Luke 15
15
Kaa wanishihk maanishchaanish
Matthew 18.12-14
1Peyakwaau anichii kaa maamuushtinahkwaau chisheuchimaau shuuliyaayuu kaa itaapatisitwaau chii pechi nituhtaweuch Jesus e pechi mihchetitwaau. Kaye kutakach iinuuch e chischeyimaakanuutwaau e machaatisiitwaau chii pechi takushinuuch. 2Phariseech, ekw maak anichii kaa chiskutamaachetwaau wiishuwewiniyuu chii aayimuumeuch Jesus e itwetwaau, “Uu naapeu wiichewaakanitutaweu aniyuu kaa machaatisiyich kaye wiichimiichisuumeu.” 3Ekw Jesus kaa wiihtamuwaat uyuu tipaachimuwiniyuu. 4“Ishinaakusit aahch awen mitaahtumitanuu e chii ayaawaat maanishchaanisha, peyakw maak aniyuu wanishiniyich, taan chipaa ihtuu. Namui aa chipaa uhchi nakateu aniyuu peyakushtemitanuu peyakushteu maanishchaanisha chechii nituu naanituwaapamaat aniyuu kaa wanishiniyich, paatish miskawaate. 5Iskutak maak miskawaate naashch taapwe chika miyeyihtam, ekw utihtiminihch ekut che tehtahaat, che nituu chiiwehtahaat. 6Ekw che wiishaamaat uwiichewaakanh che itaat, ‘Wiichi miyeyihtamuumikw wesh nimiskawaau an nimaanishchaanishim kaa wanihiik.’ ” 7Kaa itwet miin Jesus, “Chiwiihtamaatinaawaau, mwehch ekun e iteyihtaakuhch muuchicheyihtamuwin anite kihchikiishikuhch iskutak peyakw umachihtwaau e naataat Chishemanituu e wii kweskaatisiit, uste wiya muuchicheyihtamihiiweu ishpishaat peyakushtemitanuu peyakushteu kaa kuiskutaatisiitwaau awenichii shaash e kweskaatisiitwaau.”
Kaa wanishihk shuuliyaau
8Ekw Jesus kaa wiihtamuwaat kutachiyuu chischinuhamaacheu tipaachimuwiniyuu e itaat, “Taan e ihtit iskweu e ayaawaat mitaahtu shuuliyaaunaapiskw, peyakw maak aniyuu wanihaat. Saskaham waashtenamaakaniyuu, wepahiicheu kaye anit uwaaskaahiikanihch, tekash naanituwaapameu paatish meskawaat. 9Iskutak maak meskawaat, ekw maamuu wiishaamaat uwiichewaakanh kaye wiichishaan e itaat, ‘Naashch taapwe nimiyeyihten e chii miskawak an shuuliyaaunaapiskw kaa wanihiik. Wiichi miyeyihtamuumikw maa.’ ” 10Ekw miin Jesus kaa itwet, “Aniyuu maak kaa ishpish miyeyihtahk an iskweu e chii miskawaat aniyuu kaa wanihaat ushuuliyaam eukun e ishinaakusiyich Chishemanituu utenchilam, miyeyihtamiyuu iskutak peyakw umachihtwaau e kweskaatisiyich.”
Naapesh kaa nakataat uhtaawii
11Jesus maak miin chii wiihtam kutachiyuu tipaachimuwiniyuu, e itwet, “Chii ihtaau naapeu e chii niishiyich ukusisa. 12An maak ushiimaau chii iteu uhtaawii, ‘Nuuhtaa, pechi miih anuhchiish aniyuuh chekwaayuuh aanische che tipiyeusiyaan.’ Ekw maak uhtaawaau kaa tetaaunamaakutwaau misiwe taan kaa ishi tipiyeusiyich. 13Namui chineush kaa ati tamihtinahk misiwe taan kaa ishi tipiyeusiit an ushiimaau ekw anite waahyuu aschiihch kaa ituhtet. ekute anite kaa meshtinahk ushuuliyaam e chiishkwepimaatisiit. 14Iskutak maak misiwe kaa meshtinahk ushuuliyaam anit aniyuu aschiiyuu kaa ihtaat chii pimipayuu e wawaanihkataanuyich. Chek kaa wawaanihkatet kaye wiya. 15Ekw kaa atushkuwaat peyakw naapeu anit e uhchiyich aniyuu ihtaawiniyuu, kaa itishahukut chechii naanaakachihiimaat ukuuhkuushimiyuu. 16E ishpish siiweyit maak chek naashch chii mushteneyihtam chechii chiishpuhiisut aniyuu kuuhkuush umiichimiyuu, namui maak aweyuu uhchi ashamikuu chekwaayuu. 17Chek maak iskutak kaa kuiskukuteyich umaamituneyihchikan, chii iteyihtam, ‘Aat e itashiitwaauh nuuhtaawii utaapachihaakanh misiwe e tepimiichisuyitwaau yaapach ayuupayuuch miichimiyuu, niya maak chekaat nikauhkaten. 18Nika chistuhten che nituwaapamak nuuhtaawii che itak, Nuuhtaa, nichii machitutawaau Chishemanituu kaye chiya chichii machituutaatin. 19Namui nitepicheyihtaakusin chechii ukusitutawiyin, pechi aapachihiih maak mwehch e ishi aapachihiitwaau chitaapachihaakanich.’ ”
20“Ekw maak kaa pisikuut kaau che nituwaapamaat uhtaawii. Ekw maak eshkw e ayaaunaakuniyich che ishpish takushinit anit e ihtaatwaau, chii waapamikuu uhtaawii ekw naashch kaa chistimaacheyimikut ekw kaa nituu aapupayishtaakut, kaa waweuchipitikut kaa uchemikut. 21Kaa itaat an ukusisimaau aniyuu uhtaawii, ‘Nuuhtaa, nichii machituutawaau Chishemanituu kaye chiya chichii machituutaatin. Namui nitepicheyihtaakusin nikus chechii iishinihkaasiyin.’ 22Mikw maak aniyuu uhtaawii piskunuu chii wiishaameyuu utaapachihaakanh ekw kaa itaat, ‘Wii chiipiikw che petaayekw an maauch kaa miywaashich akuhp che pushchishkamutiyekw. Kaye taapichischehpisunh che pushchishkamutiyekw eyuu maschisinh. 23Kaye che nipahekw an kaa taahchipahaakanuut mistus, che miyuuhkawekw ekw maak che makusheyihkw. 24Wesh uu nikus mwehch e chii nipit chii ishinaakusuu ekw muyaam miin e pimaatisiit eukw e ishinaakusit, mwehch e chii wanishinit ekw maak miin e miskawaakanuut.’ Ekw maak kaa muuchikahtaatwaau.”
25“An maak ustesimaau anite nihtaauchihchikan aschiihch mekwaach chii ihtaau. Iskutak kaa peshuwaapahtahk wiichiwaau chii pehtam e matechistuhchikaanuyich kaye e mate niiminaanuyich. 26Kaa wiishaamaat peyakw aniyuu aapachihaakan ekw kaa kakwechimaat, ‘Taan e ihtinaanuuhch.’ 27Ekw kaa itikut aniyuu aapachihaakan, ‘Chishiim kaau chii takushinuu e miyu pimaatisiit ekw kuuhtaawii kaa itashuwet chechii nipahaakanuyich aniyeyuu mistusa kaa taahchipuhaakanuyich chechii makushihaakanuut an chishiim.’ 28Iskutak maak piyehtahk uyuu an ustesimaau chii chishuwaasuu, ekw namui uhchi wii piihcheu. Uhtaawii kaa pechi nituwaapamikut, kaa siihchimikut chechii piihchet. 29Ekw kaa itaat uhtaawii, ‘Kanawaahta maa, mihchetupunh ekw kaa ishpish atushkaataan namui maak wiiskaat nuuhchi ihtin ekaa chechii nanihiihtamaan taan kaa itashuweyin. Chekwaan maak kaa pechi miyin niya chechii uhchi wiichimakushemakwaau niwiichewaakanich. 30Uu chikus kaa chiishkwepimaatisiiwaachet chishuuliyaamiyuu iskweuh e chii maayeyimaat, anuhchiish chii takushinuu, chititishuwaataayuuh maak chechii nipahaakanuyich aniyuuh kaa taahchipuhaakanuyich mistusa chechii makushihaakanuut.’ 31Uhtaawii maak chii itikuu, ‘Nikus, muush e ihtaayaan chitihtaan, misiwe e ishi ayaayaan chitipiyeusiyin kaye chiya. 32Ishinaakun taapwe chechii muuchicheyihtamuhkw wesh chiichishaan mwehch e chii nipit chii ishinaakusuu ekw maak anuhchiish mwehch miin e pimaatisiit ekun e ishinaakusit. Mwehch e chii wanishinit chii ishinaakusuu ekw maak miin e miskawaakanuut ekun e ishinaakusit.’ ”
Currently Selected:
Luke 15: crjrNT
Highlight
Share
Copy
Want to have your highlights saved across all your devices? Sign up or sign in
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.
Luke 15
15
Kaa wanishihk maanishchaanish
Matthew 18.12-14
1Peyakwaau anichii kaa maamuushtinahkwaau chisheuchimaau shuuliyaayuu kaa itaapatisitwaau chii pechi nituhtaweuch Jesus e pechi mihchetitwaau. Kaye kutakach iinuuch e chischeyimaakanuutwaau e machaatisiitwaau chii pechi takushinuuch. 2Phariseech, ekw maak anichii kaa chiskutamaachetwaau wiishuwewiniyuu chii aayimuumeuch Jesus e itwetwaau, “Uu naapeu wiichewaakanitutaweu aniyuu kaa machaatisiyich kaye wiichimiichisuumeu.” 3Ekw Jesus kaa wiihtamuwaat uyuu tipaachimuwiniyuu. 4“Ishinaakusit aahch awen mitaahtumitanuu e chii ayaawaat maanishchaanisha, peyakw maak aniyuu wanishiniyich, taan chipaa ihtuu. Namui aa chipaa uhchi nakateu aniyuu peyakushtemitanuu peyakushteu maanishchaanisha chechii nituu naanituwaapamaat aniyuu kaa wanishiniyich, paatish miskawaate. 5Iskutak maak miskawaate naashch taapwe chika miyeyihtam, ekw utihtiminihch ekut che tehtahaat, che nituu chiiwehtahaat. 6Ekw che wiishaamaat uwiichewaakanh che itaat, ‘Wiichi miyeyihtamuumikw wesh nimiskawaau an nimaanishchaanishim kaa wanihiik.’ ” 7Kaa itwet miin Jesus, “Chiwiihtamaatinaawaau, mwehch ekun e iteyihtaakuhch muuchicheyihtamuwin anite kihchikiishikuhch iskutak peyakw umachihtwaau e naataat Chishemanituu e wii kweskaatisiit, uste wiya muuchicheyihtamihiiweu ishpishaat peyakushtemitanuu peyakushteu kaa kuiskutaatisiitwaau awenichii shaash e kweskaatisiitwaau.”
Kaa wanishihk shuuliyaau
8Ekw Jesus kaa wiihtamuwaat kutachiyuu chischinuhamaacheu tipaachimuwiniyuu e itaat, “Taan e ihtit iskweu e ayaawaat mitaahtu shuuliyaaunaapiskw, peyakw maak aniyuu wanihaat. Saskaham waashtenamaakaniyuu, wepahiicheu kaye anit uwaaskaahiikanihch, tekash naanituwaapameu paatish meskawaat. 9Iskutak maak meskawaat, ekw maamuu wiishaamaat uwiichewaakanh kaye wiichishaan e itaat, ‘Naashch taapwe nimiyeyihten e chii miskawak an shuuliyaaunaapiskw kaa wanihiik. Wiichi miyeyihtamuumikw maa.’ ” 10Ekw miin Jesus kaa itwet, “Aniyuu maak kaa ishpish miyeyihtahk an iskweu e chii miskawaat aniyuu kaa wanihaat ushuuliyaam eukun e ishinaakusiyich Chishemanituu utenchilam, miyeyihtamiyuu iskutak peyakw umachihtwaau e kweskaatisiyich.”
Naapesh kaa nakataat uhtaawii
11Jesus maak miin chii wiihtam kutachiyuu tipaachimuwiniyuu, e itwet, “Chii ihtaau naapeu e chii niishiyich ukusisa. 12An maak ushiimaau chii iteu uhtaawii, ‘Nuuhtaa, pechi miih anuhchiish aniyuuh chekwaayuuh aanische che tipiyeusiyaan.’ Ekw maak uhtaawaau kaa tetaaunamaakutwaau misiwe taan kaa ishi tipiyeusiyich. 13Namui chineush kaa ati tamihtinahk misiwe taan kaa ishi tipiyeusiit an ushiimaau ekw anite waahyuu aschiihch kaa ituhtet. ekute anite kaa meshtinahk ushuuliyaam e chiishkwepimaatisiit. 14Iskutak maak misiwe kaa meshtinahk ushuuliyaam anit aniyuu aschiiyuu kaa ihtaat chii pimipayuu e wawaanihkataanuyich. Chek kaa wawaanihkatet kaye wiya. 15Ekw kaa atushkuwaat peyakw naapeu anit e uhchiyich aniyuu ihtaawiniyuu, kaa itishahukut chechii naanaakachihiimaat ukuuhkuushimiyuu. 16E ishpish siiweyit maak chek naashch chii mushteneyihtam chechii chiishpuhiisut aniyuu kuuhkuush umiichimiyuu, namui maak aweyuu uhchi ashamikuu chekwaayuu. 17Chek maak iskutak kaa kuiskukuteyich umaamituneyihchikan, chii iteyihtam, ‘Aat e itashiitwaauh nuuhtaawii utaapachihaakanh misiwe e tepimiichisuyitwaau yaapach ayuupayuuch miichimiyuu, niya maak chekaat nikauhkaten. 18Nika chistuhten che nituwaapamak nuuhtaawii che itak, Nuuhtaa, nichii machitutawaau Chishemanituu kaye chiya chichii machituutaatin. 19Namui nitepicheyihtaakusin chechii ukusitutawiyin, pechi aapachihiih maak mwehch e ishi aapachihiitwaau chitaapachihaakanich.’ ”
20“Ekw maak kaa pisikuut kaau che nituwaapamaat uhtaawii. Ekw maak eshkw e ayaaunaakuniyich che ishpish takushinit anit e ihtaatwaau, chii waapamikuu uhtaawii ekw naashch kaa chistimaacheyimikut ekw kaa nituu aapupayishtaakut, kaa waweuchipitikut kaa uchemikut. 21Kaa itaat an ukusisimaau aniyuu uhtaawii, ‘Nuuhtaa, nichii machituutawaau Chishemanituu kaye chiya chichii machituutaatin. Namui nitepicheyihtaakusin nikus chechii iishinihkaasiyin.’ 22Mikw maak aniyuu uhtaawii piskunuu chii wiishaameyuu utaapachihaakanh ekw kaa itaat, ‘Wii chiipiikw che petaayekw an maauch kaa miywaashich akuhp che pushchishkamutiyekw. Kaye taapichischehpisunh che pushchishkamutiyekw eyuu maschisinh. 23Kaye che nipahekw an kaa taahchipahaakanuut mistus, che miyuuhkawekw ekw maak che makusheyihkw. 24Wesh uu nikus mwehch e chii nipit chii ishinaakusuu ekw muyaam miin e pimaatisiit eukw e ishinaakusit, mwehch e chii wanishinit ekw maak miin e miskawaakanuut.’ Ekw maak kaa muuchikahtaatwaau.”
25“An maak ustesimaau anite nihtaauchihchikan aschiihch mekwaach chii ihtaau. Iskutak kaa peshuwaapahtahk wiichiwaau chii pehtam e matechistuhchikaanuyich kaye e mate niiminaanuyich. 26Kaa wiishaamaat peyakw aniyuu aapachihaakan ekw kaa kakwechimaat, ‘Taan e ihtinaanuuhch.’ 27Ekw kaa itikut aniyuu aapachihaakan, ‘Chishiim kaau chii takushinuu e miyu pimaatisiit ekw kuuhtaawii kaa itashuwet chechii nipahaakanuyich aniyeyuu mistusa kaa taahchipuhaakanuyich chechii makushihaakanuut an chishiim.’ 28Iskutak maak piyehtahk uyuu an ustesimaau chii chishuwaasuu, ekw namui uhchi wii piihcheu. Uhtaawii kaa pechi nituwaapamikut, kaa siihchimikut chechii piihchet. 29Ekw kaa itaat uhtaawii, ‘Kanawaahta maa, mihchetupunh ekw kaa ishpish atushkaataan namui maak wiiskaat nuuhchi ihtin ekaa chechii nanihiihtamaan taan kaa itashuweyin. Chekwaan maak kaa pechi miyin niya chechii uhchi wiichimakushemakwaau niwiichewaakanich. 30Uu chikus kaa chiishkwepimaatisiiwaachet chishuuliyaamiyuu iskweuh e chii maayeyimaat, anuhchiish chii takushinuu, chititishuwaataayuuh maak chechii nipahaakanuyich aniyuuh kaa taahchipuhaakanuyich mistusa chechii makushihaakanuut.’ 31Uhtaawii maak chii itikuu, ‘Nikus, muush e ihtaayaan chitihtaan, misiwe e ishi ayaayaan chitipiyeusiyin kaye chiya. 32Ishinaakun taapwe chechii muuchicheyihtamuhkw wesh chiichishaan mwehch e chii nipit chii ishinaakusuu ekw maak anuhchiish mwehch miin e pimaatisiit ekun e ishinaakusit. Mwehch e chii wanishinit chii ishinaakusuu ekw maak miin e miskawaakanuut ekun e ishinaakusit.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.