zawzawng hen fâng a thleng piak na le, a pêk na.
18A kum nawlh ah a sinah an hawng le, “Pu, na sinah sim lo kho kan si lo, kan tangka zawzawng leh kan neih zawzawng nangmah kan pêk hep rawh. Zeikhawm an pêk ding kan nei lo rawh, kan tak pum leh kan ram cho lo chu. 19Hawng kan thihtir rîlmâl lah le, kan rangah zeimawh hawng kan ti piak râu rawh, kan phâisen tla a karo hen umtir lah, kan ram leh kan mah hi fâng hen hawng kan châwk dâidua, lalchem sal kan si lai le, kan ram hi â ting lai rawh. Kan nungnâk ding hen fâng lam hawng kan pêk le, fachî kan phâisen ah chîng ding mi hen,” an ti.
20Josef nih lalchem rangah Aigupta ram zawzawng chu a châwk. Aigupta mi tla chu an mun tla zuar ding hen thu an pêk le, pâm thungâi a zual ruangah; chun, mun zawzawng tla chu lalchem tâ asi ver rawh. 21Josef nih mipi tla chu Aigupta khatlei ram thawk hen a dawngh tiang hen sal ah a siam hep na. 22Ram a châwklo mi chu bâwlpu mun cho asi, mun zuar ding khawm an nei lo rawh, lalchem nih an nungnâk ding hen lawh leikâng hen a pêk na rawh. 23Josef nih mi le tla sinah, “Tuah lalchem rangah nan mun hen kan châwk ver na rawh; nan phâisen ah nan tuh ding hen hinah fâng chi a um. 24Fâng zûn tikah anrang nga ṭhen hen anrang khat chu lal sinah nan pêk ding asi. A dang vial chu fachî rang leh nan dâwngsungkhur rangah si seh,” a ti.
25Annih nih an sâng le, “Kan nungnâk na hum le, thungâi na ṭha pu, lalchem sal tla ah kan um ko lai,” an ti. 26Churuangah, Josef nih an fâng neih zat anrang nga ṭhen hen anrang khat lalchem sinah pêk ding hen dân a siam piak na rawh. Hi dân hi tûtiang hen bir tak hen an nei kumza. Bâwlpû mun cho lalchem tâ asi lo.
Jakob Ngiarnâk Madungchem
27Israel fa tla chu Aigupta ram sung Gosen ram ah an um le, chunah chun thungâi an nei le, fa tam tak an nei rawh. 28Jakob chu Aigupta ram ah kum leisarih tiang a um le, kumza sâwmli leh kum sarih a tling tiang hen a um. 29A thihnâk ni a nâi rawh le, a fapa Josef chu a kawh le, a sinah, “Na kut kha ka êl karah hawng siah le, Aigupta ram ah hawng ka vûi lo ding hen thu hawng ka tiamh.
30Ka pa le vûinâk ah hawng ka vûi le ka duh; Aigupta ram thawk hen hawng ka zawnh ving ule, anmah vûinâk ah hawng ka vûi u,” a ti.
Josef nih a sâng le; “Na sim mi hâwi hen ka ti lai ma kha a,” a ti.
31Jakob nih, “Na ti ngelchel ding hen thu a tiam,” a ti. Josef nih thu â tiam le, Jakob nih a ihkhun tlûnah lâwmthu a sim.
Currently Selected:
GENESIS 47: BCLBV
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.
GENESIS 47
47
1Josef chu a unau panga hen lalchem sinah an va kal rawh. Anih nih, “Ka pa leh ka unau tla an ranrual leh an dawrâ rual hen, an neih zawzawng hen an hawng. Tuah Gosen ram ah an um,” a ti. 2Lalchem mâika ah a unau tla chu a langh na. 3Lalchem nih thu a deih na, “Nan rianṭuan tak zei?” a ti.
Annih nih an sâng le, “A lânah hawng kan thlâktu hâwi hen dawrâ vulhtu tla kan si,” an ti. 4Annih nih, “Kanaan ram ah pâm a fâk tuktarâi le, kan ran tla rang khawm ah ram a ningno lo, churuangah hi ram ah kan hawng kal mi asi. Churuangah zângfahtê hen Gosen ram ah um kho ding hen hawng kan siang piak le kan duh,” an ti. 5Lalchem nih Josef sinah, “Tuah na pa leh na unau tla chu an hawng tleng le, 6Aigupta ram chu an ram asi rawh. Ram ṭha chemnâk Gosen ram ah umtir na. Chun, an lakah mi thiltikho dauh an um châng chun, keimah ranrual tlûnah hotu ah siam na,” a ti.
7Josef nih a pa chu lalchem mâika ah a va langh bâk, Jakob nih lal chu mal a sâwm rawh. 8Chun, lalchem nih a sinah, “Kum zeizat me na si rawh,” a ti.
9Jakob nih a sâng le, “Ka khualtlawng kum chu kum zâ leh sâwmthum ka tling rawh, ka khualtlawng kum chu a tam chiam lo, hi sung hin hamh tak hen ka um le, hawng ka thlâktu tla hâwi tluk hen lam chun upa mi kasi lo,” a ti. 10Jakob nih lalchem chu a dawnghnâk ah mal a sâwm le, a kal rawh. 11Josef nih lalchem nih thu a pêk hâwi hen, a pa leh a unau tla chu Ramases khuapi kiangah Aigupta ram sungah a umtir na le, a ram ah mi thil ṭha tla a pêk na. 12Josef nih, a pa leh a unau tla, a pa dâwngsung a lian a mê rang ding hen buh a pêk na.
Pâmnâk
13Pâm chu a zual dadauh le, zei mun khawm ah buh a um lo rawh. Kanaan ram leh Aigupta ram sungah mi chu sungvâng hen an uai ver rawh. 14Fâng an zuar mi man chu a khawlh le, lal sinah a pêk vima. 15Kanaan ram leh Aigupta ram ah mi tangka a dih hep rawh chun, Aigupta ram mi tla chu Josef sinah an hawng le, a sinah, “Buh hawng kan pêk; hawng kan thihtir lah. Thil rang khat tal hawng kan ti piak! Kan tangka khawm a dih ver rawh,” an ti.
16Josef nih an sinah, “Nan ran neih tla hawng put ule, tangka nan nei lo rawh asi chun buh hen kan thleng piak na lai,” a ti. 17Churawhchun, an ran zawzawng fâng thlengnâk ding hen Josef sinah an kalpi le, an dawrâ tla, rang tla, kêl tla, ranrual leh sanatung tla hen fâng a thleng piak na. Chu kum ah chun an ran neih tla zawzawng hen fâng a thleng piak na le, a pêk na.
18A kum nawlh ah a sinah an hawng le, “Pu, na sinah sim lo kho kan si lo, kan tangka zawzawng leh kan neih zawzawng nangmah kan pêk hep rawh. Zeikhawm an pêk ding kan nei lo rawh, kan tak pum leh kan ram cho lo chu. 19Hawng kan thihtir rîlmâl lah le, kan rangah zeimawh hawng kan ti piak râu rawh, kan phâisen tla a karo hen umtir lah, kan ram leh kan mah hi fâng hen hawng kan châwk dâidua, lalchem sal kan si lai le, kan ram hi â ting lai rawh. Kan nungnâk ding hen fâng lam hawng kan pêk le, fachî kan phâisen ah chîng ding mi hen,” an ti.
20Josef nih lalchem rangah Aigupta ram zawzawng chu a châwk. Aigupta mi tla chu an mun tla zuar ding hen thu an pêk le, pâm thungâi a zual ruangah; chun, mun zawzawng tla chu lalchem tâ asi ver rawh. 21Josef nih mipi tla chu Aigupta khatlei ram thawk hen a dawngh tiang hen sal ah a siam hep na. 22Ram a châwklo mi chu bâwlpu mun cho asi, mun zuar ding khawm an nei lo rawh, lalchem nih an nungnâk ding hen lawh leikâng hen a pêk na rawh. 23Josef nih mi le tla sinah, “Tuah lalchem rangah nan mun hen kan châwk ver na rawh; nan phâisen ah nan tuh ding hen hinah fâng chi a um. 24Fâng zûn tikah anrang nga ṭhen hen anrang khat chu lal sinah nan pêk ding asi. A dang vial chu fachî rang leh nan dâwngsungkhur rangah si seh,” a ti.
25Annih nih an sâng le, “Kan nungnâk na hum le, thungâi na ṭha pu, lalchem sal tla ah kan um ko lai,” an ti. 26Churuangah, Josef nih an fâng neih zat anrang nga ṭhen hen anrang khat lalchem sinah pêk ding hen dân a siam piak na rawh. Hi dân hi tûtiang hen bir tak hen an nei kumza. Bâwlpû mun cho lalchem tâ asi lo.
Jakob Ngiarnâk Madungchem
27Israel fa tla chu Aigupta ram sung Gosen ram ah an um le, chunah chun thungâi an nei le, fa tam tak an nei rawh. 28Jakob chu Aigupta ram ah kum leisarih tiang a um le, kumza sâwmli leh kum sarih a tling tiang hen a um. 29A thihnâk ni a nâi rawh le, a fapa Josef chu a kawh le, a sinah, “Na kut kha ka êl karah hawng siah le, Aigupta ram ah hawng ka vûi lo ding hen thu hawng ka tiamh.
30Ka pa le vûinâk ah hawng ka vûi le ka duh; Aigupta ram thawk hen hawng ka zawnh ving ule, anmah vûinâk ah hawng ka vûi u,” a ti.
Josef nih a sâng le; “Na sim mi hâwi hen ka ti lai ma kha a,” a ti.
31Jakob nih, “Na ti ngelchel ding hen thu a tiam,” a ti. Josef nih thu â tiam le, Jakob nih a ihkhun tlûnah lâwmthu a sim.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.