Luke 19
19
Jesus ekw maak Zacchaeus
1Jesus chii utihtam ihtaawiniyuu Jericho e ishinihkaateyich, kaa piihchet anite. 2Chii ihtaau maak naapeu anit ihtaawinihch, Zacchaeus e ishinihkaasut. Chii niikaanishkaweu kaa maamuushtinamiyich chisheuchimaau shuuliyaayuu kaa itaapatisitwaau. Naashch maak chii miisitisiyuu uu naapeu. 3Chii wii waapameu maak aweyuu aniyuu Jesus kaa ishinihkaasuyich. Mikw maak chii tahkukaapuu ekw namui uhchii waapameu, kaye chii mihchetiyuu aweyuu e aakuushkaakut. 4Ekw kaa niikaanipahtaat kaa iskwaahtawiit mistikw, chechii waapamaat Jesus iskutak pimuhteyichen. 5Iskutak maak Jesus wetihtaat aniyuu mistikw chii tastasaapuu kaa itaat aniyuu Zacchaeus, “Chiipiih pechi niihtaahtawii Zacchaeus, e ihtaayin nika ihtaan anuhchiish che chiishikaach.” 6Zacchaeus maak tiiwehch chii ati niihtaahtawiipahtaau e miyeyihtahk che piihtakahaat Jesus. Naashch chii miywaatam e ituhtahaat anite wiichihch. 7Misiwe maak anichii iinuuch kaa waapamaatwaau Jesus e piihtakahiikuyich Zacchaeus memehch chii iteuch e itwetwaau, “Uu naapeu e nituu ihtaat anite umachihtwaau uwaaskaahiikanimiihch.” 8Zacchaeus maak chii pisikuu ekw kaa itaat Utipeyihchikeu, “Nituhtuu maa Utipeyihchikeu. Aapihtuu e ishpish ayaayaan nika miyaauch anichii kaa chistimaatisiitwaau. Kaa chimutamuwaauche awen uste newaau nika taapimiyaau.” 9Jesus maak chii iteu, “Anuhchiish uu kaa chiishikaach misiwe iinuuch kaa wiichitwaau utah chiichihch pimaachihaakanuuch. Chiya maak Zacchaeus kaye chii kuuhtiskaanesin anite Abraham e ihtaat. 10Iinuu Ukusisa chii pechi takushin chechii naanituwaapamaat kaye chechii pimaachihaat aniyuuh iinuuh kaa wanishiniitwaau.”
Shuuliyaau kaa miiwaanuuhch tipaachimuwin
Matthew 25.14-30
11Wetaach maak chii ati peshuwaapahtamuch Jerusalemiyuu anichii iinuuch e nuushuushkuwaatwaau Jesus. Aniyuu maak taan kaa ishi waawiihtamaakutwaau Jesus chii iteyihtamuch taapwe shaash tiiwehch che nuukuniyich Chishemanituu uchisheuchimaawiniyuu. Ekw maak Jesus uyuu chischinuhamaacheu tipaachimuwiniyuu kaa wiihtamuwaat mekwaach e ati pimuhtetwaau. Chii itweu maak, 12“Naapeu naashch e chisteyihtaakusit, chii ituhteu anite waahyuu aschiihch chechii chisheuchimaauhaakanuut ekw maak miin kaau kaa pechi chiiwet. 13Mikw maak eshkw ekaa uhchi chistuhtet chii wiishaameu mitaahtu aniyuu utaapachihaakanh paahpeyakw kaa miyaat shuuliyaayuu ekw kaa itaat, ‘Tahkuhch wii ushihtaakw shuuliyaau uu uhchi shuuliyaau che ishpish itanihuyaan.’ ”
14“Aniyuuh maak iinuuh kaa uchimaahkahtuwaat chii uhkaatikuu. Iskutak kaa chistuhtet, aniyuu utiiniim chii itishahweyuu aweyuu chechii nituu pukunuumikut anite aniyuu che ituhtet chechii nituu itweyich ekaa nituweyimaatwaau chechii chisheuchimaauhaakanuyich. 15Mikw maak yaapach chii chisheuchimaauhaakanuu ekw miin kaau kaa chiiwet. Ekw kaa wiishaamaat aniyuu utaapachihaakanh e nituu chischeyimaat taan kaa ishpish uhchisiyich aniyuu shuuliyaayuu kaa miyaat. 16An niishtam kaa takushinit naapeu chii iteu, ‘Nuuchimaam, peyakw chichii pechi miyin shuuliyaaunaapiskw ekw maak mitaahtu shuuliyaaunaapiskuch nichii uhchisiin anit uhchi.’ 17‘Chimiyutuuten, chimiywaapatisin,’ chii itikuu uchimaam. ‘E chii nuukuhtaayin e taapweucheyihtaakusiyin kuiskw chechii ishi aapatisiihkahtaman chekwaan e apishaashich miiskuch chika miikuun mitaahtu ihtaawinh chechii niikaanishkaman.’ 18Miin kutak kaa takushihk kaa itwet, ‘Nuuchimaam, chichii pechi miyin peyakw shuuliyaaunaapiskw ekw maak niyaayin shuuliyaaunaapiskuch e ayaaukwaau.’ 19Chii itikuu maak aniyuu uchimaau, ‘Chika uchimaahkahten niyaayin ihtaawin.’ ”
20“Ekw miin kutak aapachihaakan kaa takushihk ekw kaa itwet, ‘Maau shuuliyaaunaapiskw, nichii maahkupitaau machunishihch. 21Chikushtitin wesin, wesaa chimachihtwaan. Kuutinen chekwaan ekaa tipiyeusiyin kaye chimaamuushtinen nihtaauchihchikan ekaa chii uhchi nihtaauchihtaayin.’ 22Ekw aniyuu uchimaam chii itikuu, ‘Chiya kaa machikuuhpaanewiyin, nika aapachihtaan an kaa itweyin e nishuuwanaachimitaan. Chititeyimin e machihtwaayaan, e utinamaan chekwaan ekaa tipiyeusiyaan kaye e maamuushtinamaan chekwaan ekaa niya uhchi nihtaauchihtaayaan. 23E iteyimuune maak uu e iteyihtaakusiyaan, chekwaan wehchi ekaa uhchi ashtaayin nishuuliyaam anite shuuliyaaukamikuhch chechii ushihuumakahch. Ekw maak an tekushiniyaan nipaa misken taan kaa ishpish ushihuumakanikupane.’ ”
24“Ekw kaa itaat aniyuu kutak anit kaa naaniipuyich, ‘Uu shuuliyaaunaapiskw miyaahkw an aapachihaakan kaa mitaahtashiyich uu shuuliyaaunaapiskwa.’ 25Chii iteuch maak uchimaamuwaauh, ‘Shaash mitaahtashiyuu wiya e ayaawaat.’ 26Ekw an uchimaau kaa itwet, ‘Chititinaawaau maak niya, misiwe awen kaa uhchisiit chekwaayuu etituu chika ihtakuniyuu che ishi miyaakanuut. Ekw an awen ekaa naashch kaa ayaat chekwaayuu mechim aniyuu taan e ishi apishiish ayaat kata utinikanuuyuu. 27Ekw maak peshuwaahkuch anichii kaa uhkaasitwaau anichii ekaa kaa nituweyimitwaau chechii chisheuchimaauch, chechii nipahaakanuutwaau utah e ihtaauch.’ ” Eukw uyuu chischinuhamaacheu tipaachimuwiniyuu Jesus kaa wiihtahk mekwaach e ati pimuhtetwaau Jerusalemihch ishi.
Jesus kaa piihchet Jerusalemihch
Matthew 21.1-11; Mark 11.1-11; John 12.12-19
28Iskutak maak Jesus kaa chiishkwaa tipaachimut, ekw Jerusalemihch kaa ituhtetwaau, e ati niikaanihtet aniyuu uchischinuhamuwaakanh e ihtaayich. 29Iskutak maak piyeshuwaapahtahkwaau aniyuuh ihtaawinh Bethphage ekw maak Bethany kaa ishinihkaateyikwaauh anite wachiyuu Olives kaa ishinihkaateyich kaa ihtakuniyikwaauh ekw kaa niikaanitishihwaat niishu uchischinuhamuwaakan e itaat, 30“Nete ituhtekw ane ihtaawin. Takushiniyekwe nete chika waapamaawaau Uhkaanish muyaam kaapalakaskweu kaa ishinaakusit e chisikaapihkaasut ekaa wiiskaat eshkw uhchi tehtapiyich aweyuu uspiskuniihch. Che aapihkunekw ekw che peshuwekw ute. 31Kakwechimikuyekwe awen chekwaayuu wehchi aapihkunamekw ekw che itekw, ‘Utipeyihchikeu nitaweyimeu.’ ”
32Ekw maak kaa ituhtetwaau anite ihtaawinihch. Misiwe maak ekun kaa ispayiyich taan kaa itikutwaau Jesus. 33Mekwaach maak e aapihkunaatwaau aniyuu uhkaanisha muyaam kaapalakaskweu kaa ishinaakusiyich, an kaa tipeyimaayich aniyuu uhkaan chii itikuuch, “Chekwaan wehchi aapihkunekw an.” 34“Utipeyihchikeu nituweyimeu,” chii iteuch. 35Ekw Jesus e ihtaayich kaa ituhtahaatwaau. Ekw kaa akunahwaatwaau uspiskuniihch aniyeyuu uhkaan utakuhpiwaauh e aapachihtaatwaau ekw kaa wiichihaatwaau Jesus e tehtahiisuyich anit. 36Iskutak maak pemuhtahiikut Jesus aniyuu uhkaanisha muyaam kaapalakaskweu kaa ishinaakusiyich chii tashwekashtaauch anichii iinuuch utakuhpiwaauh anit che pimuhtahiikuyich Jesus aniyuu uhkaan.
37Iskutak maak piyeshuwaapahtahk Jerusalemiyuu Jesus, e ati niihchichuwetwaau aniyuu wachiyuu Olives kaa ishinihkaateyich meskanaahch e pimuhtetwaau, misiwe aniyuu aweyuu kaa nuushuushkaakut chii uhchi maamihchimeuch Chishemanituu e chishewetwaau kaye e muuchicheyihtamihiikutwaau misiwe aniyuu taan kaa ishi waapahtahkwaau Jesus e maamishkaachihtiyich. 38Eukw maak uyuu kaa itwetwaau e maamihchimaatwaau Chishemanituu,
“Shaweyihtaakusuu uu chisheuchimaau kaa pechi itishahukut Utipeyihchikeu, chechii ihtuutahk aniyuu kaa itashumaakanuut. Ihtakun chiyaameyihtamuwin kihchikiishikuhch. Kaye maak kata wii maamihchimaakanuu Chishemanituu maauch kaa chisteyihtaakusit.”
39Pasch maak Phariseech anit kaa ihtaatwaau chii iteuch aniyuu Jesus, “Chischinuhamaacheu, chistahamuuch maa uchii chischinuhamuwaakanich. Iishich chechii paasikwetwaau.” 40Jesus chii iteu, “Chiwiihtamaatinaawaau, paasikwetwaawenich uchii iinuuch, chipaa chii ishinaakun uchii asiniich chechii maamihchimitwaau.”
Jesus kaa maatutahk Jerusalemiyuu
41Wetaach maak chii ati peshuwaapahtam Jesus Jerusalemiyuu, iskutak maak wiyaapahtahk chii maatutam. 42Ekw uyuu kaa itaat aniyuu iinuu anit kaa uhchiyich Jerusalemihch, “Kamaa chischeyihtamekw taanite chechii uhchi ayaawekupane chiyaameyihtamuwin. Mikw maak namui mitun chinisituhtenaawaau. 43Chika utihchipayuu anichii kaa uhkaatitaakuch che chipunitaakuch anit an utenaau kaa ihtaayekw, chika chipunikuwaauch ekaa chechii wiiwiyekw. 44Misiwe awen anit chitihtaawiniwaahch chika wanaachihaakanuu kaye an chitihtaawinawaau chika wanaachihtaakanuu. Namui waachi peyakw asinii muyaam chika uhchi itamuu anit chiwaaskaahiikanimuwaahch. Wesh namui kuuhchi mamuushihtaanaawaau anit kaa utihchipayikupane Chishemanituu kaa wii pimaachihiitaakw.”
Jesus kaawiiwepinaat ataawesuu ayimiheukamikuhch
Matthew 21.12-17; Mark 11.15-19; John 2.13-22
45Jesus maak chii piihcheu chisheayimiheukamikuhch, kaa ati waawiiwiitishihwaat aniyuu ataawesuu kaye aniyuuh kaa utinaasuyitwaau anit piihtakamihch kaa ihtaayitwaauh. 46Ekw kaa itaat, “Itashteu Chishemanituu utayimuwinihch e chii itwekupane Chishemanituu,
Niwaaskaahiikanim e ayimihaanuuhch chika itaapatan.
Mikw maak muyaam chimutiskach uwaatakuwaau eukw e ishinaakuhtaayekw.”
47Meshikum chiishikaau maak chii chischinuhamaacheu Jesus anite chisheayimiheukamikuhch. Aniyuuh maak kaa niikaanapiitwaauh ayimiheuchimaauh kaye aniyuuh kaa chiskutamaacheyitwaauh wiishuwewiniyuu kaye aniyuu kaa niikaanishkuwaayich iinuu chii wii nipahiikuu. 48Mikw maak namui uhchii chischeyihtamuch taan che ihtitwaau chechii nipahaatwaau wesh misiwe aniyuu iinuu naashch yaakwaau chii nituhtaweyuu misiwe e chii wii pehtamiyich taan e itweyich.
Currently Selected:
Luke 19: crjrNT
Highlight
Share
Copy
Want to have your highlights saved across all your devices? Sign up or sign in
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.
Luke 19
19
Jesus ekw maak Zacchaeus
1Jesus chii utihtam ihtaawiniyuu Jericho e ishinihkaateyich, kaa piihchet anite. 2Chii ihtaau maak naapeu anit ihtaawinihch, Zacchaeus e ishinihkaasut. Chii niikaanishkaweu kaa maamuushtinamiyich chisheuchimaau shuuliyaayuu kaa itaapatisitwaau. Naashch maak chii miisitisiyuu uu naapeu. 3Chii wii waapameu maak aweyuu aniyuu Jesus kaa ishinihkaasuyich. Mikw maak chii tahkukaapuu ekw namui uhchii waapameu, kaye chii mihchetiyuu aweyuu e aakuushkaakut. 4Ekw kaa niikaanipahtaat kaa iskwaahtawiit mistikw, chechii waapamaat Jesus iskutak pimuhteyichen. 5Iskutak maak Jesus wetihtaat aniyuu mistikw chii tastasaapuu kaa itaat aniyuu Zacchaeus, “Chiipiih pechi niihtaahtawii Zacchaeus, e ihtaayin nika ihtaan anuhchiish che chiishikaach.” 6Zacchaeus maak tiiwehch chii ati niihtaahtawiipahtaau e miyeyihtahk che piihtakahaat Jesus. Naashch chii miywaatam e ituhtahaat anite wiichihch. 7Misiwe maak anichii iinuuch kaa waapamaatwaau Jesus e piihtakahiikuyich Zacchaeus memehch chii iteuch e itwetwaau, “Uu naapeu e nituu ihtaat anite umachihtwaau uwaaskaahiikanimiihch.” 8Zacchaeus maak chii pisikuu ekw kaa itaat Utipeyihchikeu, “Nituhtuu maa Utipeyihchikeu. Aapihtuu e ishpish ayaayaan nika miyaauch anichii kaa chistimaatisiitwaau. Kaa chimutamuwaauche awen uste newaau nika taapimiyaau.” 9Jesus maak chii iteu, “Anuhchiish uu kaa chiishikaach misiwe iinuuch kaa wiichitwaau utah chiichihch pimaachihaakanuuch. Chiya maak Zacchaeus kaye chii kuuhtiskaanesin anite Abraham e ihtaat. 10Iinuu Ukusisa chii pechi takushin chechii naanituwaapamaat kaye chechii pimaachihaat aniyuuh iinuuh kaa wanishiniitwaau.”
Shuuliyaau kaa miiwaanuuhch tipaachimuwin
Matthew 25.14-30
11Wetaach maak chii ati peshuwaapahtamuch Jerusalemiyuu anichii iinuuch e nuushuushkuwaatwaau Jesus. Aniyuu maak taan kaa ishi waawiihtamaakutwaau Jesus chii iteyihtamuch taapwe shaash tiiwehch che nuukuniyich Chishemanituu uchisheuchimaawiniyuu. Ekw maak Jesus uyuu chischinuhamaacheu tipaachimuwiniyuu kaa wiihtamuwaat mekwaach e ati pimuhtetwaau. Chii itweu maak, 12“Naapeu naashch e chisteyihtaakusit, chii ituhteu anite waahyuu aschiihch chechii chisheuchimaauhaakanuut ekw maak miin kaau kaa pechi chiiwet. 13Mikw maak eshkw ekaa uhchi chistuhtet chii wiishaameu mitaahtu aniyuu utaapachihaakanh paahpeyakw kaa miyaat shuuliyaayuu ekw kaa itaat, ‘Tahkuhch wii ushihtaakw shuuliyaau uu uhchi shuuliyaau che ishpish itanihuyaan.’ ”
14“Aniyuuh maak iinuuh kaa uchimaahkahtuwaat chii uhkaatikuu. Iskutak kaa chistuhtet, aniyuu utiiniim chii itishahweyuu aweyuu chechii nituu pukunuumikut anite aniyuu che ituhtet chechii nituu itweyich ekaa nituweyimaatwaau chechii chisheuchimaauhaakanuyich. 15Mikw maak yaapach chii chisheuchimaauhaakanuu ekw miin kaau kaa chiiwet. Ekw kaa wiishaamaat aniyuu utaapachihaakanh e nituu chischeyimaat taan kaa ishpish uhchisiyich aniyuu shuuliyaayuu kaa miyaat. 16An niishtam kaa takushinit naapeu chii iteu, ‘Nuuchimaam, peyakw chichii pechi miyin shuuliyaaunaapiskw ekw maak mitaahtu shuuliyaaunaapiskuch nichii uhchisiin anit uhchi.’ 17‘Chimiyutuuten, chimiywaapatisin,’ chii itikuu uchimaam. ‘E chii nuukuhtaayin e taapweucheyihtaakusiyin kuiskw chechii ishi aapatisiihkahtaman chekwaan e apishaashich miiskuch chika miikuun mitaahtu ihtaawinh chechii niikaanishkaman.’ 18Miin kutak kaa takushihk kaa itwet, ‘Nuuchimaam, chichii pechi miyin peyakw shuuliyaaunaapiskw ekw maak niyaayin shuuliyaaunaapiskuch e ayaaukwaau.’ 19Chii itikuu maak aniyuu uchimaau, ‘Chika uchimaahkahten niyaayin ihtaawin.’ ”
20“Ekw miin kutak aapachihaakan kaa takushihk ekw kaa itwet, ‘Maau shuuliyaaunaapiskw, nichii maahkupitaau machunishihch. 21Chikushtitin wesin, wesaa chimachihtwaan. Kuutinen chekwaan ekaa tipiyeusiyin kaye chimaamuushtinen nihtaauchihchikan ekaa chii uhchi nihtaauchihtaayin.’ 22Ekw aniyuu uchimaam chii itikuu, ‘Chiya kaa machikuuhpaanewiyin, nika aapachihtaan an kaa itweyin e nishuuwanaachimitaan. Chititeyimin e machihtwaayaan, e utinamaan chekwaan ekaa tipiyeusiyaan kaye e maamuushtinamaan chekwaan ekaa niya uhchi nihtaauchihtaayaan. 23E iteyimuune maak uu e iteyihtaakusiyaan, chekwaan wehchi ekaa uhchi ashtaayin nishuuliyaam anite shuuliyaaukamikuhch chechii ushihuumakahch. Ekw maak an tekushiniyaan nipaa misken taan kaa ishpish ushihuumakanikupane.’ ”
24“Ekw kaa itaat aniyuu kutak anit kaa naaniipuyich, ‘Uu shuuliyaaunaapiskw miyaahkw an aapachihaakan kaa mitaahtashiyich uu shuuliyaaunaapiskwa.’ 25Chii iteuch maak uchimaamuwaauh, ‘Shaash mitaahtashiyuu wiya e ayaawaat.’ 26Ekw an uchimaau kaa itwet, ‘Chititinaawaau maak niya, misiwe awen kaa uhchisiit chekwaayuu etituu chika ihtakuniyuu che ishi miyaakanuut. Ekw an awen ekaa naashch kaa ayaat chekwaayuu mechim aniyuu taan e ishi apishiish ayaat kata utinikanuuyuu. 27Ekw maak peshuwaahkuch anichii kaa uhkaasitwaau anichii ekaa kaa nituweyimitwaau chechii chisheuchimaauch, chechii nipahaakanuutwaau utah e ihtaauch.’ ” Eukw uyuu chischinuhamaacheu tipaachimuwiniyuu Jesus kaa wiihtahk mekwaach e ati pimuhtetwaau Jerusalemihch ishi.
Jesus kaa piihchet Jerusalemihch
Matthew 21.1-11; Mark 11.1-11; John 12.12-19
28Iskutak maak Jesus kaa chiishkwaa tipaachimut, ekw Jerusalemihch kaa ituhtetwaau, e ati niikaanihtet aniyuu uchischinuhamuwaakanh e ihtaayich. 29Iskutak maak piyeshuwaapahtahkwaau aniyuuh ihtaawinh Bethphage ekw maak Bethany kaa ishinihkaateyikwaauh anite wachiyuu Olives kaa ishinihkaateyich kaa ihtakuniyikwaauh ekw kaa niikaanitishihwaat niishu uchischinuhamuwaakan e itaat, 30“Nete ituhtekw ane ihtaawin. Takushiniyekwe nete chika waapamaawaau Uhkaanish muyaam kaapalakaskweu kaa ishinaakusit e chisikaapihkaasut ekaa wiiskaat eshkw uhchi tehtapiyich aweyuu uspiskuniihch. Che aapihkunekw ekw che peshuwekw ute. 31Kakwechimikuyekwe awen chekwaayuu wehchi aapihkunamekw ekw che itekw, ‘Utipeyihchikeu nitaweyimeu.’ ”
32Ekw maak kaa ituhtetwaau anite ihtaawinihch. Misiwe maak ekun kaa ispayiyich taan kaa itikutwaau Jesus. 33Mekwaach maak e aapihkunaatwaau aniyuu uhkaanisha muyaam kaapalakaskweu kaa ishinaakusiyich, an kaa tipeyimaayich aniyuu uhkaan chii itikuuch, “Chekwaan wehchi aapihkunekw an.” 34“Utipeyihchikeu nituweyimeu,” chii iteuch. 35Ekw Jesus e ihtaayich kaa ituhtahaatwaau. Ekw kaa akunahwaatwaau uspiskuniihch aniyeyuu uhkaan utakuhpiwaauh e aapachihtaatwaau ekw kaa wiichihaatwaau Jesus e tehtahiisuyich anit. 36Iskutak maak pemuhtahiikut Jesus aniyuu uhkaanisha muyaam kaapalakaskweu kaa ishinaakusiyich chii tashwekashtaauch anichii iinuuch utakuhpiwaauh anit che pimuhtahiikuyich Jesus aniyuu uhkaan.
37Iskutak maak piyeshuwaapahtahk Jerusalemiyuu Jesus, e ati niihchichuwetwaau aniyuu wachiyuu Olives kaa ishinihkaateyich meskanaahch e pimuhtetwaau, misiwe aniyuu aweyuu kaa nuushuushkaakut chii uhchi maamihchimeuch Chishemanituu e chishewetwaau kaye e muuchicheyihtamihiikutwaau misiwe aniyuu taan kaa ishi waapahtahkwaau Jesus e maamishkaachihtiyich. 38Eukw maak uyuu kaa itwetwaau e maamihchimaatwaau Chishemanituu,
“Shaweyihtaakusuu uu chisheuchimaau kaa pechi itishahukut Utipeyihchikeu, chechii ihtuutahk aniyuu kaa itashumaakanuut. Ihtakun chiyaameyihtamuwin kihchikiishikuhch. Kaye maak kata wii maamihchimaakanuu Chishemanituu maauch kaa chisteyihtaakusit.”
39Pasch maak Phariseech anit kaa ihtaatwaau chii iteuch aniyuu Jesus, “Chischinuhamaacheu, chistahamuuch maa uchii chischinuhamuwaakanich. Iishich chechii paasikwetwaau.” 40Jesus chii iteu, “Chiwiihtamaatinaawaau, paasikwetwaawenich uchii iinuuch, chipaa chii ishinaakun uchii asiniich chechii maamihchimitwaau.”
Jesus kaa maatutahk Jerusalemiyuu
41Wetaach maak chii ati peshuwaapahtam Jesus Jerusalemiyuu, iskutak maak wiyaapahtahk chii maatutam. 42Ekw uyuu kaa itaat aniyuu iinuu anit kaa uhchiyich Jerusalemihch, “Kamaa chischeyihtamekw taanite chechii uhchi ayaawekupane chiyaameyihtamuwin. Mikw maak namui mitun chinisituhtenaawaau. 43Chika utihchipayuu anichii kaa uhkaatitaakuch che chipunitaakuch anit an utenaau kaa ihtaayekw, chika chipunikuwaauch ekaa chechii wiiwiyekw. 44Misiwe awen anit chitihtaawiniwaahch chika wanaachihaakanuu kaye an chitihtaawinawaau chika wanaachihtaakanuu. Namui waachi peyakw asinii muyaam chika uhchi itamuu anit chiwaaskaahiikanimuwaahch. Wesh namui kuuhchi mamuushihtaanaawaau anit kaa utihchipayikupane Chishemanituu kaa wii pimaachihiitaakw.”
Jesus kaawiiwepinaat ataawesuu ayimiheukamikuhch
Matthew 21.12-17; Mark 11.15-19; John 2.13-22
45Jesus maak chii piihcheu chisheayimiheukamikuhch, kaa ati waawiiwiitishihwaat aniyuu ataawesuu kaye aniyuuh kaa utinaasuyitwaau anit piihtakamihch kaa ihtaayitwaauh. 46Ekw kaa itaat, “Itashteu Chishemanituu utayimuwinihch e chii itwekupane Chishemanituu,
Niwaaskaahiikanim e ayimihaanuuhch chika itaapatan.
Mikw maak muyaam chimutiskach uwaatakuwaau eukw e ishinaakuhtaayekw.”
47Meshikum chiishikaau maak chii chischinuhamaacheu Jesus anite chisheayimiheukamikuhch. Aniyuuh maak kaa niikaanapiitwaauh ayimiheuchimaauh kaye aniyuuh kaa chiskutamaacheyitwaauh wiishuwewiniyuu kaye aniyuu kaa niikaanishkuwaayich iinuu chii wii nipahiikuu. 48Mikw maak namui uhchii chischeyihtamuch taan che ihtitwaau chechii nipahaatwaau wesh misiwe aniyuu iinuu naashch yaakwaau chii nituhtaweyuu misiwe e chii wii pehtamiyich taan e itweyich.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Southern East Cree - Roman script New Testament © Wycliffe Bible Translators, Inc. and Canadian Bible Society, 2001.
This work is licensed under the Creative Commons Attribution-NonCommercial-NoDerivatives 4.0 International License. To view a copy of this license, visit http://creativecommons.org/licenses/by-nc-nd/4.0/ or send a letter to Creative Commons, PO Box 1866, Mountain View, CA 94042, USA.